Barnala News : ਕਚਹਿਰੀ ਚੌਂਕ ’ਚ ਸੜਕ ਧਸਣ ਕਾਰਨ ਬਣਿਆ ਖੱਡਾ ਰਾਹਗੀਰਾਂ ਲਈ ਬਣਿਆ ਪ੍ਰੇਸ਼ਾਨੀ

ਜਾਣਕਾਰੀ ਅਨੁਸਾਰ ਸਥਾਨਕ ਕਚਹਿਰੀ ਚੌਂਕ ਦੇ ਵਿਚਕਾਰ ਸਹਿਰ ਦੇ ਅੰਦਰ ਹੋਣ ਵਾਲੇ ਰਸਤੇ ’ਚ ਸੜਕ ਧਸਣ ਕਾਰਨ ਇੱਕ ਖੱਡਾ ਬਣ ਗਿਆ ਸੀ। ਜੋ ਪਿਛਲੇ ਕਰੀਬ ਚਾਰ ਸਾਲਾਂ ਤੋਂ ਬਣਿਆ ਹੋਇਆ ਹੈ। ਭਾਵੇਂ ਇਸ ਖੱਡੇ ਨੂੰ ਸਬੰਧਤ ਵਿਭਾਗ ਵਲੋਂ ਭਰ ਦਿੱਤਾ ਜਾਂਦਾ ਹੈ ਪਰ ਇਸ ਦੇ ਬਾਵਜੂਦ ਵੀ ਕੁੱਝ ਸਮੇਂ ਬਾਅਦ ਇਹ ਖੱਡਾ ਫਿਰ ਤੋਂ ਬਣ ਜਾਂਦਾ ਹੈ। ਜਿਸ ਕਾਰਨ ਸ਼ਹਿਰ ਨੂੰ ਜਾਣ ਵਾਲੇ ਵਾਹਨ ਚਾਲਕਾਂ ਤੇ ਰਾਹਗੀਰਾਂ ਨੂੰ ਕਾਫ਼ੀ ਜਿਆਦਾ ਪ੍ਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ ਤੇ ਜਾਮ ਦਾ ਵੀ ਕਾਰਨ ਬਣ ਜਾਂਦਾ ਹੈ। ਇਹ ਰਸਤਾ ਜਿੱਥੇ ਸਹਿਰ ਨੂੰ ਜਾਣ ਵਾਲਾ ਮੁੱਖ ਰਸਤਾ ਹੈ ਉੱਥੇ ਹੀ 200 ਕੁ ਮੀਟਰ ਦੀ ਦੂਰੀ ’ਤੇ ਐਮਪੀ ਗੁਰਮੀਤ ਸਿੰਘ ਮੀਤ ਹੇਅਰ ਦੀ ਰਿਹਾਇਸ ਵੀ ਕੋਲ ਹੈ। ਚੌਂਕ ’ਚ ਬਣੇ ਇਸ ਖੱਡੇ ’ਚ ਹਾਦਸਾ ਰੋਕਣ ਲਈ ਸਥਾਨਕ ਟ੍ਰੈਫਿਕ ਪੁਲਿਸ ਮੁਲਾਜ਼ਮਾਂ ਵਲੋਂ ਬੈਰੀਗੇਟ ਲਗਾਇਆ ਹੋਇਆ ਹੈ, ਪਰ ਅਜੇ ਤੱਕ ਇਸ ਖੱਡੇ ਦਾ ਕੋਈ ਹੱਲ ਨਹੀਂ ਕੀਤਾ ਗਿਆ ਹੈ, ਜੋ ਰੋਜਾਨਾ ਵੱਡਾ ਹੁੰਦਾ ਜਾ ਰਿਹਾ ਹੈ ਤੇ ਬਰਸਾਤਾਂ ਦੇ ਦਿਨਾਂ ’ਚ ਇਹ ਖੱਡਾ ਫਿਰ ਤੋਂ ਖੁੱਲ ਜਾਵੇਗਾ ਤੇ ਪ੍ਰੇਸ਼ਾਨੀਆਂ ਦਾ ਕਾਰਨ ਬਣਗੇ।