ਹੜਤਾਲ: 700 ਸਕੂਲ ਬੱਸਾਂ ਰੁਕੀਆਂ, 15 ਹਜ਼ਾਰ ਬੱਚਿਆਂ ਨੂੰ ਛੱਡਣ-ਵਾਪਸ ਲਿਆਉਣ ’ਚ ਪਰੇਸ਼ਾਨ ਦਿਸੇ ਮਾਪੇ

ਪੱਤਰ ਪ੍ਰੇਰਕ, ਪੰਜਾਬੀ ਜਾਗਰਣ ਅੰਮ੍ਰਿਤਸਰ : ਸਕੂਲ ਅਤੇ ਕਾਲਜ ਬੱਸ ਆਪਰੇਟਰਾਂ (ਐਸਬੀਓ) ਐਸੋਸੀਏਸ਼ਨ, ਪੰਜਾਬ ਵਲੋਂ ਕੀਤੀ ਗਈ ਇਕ ਦਿਨ ਦੀ ਹੜਤਾਲ ਕਾਰਨ 20 ਨਿੱਜੀ ਸਕੂਲਾਂ ਨਾਲ ਸਬੰਧਤ 700 ਬੱਸਾਂ ਵੀਰਵਾਰ ਨੂੰ ਪੂਰੇ ਦਿਨ ਲਈ ਰੁਕੀਆਂ ਰਹੀਆਂ। ਜਿੱਥੇ ਮਾਪਿਆਂ ਨੂੰ 15,000 ਬੱਚਿਆਂ ਨੂੰ ਲਿਆਉਣ ਅਤੇ ਲਿਜਾਣ ਲਈ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪਿਆ, ਉੱਥੇ ਹੀ ਹੋਲੀ ਹਾਰਟ ਅਤੇ ਸਪਰਿੰਗ ਡੇਲ ਸਮੇਤ 5-7 ਸਕੂਲ ਬੰਦ ਹੋਣ ਕਾਰਨ 10,000 ਬੱਚੇ ਘਰਾਂ ਵਿਚ ਹੀ ਰਹੇ। ਬੱਚਿਆਂ ਨੂੰ ਸਕੂਲ ਛੱਡਣ ਅਤੇ ਵਾਪਸ ਲਿਆਉਣ ਦੀ ਪ੍ਰੇਸ਼ਾਨੀ ਨੇ ਕੁਝ ਮਾਪਿਆਂ ਦੇ ਮਹੱਤਵਪੂਰਨ ਕੰਮ ਵਿਚ ਵਿਘਨ ਪਾਇਆ, ਜਿਸ ਕਾਰਨ ਕੁਝ ਨੂੰ ਛੁੱਟੀਆਂ ਲੈਣ ਲਈ ਮਜਬੂਰ ਹੋਣਾ ਪਿਆ। ਇਸ ਦੌਰਾਨ ਕੁਝ ਮਾਪਿਆਂ ਨੇ ਅਸੁਵਿਧਾ ਤੋਂ ਬਚਣ ਲਈ ਸਕੂਲ ਤੋਂ ਆਪਣੀ ਛੁੱਟੀ ਵੀ ਲੈ ਲਈ। ਜੂਨੀਅਰ ਸਟੱਡੀ, ਸੀਨੀਅਰ ਸਟੱਡੀ, ਡੀਏਵੀ ਇੰਟਰਨੈਸ਼ਨਲ ਵੱਲਾ-ਵੇਰਕਾ ਬਾਈਪਾਸ, ਡੀਏਵੀ ਪਬਲਿਕ ਸਕੂਲ ਲਾਰੈਂਸ ਰੋਡ, ਕੇਵੀ-1 ਪਬਲਿਕ ਸਕੂਲ, ਸ਼੍ਰੀ ਗੁਰੂ ਹਰਕ੍ਰਿਸ਼ਨ ਸਕੂਲ ਜੀਟੀ ਰੋਡ, ਅੰਮ੍ਰਿਤਸਰ ਪਬਲਿਕ ਸਕੂਲ, ਦੂਨ ਇੰਟਰਨੈਸ਼ਨਲ ਸਕੂਲ, ਸ਼੍ਰੀ ਗੁਰੂ ਹਰਕ੍ਰਿਸ਼ਨ ਸਕੂਲ ਬਸੰਤ ਐਵੀਨਿਊ, ਸ਼੍ਰੀ ਗੁਰੂ ਹਰਕ੍ਰਿਸ਼ਨ ਸਕੂਲ ਗੋਲਡਨ ਐਵੀਨਿਊ ਆਦਿ ਪ੍ਰਾਈਵੇਟ ਸਕੂਲਾਂ ਦੇ ਬਾਹਰ, ਜਿੱਥੇ ਹਰ ਸਵੇਰ ਅਤੇ ਦੁਪਹਿਰ ਵੱਡੀ ਗਿਣਤੀ ਵਿਚ ਸਕੂਲ ਵੈਨਾਂ ਅਤੇ ਬੱਸਾਂ ਦਿਖਾਈ ਦਿੰਦੀਆਂ ਹਨ, ਉਥੇ ਮਾਪੇ ਖੁਦ ਆਪਣੇ ਬੱਚਿਆਂ ਨੂੰ ਸਕੂਲ ਛੱਡਣ ਅਤੇ ਸਕੂਲ ਤੋਂ ਬਾਅਦ ਉਨ੍ਹਾਂ ਨੂੰ ਲਿਜਾਣ ਲਈ ਜ਼ਿੰਮੇਵਾਰੀ ਨਿਭਾਉਂਦੇ ਦੇਖੇ ਗਏ। ਕੁਝ ਸਕੂਲਾਂ ਦੇ ਬਾਹਰ ਟ੍ਰੈਫਿਕ ਜਾਮ ਲੱਗ ਗਿਆ। ਮਾਪਿਆਂ ਨੇ ਹੜਤਾਲੀ ਸਕੂਲ ਵੈਨਾਂ ਅਤੇ ਬੱਸ ਆਪਰੇਟਰਾਂ ਪ੍ਰਤੀ ਗੁੱਸਾ ਪ੍ਰਗਟ ਕਰਦਿਆਂ ਕਿਹਾ ਕਿ ਜੇਕਰ ਉਨ੍ਹਾਂ ਨੂੰ ਹੜਤਾਲ ਤੇ ਜਾਣਾ ਪੈਂਦਾ ਤਾਂ ਉਨ੍ਹਾਂ ਨੂੰ ਸ਼ੁੱਕਰਵਾਰ ਨੂੰ ਅਜਿਹਾ ਕਰਨਾ ਚਾਹੀਦਾ ਸੀ, ਕਿਉਂਕਿ ਸ਼੍ਰੀ ਕ੍ਰਿਸ਼ਨ ਜਨਮ ਅਸ਼ਟਮੀ ਕਾਰਨ ਸਕੂਲ ਬੰਦ ਹਨ। ਆਮ ਦਿਨ ਹੜਤਾਲ ਨੇ ਨਾ ਸਿਰਫ਼ ਉਨ੍ਹਾਂ ਦੇ ਕੰਮ ਨੂੰ ਪ੍ਰਭਾਵਿਤ ਕੀਤਾ ਹੈ ਸਗੋਂ ਬੱਚਿਆਂ ਦੀ ਪੜ੍ਹਾਈ ਵਿਚ ਵੀ ਵਿਘਨ ਪਾਇਆ ਹੈ। ਸਕੂਲ ਅਤੇ ਕਾਲਜ ਬੱਸ ਆਪਰੇਟਰ (ਐਸਬੀਓ) ਐਸੋਸੀਏਸ਼ਨ ਦੇ ਜ਼ਿਲ੍ਹਾ ਪ੍ਰਧਾਨ ਕੁਲਦੀਪ ਸਿੰਘ ਨੇ ਕਿਹਾ ਕਿ ਸ਼ੁੱਕਰਵਾਰ ਸਕੂਲਾਂ ਦੀ ਛੁੱਟੀ ਹੈ। ਸਕੂਲ ਵੈਨਾਂ ਅਤੇ ਬੱਸਾਂ ਸ਼ਨੀਵਾਰ ਤੋਂ ਆਮ ਵਾਂਗ ਚੱਲਣਗੀਆਂ। ਮਹਾਪੰਚਾਇਤ ’ਚ ਹਿੱਸਾ ਲੈਣ ਲਈ 700 ਸਕੂਲ ਬੱਸ ਆਪਰੇਟਰ ਬਠਿੰਡਾ ਗਏ ਜ਼ਿਲ੍ਹੇ ਦੇ 700 ਸਕੂਲ ਬੱਸ ਆਪਰੇਟਰ ਹੜਤਾਲ ਤੇ ਚਲੇ ਗਏ ਅਤੇ ਰਾਜ ਪੱਧਰੀ ਮਹਾਂਪੰਚਾਇਤ ਵਿਚ ਹਿੱਸਾ ਲੈਣ ਲਈ ਬਠਿੰਡਾ ਗਏ। ਇਹ ਮਹਾਪੰਚਾਇਤ ਸਕੂਲ ਅਤੇ ਕਾਲਜ ਬੱਸ ਆਪਰੇਟਰ (ਐਸਬੀਓ) ਐਸੋਸੀਏਸ਼ਨ, ਪੰਜਾਬ ਦੁਆਰਾ ਸਕੂਲ ਟਰਾਂਸਪੋਰਟ ਆਪਰੇਟਰਾਂ ਨੂੰ ਦਰਪੇਸ਼ ਸਮੱਸਿਆਵਾਂ ਅਤੇ ਉਨ੍ਹਾਂ ਦੀਆਂ ਮੁੱਖ ਮੰਗਾਂ ਤੇ ਚਰਚਾ ਕਰਨ ਲਈ ਬੁਲਾਈ ਗਈ ਸੀ। ਐਸੋਸੀਏਸ਼ਨ ਦੇ ਜ਼ਿਲ੍ਹਾ ਪ੍ਰਧਾਨਾਂ ਸਮੇਤ ਵੱਖ-ਵੱਖ ਅਧਿਕਾਰੀਆਂ ਨੇ ਸਕੂਲ ਪ੍ਰਬੰਧਨ ਅਤੇ ਮਾਪਿਆਂ ਨੂੰ ਇਕ ਦਿਨ ਦੀ ਹੜਤਾਲ ਬਾਰੇ ਪਹਿਲਾਂ ਹੀ ਸੂਚਿਤ ਕਰ ਦਿੱਤਾ ਸੀ। ਬੱਚਿਆਂ ਨੂੰ ਸਕੂਲ ਛੱਡਣ ਦਾ ਸਮਾਂ ਨਹੀਂ ਸੀ, ਇਸ ਲਈ ਛੁੱਟੀ ਕਰਵਾਉਣੀ ਪਈ : ਰਾਹੁਲ ਸ਼ਰਮਾ ਸ਼ਕਤੀ ਨਗਰ ਅੰਦਰੂਨ ਲਾਹੌਰੀ ਗੇਟ ਦੇ ਵਸਨੀਕ ਰਾਹੁਲ ਸ਼ਰਮਾ ਨੇ ਕਿਹਾ ਕਿ ਉਸ ਦਾ ਪੁੱਤਰ ਅਤੇ ਧੀ ਦੋਵੇਂ ਡੀਏਵੀ ਇੰਟਰਨੈਸ਼ਨਲ ਸਕੂਲ ਵੱਲਾ-ਵੇਰਕਾ ਬਾਈਪਾਸ ਵਿਚ ਪੜ੍ਹਦੇ ਹਨ, ਜੋ ਕਿ ਉਸ ਦੇ ਘਰ ਤੋਂ ਲਗਭਗ 10 ਕਿਲੋਮੀਟਰ ਦੂਰ ਸਥਿਤ ਹੈ। ਉਸ ਕੋਲ ਬੱਚਿਆਂ ਨੂੰ ਸਕੂਲ ਛੱਡਣ ਦਾ ਸਮਾਂ ਨਹੀਂ ਸੀ, ਇਸ ਲਈ ਉਸ ਨੂੰ ਉਨ੍ਹਾਂ ਨੂੰ ਛੁੱਟੀ ਕਰਵਾਉਣੀ ਪਈ। ਨਹੀਂ ਤਾਂ, ਉਸ ਨੂੰ ਉਨ੍ਹਾਂ ਨੂੰ ਛੱਡਣ ਅਤੇ ਸਕੂਲ ਤੋਂ ਲੈਣ ਲਈ ਕੰਮ ਤੋਂ ਛੁੱਟੀ ਲੈਣੀ ਪੈਂਦੀ।