ਕਸੂਰ ਨਾਲੇ ਦਾ ਆਰਜ਼ੀ ਪੁਲ ਬਰਸਾਤ ਦੀ ਭੇਟ: ਨਵਾਂ ਪਿੰਡ ਤੇ ਫਤਿਹਪੁਰ ਰਾਜਪੂਤਾਂ ਵਿਚਕਾਰ ਆਵਾਜਾਈ ਠੱਪ, ਹੜ੍ਹ ਦੇ ਖ਼ਤਰੇ ਨੇ ਵਧਾਈ ਚਿੰਤਾ

ਇਲਾਕਾ ਨਿਵਾਸੀਆਂ ਤੇ ਇਨਸਾਨੀਅਤ ਨੂੰ ਪਿਆਰ ਕਰਨ ਵਾਲੀਆਂ ਜੱਥੇਬੰਦੀਆਂ ਦੇ ਸਰਗਰਮ ਅਹੁੱਦੇਦਾਰਾਂ ਤੇ ਮੈਂਬਰਾਂ ਅਤੇ ਨੌਜਵਾਨਾ ਦੇ ਵੱਲੋਂ ਮਾਹਿਰਾਂ ਦੀ ਨਿਗਰਾਨੀ ਵਿੱਚ ਆਰਜੀ ਤੌਰ ਤੇ ਆਵਾਜਾਈ ਬਹਾਲ ਕਰਨ ਲਈ ਸਿਰਤੋੜ ਯਤਨ ਕੀਤੇ ਗਏ। ਇਸ ਦੌਰਾਨ ਪਾਣੀ ਦੀ ਨਿਕਾਸੀ ਨੂੰ ਲੈ ਕੇ ਰੁਕਾਵਟ ਬਣ ਰਹੀ ਬੂਟੀ ਤੇ ਹੋਰ ਘਾਹ ਫੂਸ ਨੂੰ ਪਾਸੇ ਕਰਨ ਦੇ ਲਈ ਕੇ੍ਰਨਾ ਦਾ ਸਹਾਰਾ ਲੈਣਾ ਪਿਆ। ਇਲਾਕਾ ਨਿਵਾਸੀਆਂ ਨੇ ਦੱਸਿਆ ਕਿ ਬੀਤੇ ਲੰਮੇ ਸਮੇਂ ਤੋਂ ਸਬੰਧਤ ਵਿਭਾਗ ਦੇ ਵੱਲੋਂ ਇਸ ਕਸੂਰ ਨਾਲੇ ਤੇ ਪਹਿਲਾ ਤੰਗ ਪੁੱਲ ਢਾਹ ਕੇ ਕੱਛੂਕੁੰਮੇ ਦੀ ਚਾਲੇ ਨਵੇਂ ਪੁੱਲ ਦੀ ਉਸਾਰੀ ਕੀਤੀ ਜਾ ਰਹੀ ਹੈ ਜਦੋਂ ਕਿ ਨਾਲ ਹੀ ਨਾਕਾਫੀ ਆਵਾਜਾਈ ਸੇਵਾਵਾਂ ਦੇਣ ਵਾਲੇ ਆਰਜੀ ਪੁੱਲ ਦੀ ਉਸਾਰੀ ਕੀਤੀ ਗਈ। ਜਿਸ ਨਾਲ ਦੋਵੇਂ ਪਾਸਿਆਂ ਤੋਂ ਵੱਖਖ਼ਵੱਖ ਵਾਹਨ ਚਾਲਕ ਆਪਣੀ ਜਾਨ ਖਤਰੇ ਵਿੱਚ ਪਾ ਕੇ ਇੱਧਰੋਂ ਉਧਰ ਜਾਂਦੇ ਰਹੇ। ਉਧਰ ਇਲਾਕੇ ਦੇ ਵਿਅਕਤੀ ਵਿਸ਼ੇਸ਼ ਲਖਬੀਰ ਸਿੰਘ ਅਨੁਸਾਰ ਬੀਤੇ ਵਰੇ੍ਹ ਦੀ ਬਰਸਾਤੀ ਮੌਸਮ ਤੋਂ ਕੁੱਝ ਸਮਾਂ ਪਹਿਲਾਂ ਵੀ ਸੀਮੈਂਟ ਦੇ ਪੋਰਿਆ ਦਾ ਪੁੱਲ ਬਣਾਉਣ ਦੀ ਕੋਸ਼ਿਸ਼ ਕੀਤੀ ਗਈ ਸੀ। ਜਿਸ ਨੂੰ ਕਿਸਾਨ ਜੱਥੇਬੰਦੀਆਂ ਦੇ ਸਹਿਯੋਗ ਨਾਲ ਰੋਕ ਦਿੱਤਾ ਗਿਆ ਸੀ।