ਅੰਮ੍ਰਿਤਸਰ ’ਚ ਬੇਜ਼ੁਬਾਨਾਂ ਨਾਲ ਕਰੂਰਤਾ, ਬੰਦ ਮਕਾਨ ’ਚੋਂ ਬਦਹਾਲ ਹਾਲਤ ’ਚ ਬਚਾਏ 3 ਕੁੱਤੇ ਤੇ 1 ਬੰਦਰ

ਗਰਮੀ ਅਤੇ ਬਦਹਾਲੀ ਕਾਰਨ ਮਾਸੂਮ ਕਤੂਰਿਆਂ ਦੀ ਮੌਤ 1ਹੋ ਚੁੱਕੀ ਸੀ। ਰੈਸਕਿਊ ਟੀਮ ਅਨੁਸਾਰ, ਮੌਕੇ 'ਤੇ ਮਿਲੀ ਮਾਂ ਲੈਬਰਾਡੋਰ ਦੀ ਹਾਲਤ ਵੀ ਬੇਹੱਦ ਗੰਭੀਰ ਸੀ। ਉਸ ਦਾ ਕੰਨ ਤੱਕ ਗਲ ਚੁੱਕਿਆ ਸੀ ਅਤੇ ਸਰੀਰ 'ਤੇ ਵੀ ਬਿਮਾਰੀ ਅਤੇ ਇਨਫੈਕਸ਼ਨ ਦੇ ਲੱਛਣ ਦਿਖਾਈ ਦਿੱਤੇ।

Posted By Anuradha Bains

Publish Date: Mon, 24 Aug 2026 10:31 AM (IST)

Updated Date: Mon, 24 Aug 2026 10:33 AM (IST)

ਅੰਮ੍ਰਿਤਸਰ ’ਚ ਬੇਜ਼ੁਬਾਨਾਂ ਨਾਲ ਕਰੂਰਤਾ, ਬੰਦ ਮਕਾਨ ’ਚੋਂ ਬਦਹਾਲ ਹਾਲਤ ’ਚ ਬਚਾਏ 3 ਕੁੱਤੇ ਤੇ 1 ਬੰਦਰ

ਜਾਗਰਣ ਸੰਵਾਦਦਾਤਾ, ਅੰਮ੍ਰਿਤਸਰ। ਰਾਮਤੀਰਥ ਰੋਡ 'ਤੇ ਪਸ਼ੂ ਕਰੂਰਤਾ ਦਾ ਦਰਦਨਾਕ ਮਾਮਲਾ ਸਾਹਮਣੇ ਆਇਆ ਹੈ। ਇੱਥੇ ਬ੍ਰੀਡਿੰਗ ਲਈ ਰੱਖੇ ਗਏ ਕੁੱਤਿਆਂ ਨੂੰ ਬੇਹੱਦ ਮਾੜੇ ਹਾਲਾਤ ’ਚ ਰੱਖਿਆ ਗਿਆ ਸੀ। ਰੈਸਕਿਊ ਟੀਮ ਅਤੇ ਪੁਲਿਸ ਦੀ ਕਾਰਵਾਈ ਦੌਰਾਨ ਤਿੰਨ ਕੁੱਤਿਆਂ ਅਤੇ ਇੱਕ ਬੰਦਰ ਨੂੰ ਤਰਸਯੋਗ ਹਾਲਤ ’ਚ ਬਰਾਮਦ ਕਰਕੇ ਸੁਰੱਖਿਅਤ ਸਥਾਨ 'ਤੇ ਪਹੁੰਚਾਇਆ ਗਿਆ।

ਦੱਸਿਆ ਜਾ ਰਿਹਾ ਹੈ ਕਿ ਕੁੱਤਿਆਂ ਨੂੰ ਬ੍ਰੀਡਿੰਗ ਦੇ ਉਦੇਸ਼ ਨਾਲ ਰੱਖਿਆ ਗਿਆ ਸੀ ਪਰ ਉਨ੍ਹਾਂ ਦੀ ਦੇਖਭਾਲ ਅਤੇ ਇਲਾਜ ਦਾ ਕੋਈ ਉਚਿਤ ਪ੍ਰਬੰਧ ਨਹੀਂ ਕੀਤਾ ਗਿਆ ਸੀ। ਜਿਵੇਂ ਹੀ ਪੁਲਿਸ ਇੱਥੇ ਪਹੁੰਚੀ, ਮਾਲਕ ਨੇ ਬਾਹਰੋਂ ਤਾਲਾ ਲਗਾ ਦਿੱਤਾ। ਪੁਲਿਸ ਤਾਲਾ ਤੋੜ ਕੇ ਅੰਦਰ ਦਾਖ਼ਲ ਹੋਏ।

ਕਾਰਵਾਈ ਦੌਰਾਨ ਟੀਮ ਨੇ ਤਿੰਨ ਕੁੱਤਿਆਂ ਨੂੰ ਉੱਥੋਂ ਬਾਹਰ ਕੱਢਿਆ। ਇਸ ਦੇ ਨਾਲ ਹੀ ਇੱਕ ਬੰਦਰ ਨੂੰ ਵੀ ਸੁਰੱਖਿਅਤ ਰੈਸਕਿਊ ਕੀਤਾ ਗਿਆ। ਰੈਸਕਿਊ ਕੀਤੇ ਗਏ ਕੁੱਤਿਆਂ ਨੂੰ ਹੁਣ ਇਲਾਜ ਲਈ ਭੇਜਿਆ ਜਾਵੇਗਾ। ਪਸ਼ੂ ਡਾਕਟਰਾਂ ਦੀ ਨਿਗਰਾਨੀ ਹੇਠ ਉਨ੍ਹਾਂ ਦੀ ਸਿਹਤ ਦੀ ਜਾਂਚ ਅਤੇ ਜ਼ਰੂਰੀ ਇਲਾਜ ਕਰਵਾਇਆ ਜਾਵੇਗਾ। ਉੱਥੇ ਹੀ, ਬੰਦਰ ਨੂੰ ਜੰਗਲਾਤ ਵਿਭਾਗ ਨੂੰ ਸੌਂਪਣ ਦੀ ਪ੍ਰਕਿਰਿਆ ਕੀਤੀ ਜਾਵੇਗੀ।