ਸੇਵਾਮੁਕਤ ਫੌਜੀ ਦੇ ਇਨਸਾਫ ਲਈ ਕਮੇਟੀ ਨੇ ਕੰਟੋਨਮੈਂਟ ਰੋਡ 'ਤੇ ਦਿੱਤਾ ਧਰਨਾ

ਪੱਤਰ ਪ੍ਰੇਰਕ, ਪੰਜਾਬੀ ਜਾਗਰਣ ਅੰਮ੍ਰਿਤਸਰ : ਅੰਮ੍ਰਿਤਸਰ ਕੰਟੋਨਮੈਂਟ ਰੋਡ ਤੇ ਸਭਕਾ ਸੈਨਿਕ ਸਰਬ ਸਾਂਝੀ ਕਮੇਟੀ ਵੱਲੋਂ ਸੇਵਾਮੁਕਤ ਫੌਜੀ ਨਾਲ ਈਸੀਐਚਐਸ ਓਆਈਸੀ ਸੈੱਲ ਤਰਨਤਾਰਨ ਵਿਚ ਹੋਈ ਬਦਸਲੂਕੀ ਦੇ ਵਿਰੋਧ ਵਿਚ ਧਰਨਾ ਦਿੱਤਾ ਗਿਆ। ਕਮੇਟੀ ਦੇ ਅਹੁਦੇਦਾਰਾਂ ਅਤੇ ਮੈਂਬਰਾਂ ਨੇ ਕੰਟੋਨਮੈਂਟ ਰੋਡ ਤੇ ਧਰਨਾ ਦਿੰਦੇ ਹੋਏ ਅੰਮ੍ਰਿਤਸਰ ਕੈਂਟ ਵੱਲ ਜਾਣ ਵਾਲਾ ਮਾਰਗ ਬੰਦ ਕੀਤਾ। ਤਰਨਤਾਰਨ ਦੇ ਈਸੀਐਚਐਸ ਓਆਈਸੀ ਸੈੱਲ ਵਿਚ ਫੌਜ ਤੋਂ ਸੇਵਾਮੁਕਤ ਸੂਬੇਦਾਰ ਅਮਰਜੀਤ ਸਿੰਘ ਨੇ ਕਿਹਾ ਕਿ ਓਆਈਸੀ ਦੇ ਅਫਸਰ ਲੈਫਟੀਨੈਂਟ ਇੰਦਰਜੀਤ ਸਿੰਘ ਨੇ ਰੋਲ ਕਾਲ ਬੁਲਾਈ ਇਸ ਦੌਰਾਨ ਉਨ੍ਹਾਂ ਕਿਹਾ ਕਿ ਰੋਲ ਕਾਲ ਸਭ ਦੇ ਸਾਹਮਣੇ ਕੀਤਾ ਜਾ ਸਕਦਾ ਹੈ। ਇਸ ਤੇ ਇੰਦਰਜੀਤ ਨੇ ਉਨ੍ਹਾਂ ਨਾਲ ਬਦਸਲੂਕੀ ਕੀਤੀ ਫਿਰ ਅਮਰਜੀਤ ਦੀ ਵੀਡੀਓ ਬਣਾ ਕੇ ਫਾਰਮੇਸ਼ਨ ਹੈੱਡ ਕੁਆਰਟਰ ਭੇਜ ਦਿੱਤੀ ਅਤੇ ਅਮਰਜੀਤ ਨੂੰ ਸੇਵਾ ਤੋਂ ਬਰਖਾਸਤ ਕਰ ਦਿੱਤਾ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਕਮੇਟੀ ਨਾਲ ਸੰਪਰਕ ਕੀਤਾ ਜਿਸ ਤੋਂ ਬਾਅਦ ਅਮਰਜੀਤ ਨੇ ਲੈਫਟੀਨੈਂਟ ਤੋਂ ਮਾਫੀ ਮੰਗੀ ਅਤੇ ਇੱਕ ਪੱਤਰ ਲਿਖ ਕੇ ਫਾਰਮੇਸ਼ਨ ਹੈੱਡ ਕੁਆਰਟਰ ਭੇਜਿਆ, ਪਰ ਉਥੋਂ ਪੱਤਰ ਰੱਦ ਕਰ ਦਿੱਤਾ ਗਿਆ। ਸਾਬਕਾ ਸੈਨਿਕ ਅੰਸ਼ਾਯੋਗੀ ਸਿਹਤ ਯੋਜਨਾ (ਈਸੀਐਚਐਸ) ਅੰਮ੍ਰਿਤਸਰ, ਤਰਨਤਾਰਨ ਅਤੇ ਅਜਨਾਲਾ ਦੇ ਹੈੱਡ ਰਿ. ਲੈਫਟੀਨੈਂਟ ਗਗਨਦੀਪ ਸਿੰਘ ਨੂੰ ਵੀ ਸ਼ਿਕਾਇਤ ਦਿੱਤੀ ਗਈ। ਅਮਰਜੀਤ ਨੇ ਕਿਹਾ ਸਿਰਫ ਉਨ੍ਹਾਂ ਨਾਲ ਹੀ ਨਹੀਂ ਕਈ ਔਰਤਾਂ ਨਾਲ ਵੀ ਤਰਨਤਾਰਨ ਵਿਚ ਅਨਿਆਂ ਹੋ ਰਿਹਾ ਹੈ, ਜਿਸ ਲਈ ਉਹ ਆਵਾਜ਼ ਉਠਾ ਰਹੇ ਸਨ। ਅਮਰਜੀਤ ਅਤੇ ਕਮੇਟੀ ਦੀ ਮੰਗ ਹੈ ਕਿ ਸੂਬੇਦਾਰ ਨਾਲ ਹੋਏ ਅਪਮਾਨ ਦਾ ਇਨਸਾਫ ਹੋਣਾ ਚਾਹੀਦਾ ਹੈ, ਸਾਥੀ ਅਤੇ ਕਿਸੇ ਹੋਰ ਨਾਲ ਅਜਿਹਾ ਨਹੀਂ ਹੋਣਾ ਚਾਹੀਦਾ। ਇਸ ਦੌਰਾਨ ਕਮੇਟੀ ਦੇ ਪੰਜਾਬ ਪ੍ਰਧਾਨ ਸੇਵਾਮੁਕਤ ਗੁਰਦੀਪ ਸਿੰਘ, ਕੈਪਟਨ ਸੇਵਾਮੁਕਤ ਦਿਲਬਾਗ ਸਿੰਘ, ਗੁਰਬਾਜ਼ ਸਿੰਘ, ਸਰਦੂਰ ਸਿੰਘ, ਸਲਵਿੰਦਰ ਸਿੰਘ ਆਦਿ ਮੌਜੂਦ ਸਨ। ਸੇਵਾਮੁਕਤ ਸੂਬੇਦਾਰ ਅਮਰਜੀਤ ਅਨੁਸਾਰ ਪਿਛਲੇ 6 ਮਹੀਨਿਆਂ ਤੋਂ ਉਹ ਡੀਸੀ, ਏਡੀਸੀ, ਐਸਡੀਐਮ, ਪੁਲਿਸ ਕਮਿਸ਼ਨਰ ਅਤੇ ਹੋਰ ਕਈ ਅਧਿਕਾਰੀਆਂ ਦੇ ਦਫਤਰਾਂ ਦੇ ਚੱਕਰ ਲਗਾ ਚੁੱਕੇ ਹਨ, ਜਿਸ ਤੋਂ ਬਾਅਦ ਹਾਰ ਕੇ ਉਨ੍ਹਾਂ ਨੂੰ ਧਰਨਾ ਦੇਣਾ ਪਿਆ। ਜਦੋਂ ਤੱਕ ਉਨ੍ਹਾਂ ਨੂੰ ਨਿਆਂ ਨਹੀਂ ਮਿਲਦਾ ਕਮੇਟੀ ਦੇ ਅਹੁਦੇਦਾਰ ਅਤੇ ਮੈਂਬਰ ਇਸ ਸੰਘਰਸ਼ ਵਿਚ ਉਨ੍ਹਾਂ ਦਾ ਸਾਥ ਦੇਣਗੇ।