ਰਿਹਾਇਸ਼ੀ ਨਕਸ਼ੇ ’ਤੇ ਪਾਸ ਇਮਾਰਤ ਨੂੰ ਵਪਾਰਕ ਹਿੱਸੇ ਨਾਲ ਜੋੜਣ ਦੀ ਕੋਸ਼ਿਸ਼, ਸੀਲ

ਨਿਗਮ ਦੇ ਐਮਟੀਪੀ ਵਿਭਾਗ ਨੇ ਐਲਬਰਟ ਰੋਡ ਤੇ 6 ਮੰਜ਼ਿਲਾ ਇਮਾਰਤ ’ਤੇ ਕੀਤੀ ਕਾਰਵਾਈ ਪੱਤਰ ਪ੍ਰੇਰਕ, ਪੰਜਾਬੀ ਜਾਗਰਣ ਅੰਮ੍ਰਿਤਸਰ : ਨਗਰ ਨਿਗਮ ਦੇ ਮਿਊਂਸੀਪਲ ਟਾਊਨ ਪਲਾਨਿੰਗ (ਐਮਟੀਪੀ) ਵਿਭਾਗ ਨੇ ਵੀਰਵਾਰ ਨੂੰ ਐਲਬਰਟ ਰੋਡ ਤੇ ਉਸਾਰੀ ਅਧੀਨ ਇਮਾਰਤ ਨੂੰ ਸੀਲ ਕਰ ਦਿੱਤਾ। ਇਸ ਕਾਰਵਾਈ ਵਿਚ ਸਾਰੇ ਸਹਾਇਕ ਟਾਊਨ ਪਲਾਨਰ (ਏਟੀਪੀ) ਅਤੇ ਬਿਲਡਿੰਗ ਇੰਸਪੈਕਟਰ ਸ਼ਾਮਲ ਸਨ। ਨਿਗਮ ਦੇ ਅਨੁਸਾਰ ਵਪਾਰਕ ਇਮਾਰਤ ਦੇ ਪਿੱਛੇ ਇਕ ਰਿਹਾਇਸ਼ੀ ਯੋਜਨਾ ਨੂੰ ਮਨਜ਼ੂਰੀ ਦਿੱਤੀ ਗਈ ਸੀ। ਦੋਵਾਂ ਹਿੱਸਿਆਂ ਨੂੰ ਮਿਲਾਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਸੀ, ਜਿਸ ਕਾਰਨ ਇਮਾਰਤ ਨੂੰ ਸੀਲ ਕਰ ਦਿੱਤਾ ਗਿਆ ਹੈ। ਨਿਗਮ ਨੇ ਅਣਅਧਿਕਾਰਤ ਹਿੱਸੇ ਨੂੰ ਢਾਹੁਣ ਲਈ ਅੰਤਿਮ ਨੋਟਿਸ ਵੀ ਜਾਰੀ ਕੀਤਾ ਸੀ। ਬਿਲਡਰ ਹਾਈ ਕੋਰਟ ਗਿਆ, ਜਿਸ ਵਿਚ ਢਾਹੁਣ ਦੀ ਕਾਰਵਾਈ ਤੇ ਰੋਕ ਲਗਾ ਦਿੱਤੀ ਹੈ। ਇਸ ਤੋਂ ਇਲਾਵਾ ਮਿਊਂਸੀਪਲ ਟਾਊਨ ਪਲਾਨਰ (ਐਮਟੀਪੀ) ਨੇ ਇਮਾਰਤ ਵਿਚ ਹੋਰ ਉਸਾਰੀ ਨੂੰ ਰੋਕਣ ਲਈ 12 ਅਗਸਤ ਨੂੰ ਡਿਊਟੀ ਤੇ ਸਟਾਫ ਵੀ ਤਾਇਨਾਤ ਕੀਤਾ ਹੈ। ਇਸੇ ਤਰ੍ਹਾਂ ਵਪਾਰਕ ਖੇਤਰ ਵਿਚ ਵੀ ਪ੍ਰਵਾਨਿਤ ਨਕਸ਼ੇ ਤੋਂ ਵੱਧ ਉਸਾਰੀ ਕੀਤੀ ਗਈ ਹੈ। ਇਸ ਮੌਕੇ ਏਟੀਪੀ ਪਰਮਿੰਦਰ, ਏਟੀਪੀ ਅੰਗਦ ਸਿੰਘ, ਏਟੀਪੀ ਮਨਜੀਤ ਸਿੰਘ, ਏਟੀਪੀ ਵਰਿੰਦਰ ਮੋਹਨ ਅਤੇ ਹੋਰ ਅਧਿਕਾਰੀ ਮੌਜੂਦ ਸਨ।