ਵਾਹ! ਵਿਦਿਆਰਥੀਆਂ ਨੂੰ ਮਿਲੇ 70 ’ਚੋਂ 80 ਨੰਬਰ...ਯੂਨੀਵਰਸਿਟੀ ਦੇ ਪ੍ਰੈਕਟੀਕਲ ਪੇਪਰ ’ਚ ਗੜਬੜੀ ਦਾ ਮਾਮਲਾ ਆਇਆ ਸਾਹਮਣੇ

ਜਾ.ਸ, ਮੇਰਠ : ਚੌਧਰੀ ਚਰਨ ਸਿੰਘ ਯੂਨੀਵਰਿਸਟੀ (ਸੀਸੀਐੱਸਯੂ) ਦੀ ਪ੍ਰੀਖਿਆ ਮੁਲਾਂਕਣ ਵਿਵਸਥਾ ’ਚ ਗੜਬੜੀ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਐੱਮਏ ਹੋਮ ਸਾਇੰਸ ਦੀ ਪ੍ਰੈਕਟੀਕਲ ਪ੍ਰੀਖਿਆ ’ਚ 70 ਅੰਕਾਂ ਦੀ ਪ੍ਰੀਖਿਆ ’ਚ ਮੁਲਾਂਕਣ ਦੌਰਾਨ ਟੀਚਰ ਨੇ ਵਿਦਿਆਰਥੀਆਂ ਨੂੰ 75, 78 ਅਤੇ 80 ਨੰਬਰ ਦੇ ਦਿੱਤੇ। ਐੱਮਏ ਹੋਮ ਸਾਇੰਸ ’ਚ ਫੂਡ ਸਾਇੰਸ ਵਿਸ਼ੇ ’ਚ 30 ਅੰਕਾਂ ਦੀ ਅੰਦਰੂਨੀ ਅਤੇ 70 ਅੰਕਾਂ ਦੀ ਬਾਹਰੀ ਪ੍ਰੈਕਟੀਕਲ ਪ੍ਰੀਖਿਆ ਹੁੰਦੀ ਹੈ। ਇਹ ਗੜਬੜੀ ਪ੍ਰੈਕਟੀਕਲ ਪੇਪਰ ਦੇ ਮੁਲਾਂਕਣ ਦੌਰਾਨ ਹੋਈ। ਵਿਦਿਆਰਥਣਾਂ ਨੂੰ 75, 76, 78 ਤੇ 80 ਅੰਕ ਦਿੱਤੇ ਗਏ। ਨਤੀਜੇ ਦੇਖ ਵਿਦਿਆਰਥਣਾਂ ਵੀ ਹੈਰਾਨ ਰਹਿ ਗਈਆਂ। ਯੂਨੀਵਰਸਿਟੀ ਇਸ ਨੂੰ ਪ੍ਰਿੰਟਿੰਗ ਦੀ ਗਲਤੀ ਮੰਨ ਰਿਹਾ ਸੀ ਹਾਲਾਂਕਿ ਮਾਰਕਸ਼ੀਟ ਪ੍ਰਿੰਟ ਹੋਣ ਤੋਂ ਪਹਿਲਾਂ ਵੀ ਡਾਟਾ ਜਾਂਚਣਦੀ ਵਿਵਸਥਾ ਹੈ।

ਯੂਨੀਵਰਸਿਟੀ ਦੇ ਪ੍ਰੋਫੈਸਰ ਨੇ ਦੱਸਿਆ ਕਿ ਗਲਤੀ ਨਾਲ ਟੀਚਰ ਨੂੰ 100 ਅੰਕਾਂ ਵਾਲਾ ਫਾਰਮੈਟ ਭੇਜ ਦਿੱਤਾ ਗਿਆ ਸੀ, ਜਿਸ ਕਾਰਨ ਉਸ ਨੇ 100 ਅੰਕਾਂ ਦੇ ਹਿਸਾਬ ਨਾਲ ਵਿਦਿਆਰਥਣਾਂ ਨੂੰ ਜ਼ਿਆਦਾ ਅੰਕ ਦੇ ਦਿੱਤੇ। ਸ਼ਿਕਾਇਤ ਤੋਂ ਬਾਅਦ ਸੋਮਵਾਰ ਨੂੰ ਸੁਧਾਰ ਕਰ ਦਿੱਤਾ ਗਿਆ ਹੈ। ਹੁਣ ਵਿਦਿਆਰਥਣਾਂ ਨੂੰ ਸੋਧੀ ਮਾਰਕਸ਼ੀਟ ਪ੍ਰਦਾਨ ਕੀਤੀ ਜਾਵੇਗੀ।