ਰੂਹ ਕੰਬਾਊ ਵਾਰਦਾਤ : ਪਤਨੀ ਨੇ ਪ੍ਰੇਮੀ ਨਾਲ ਮਿਲ ਕੇ ਕੀਤਾ ਪਤੀ ਦਾ ਕਤਲ, ਫਿਰ ਘਰ 'ਚ ਹੀ ਦਫ਼ਨਾਈ ਲਾਸ਼; ਦੋਵਾਂ ਨੂੰ ਉਮਰਕੈਦ

ਇਸ ਤੋਂ ਬਾਅਦ ਮਾਇਆ ਨੇ ਰਾਤ ਨੂੰ ਹੀ ਟੂੱਲੂ ਨੂੰ ਬੁਲਾ ਕੇ ਸ਼ਿਵਲੋਚਨ ਦਾ ਕਤਲ ਕਰ ਦਿੱਤਾ ਅਤੇ ਕਹੀ (ਫਾਵੜੇ) ਨਾਲ ਘਰ 'ਚ ਹੀ ਟੋਆ ਪੁੱਟ ਕੇ ਲਾਸ਼ ਨੂੰ ਮਿੱਟੀ 'ਚ ਦਬਾ ਦਿੱਤਾ। ਉਸ ਨੇ ਟੋਏ ਵਾਲੀ ਥਾਂ ਨੂੰ ਮਿੱਟੀ ਅਤੇ ਗੋਹੇ ਨਾਲ ਲਿੱਪ ਕੇ ਪੱਧਰਾ ਕਰ ਦਿੱਤਾ। ਟੂੱਲੂ ਮੁੰਬਈ ਭੱਜ ਗਿਆ ਸੀ ਅਤੇ ਕਰੀਬ 20 ਦਿਨਾਂ ਬਾਅਦ ਰਾਸ਼ਨ ਖ਼ਤਮ ਹੋਣ 'ਤੇ ਮਾਇਆ ਘਰ ਦੀ ਚਾਬੀ ਆਪਣੀ ਸੱਸ ਨੂੰ ਦੇ ਕੇ ਆਪਣੇ ਪਿਤਾ ਨਾਲ ਪੇਕੇ ਘਰ ਛੱਤੀਸਗੜ੍ਹ ਦੇ ਬਿਲਾਸਪੁਰ ਚਲੀ ਗਈ। ਜੂਨ 2018 'ਚ ਮਾਇਆ ਵੀ ਟੂੱਲੂ ਕੋਲ ਮੁੰਬਈ ਚਲੀ ਗਈ ਅਤੇ ਉਸ ਦੇ ਨਾਲ ਰਹਿਣ ਲੱਗੀ। 6 ਜੁਲਾਈ 2018 ਨੂੰ ਘਰ ਦੇ ਅੰਦਰ ਦੀ ਮਿੱਟੀ ਹੇਠਾਂ ਧਸਣ 'ਤੇ ਸ਼ਿਵਲੋਚਨ ਦੀ ਮਾਂ ਨੂੰ ਸ਼ੱਕ ਹੋਇਆ ਅਤੇ ਉਸ ਨੇ ਆਪਣੇ ਪੁੱਤਰ ਫੂਲਚੰਦ ਨੂੰ ਦੱਸਿਆ। ਪੁਲਿਸ ਨੇ ਕਮਰੇ ਦੀ ਖੁਦਾਈ ਕਰਵਾਈ, ਜਿੱਥੋਂ ਸ਼ਿਵਲੋਚਨ ਦਾ ਕੰਕਾਲ ਬਰਾਮਦ ਹੋਇਆ। ਪਰਿਵਾਰ ਵਾਲਿਆਂ ਨੇ ਕੱਪੜਿਆਂ ਅਤੇ ਗਲੇ 'ਚ ਮਿਲੀ ਮੋਤੀਆਂ ਦੀ ਮਾਲਾ ਤੋਂ ਉਸ ਦੀ ਪਛਾਣ ਕੀਤੀ। ਜਾਂਚ ਤੋਂ ਬਾਅਦ ਪੁਲਿਸ ਨੇ ਦੋਵਾਂ ਖ਼ਿਲਾਫ਼ ਚਾਰਜਸ਼ੀਟ ਦਾਖ਼ਲ ਕੀਤੀ ਸੀ। ਅਦਾਲਤ ਨੇ ਉਪਲਬਧ ਸਬੂਤਾਂ ਨੂੰ ਪੁਖਤਾ ਮੰਨਦੇ ਹੋਏ ਦੋਵਾਂ ਨੂੰ ਦੋਸ਼ੀ ਕਰਾਰ ਦਿੱਤਾ।