- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਆਖਿਰ ਕਿਉਂ ਟੁੱਟ ਰਹੇ ਹਨ ਹੋਣਹਾਰ ਵਿਦਿਆਰਥੀ ਅੰਦਰੋਂ ? IIT ਦਿੱਲੀ ਦੇ ਦੋ ਵਿਦਿਆਰਥੀਆਂ ਦੀ ਮੌਤ ਨੇ ਮਾਹਿਰਾਂ ਦੀ ਚਿੰਤਾ ਵਧਾਈ
PhD ਵਿਦਿਆਰਥੀ ਮਨੀਸ਼ ਆਨੰਦ ਨੇ 18 ਅਗਸਤ ਨੂੰ ਕਤਵਾਰੀਆ ਸਰਾਏ ਸਥਿਤ PG 'ਚ ਨੀਂਦ ਦੀਆਂ ਗੋਲੀਆਂ ਖਾਣ ਤੋਂ ਬਾਅਦ ਤਬੀਅਤ ਵਿਗੜਨ 'ਤੇ AIIMS ਦੇ JPN ਐਪੈਕਸ ਟਰਾਮਾ ਸੈਂਟਰ 'ਚ ਇਲਾਜ ਕਰਵਾਇਆ। ਕਰੀਬ ਡੇਢ ਮਹੀਨੇ ਤੱਕ ਇਲਾਜ ਚੱਲਣ ਤੋਂ ਬਾਅਦ 3 ਅਕਤੂਬਰ ਨੂੰ ਉਨ੍ਹਾਂ ਦੀ ਮੌਤ ਹੋ ਗਈ।
Posted By Seema Anand
Publish Date: Sun, 04 Oct 2026 02:45 PM (IST)
Updated Date: Sun, 04 Oct 2026 03:22 PM (IST)
ਅਨੂਪ ਕੁਮਾਰ ਸਿੰਘ, ਨਵੀਂ ਦਿੱਲੀ : IIT ਵਰਗੇ ਉੱਚ ਸਿੱਖਿਆ ਸੰਸਥਾਨਾਂ 'ਚ ਦਾਖਲਾ ਲੈਣ ਵਾਲੇ ਵਿਦਿਆਰਥੀ ਪੜ੍ਹਾਈ 'ਚ ਅਸਾਧਾਰਣ ਤੌਰ 'ਤੇ ਸਮਰੱਥ ਹੁੰਦੇ ਹਨ। ਔਖੀ ਪ੍ਰਤੀਯੋਗੀ ਪ੍ਰੀਖਿਆ ਪਾਸ ਕਰਨ, ਗੁੰਝਲਦਾਰ ਵਿਸ਼ਿਆਂ ਨੂੰ ਸਮਝਣ ਅਤੇ ਲੰਬੇ ਸਮੇਂ ਤਕ ਇਕਾਗਰ ਹੋ ਕੇ ਮਿਹਨਤ ਕਰਨ ਦੀ ਸਮਰੱਥਾ ਉਨ੍ਹਾਂ ਦੀ ਵੱਡੀ ਤਾਕਤ ਹੁੰਦੀ ਹੈ।ਇਸ ਦੇ ਬਾਵਜੂਦ ਇਹੀ ਹੋਣਹਾਰ ਵਿਦਿਆਰਥੀ ਭਾਵਨਾਤਮਕ ਦਬਾਅ ਹੇਠ ਟੁੱਟ ਰਹੇ ਹਨ। IIT ਦਿੱਲੀ 'ਚ ਡੇਢ ਮਹੀਨੇ ਦੇ ਅੰਦਰ ਦੋ ਵਿਦਿਆਰਥੀਆਂ ਦੀ ਮੌਤ ਨੇ ਸਵਾਲ ਖੜ੍ਹਾ ਕੀਤਾ ਹੈ ਕਿ ਤੇਜ਼ ਦਿਮਾਗ ਹੋਣ ਦੇ ਬਾਵਜੂਦ ਵਿਦਿਆਰਥੀ ਜ਼ਿੰਦਗੀ ਦੀਆਂ ਮੁਸ਼ਕਲ ਸਥਿਤੀਆਂ ਨਾਲ ਕਿਉਂ ਨਹੀਂ ਨਜਿੱਠ ਪਾ ਰਹੇ ਹਨ।
18 ਅਗਸਤ ਨੂੰ ਖਾਧੀਆਂ ਸਨ ਨੀਂਦ ਦੀਆਂ ਗੋਲੀਆਂ
PhD ਵਿਦਿਆਰਥੀ ਮਨੀਸ਼ ਆਨੰਦ ਨੇ 18 ਅਗਸਤ ਨੂੰ ਕਤਵਾਰੀਆ ਸਰਾਏ ਸਥਿਤ PG 'ਚ ਨੀਂਦ ਦੀਆਂ ਗੋਲੀਆਂ ਖਾਣ ਤੋਂ ਬਾਅਦ ਤਬੀਅਤ ਵਿਗੜਨ 'ਤੇ AIIMS ਦੇ JPN ਐਪੈਕਸ ਟਰਾਮਾ ਸੈਂਟਰ 'ਚ ਇਲਾਜ ਕਰਵਾਇਆ। ਕਰੀਬ ਡੇਢ ਮਹੀਨੇ ਤੱਕ ਇਲਾਜ ਚੱਲਣ ਤੋਂ ਬਾਅਦ 3 ਅਕਤੂਬਰ ਨੂੰ ਉਨ੍ਹਾਂ ਦੀ ਮੌਤ ਹੋ ਗਈ।
ਪੁਲਿਸ ਘਟਨਾ ਦੇ ਹਾਲਾਤ ਦੀ ਜਾਂਚ ਕਰ ਰਹੀ ਹੈ ਅਤੇ ਖੁਦਕੁਸ਼ੀ ਦੀ ਸੰਭਾਵਨਾ ਜਤਾਈ ਜਾ ਰਹੀ ਹੈ। ਇਸ ਤੋਂ ਪਹਿਲਾਂ 22 ਅਗਸਤ ਨੂੰ MSc ਫਿਜ਼ਿਕਸ ਦੇ ਵਿਦਿਆਰਥੀ ਰਿਸ਼ੀਕੇਸ਼ ਕੁਮਾਰ ਦੀ ਮੌਤ ਹੋਈ ਸੀ। ਮਾਮਲੇ ਦੀ ਜਾਂਚ ਲਈ IIT ਦਿੱਲੀ ਨੇ ਬਾਹਰੀ ਜਾਂਚ ਕਮੇਟੀ ਦਾ ਗਠਨ ਕੀਤਾ ਸੀ।
ਤੇਜ਼ ਦਿਮਾਗ ਵਾਲੇ ਵਿਦਿਆਰਥੀ ਵੀ ਘਬਰਾ ਸਕਦੇ ਹਨ
ਮਾਹਿਰਾਂ ਦਾ ਕਹਿਣਾ ਹੈ ਕਿ ਪੜ੍ਹਾਈ-ਲਿਖਾਈ ਦੀ ਸਮਰੱਥਾ ਅਤੇ ਵਿਹਾਰਕ ਤੇ ਸਮਾਜਿਕ ਸਮਝ ਵੱਖ-ਵੱਖ ਗੱਲਾਂ ਹਨ। ਵਿਰੋਧੀ ਹਾਲਾਤਾਂ 'ਚ ਤੇਜ਼ ਦਿਮਾਗ ਵਾਲੇ ਵਿਦਿਆਰਥੀ ਵੀ ਘਬਰਾ ਸਕਦੇ ਹਨ। ਇਸ ਲਈ ਪੜ੍ਹਾਈ ਦੇ ਨਾਲ ਭਾਵਨਾਵਾਂ ਨੂੰ ਸਮਝਣ, ਅਸਫਲਤਾਵਾਂ ਤੋਂ ਉਭਰਨ, ਸਮਾਜਿਕ ਤੌਰ 'ਤੇ ਜੁੜੇ ਰਹਿਣ ਅਤੇ ਲੋੜ ਪੈਣ 'ਤੇ ਮਦਦ ਮੰਗਣ ਦਾ ਮੌਕਾ ਮਿਲਣਾ ਜ਼ਰੂਰੀ ਹੈ।
ਸਕੂਲ-ਕਾਲਜ ਤਕ ਬਿਹਤਰ ਪ੍ਰਦਰਸ਼ਨ ਕਰਨ ਵਾਲੇ ਵਿਦਿਆਰਥੀ ਅਕਸਰ ਆਪਣੇ ਨਾਲੋਂ ਕਮਜ਼ੋਰ ਵਿਦਿਆਰਥੀਆਂ ਵਿਚ ਲਗਾਤਾਰ ਅੱਗੇ ਰਹਿੰਦੇ ਹਨ। ਪਰ IIT ਵਰਗੇ ਸੰਸਥਾਨ 'ਚ ਪਹੁੰਚਣ ਤੋਂ ਬਾਅਦ ਉਨ੍ਹਾਂ ਦਾ ਸਾਹਮਣਾ ਆਪਣੇ ਬਰਾਬਰ ਜਾਂ ਉਨ੍ਹਾਂ ਤੋਂ ਬਿਹਤਰ ਪ੍ਰਦਰਸ਼ਨ ਕਰਨ ਵਾਲੀਆਂ ਪ੍ਰਤਿਭਾਵਾਂ ਨਾਲ ਹੁੰਦਾ ਹੈ। ਇੱਥੇ ਪਹਿਲਾਂ ਵਰਗਾ ਪ੍ਰਦਰਸ਼ਨ ਦੁਹਰਾਉਣ ਅਤੇ ਹਰ ਵਾਰ ਖੁਦ ਨੂੰ ਸਾਬਤ ਕਰਨ ਦਾ ਦਬਾਅ ਵਧ ਜਾਂਦਾ ਹੈ। ਇਸ ਦੇ ਨਾਲ ਅਸਫਲਤਾ ਦਾ ਡਰ, ਕਰੀਅਰ ਤੇ ਨੌਕਰੀ ਦੀ ਚਿੰਤਾ, ਪਰਿਵਾਰ ਦੀਆਂ ਉਮੀਦਾਂ ਅਤੇ ਸਮਾਜਿਕ ਤੁਲਨਾ ਵੀ ਜੁੜਦੀ ਜਾਂਦੀ ਹੈ। ਲਗਾਤਾਰ ਪੜ੍ਹਾਈ, ਨੀਂਦ ਦੀ ਕਮੀ ਅਤੇ ਸਮਾਜਿਕ ਦੂਰੀ ਭਾਵਨਾਤਮਕ ਪਰੇਸ਼ਾਨੀ ਨੂੰ ਹੋਰ ਵਧਾ ਸਕਦੀ ਹੈ। - ਡਾ. ਰਾਜੇਸ਼ ਸਾਗਰ, ਪ੍ਰੋਫੈਸਰ, ਮਨੋਰੋਗ ਵਿਭਾਗ, AIIMS
ਖੁਦਕੁਸ਼ੀ ਵਾਲਾ ਕਦਮ ਚੁੱਕਣ ਦਾ ਕੋਈ ਇੱਕ ਕਾਰਨ ਨਹੀਂ ਹੁੰਦਾ। ਮਾਨਸਿਕ ਪਰੇਸ਼ਾਨੀ, ਤਣਾਅ ਨਾਲ ਨਜਿੱਠਣ ਦੀ ਸਮਰੱਥਾ ਅਤੇ ਵਿਅਕਤੀਗਤ ਸੁਭਾਅ ਸਮੇਤ ਕਈ ਕਾਰਕ ਜੋਖਮ ਵਧਾ ਸਕਦੇ ਹਨ। ਪਰਿਵਾਰ, ਦੋਸਤਾਂ ਅਤੇ ਸੰਸਥਾਨ ਦਾ ਸਹਿਯੋਗ ਮਹੱਤਵਪੂਰਨ ਬਚਾਅ ਕਾਰਕ ਹੈ। ਵਿਹਾਰ 'ਚ ਹੋਣ ਵਾਲੇ ਬਦਲਾਅ ਨੂੰ ਗੰਭੀਰਤਾ ਨਾਲ ਲੈਣਾ ਚਾਹੀਦਾ ਹੈ। - ਨਿਮੇਸ਼ ਜੀ. ਦੇਸਾਈ, ਸਾਬਕਾ ਡਾਇਰੈਕਟਰ, IHBAS
ਪ੍ਰਮੁੱਖ ਘਟਨਾਵਾਂ
12 ਫਰਵਰੀ 2023, IIT ਬੰਬੇ: ਪਹਿਲੇ ਸਾਲ ਦੇ BTech ਵਿਦਿਆਰਥੀ ਦਰਸ਼ਨ ਸੋਲੰਕੀ ਦੀ ਮੌਤ।
22 ਅਕਤੂਬਰ 2024, IIT ਦਿੱਲੀ: MSc ਦੂਜੇ ਸਾਲ ਦੇ ਵਿਦਿਆਰਥੀ ਕੁਮਾਰ ਯਸ਼ ਦੀ ਹੋਸਟਲ 'ਚ ਮੌਤ।
4 ਜੂਨ 2025, IIT ਦਿੱਲੀ: ਬਾਇਓਮੈਡੀਕਲ ਇੰਜੀਨੀਅਰਿੰਗ ਦੇ PhD ਵਿਦਿਆਰਥੀ ਆਯੁਸ਼ ਸਿੰਘਲ ਦੀ ਕੈਂਪਸ ਸਥਿਤ ਕਮਰੇ 'ਚ ਮੌਤ।
12 ਮਾਰਚ 2026, IIT ਦਿੱਲੀ: ਪਹਿਲੇ ਸਾਲ ਦੇ BTech ਵਿਦਿਆਰਥੀ ਹਰਸ਼ਿਤ ਸਵਾਮੀ ਦੀ ਕੈਂਪਸ ਸਥਿਤ ਰਿਹਾਇਸ਼ 'ਚ ਮੌਤ।
22 ਅਗਸਤ 2026, IIT ਦਿੱਲੀ: MSc ਫਿਜ਼ਿਕਸ ਦੇ ਵਿਦਿਆਰਥੀ ਰਿਸ਼ੀਕੇਸ਼ ਕੁਮਾਰ ਦੀ ਮੌਤ।