ਪਾਣੀ ਦੀ ਟੈਂਕੀ ਬਣੀ ਕਾਲ, ਹੇਠਾਂ ਖੇਡ ਰਹੇ ਦੋ ਬੱਚਿਆਂ 'ਤੇ ਡਿੱਗੀ; ਮੌਤ

ਗੁਰੂਗ੍ਰਾਮ : ਸੈਕਟਰ-83 ਸਥਿਤ ਜੀ-21 ਸੁਸਾਇਟੀ ਪਿੱਛੇ ਵਸੀਆਂ ਝੁੱਗੀਆਂ ਵਿਚ ਠੇਕੇਦਾਰ ਦੀ ਲਾਪਰਵਾਹੀ ਨੇ ਸ਼ੁੱਕਰਵਾਰ ਸ਼ਾਮ ਦੋ ਮਾਸੂਮ ਬੱਚਿਆਂ ਦੀ ਜਾਨ ਲੈ ਲਈ। ਚਾਰ ਦਿਨ ਪਹਿਲਾਂ ਬਣੀ ਸੀਮੰਟ ਦੀ ਪਾਣੀ ਵਾਲੀ ਟੈਂਕੀ ਵਿਚ ਪਾਣੀ ਭਰਨ ਕਾਰਨ ਉਹ ਢਹਿ ਕੇ ਡਿੱਗ ਗਈ। ਇਸ ਦੇ ਹੇਠਾਂ ਚਾਰ ਸਾਲ ਦੀ ਬੱਚੀ, ਇਕ ਹੋਰ ਔਰਤ ਅਤੇ ਉਸ ਦਾ ਪੁੱਤਰ ਦੱਬੇ ਗਏ। ਹਾਦਸੇ ਵਿਚ ਦੋਵਾਂ ਬੱਚਿਆਂ ਦੀ ਮੌਤ ਹੋ ਗਈ, ਜਦਕਿ ਇਕ ਔਰਤ ਦੀ ਹਾਲਤ ਗੰਭੀਰ ਹੈ। ਖੇੜਕੀਦੌਲਾ ਥਾਣਾ ਪੁਲਿਸ ਨੇ ਐਤਵਾਰ ਨੂੰ ਠੇਕੇਦਾਰ ਵਿਰੁੱਧ ਮਾਮਲਾ ਦਰਜ ਕੀਤਾ ਹੈ।