ਮਾਪੇ ਹੋ ਜਾਣ ਸਾਵਧਾਨ! ਕੁਰਕੁਰੇ ਦੇ ਪੈਕੇਟ 'ਚੋਂ ਨਿਕਲਿਆ ਪਲਾਸਟਿਕ ਦਾ ਖਿਡੌਣਾ ਬਣਿਆ ਕਾਲ, ਗਲੇ 'ਚ ਫਸਣ ਨਾਲ ਬੱਚੇ ਦਾ ਘੁੱਟਿਆ ਦਮ

ਡਿਜੀਟਲ ਡੈਸਕ, ਮੈਸੂਰ: ਕਰਨਾਟਕ ਦੇ ਮੈਸੂਰ ਜ਼ਿਲ੍ਹੇ ਵਿੱਚ ਸ਼ਨੀਵਾਰ ਨੂੰ ਸਨੈਕਸ ਦੇ ਪੈਕੇਟ ਵਿੱਚੋਂ ਮਿਲੀ ਪਲਾਸਟਿਕ ਦੀ ਇੱਕ ਛੋਟੀ ਟੌਏ-ਬਾਲ ਨਿਗਲਣ ਤੋਂ ਬਾਅਦ ਕਥਿਤ ਤੌਰ 'ਤੇ ਪੰਜ ਸਾਲ ਦੇ ਇੱਕ ਬੱਚੇ ਦੀ ਮੌਤ ਹੋ ਗਈ। ਬੱਚੇ ਦੀ ਪਛਾਣ ਮੁਕੁੰਦ ਮਯੂਰ ਵਜੋਂ ਹੋਈ ਹੈ।

ਸ਼ੁਰੂਆਤੀ ਜਾਣਕਾਰੀ ਮੁਤਾਬਕ, ਬੱਚੇ ਨੇ ਕਥਿਤ ਤੌਰ 'ਤੇ ਪਲਾਸਟਿਕ ਦੀ ਇੱਕ ਛੋਟੀ ਗਿਫ਼ਟ ਬਾਲ ਨਿਗਲ ਲਈ, ਜੋ ਕੁਰਕੁਰੇ ਦੇ ਪੈਕੇਟ ਵਿੱਚੋਂ ਮਿਲੀ ਸੀ। ਖ਼ਦਸ਼ਾ ਹੈ ਕਿ ਪਲਾਸਟਿਕ ਦੀ ਇਹ ਬਾਲ ਉਸ ਦੇ ਗਲੇ ਵਿੱਚ ਫਸ ਗਈ, ਜਿਸ ਨਾਲ ਉਸ ਦਾ ਦਮ ਘੁੱਟਣ ਲੱਗਾ। ਪੁਲਿਸ ਸਟੇਸ਼ਨ ਵਿੱਚ ਮਾਮਲਾ ਦਰਜ ਕੀਤਾ ਗਿਆ ਹੈ ਅਤੇ ਅੱਗੇ ਦੀ ਜਾਂਚ ਚੱਲ ਰਹੀ ਹੈ।