'ਮਨ ਕੀ ਬਾਤ' ’ਚ PM ਮੋਦੀ ਤੋਂ ਤਾਰੀਫ਼ ਹਾਸਲ ਕਰਨ ਵਾਲੀ 'ਬੀ ਕੁਈਨ' ਨੂੰ ਮਿਲ ਰਹੀਆਂ ਧਮਕੀਆਂ, ਸਾਨੀਆ ਜ਼ਾਹਰਾ ਨੇ ਮੰਗੀ ਮਦਦ

ਸਟੇਟ ਬਿਊਰੋ, ਜਾਗਰਣ, ਸ੍ਰੀਨਗਰ : ਕਸ਼ਮੀਰ ਵਿਚ ਮਧੂ-ਮੱਖੀ ਪਾਲਣ ਸਦਕਾ ‘ਕਸ਼ਮੀਰ ਦੀ ਬੀ ਕੁਈਨ’ ਵਜੋਂ ਮਸ਼ਹੂਰ ਸਾਨੀਆ ਜ਼ਾਹਰਾ ਨੂੰ ਹੁਣ ਵਿਰੋਧ ਤੇ ਕਥਿਤ ਧਮਕੀਆਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਆਪਣੇ ਮਸ਼ਹੂਰ ਰੇਡੀਓ ਪ੍ਰੋਗਰਾਮ ‘ਮਨ ਕੀ ਬਾਤ’ ਵਿਚ ਵੀ ਉਸ ਦੀ ਤਾਰੀਫ਼ ਕੀਤੀ ਸੀ।

ਸਾਨੀਆ ਜ਼ਾਹਰਾ ਨੇ ਭਾਜਪਾ ਦੇ ਸਾਬਕਾ ਸੂਬਾ ਪ੍ਰਧਾਨ ਰਵਿੰਦਰ ਰੈਣਾ ਤੋਂ ਫ਼ੋਨ ’ਤੇ ਮਦਦ ਮੰਗੀ ਹੈ। ਉਨ੍ਹਾਂ ਦੀ ਸ਼ਿਕਾਇਤ ’ਤੇ ਰੈਨਾ ਨੇ ਪੁਲਵਾਮਾ ਦੇ ਡਿਪਟੀ ਕਮਿਸ਼ਨਰ ਕੁਲਦੀਪ ਕ੍ਰਿਸ਼ਨ ਅਤੇ ਐੱਸਐੱਸਪੀ ਸਾਹਿਲ ਸਾਰੰਗਲ ਨਾਲ ਗੱਲ ਕੀਤੀ। ਉਨ੍ਹਾਂ ਨੂੰ ਮਾਮਲੇ ਵਿਚ ਦਖ਼ਲ ਦੇਣ ਅਤੇ ਸਾਨੀਆ ਦੀ ਸੁਰੱਖਿਆ ਯਕੀਨੀ ਬਣਾਉਣ ਲਈ ਕਿਹਾ ਹੈ।