- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
'ਗਹਿਣੇ ਲੈ ਜਾਓ, ਸਾਨੂੰ ਛੱਡ ਦਿਓ...', ਔਰਤ ਨੇ ਹਮਲਾਵਰਾਂ ਅੱਗੇ ਬੱਚੇ ਤੇ ਪਤੀ ਦੀ ਜਾਨ ਦੀ ਲਗਾਈ ਗੁਹਾਰ
ਬੈਂਗਲੁਰੂ-ਮੈਸੂਰ ਐਕਸਪ੍ਰੈਸਵੇਅ 'ਤੇ ਗੱਡੀ ਵਿੱਚ ਜਾ ਰਹੇ ਇੱਕ ਪਰਿਵਾਰ ਨਾਲ ਹਮਲਾਵਰਾਂ ਵੱਲੋਂ ਕੁੱਟਮਾਰ ਕੀਤੀ ਗਈ। ਗੱਡੀ ਵਿੱਚ ਪਤੀ-ਪਤਨੀ ਅਤੇ ਉਨ੍ਹਾਂ ਦਾ 10 ਮਹੀਨਿਆਂ ਦਾ ਬੱਚਾ ਸਵਾਰ ਸੀ। ਔਰਤ ਨੇ ਹਮਲਾਵਰਾਂ ਅੱਗੇ ਗੁਹਾਰ ਲਗਾਈ ਕਿ ਉਨ੍ਹਾਂ ਨੂੰ ਜਾਣ ਦਿੱਤਾ ਜਾਵੇ, ਭਾਵੇਂ ਉਹ ਸਾਰੇ ਸੋਨੇ ਦੇ ਗਹਿਣੇ ਲੈ ਲੈਣ ਪਰ ਉਸ ਦੇ ਪਤੀ ਨੂੰ ਨਾ ਕੁੱਟਣ ਪਰ ਹਮਲਾਵਰਾਂ ਨੇ ਔਰਤ ਦੀ ਇੱਕ ਨਾ ਸੁਣੀ।
Posted By Anuradha Bains
Publish Date: Thu, 09 Jul 2026 05:03 PM (IST)
Updated Date: Thu, 09 Jul 2026 05:04 PM (IST)
ਡਿਜੀਟਲ ਡੈਸਕ, ਬੈਂਗਲੁਰੂ। ਬੈਂਗਲੁਰੂ-ਮੈਸੂਰ ਐਕਸਪ੍ਰੈਸਵੇਅ 'ਤੇ ਗੱਡੀ ਵਿੱਚ ਜਾ ਰਹੇ ਇੱਕ ਪਰਿਵਾਰ ਨਾਲ ਹਮਲਾਵਰਾਂ ਵੱਲੋਂ ਕੁੱਟਮਾਰ ਕੀਤੀ ਗਈ। ਗੱਡੀ ਵਿੱਚ ਪਤੀ-ਪਤਨੀ ਅਤੇ ਉਨ੍ਹਾਂ ਦਾ 10 ਮਹੀਨਿਆਂ ਦਾ ਬੱਚਾ ਸਵਾਰ ਸੀ।
ਔਰਤ ਨੇ ਹਮਲਾਵਰਾਂ ਅੱਗੇ ਗੁਹਾਰ ਲਗਾਈ ਕਿ ਉਨ੍ਹਾਂ ਨੂੰ ਜਾਣ ਦਿੱਤਾ ਜਾਵੇ, ਭਾਵੇਂ ਉਹ ਸਾਰੇ ਸੋਨੇ ਦੇ ਗਹਿਣੇ ਲੈ ਲੈਣ ਪਰ ਉਸ ਦੇ ਪਤੀ ਨੂੰ ਨਾ ਕੁੱਟਣ ਪਰ ਹਮਲਾਵਰਾਂ ਨੇ ਔਰਤ ਦੀ ਇੱਕ ਨਾ ਸੁਣੀ।
ਪੁਲਿਸ ਨੇ ਦੱਸਿਆ ਕਿ ਐਤਵਾਰ ਰਾਤ ਕਰੀਬ 10:30 ਵਜੇ ਮਾਂਡਿਆ ਜ਼ਿਲ੍ਹੇ ਦੇ ਮੱਦੂਰ ਨੇੜੇ ਹੋਏ ਇਸ ਹਮਲੇ ਦੇ ਸਬੰਧ ਵਿੱਚ ਤਿੰਨ ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਇਹ ਘਟਨਾ ਪੀੜਤਾਂ ਦੇ ਪਿੱਛੇ ਚੱਲ ਰਹੀ ਇੱਕ ਗੱਡੀ ਦੇ ਡੈਸ਼ਕੈਮ ਵਿੱਚ ਰਿਕਾਰਡ ਹੋ ਗਈ ਸੀ।
ਔਰਤ ਨੇ ਲਗਾਈ ਪਤੀ ਅਤੇ ਬੱਚੇ ਦੀ ਜਾਨ ਦੀ ਗੁਹਾਰ
ਪੀੜਤ ਸਾਗਰ ਕੁਮਾਰ ਨੇ ਐਨਡੀਟੀਵੀ (NDTV) ਨਾਲ ਗੱਲਬਾਤ ਕਰਦਿਆਂ ਦੱਸਿਆ ਕਿ ਹਾਈਵੇਅ 'ਤੇ ਲਗਪਗ ਨੌਂ ਲੋਕਾਂ ਨੇ ਉਨ੍ਹਾਂ 'ਤੇ ਅਤੇ ਉਨ੍ਹਾਂ ਦੇ ਪਰਿਵਾਰ 'ਤੇ ਹਮਲਾ ਕੀਤਾ। ਉਨ੍ਹਾਂ ਕਿਹਾ ਕਿ ਇਸ ਬੇਰਹਿਮ ਹਮਲੇ ਕਾਰਨ ਉਨ੍ਹਾਂ ਦੀ ਪਤਨੀ ਡੂੰਘੇ ਸਦਮੇ ਵਿੱਚ ਹੈ।
ਸਾਗਰ ਕੁਮਾਰ ਨੇ ਕਿਹਾ, 'ਹਮਲਾਵਰਾਂ ਨੇ ਮੇਰੇ 'ਤੇ, ਮੇਰੀ ਪਤਨੀ ਅਤੇ ਮੇਰੇ 10 ਮਹੀਨਿਆਂ ਦੇ ਬੱਚੇ 'ਤੇ ਹਮਲਾ ਕੀਤਾ। ਮੇਰੀ ਪਤਨੀ ਨੇ ਹੱਥ ਜੋੜ ਕੇ ਉਨ੍ਹਾਂ ਅੱਗੇ ਸਾਨੂੰ ਬਖਸ਼ ਦੇਣ ਦੀ ਗੁਹਾਰ ਲਗਾਈ, ਕਿਉਂਕਿ ਸਾਡੇ ਨਾਲ ਇੱਕ ਛੋਟਾ ਬੱਚਾ ਸੀ।'
ਸਾਗਰ ਨੇ ਦੱਸਿਆ, 'ਮੇਰੀ ਪਤਨੀ ਨੇ ਹਮਲਾਵਰਾਂ ਨੂੰ ਇਹ ਵੀ ਕਿਹਾ, ਮੇਰਾ ਸੋਨਾ ਲੈ ਲਵੋ, ਜੋ ਚਾਹੋ ਲੈ ਲਵੋ ਪਰ ਪਲੀਜ਼ ਸਾਨੂੰ ਜਾਣ ਦਿਓ ਪਰ ਉਨ੍ਹਾਂ ਨੇ ਮੇਰੇ 'ਤੇ ਹਮਲਾ ਕਰਨਾ ਬੰਦ ਨਹੀਂ ਕੀਤਾ।'
ਸਾਗਰ ਨੇ ਅੱਗੇ ਦੱਸਿਆ, 'ਮੇਰਾ ਪਰਿਵਾਰ ਇਸ ਲਈ ਕਿਸਮਤ ਵਾਲਾ ਰਿਹਾ ਕਿਉਂਕਿ ਪੂਰੀ ਘਟਨਾ ਵੀਡੀਓ ਵਿੱਚ ਰਿਕਾਰਡ ਹੋ ਗਈ। ਸੋਚੋ, ਹਾਈਵੇਅ 'ਤੇ ਬਿਨਾਂ ਕਿਸੇ ਸਬੂਤ ਦੇ ਅਜਿਹੀਆਂ ਕਿੰਨੀਆਂ ਘਟਨਾਵਾਂ ਹੁੰਦੀਆਂ ਹੋਣਗੀਆਂ। ਉਨ੍ਹਾਂ ਪੀੜਤਾਂ ਨੂੰ ਕਦੇ ਇਨਸਾਫ਼ ਕਿਵੇਂ ਮਿਲੇਗਾ?'
ਪੁਲਿਸ ਨੇ ਦਰਜ ਕੀਤਾ ਮਾਮਲਾ
ਪੁਲਿਸ ਨੇ ਦੱਸਿਆ ਕਿ ਇਹ ਝਗੜਾ ਉਦੋਂ ਸ਼ੁਰੂ ਹੋਇਆ ਜਦੋਂ ਐਕਸਪ੍ਰੈਸਵੇਅ 'ਤੇ ਭਾਰੀ ਟ੍ਰੈਫਿਕ ਦੌਰਾਨ ਸਾਗਰ ਦੀ ਕਾਰ ਇੱਕ ਦੂਜੀ ਗੱਡੀ ਨਾਲ ਟਕਰਾ ਗਈ। ਟੱਕਰ ਨੂੰ ਲੈ ਕੇ ਦੋਵਾਂ ਗੱਡੀਆਂ ਵਿੱਚ ਸਵਾਰ ਲੋਕਾਂ ਵਿਚਕਾਰ ਬਹਿਸ ਹੋਈ ਜੋ ਜਲਦੀ ਹੀ ਹਿੰਸਾ ਵਿੱਚ ਬਦਲ ਗਈ। ਹਮਲੇ ਵਿੱਚ ਜ਼ਖਮੀ ਹੋਏ ਸਾਗਰ ਨੇ ਸੋਮਵਾਰ ਨੂੰ ਸ਼ਿਕਾਇਤ ਦਰਜ ਕਰਵਾਈ।
ਬੈਂਗਲੁਰੂ ਦੇ ਰਹਿਣ ਵਾਲੇ ਪੀੜਤ ਨੇ ਸਿਸਟਮ ਵਿੱਚ ਸੁਧਾਰ ਦੀ ਮੰਗ ਕੀਤੀ ਹੈ ਅਤੇ ਇਸ ਗੱਲ 'ਤੇ ਜ਼ੋਰ ਦਿੱਤਾ ਹੈ ਕਿ ਨੈਸ਼ਨਲ ਹਾਈਵੇਅ 'ਤੇ ਨਿਗਰਾਨੀ ਮਜ਼ਬੂਤ ਕਰਨ ਦੀ ਤੁਰੰਤ ਲੋੜ ਹੈ।