- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਪੁੱਤਰ ਦੀ ਸ਼ਹਾਦਤ ਦੇ 22 ਸਾਲ ਬਾਅਦ ਵੀ ਨਹੀਂ ਮਿਲਿਆ ਪਲਾਟ, 80 ਸਾਲਾ ਮਾਂ ਬੋਲੀ- ‘ਸ਼ੌਰਿਆ ਚੱਕਰ ਵਾਪਸ ਲੈ ਲਓ’
ਵਿਵੇਕ ਸਕਸੈਨਾ ਦੇ ਸ਼ਹੀਦ ਹੋਣ ਤੋਂ ਬਾਅਦ ਸਰਕਾਰ ਵੱਲੋਂ ਪਰਿਵਾਰ ਨੂੰ ਜ਼ਮੀਨ ਅਤੇ ਇਕ ਯਾਦਗਾਰ ਬਣਾਉਣ ਸਮੇਤ ਕਈ ਸਹਾਇਤਾਵਾਂ ਦੇਣ ਦਾ ਵਾਅਦਾ ਕੀਤਾ ਗਿਆ ਸੀ। ਪਰ 22 ਸਾਲ ਬੀਤ ਜਾਣ ਤੋਂ ਬਾਅਦ ਵੀ ਪਰਿਵਾਰ ਦਫ਼ਤਰਾਂ ਦੇ ਚੱਕਰ ਕੱਟ-ਕੱਟ ਕੇ ਥੱਕ ਚੁੱਕਾ ਹੈ ਅਤੇ ਵਾਅਦੇ ਸਿਰਫ਼ ਕਾਗਜ਼ਾਂ ਤੱਕ ਹੀ ਸੀਮਤ ਰਹਿ ਗਏ ਹਨ।
Posted By Seema Anand
Publish Date: Wed, 09 Sep 2026 03:26 PM (IST)
Updated Date: Wed, 09 Sep 2026 03:31 PM (IST)
ਡਿਜੀਟਲ ਡੈਸਕ, ਨਵੀਂ ਦਿੱਲੀ : ਲਖਨਊ ਦੀ ਰਹਿਣ ਵਾਲੀ 80 ਸਾਲਾ ਸਾਵਿਤਰੀ ਸਕਸੈਨਾ ਨੇ ਇਕ ਅਜਿਹਾ ਫੈਸਲਾ ਲਿਆ ਹੈ, ਜਿਸ ਨੇ ਹਰ ਕਿਸੇ ਨੂੰ ਝੰਜੋੜ ਕੇ ਰੱਖ ਦਿੱਤਾ ਹੈ। ਉਨ੍ਹਾਂ ਨੇ ਸਰਕਾਰ ਤੋਂ ਮੰਗ ਕੀਤੀ ਹੈ ਕਿ ਜਾਂ ਤਾਂ ਉਨ੍ਹਾਂ ਦੇ ਸ਼ਹੀਦ ਪੁੱਤਰ ਨਾਲ ਕੀਤੇ ਵਾਅਦੇ ਪੂਰੇ ਕੀਤੇ ਜਾਣ ਜਾਂ ਫਿਰ ਮਰਨ ਉਪਰੰਤ ਮਿਲਿਆ ‘ਸ਼ੌਰਿਆ ਚੱਕਰ’ ਅਤੇ ਹੋਰ ਸਨਮਾਨ ਵਾਪਸ ਲੈ ਲਏ ਜਾਣ।
ਪੂਰੇ ਮਾਮਲੇ ਨੂੰ ਇਸ ਤਰ੍ਹਾਂ ਸਮਝੋ ਕਿ ਸਾਵਿਤਰੀ ਸਕਸੈਨਾ ਦੇ ਛੋਟੇ ਪੁੱਤਰ, ਅਸਿਸਟੈਂਟ ਕਮਾਂਡੈਂਟ ਵਿਵੇਕ ਸਕਸੈਨਾ 8 ਜਨਵਰੀ 2003 ਨੂੰ ਮਣੀਪੁਰ ਵਿਚ ਅੱਤਵਾਦੀਆਂ ਨਾਲ ਮੁਕਾਬਲਾ ਕਰਦੇ ਹੋਏ ਸ਼ਹੀਦ ਹੋ ਗਏ ਸਨ। ਉਨ੍ਹਾਂ ਦੀ ਇਸ ਬਹਾਦਰੀ ਲਈ ਉਨ੍ਹਾਂ ਨੂੰ ਦੇਸ਼ ਦੇ ਵੱਕਾਰੀ ਬਹਾਦਰੀ ਪੁਰਸਕਾਰ ‘ਸ਼ੌਰਿਆ ਚੱਕਰ’ ਅਤੇ ‘ਰਾਸ਼ਟਰਪਤੀ ਪੁਲਿਸ ਮੈਡਲ’ ਨਾਲ ਸਨਮਾਨਿਤ ਕੀਤਾ ਗਿਆ ਸੀ।
22 ਸਾਲ ਬੀਤ ਗਏ, ਇਕ ਵੀ ਵਾਅਦਾ ਪੂਰਾ ਨਹੀਂ ਹੋਇਆ
ਵਿਵੇਕ ਸਕਸੈਨਾ ਦੇ ਸ਼ਹੀਦ ਹੋਣ ਤੋਂ ਬਾਅਦ ਸਰਕਾਰ ਵੱਲੋਂ ਪਰਿਵਾਰ ਨੂੰ ਜ਼ਮੀਨ ਅਤੇ ਇਕ ਯਾਦਗਾਰ ਬਣਾਉਣ ਸਮੇਤ ਕਈ ਸਹਾਇਤਾਵਾਂ ਦੇਣ ਦਾ ਵਾਅਦਾ ਕੀਤਾ ਗਿਆ ਸੀ। ਪਰ 22 ਸਾਲ ਬੀਤ ਜਾਣ ਤੋਂ ਬਾਅਦ ਵੀ ਪਰਿਵਾਰ ਦਫ਼ਤਰਾਂ ਦੇ ਚੱਕਰ ਕੱਟ-ਕੱਟ ਕੇ ਥੱਕ ਚੁੱਕਾ ਹੈ ਅਤੇ ਵਾਅਦੇ ਸਿਰਫ਼ ਕਾਗਜ਼ਾਂ ਤੱਕ ਹੀ ਸੀਮਤ ਰਹਿ ਗਏ ਹਨ।
ਪਰਿਵਾਰ ਦਾ ਦੋਸ਼ ਹੈ ਕਿ ਉਨ੍ਹਾਂ ਨੂੰ ਵਾਰ-ਵਾਰ ਇਹ ਸਾਬਤ ਕਰਨ ਲਈ ਕਿਹਾ ਗਿਆ ਕਿ ਉਹ ਉੱਤਰ ਪ੍ਰਦੇਸ਼ ਦੇ ਮੂਲ ਨਿਵਾਸੀ ਹਨ ਜਾਂ ਨਹੀਂ। ਜਦਕਿ ਉਹ ਸਾਲਾਂ ਤੋਂ ਲਖਨਊ ਵਿਚ ਹੀ ਰਹੇ, ਇੱਥੇ ਹੀ ਪੜ੍ਹਾਈ ਕੀਤੀ ਅਤੇ ਸ਼ਹੀਦ ਪੁੱਤਰ ਦੀ ਯਾਦ ਨਾਲ ਜੁੜੀਆਂ ਚੀਜ਼ਾਂ ਵੀ ਇੱਥੇ ਏਅਰਫੋਰਸ ਸਟੇਸ਼ਨ 'ਤੇ ਮੌਜੂਦ ਹਨ।
ਅਧਿਕਾਰੀ ਪੁੱਛ ਰਹੇ ਅਜੀਬੋ-ਗਰੀਬ ਸਵਾਲ
ਹੱਦ ਤਾਂ ਉਦੋਂ ਹੋ ਗਈ ਜਦੋਂ ਅਧਿਕਾਰੀਆਂ ਨੇ ਇਹ ਤੱਕ ਪੁੱਛ ਲਿਆ ਕਿ ਵਿਆਹ ਤੋਂ ਪਹਿਲਾਂ ਮਾਂ ਕਿੱਥੇ ਰਹਿੰਦੀ ਸੀ। ਪਰਿਵਾਰ ਦਾ ਸਵਾਲ ਹੈ ਕਿ ਜਿਸ ਪਤੇ 'ਤੇ ਸਰਕਾਰ ਨੇ ਸਾਲਾਂ ਪਹਿਲਾਂ ਖੁਦ 75,000 ਰੁਪਏ ਦਾ ਚੈੱਕ ਭੇਜਿਆ ਸੀ, ਉਸੇ ਪਤੇ 'ਤੇ ਅੱਜ ਉਨ੍ਹਾਂ ਦੀ ਨਾਗਰਿਕਤਾ 'ਤੇ ਸਵਾਲ ਕਿਉਂ ਉਠਾਏ ਜਾ ਰਹੇ ਹਨ?
ਆਰਥਿਕ ਸਨਮਾਨ ਮਿਲਣ ਵਿਚ ਵੀ ਲੱਗ ਗਏ 21 ਸਾਲ
ਇੰਨਾ ਹੀ ਨਹੀਂ, ਧਿਆਨ ਦੇਣ ਵਾਲੀ ਗੱਲ ਇਹ ਵੀ ਹੈ ਕਿ ਸ਼ੌਰਿਆ ਚੱਕਰ ਨਾਲ ਮਿਲਣ ਵਾਲੀ ਵਿੱਤੀ ਸਹਾਇਤਾ ਪਰਿਵਾਰ ਨੂੰ ਸਾਲ 2024 ਵਿਚ ਜਾ ਕੇ ਮਿਲੀ। ਯਾਨੀ ਪੁੱਤਰ ਦੀ ਸ਼ਹਾਦਤ ਦੇ ਪੂਰੇ 21 ਸਾਲ ਬਾਅਦ। ਫਾਈਲਾਂ ਵੱਖ-ਵੱਖ ਵਿਭਾਗਾਂ ਦੇ ਚੱਕਰ ਕੱਟਦੀਆਂ ਰਹੀਆਂ ਅਤੇ ਅਧਿਕਾਰੀ ਵਾਰ-ਵਾਰ ਵੈਰੀਫਿਕੇਸ਼ਨ ਦੇ ਨਾਮ 'ਤੇ ਮਾਮਲਾ ਲਟਕਾਉਂਦੇ ਰਹੇ।
ਸਰਕਾਰੀ ਦਫ਼ਤਰਾਂ ਦੇ ਕੱਟਣੇ ਪੈ ਰਹੇ ਚੱਕਰ
ਸ਼ਹੀਦ ਅਸਿਸਟੈਂਟ ਕਮਾਂਡੈਂਟ ਵਿਵੇਕ ਸਕਸੈਨਾ ਦੀ ਮਾਂ ਦੱਸਦੀ ਹੈ ਕਿ ਉਨ੍ਹਾਂ ਦੀ ਉਮਰ 80 ਸਾਲ ਹੋ ਚੁੱਕੀ ਹੈ। ਇਸ ਉਮਰ ਵਿਚ ਸਰਕਾਰੀ ਦਫ਼ਤਰਾਂ ਦੇ ਧੱਕੇ ਖਾਣਾ ਉਨ੍ਹਾਂ ਲਈ ਸਰੀਰਕ ਅਤੇ ਮਾਨਸਿਕ ਤੌਰ 'ਤੇ ਬੇਹੱਦ ਕਸ਼ਟਦਾਇਕ ਹੋ ਗਿਆ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਹੁਣ ਉਨ੍ਹਾਂ ਵਿਚ ਹੋਰ ਭੱਜ-ਦੌੜ ਕਰਨ ਦੀ ਤਾਕਤ ਨਹੀਂ ਬਚੀ।
ਹੁਣ ਕੀ ਚਾਹੁੰਦੀ ਹੈ ਮਾਂ, ਕੀ ਹਨ ਮੰਗਾਂ?
ਪਿਛਲੇ 22 ਸਾਲਾਂ ਤੋਂ ਆਪਣੀਆਂ ਮੰਗਾਂ ਨੂੰ ਲੈ ਕੇ ਦਫ਼ਤਰਾਂ ਦੇ ਚੱਕਰ ਕੱਟ ਰਹੀ 80 ਸਾਲਾ ਸਾਵਿਤਰੀ ਸਕਸੈਨਾ ਨੇ ਥੱਕ-ਹਾਰ ਕੇ ਹੁਣ ਦੇਸ਼ ਦੀ ਰਾਸ਼ਟਰਪਤੀ ਦ੍ਰੌਪਦੀ ਮੁਰਮੂ ਅਤੇ ਉੱਤਰ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਯੋਗੀ ਆਦਿੱਤਿਆਨਾਥ ਤੋਂ ਮਿਲਣ ਦਾ ਸਮਾਂ ਮੰਗਿਆ ਹੈ। ਉਨ੍ਹਾਂ ਨੇ ਸਾਫ਼ ਕਹਿ ਦਿੱਤਾ ਹੈ ਕਿ ਜੇਕਰ ਸਰਕਾਰ ਉਨ੍ਹਾਂ ਦੇ ਸ਼ਹੀਦ ਪੁੱਤਰ ਦੇ ਸਨਮਾਨ ਵਿਚ ਕੀਤੇ ਵਾਅਦੇ ਪੂਰੇ ਨਹੀਂ ਕਰ ਸਕਦੀ ਤਾਂ ਉਹ ਉਸ ਦੇ ਮੈਡਲ, ਸ਼ੌਰਿਆ ਚੱਕਰ ਅਤੇ ਬਾਕੀ ਸਨਮਾਨ ਵਾਪਸ ਲੈ ਲੈਣ।