ਮੋਬਾਈਲ ਸਕ੍ਰੀਨ ਦੀ ਲਤ ਡਿਜੀਟਲ ਆਈ ਸਿੰਡਰੋਮ ਤੋਂ ਕਰ ਰਹੀ ਪੀੜਤ, ਇਹ 4 ਲੱਛਣ ਦਿਖਣ ਤਾਂ ਤੁਰੰਤ ਜਾਓ ਡਾਕਟਰ ਕੋਲ

ਮੋਬਾਈਲ ਸਕ੍ਰੀਨ ਨੂੰ ਘੰਟਿਆਂ ਬੱਧੀ ਲਗਾਤਾਰ ਦੇਖਣ ਵਾਲੇ ਬੱਚੇ ਅਤੇ ਨੌਜਵਾਨ ਸਾਵਧਾਨ ਹੋ ਜਾਣ। ਕਿਤੇ ਤੁਸੀਂ ਵੀ ਡਿਜੀਟਲ ਆਈ ਸਿੰਡਰੋਮ (Digital Eye Syndrome) ਦੇ ਸ਼ਿਕਾਰ ਨਾ ਹੋ ਜਾਓ। ਅੱਜ-ਕੱਲ੍ਹ ਕਈ ਬੱਚੇ ਅਤੇ ਵੱਡੇ ਇਸ ਬਿਮਾਰੀ ਤੋਂ ਪੀੜਤ ਹੋ ਕੇ ਇਲਾਜ ਲਈ ਹਸਪਤਾਲ ਪਹੁੰਚ ਰਹੇ ਹਨ। ਇਸ ਤੋਂ ਇਲਾਵਾ ਅੱਖਾਂ ਵਿੱਚ ਖ਼ਰਾਸ਼ ਅਤੇ ਲਾਲੀਪਨ ਦੇ ਲੱਛਣ ਵੀ ਦੇਖੇ ਜਾ ਰਹੇ ਹਨ। ਹਿਮਾਚਲ ਪ੍ਰਦੇਸ਼ ਦੇ ਸੋਲਨ ਖੇਤਰੀ ਹਸਪਤਾਲ ਵਿੱਚ ਹੀ ਡਿਜੀਟਲ ਆਈ ਸਿੰਡਰੋਮ ਦੇ ਰੋਜ਼ਾਨਾ 25 ਤੋਂ 30 ਮਾਮਲੇ ਸਾਹਮਣੇ ਆ ਰਹੇ ਹਨ।