ਪੁਲਿਸਕਰਮੀ ਦੀ ਧੀ ’ਤੇ ਐਸਿਡ ਅਟੈਕ, ਲਾਇਬ੍ਰੇਰੀ ਤੋਂ ਪਰਤ ਰਹੀ ਵਿਦਿਆਰਥਣ ਦਾ ਚਿਹਰਾ ਤੇ ਅੱਖਾਂ ਬੁਰੀ ਤਰ੍ਹਾਂ ਚੁਲਸੀਆਂ

ਨਈ ਦੁਨੀਆ, ਬਾਲੋਦ : ਛੱਤੀਸਗੜ੍ਹ ਦੇ ਬਾਲੋਦ ਜ਼ਿਲ੍ਹੇ ਵਿਚ ਸੋਮਵਾਰ ਨੂੰ ਲਾਇਬ੍ਰੇਰੀ ਤੋਂ ਵਾਪਸ ਆ ਰਹੀ ਇਕ ਵਿਦਿਆਰਥਣ ’ਤੇ ਅਣਪਛਾਤੇ ਨੌਜਵਾਨ ਨੇ ਐਸਿਡ ਸੁੱਟ ਦਿੱਤਾ। ਸਿੰਚਾਈ ਕਾਲੋਨੀ ਦੇ ਨੇੜੇ ਹੋਈ ਇਸ ਘਟਨਾ ਵਿਚ 22 ਸਾਲਾ ਵਿਦਿਆਰਥਣ, ਜੋ ਕਿ ਪ੍ਰੀਖਿਆ ਦੀ ਤਿਆਰੀ ਕਰ ਰਹੀ ਸੀ, ਗੰਭੀਰ ਤੌਰ ’ਤੇ ਝੁਲਸ ਗਈ ਹੈ। ਪੀੜਿਤਾ ਨੂੰ ਬਿਹਤਰ ਇਲਾਜ ਲਈ ਰਾਏਪੁਰ ਦੇ ਹਸਪਤਾਲ ਵਿਚ ਦਾਖਲ ਕਰਵਾਇਆ ਗਿਆ ਹੈ।

ਹਸਪਤਾਲ ਦੇ ਉਪ-ਪ੍ਰਧਾਨ ਡਾ. ਹੇਮੰਤ ਸ਼ਰਮਾ ਨੇ ਦੱਸਿਆ ਕਿ ਐਸਿਡ ਹਮਲੇ ਵਿਚ ਕੁੜੀ ਦੇ ਸਰੀਰ ਦਾ ਕਰੀਬ ਅੱਠ ਫੀਸਦ ਹਿੱਸਾ ਪ੍ਰਭਾਵਿਤ ਹੋਇਆ ਹੈ। ਉਸਦਾ ਚਿਹਰਾ ਪੂਰੀ ਤਰ੍ਹਾਂ ਝੁਲਸ ਗਿਆ ਹੈ। ਇਸ ਤੋਂ ਇਲਾਵਾ, ਉਸ ਦੀਆਂ ਦੋਵਾਂ ਅੱਖਾਂ ਵੀ ਗੰਭੀਰ ਤੌਰ ’ਤੇ ਪ੍ਰਭਾਵਿਤ ਹੋਈਆਂ ਹਨ, ਜਿਸ ਕਾਰਨ ਉਹ ਸੱਜੀ ਅੱਖ ਨਾਲ ਨਹੀਂ ਦੇਖ ਪਾ ਰਹੀ। ਐਸਿਡ ਦੇ ਅਸਰ ਨਾਲ ਉਸ ਦਾ ਇਕ ਹੱਥ ਵੀ ਬਹੁਤ ਬੁਰੇ ਤਰੀਕੇ ਨਾਲ ਸੜ ਗਿਆ ਹੈ। ਪੀੜਿਤਾ ਦੇ ਪਿਤਾ ਪੁਲਿਸ ਵਿਭਾਗ ਵਿਚ ਨੌਕਰੀ ਕਰਦੇ ਹਨ।

ਘਟਨਾ ਦੀ ਗੰਭੀਰਤਾ ਨੂੰ ਦੇਖਦਿਆਂ ਪੁਲਿਸ ਅਧਿਕਾਰੀ ਕਿਰਨ ਚਵਾਹਣ ਨੇ ਤੁਰੰਤ ਕਾਰਵਾਈ ਦੇ ਨਿਰਦੇਸ਼ ਦਿੱਤੇ ਹਨ। ਪੁਲਿਸ ਇਲਾਕੇ ਦੀ ਘੇਰਾਬੰਦੀ ਕਰ ਕੇ ਦੋਸ਼ੀ ਦੀ ਭਾਲ ਕਰ ਰਹੀ ਹੈ। ਹਮਲਾਵਰ ਦੀ ਪਛਾਣ ਅਤੇ ਸੁਰਾਗ ਇਕੱਠਾ ਕਰਨ ਲਈ ਪੁਲਿਸ ਘਟਨਾ ਸਥਾਨ ਅਤੇ ਆਸ-ਪਾਸ ਦੇ ਮਾਰਗਾਂ ’ਤੇ ਲੱਗੇ ਸੀਸੀਟੀਵੀ ਫੁਟੇਜ ਦੀ ਜਾਂਚ ਕਰ ਰਹੀ ਹੈ। ਪੁਲਿਸ ਇਹ ਵੀ ਪਤਾ ਲਗਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ ਕਿ ਵਿਦਿਆਰਥਣ ’ਤੇ ਹਮਲਾ ਕਿਉਂ ਕੀਤਾ ਗਿਆ ਅਤੇ ਦੋਸ਼ੀ ਨੇ ਕਿਸ ਤਰ੍ਹਾਂ ਦੇ ਐਸਿਡ ਦਾ ਇਸਤੇਮਾਲ ਕੀਤਾ।