'E20 ਬਣ ਗਿਆ 420', ਵੋਟ ਚੋਰੀ ਤੋਂ ਬਾਅਦ ਰਾਹੁਲ ਗਾਂਧੀ ਨੇ ਲਾਇਆ ਪੈਟਰੋਲ ਚੋਰੀ ਦਾ ਦੋਸ਼

ਕਾਂਗਰਸ ਸੰਸਦ ਮੈਂਬਰ ਨੇ ਦਾਅਵਾ ਕੀਤਾ, 'ਕਰਨਾਟਕ ਸਰਕਾਰ ਨੇ ਸੱਤ ਜ਼ਿਲ੍ਹਿਆਂ ਤੋਂ ਪੈਟਰੋਲ ਦੇ ਨਮੂਨੇ ਲਏ ਅਤੇ ਉਨ੍ਹਾਂ ਨੂੰ ਜਾਂਚ ਲਈ ਇਕ ਮਾਨਤਾ ਪ੍ਰਾਪਤ ਲੈਬ 'ਚ ਭੇਜਿਆ। ਨਤੀਜੇ ਦੇਖੋ, 14 'ਚੋਂ 11 ਨਮੂਨਿਆਂ 'ਚ 20 ਫ਼ੀਸਦੀ ਤੋਂ ਵੱਧ ਈਥਾਨੌਲ ਸੀ। ਆਈਓਸੀਐੱਲ 'ਚ 31.2 ਫ਼ੀਸਦੀ ਅਤੇ ਐੱਚਪੀਸੀਐੱਲ 'ਚ 30.5 ਫ਼ੀਸਦੀ ਈਥਾਨੌਲ ਮਿਲਿਆ। ਆਈਓਸੀਐੱਲ, ਐੱਚਪੀਸੀਐੱਲ, ਬੀਪੀਸੀਐੱਲ, ਨਾਇਰਾ ਅਤੇ ਸ਼ੈੱਲ, ਭਾਵੇਂ ਉਹ ਸਰਕਾਰੀ ਹੋਣ ਜਾਂ ਨਿੱਜੀ, ਸਾਰਿਆਂ ਨੇ ਤੈਅ ਸੀਮਾ ਪਾਰ ਕਰ ਲਈ ਹੈ।' ਉਨ੍ਹਾਂ ਇਹ ਵੀ ਦੋਸ਼ ਲਾਇਆ ਕਿ ਕੰਪਨੀਆਂ ਦੀਆਂ ਆਪਣੀਆਂ ਲੈਬਾਂ ਨੇ ਈਥਾਨੌਲ ਦੀ ਮਾਤਰਾ ਬਾਰੇ ਕੋਈ ਜਾਣਕਾਰੀ ਨਹੀਂ ਦਿੱਤੀ ਸੀ। ਰਾਹੁਲ ਗਾਂਧੀ ਨੇ ਦਾਅਵਾ ਕੀਤਾ ਕਿ ਈਥਾਨੌਲ ਦੀ ਬਹੁਤ ਜ਼ਿਆਦਾ ਮਾਤਰਾ ਮਿਲਾਉਣ ਨਾਲ ਵਾਹਨਾਂ ਦੀ ਕਾਰਗੁਜ਼ਾਰੀ 'ਤੇ ਅਸਰ ਪੈ ਸਕਦਾ ਹੈ। ਇਸ ਨਾਲ ਮਾਈਲੇਜ ਘੱਟ ਹੋ ਸਕਦੀ ਹੈ ਅਤੇ ਵਾਹਨਾਂ ਦੀ ਸਾਂਭ-ਸੰਭਾਲ ਦਾ ਖ਼ਰਚਾ ਵਧ ਸਕਦਾ ਹੈ। ਉਨ੍ਹਾਂ ਇਸ ਗੱਲ 'ਤੇ ਵੀ ਸਵਾਲ ਚੁੱਕਿਆ ਕਿ ਪੈਟਰੋਲ ਪੰਪਾਂ 'ਤੇ ਅਜਿਹੇ ਲੇਬਲ ਕਿਉਂ ਨਹੀਂ ਲਗਾਏ ਜਾਂਦੇ, ਜਿਨ੍ਹਾਂ ਤੋਂ ਪੈਟਰੋਲ 'ਚ ਈਥਾਨੌਲ ਦੀ ਮਾਤਰਾ ਬਾਰੇ ਜਾਣਕਾਰੀ ਮਿਲ ਸਕੇ।

ਰਾਹੁਲ ਗਾਂਧੀ ਨੇ ਪੁੱਛੇ ਇਹ ਸਵਾਲ