- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਇਸ਼ਕ 'ਚ ਅੰਨ੍ਹੀ ਮਾਂ ਦਾ ਕਾਰਨਾਮਾ: ਬੈਂਕ ਮੈਨੇਜਰ ਪ੍ਰੇਮੀ ਨਾਲ ਮਿਲ ਕੇ ਕੀਤਾ 6 ਸਾਲਾ ਪੁੱਤਰ ਦਾ ਬੇਰਹਿਮੀ ਨਾਲ ਕਤਲ; ਜੰਗਲ 'ਚੋਂ ਮਿਲੀ ਲਾਸ਼
ਬਹਸੂਮਾ ਥਾਣਾ ਖੇਤਰ ਦੇ ਰਾਮਰਾਜ ਤੋਂ ਅਗਵਾ ਚੱਲ ਰਹੇ ਛੇ ਸਾਲਾ ਬੱਚੇ ਅੰਗਦਵੀਰ ਦੀ ਲਾਸ਼ ਬੁੱਧਵਾਰ ਨੂੰ ਮੱਧ ਗੰਗ ਨਹਿਰ ਦੇ ਕਿਨਾਰੇ ਸੰਘਣੇ ਜੰਗਲ 'ਚ ਆਸ਼ਾ ਦੇਵੀ ਮੰਦਰ ਦੇ ਨੇੜੇ ਮੁਲਜ਼ਮ ਦੀ ਨਿਸ਼ਾਨਦੇਹੀ 'ਤੇ ਬਰਾਮਦ ਕਰ ਲਈ ਗਈ ਹੈ। CO ਮਵਾਨਾ ਪੰਕਜ ਲਵਾਨੀਆ ਨੇ ਦੱਸਿਆ ਕਿ ਬੱਚੇ ਨੂੰ ਅਗਵਾ ਕਰਨ ਤੋਂ ਬਾਅਦ ਉਸ ਦਾ ਗਲਾ ਰੇਤ ਕੇ ਕਤਲ ਕਰ ਦਿੱਤਾ ਗਿਆ ਅਤੇ ਲਾਸ਼ ਨੂੰ ਸੰਘਣੇ ਜੰਗਲਾਂ 'ਚ ਸੁੱਟ ਦਿੱਤਾ ਗਿਆ।
Posted By Sunita
Publish Date: Wed, 17 Jun 2026 06:57 PM (IST)
Updated Date: Wed, 17 Jun 2026 06:58 PM (IST)
ਸੰਵਾਦ ਸੂਤਰ, ਹਸਤਿਨਾਪੁਰ (ਮੇਰਠ) : ਬਹਸੂਮਾ ਥਾਣਾ ਖੇਤਰ ਦੇ ਰਾਮਰਾਜ ਤੋਂ ਅਗਵਾ ਚੱਲ ਰਹੇ ਛੇ ਸਾਲਾ ਬੱਚੇ ਅੰਗਦਵੀਰ ਦੀ ਲਾਸ਼ ਬੁੱਧਵਾਰ ਨੂੰ ਮੱਧ ਗੰਗ ਨਹਿਰ ਦੇ ਕਿਨਾਰੇ ਸੰਘਣੇ ਜੰਗਲ 'ਚ ਆਸ਼ਾ ਦੇਵੀ ਮੰਦਰ ਦੇ ਨੇੜੇ ਮੁਲਜ਼ਮ ਦੀ ਨਿਸ਼ਾਨਦੇਹੀ 'ਤੇ ਬਰਾਮਦ ਕਰ ਲਈ ਗਈ ਹੈ। CO ਮਵਾਨਾ ਪੰਕਜ ਲਵਾਨੀਆ ਨੇ ਦੱਸਿਆ ਕਿ ਬੱਚੇ ਨੂੰ ਅਗਵਾ ਕਰਨ ਤੋਂ ਬਾਅਦ ਉਸ ਦਾ ਗਲਾ ਰੇਤ ਕੇ ਕਤਲ ਕਰ ਦਿੱਤਾ ਗਿਆ ਅਤੇ ਲਾਸ਼ ਨੂੰ ਸੰਘਣੇ ਜੰਗਲਾਂ 'ਚ ਸੁੱਟ ਦਿੱਤਾ ਗਿਆ।
ਸੂਚਨਾ ਮਿਲਦਿਆਂ ਹੀ ਪਰਿਵਾਰ 'ਚ ਕੋਹਰਾਮ ਮੱਚ ਗਿਆ। ਸੀ.ਓ. ਪੰਕਜ ਲਵਾਨੀਆ ਪੁਲਿਸ ਫੋਰਸ ਸਮੇਤ ਮੌਕੇ 'ਤੇ ਪਹੁੰਚੇ ਅਤੇ ਘਟਨਾ ਸਥਾਨ ਦਾ ਨਿਰੀਖਣ ਕੀਤਾ। ਇਸ ਦੇ ਨਾਲ ਹੀ ਅੰਗਦਵੀਰ ਦੇ ਪਰਿਵਾਰਕ ਮੈਂਬਰ ਵੀ ਮੌਕੇ 'ਤੇ ਪਹੁੰਚ ਗਏ। ਲਾਸ਼ ਨੂੰ ਦੇਖ ਕੇ ਪਰਿਵਾਰ ਦਾ ਰੋ-ਰੋ ਕੇ ਬੁਰਾ ਹਾਲ ਹੋ ਗਿਆ। ਪੁਲਿਸ ਨੇ ਘਟਨਾ ਸਥਾਨ ਦੀ ਘੇਰਾਬੰਦੀ ਕਰਕੇ ਉਸ ਨੂੰ ਆਪਣੇ ਕਬਜ਼ੇ 'ਚ ਲੈ ਲਿਆ ਹੈ। ਮਾਮਲੇ ਦੀ ਗੰਭੀਰਤਾ ਨੂੰ ਦੇਖਦੇ ਹੋਏ ਫੋਰੈਂਸਿਕ ਟੀਮ ਨੂੰ ਵੀ ਮੌਕੇ 'ਤੇ ਸੱਦਿਆ ਗਿਆ ਹੈ।
ਜਾਣੋ ਕੀ ਹੈ ਮਾਮਲਾ ?
CO ਨੇ ਦੱਸਿਆ ਕਿ ਇਹ ਮਾਮਲਾ ਨਾਜਾਇਜ਼ ਸਬੰਧਾਂ ਨਾਲ ਜੁੜਿਆ ਸਾਹਮਣੇ ਆ ਰਿਹਾ ਹੈ। ਜਿਸ ਦੇ ਚੱਲਦਿਆਂ ਬੱਚੇ ਨੂੰ ਰਸਤੇ ਤੋਂ ਹਟਾਉਣ ਲਈ ਮਾਂ ਨੇ ਆਪਣੇ ਪ੍ਰੇਮੀ ਨਾਲ ਮਿਲ ਕੇ ਇਸ ਖ਼ੌਫ਼ਨਾਕ ਘਟਨਾ ਨੂੰ ਅੰਜਾਮ ਦਿੱਤਾ। ਦੂਜੇ ਪਾਸੇ, ਬੱਚੇ ਦੀ ਲਾਸ਼ ਬਰਾਮਦ ਹੋਣ ਤੋਂ ਬਾਅਦ ਇਲਾਕੇ 'ਚ ਸੋਗ ਅਤੇ ਗੁੱਸੇ ਦਾ ਮਾਹੌਲ ਹੈ। ਪਿੰਡ ਵਾਸੀਆਂ ਨੇ ਦੋਸ਼ੀਆਂ ਖ਼ਿਲਾਫ਼ ਸਖ਼ਤ ਕਾਰਵਾਈ ਦੀ ਮੰਗ ਕੀਤੀ ਹੈ। ਪੁਲਿਸ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਮਾਮਲੇ ਨਾਲ ਜੁੜੇ ਸਾਰੇ ਤੱਥਾਂ ਦੀ ਬਾਰੀਕੀ ਨਾਲ ਜਾਂਚ ਕੀਤੀ ਜਾ ਰਹੀ ਹੈ ਅਤੇ ਦੋਸ਼ੀਆਂ ਨੂੰ ਕਾਨੂੰਨ ਅਨੁਸਾਰ ਸਖ਼ਤ ਤੋਂ ਸਖ਼ਤ ਸਜ਼ਾ ਦਿਵਾਈ ਜਾਵੇਗੀ।
HDCF ਬੈਂਕ ਹਾਪੁੜ 'ਚ ਏਰੀਆ ਮੈਨੇਜਰ ਹੈ ਮੁਲਜ਼ਮ
ਪੁਲਿਸ ਅਨੁਸਾਰ ਕਤਲ ਦਾ ਮੁਲਜ਼ਮ ਅਰਪਿਤ ਪਾਰਾਸ਼ਰ, ਨਿਵਾਸੀ ਮੀਰਪੁਰ, HDFC Bank ਹਾਪੁੜ 'ਚ ਏਰੀਆ ਮੈਨੇਜਰ ਹੈ। ਉਹ ਸ਼ਾਦੀਸ਼ੁਦਾ ਹੈ ਪਰ ਅੰਗਦਵੀਰ ਦੀ ਮਾਂ ਗੁਰਪ੍ਰੀਤ ਕੌਰ (ਪਤਨੀ ਗੁਰਸੇਵਕ) ਨਾਲ ਉਸ ਦੇ ਪਿਛਲੇ ਕਰੀਬ 3 ਸਾਲਾਂ ਤੋਂ ਨਾਜਾਇਜ਼ ਸਬੰਧ ਸਨ। ਗੁਰਸੇਵਕ ਸਾਊਦੀ ਅਰਬ 'ਚ ਨੌਕਰੀ ਕਰਦਾ ਹੈ ਅਤੇ ਉਹ ਕੁਝ ਸਮਾਂ ਪਹਿਲਾਂ ਹੀ ਇੱਥੋਂ ਵਾਪਸ ਗਿਆ ਸੀ। ਉਸ ਤੋਂ ਬਾਅਦ ਹੀ ਦੋਵਾਂ ਵਿਚਾਲੇ ਵਿਵਾਦ ਹੋਇਆ ਸੀ।
ਸੀ.ਓ. ਪੰਕਜ ਲਵਾਨੀਆ ਨੇ ਦੱਸਿਆ ਕਿ ਅਗਵਾ ਕਰਨ ਤੋਂ ਤੁਰੰਤ ਬਾਅਦ ਹੀ ਬੱਚੇ ਦਾ ਕਤਲ ਕਰ ਦਿੱਤਾ ਗਿਆ ਸੀ। ਅਰਪਿਤ ਨੇ ਹੀ ਬੱਚੇ ਦੀ ਲਾਸ਼ ਬਰਾਮਦ ਕਰਵਾਈ। ਹਾਲਾਂਕਿ, ਇਸ ਤੋਂ ਪਹਿਲਾਂ ਕਿਲਾ ਪਰੀਖਸ਼ਤਗੜ੍ਹ ਸਥਿਤ ਪਿੰਡ ਪੂਠੀ ਦੇ ਨੇੜੇ ਨਹਿਰ 'ਚ ਗੋਤਾਖੋਰਾਂ ਦੀ ਮਦਦ ਨਾਲ ਵੀ ਲਾਸ਼ ਦੀ ਕਾਫ਼ੀ ਭਾਲ ਕੀਤੀ ਗਈ ਸੀ।