ਮੇਲੋਨੀ ਨੇ ਬਣਾਇਆ ਇਟਲੀ ਦੀ ਸਭ ਤੋਂ ਲੰਬੇ ਸਮੇਂ ਤਕ PM ਰਹਿਣ ਦਾ ਰਿਕਾਰਡ, PM Modi ਨੇ ਕਿਹਾ- ਮੇਰੀ ਦੋਸਤ ਨੂੰ ਵਧਾਈਆਂ

ਡਿਜੀਟਲ ਡੈਸਕ, ਨਵੀਂ ਦਿੱਲੀ: ਇਟਲੀ ਦੀ ਪ੍ਰਧਾਨ ਮੰਤਰੀ ਜੌਰਜੀਆ ਮੇਲੋਨੀ ਨੇ ਦੇਸ਼ ਦੇ ਯੁੱਧ ਤੋਂ ਬਾਅਦ (ਪੋਸਟ-ਵਾਰ) ਹੁਣ ਤੱਕ ਲਗਾਤਾਰ ਪ੍ਰਧਾਨ ਮੰਤਰੀ ਅਹੁਦੇ 'ਤੇ ਰਹਿਣ ਦਾ ਰਿਕਾਰਡ ਬਣਾ ਲਿਆ ਹੈ। ਇਸ ਖ਼ਾਸ ਉਪਲਬਧੀ 'ਤੇ ਪੀਐੱਮ ਮੋਦੀ ਨੇ ਮੇਲੋਨੀ ਨੂੰ ਵਧਾਈ ਦਿੱਤੀ ਹੈ।

ਪੀਐੱਮ ਮੋਦੀ ਨੇ ਐਕਸ (X) ਪੋਸਟ ਵਿੱਚ ਲਿਖਿਆ, "ਇਟਲੀ ਦੇ ਯੁੱਧ ਤੋਂ ਬਾਅਦ ਦੇ ਇਤਿਹਾਸ ਵਿੱਚ ਸਭ ਤੋਂ ਲੰਬੇ ਸਮੇਂ ਤੱਕ ਲਗਾਤਾਰ ਪ੍ਰਧਾਨ ਮੰਤਰੀ ਰਹਿਣ 'ਤੇ ਮੇਰੀ ਮਿੱਤਰ ਪ੍ਰਧਾਨ ਮੰਤਰੀ ਮੇਲੋਨੀ ਨੂੰ ਵਧਾਈ। ਇਹ ਉਪਲਬਧੀ ਉਨ੍ਹਾਂ ਦੀ ਅਗਵਾਈ ਵਿੱਚ ਇਟਲੀ ਦੀ ਜਨਤਾ ਦੇ ਭਰੋਸੇ ਅਤੇ ਵਿਸ਼ਵਾਸ ਨੂੰ ਦਰਸਾਉਂਦੀ ਹੈ।

ਭਾਰਤ-ਇਟਲੀ ਵਿਸ਼ੇਸ਼ ਰਣਨੀਤਕ ਸਾਂਝੇਦਾਰੀ ਨੂੰ ਮਜ਼ਬੂਤ ਕਰਨ ਵਿੱਚ ਉਨ੍ਹਾਂ ਦੀ ਦੋਸਤੀ ਦੀ ਅਹਿਮ ਭੂਮਿਕਾ ਰਹੀ ਹੈ ਅਤੇ ਮੈਂ ਸਾਡੇ ਦੇਸ਼ਾਂ ਦੇ ਲੋਕਾਂ ਲਈ ਇੱਕ ਖ਼ੁਸ਼ਹਾਲ ਭਵਿੱਖ ਬਣਾਉਣ ਲਈ ਸਾਡੇ ਕਰੀਬੀ ਸਹਿਯੋਗ ਨੂੰ ਜਾਰੀ ਰੱਖਣ ਦੀ ਉਮੀਦ ਕਰਦਾ ਹਾਂ। ਆਉਣ ਵਾਲੇ ਸਾਲਾਂ ਵਿੱਚ ਉਨ੍ਹਾਂ ਦੀ ਨਿਰੰਤਰ ਸਫ਼ਲਤਾ ਲਈ ਮੇਰੀਆਂ ਸ਼ੁਭਕਾਮਨਾਵਾਂ।"

ਮੇਲੋਨੀ ਸਰਕਾਰ ਨੇ ਪੂਰੇ ਕੀਤੇ 1,413 ਦਿਨ

ਗਿਆਤ ਹੋਵੇ ਕਿ ਅੱਜ ਯਾਨੀ 4 ਸਤੰਬਰ 2026 ਨੂੰ ਇਟਲੀ ਦੀ ਪੀਐੱਮ ਜੌਰਜੀਆ ਮੇਲੋਨੀ ਦੀ ਸਰਕਾਰ ਨੇ ਲਗਾਤਾਰ 1,413 ਦਿਨ ਪੂਰੇ ਕੀਤੇ। ਮੇਲੋਨੀ ਨੇ ਸਾਬਕਾ ਪ੍ਰਧਾਨ ਮੰਤਰੀ ਸਿਲਵੀਓ ਬਰਲੁਸਕੋਨੀ ਦੇ ਰਿਕਾਰਡ ਨੂੰ ਪਿੱਛੇ ਛੱਡਿਆ ਹੈ। ਬਰਲੁਸਕੋਨੀ ਦੀ ਦੂਜੀ ਸਰਕਾਰ 2001 ਤੋਂ 2005 ਦੇ ਵਿਚਕਾਰ ਲਗਾਤਾਰ 1,412 ਦਿਨਾਂ ਤੱਕ ਸੱਤਾ ਵਿੱਚ ਰਹੀ ਸੀ।

ਪੀਐੱਮ ਮੋਦੀ ਨੇ ਜੂਨ ਵਿਚ ਹਾਸਲ ਕੀਤੀ ਸੀ ਇਹ ਉਪਲਬਧੀ

ਅੱਜ ਮੇਲੋਨੀ ਇਟਲੀ ਦੇ ਪੋਸਟ-ਵਾਰ ਇਤਿਹਾਸ ਵਿੱਚ ਸਭ ਤੋਂ ਲੰਬੇ ਸਮੇਂ ਤੱਕ ਲਗਾਤਾਰ ਅਹੁਦੇ 'ਤੇ ਰਹਿਣ ਵਾਲੀ ਪ੍ਰਧਾਨ ਮੰਤਰੀ ਬਣ ਗਈ ਹੈ। ਮੇਲੋਨੀ ਨੇ ਇਹ ਉਪਲਬਧੀ ਜੋ ਅੱਜ ਹਾਸਲ ਕੀਤੀ ਹੈ, ਉਸ ਨੂੰ ਪੀਐੱਮ ਮੋਦੀ ਨੇ ਇਸੇ ਸਾਲ ਜੂਨ ਵਿੱਚ ਹਾਸਲ ਕੀਤਾ ਸੀ। ਜੂਨ 2026 ਵਿੱਚ ਮੇਲੋਨੀ ਨੇ ਵੀ ਪ੍ਰਧਾਨ ਮੰਤਰੀ ਮੋਦੀ ਨੂੰ ਵਧਾਈ ਦਿੱਤੀ ਸੀ, ਜਦੋਂ ਉਨ੍ਹਾਂ ਨੇ ਭਾਰਤ ਦੇ ਸਭ ਤੋਂ ਲੰਬੇ ਸਮੇਂ ਤੱਕ ਲਗਾਤਾਰ ਅਹੁਦੇ 'ਤੇ ਰਹਿਣ ਵਾਲੇ ਚੁਣੇ ਹੋਏ ਪ੍ਰਧਾਨ ਮੰਤਰੀ ਬਣਨ ਦਾ ਰਿਕਾਰਡ ਬਣਾਇਆ ਸੀ।