ਫਰਜ਼ੀ ਡਾਕਟਰਾਂ ਦੇ ਸਰਟੀਫਿਕੇਟ ਨੂੰ ਲੈ ਕੇ ਘਿਰੀ ਮੈਡੀਕਲ ਕੌਂਸਲ, ਆਈਐੱਮਏ ਨੇ ਮੁੱਖ ਮੰਤਰੀ ਨੂੰ ਪੱਤਰ ਲਿਖ ਕੇ ਜਾਂਚ ਕਰਨ ਦੀ ਕੀਤੀ ਮੰਗ

ਸਟੇਟ ਬਿਊਰੋ, ਜਾਗਰਣ, ਕੋਲਕਾਤਾ : ਬੰਗਾਲ ਵਿਚ ਕਥਿਤ ਫਰਜ਼ੀ ਡਾਕਟਰਾਂ ਦੇ ਸਰਟੀਫਿਕੇਟ ਸਾਹਮਣੇ ਆਉਣ ਦੇ ਬਾਅਦ ਪੱਛਮੀ ਬੰਗਾਲ ਮੈਡੀਕਲ ਕੌਂਸਲ ਦੇ ਪ੍ਰਧਾਨ ਸੁਦੀਪਤ ਰਾਏ ਅਤੇ ਉਪ ਮੁਖੀ ਸੁਸ਼ਾਂਤ ਰਾਏ ’ਤੇ ਸਵਾਲ ਉੱਠੇ ਹਨ। ਡਾਕਟਰਾਂ ਦੇ ਗਰੁੱਪਾਂ ਨੇ ਦੂਜੇ ਸੂਬਿਆਂ ਤੋਂ ਆਏ ਡਾਕਟਰਾਂ ਦੇ ਦਸਤਾਵੇਜ਼ਾਂ ਦੀ ਸੱਚਾਈ ਦੀ ਤਸਦੀਕ ਕਰਨ ਦੀ ਮੰਗ ਕੀਤੀ ਹੈ।

ਐਸੋਸੀਏਸ਼ਨ ਆਫ ਪ੍ਰਾਈਵੇਟ ਹਸਪਤਾਲ ਐਂਡ ਨਰਸਿੰਗਹੋਮ (ਏਪੀਐਚਐਨ) ਨੇ ਸ਼ੱਕੀ ਡਾਕਟਰਾਂ ਦੀ ਸੂਚੀ ਮਿਲਣ ਤੋਂ ਬਾਅਦ ਬਿਹਾਰ ਮੈਡੀਕਲ ਕੌਂਸਲ ਨਾਲ ਉਨ੍ਹਾਂ ਦੇ ਸਰਟੀਫਿਕੇਟਸ ਦੀ ਜਾਂਚ ਲਈ ਰਾਬਤਾ ਕੀਤਾ ਸੀ। ਸੰਗਠਨ ਦੇ ਸਕੱਤਰ ਰਾਜੀਵ ਪਾਂਡੇ ਅਨੁਸਾਰ ਬਿਹਾਰ ਮੈਡੀਕਲ ਕੌਂਸਲ ਨੇ ਜਵਾਬ ਵਿਚ ਪੰਜ ਡਾਕਟਰਾਂ ਦੇ ਪ੍ਰਮਾਣ-ਪੱਤਰ ਫਰਜ਼ੀ ਦੱਸੇ ਹਨ। ਇਨ੍ਹਾਂ ਵਿੱਚੋਂ ਦੋ ਜਣੇ ਤਾਂ ਦੱਖਣੀ 24 ਪਰਗਣਾ ਦੇ ਸਿਹਤ ਕੇਂਦਰਾਂ ਵਿਚ ਡਾਕਟਰ ਦੇ ਤੌਰ ਉੱਤੇ ਕੰਮ ਕਰ ਰਹੇ ਹਨ।

ਆਈਐੱਮਏ ਦੀ ਸੂਬਾ ਇਕਾਈ ਦੇ ਸਕੱਤਰ ਅਤੇ ਸਾਬਕਾ ਰਾਜ ਸਭਾ ਮੈਂਬਰ ਸ਼ਾਂਤਨੂ ਸੇਨ ਨੇ ਮੁੱਖ ਮੰਤਰੀ ਸ਼ੁਭੇਂਦੂ ਅਧਿਕਾਰੀ ਨੂੰ ਪੱਤਰ ਭੇਜ ਕੇ ਮਾਮਲੇ ਦੀ ਜਾਂਚ ਕਰਨ ਦੀ ਮੰਗ ਕੀਤੀ ਹੈ। ਉਨ੍ਹਾਂ ਨੇ ਸੁਦੀਪਤ ਅਤੇ ਸੁਸ਼ਾਂਤ ਰਾਏ ਨੂੰ ਅਹੁਦੇ ਤੋਂ ਹਟਾਉਣ ਦੀ ਵੀ ਮੰਗ ਕੀਤੀ ਹੈ। ਏਪੀਐਚਐਨ, ਪੱਛਮੀ ਬੰਗਾਲ ਡਾਕਟਰ ਫੋਰਮ ਸਮੇਤ ਹੋਰ ਡਾਕਟਰਾਂ ਦੇ ਜਥੇਬੰਦੀਆਂ ਨੇ ਵੀ ਸਿਹਤ ਮੰਤਰੀ ਸ਼ਾਰਦਵਤ ਮੁਖੋਪਾਧਿਆਏ ਤੋਂ ਕਾਰਵਾਈ ਦੀ ਮੰਗ ਕੀਤੀ ਹੈ। ਸੁਸ਼ਾਂਤ ਰਾਏ ਨੇ ਇਨ੍ਹਾਂ ਦੋਸ਼ਾਂ ਨੂੰ ਰਾਜਨੀਤਕ ਦੱਸਦੇ ਹੋਏ ਕਿਹਾ ਕਿ ਦਸਤਾਵੇਜ਼ਾਂ ਦੀ ਜਾਂਚ ਦਾ ਅਧਿਕਾਰ ਰਜਿਸਟਰਾਰ ਦੇ ਕੋਲ ਹੈ ਅਤੇ ਇਸ ਵਿਚ ਪ੍ਰਧਾਨ ਜਾਂ ਮੀਤ ਪ੍ਰਧਾਨ ਦੀ ਕੋਈ ਭੂਮਿਕਾ ਨਹੀਂ ਹੈ।