ਸੈਲਾਨੀਆਂ ਤੇ ਆਮ ਲੋਕਾਂ ਨੂੰ ਵੱਡੀ ਰਾਹਤ: ਮੰਡੀ ਤੋਂ ਕੁੱਲੂ ਦਾ ਸਫ਼ਰ ਹੋਇਆ ਸੁਖਾਲਾ, 60 ਮਿੰਟਾਂ 'ਚ ਪਹੁੰਚੋਗੇ ਮੰਜ਼ਿਲ 'ਤੇ

ਮੰਡੀ : ਕੀਰਤਪੁਰ-ਮਨਾਲੀ ਫੋਰਲੇਨ ਦੇ ਬੇਹੱਦ ਸੰਵੇਦਨਸ਼ੀਲ ਪੰਡੋਹ-ਟਕੋਲੀ ਅਤੇ ਔਟ ਖੰਡ ਵਿਚਕਾਰ ਨਵੀਆਂ ਬਣੀਆਂ ਦਯੋੜ ਅਤੇ ਹਣੋਗੀ ਸੁਰੰਗਾਂ ਨੂੰ ਵੀਰਵਾਰ ਸਵੇਰੇ ਆਵਾਜਾਈ ਲਈ ਖੋਲ੍ਹ ਦਿੱਤਾ ਗਿਆ। ਪਹਿਲਾਂ ਮੰਡੀ ਤੋਂ ਕੁੱਲੂ ਦੀ ਦੂਰੀ 78 ਕਿਲੋਮੀਟਰ ਸੀ, ਜੋ ਹੁਣ ਘਟ ਕੇ 60 ਕਿਲੋਮੀਟਰ ਰਹਿ ਗਈ ਹੈ। ਸੁਰੰਗਾਂ ਸ਼ੁਰੂ ਹੋਣ ਨਾਲ ਵਾਹਨ ਚਾਲਕਾਂ ਨੂੰ ਪੁਰਾਣੀ ਸੜਕ ਦੇ ਜ਼ਮੀਨ ਖਿਸਕਣ ਨਾਲ ਪ੍ਰਭਾਵਿਤ ਪੰਜ ਤੋਂ ਛੇ ਕਿਲੋਮੀਟਰ ਲੰਬੇ ਘੁਮਾਅ ਵਾਲੇ ਹਿੱਸੇ ਤੋਂ ਰਾਹਤ ਮਿਲੀ ਹੈ। ਸੈਲਾਨੀ ਸੀਜ਼ਨ ਦੌਰਾਨ ਇਸ ਪੂਰੇ ਖੰਡ ਵਿਚ ਸਫ਼ਰ ਦਾ ਸਮਾਂ ਪਹਿਲਾਂ ਦੋ ਘੰਟਿਆਂ ਤੋਂ ਵੱਧ ਹੁੰਦਾ ਸੀ, ਜੋ ਹੁਣ ਘਟ ਕੇ ਸਿਰਫ਼ 60 ਮਿੰਟ ਰਹਿ ਜਾਵੇਗਾ। ਫ਼ਿਲਹਾਲ ਪਹਿਲੇ ਪੜਾਅ ਤਹਿਤ ਸੱਜੇ ਪਾਸੇ ਦੀਆਂ ਸੁਰੰਗਾਂ ਨੂੰ ਆਵਾਜਾਈ ਲਈ ਖੋਲ੍ਹਿਆ ਗਿਆ ਹੈ।