ਕਾਲ ਬਣ ਕੇ ਆਇਆ ਟਰੱਕ, ਤੇਜ਼ ਰਫ਼ਤਾਰ ਬੋਲੇਰੋ ਨਾਲ ਹੋਈ ਟੱਕਰ, ਤਿੰਨ ਬੱਚਿਆਂ ਸਮੇਤ 8 ਲੋਕਾਂ ਦੀ ਮੌਤ

ਡਿਜੀਟਲ ਡੈਸਕ, ਮੁੰਬਈ: ਮਹਾਰਾਸ਼ਟਰ ਦੇ ਭੰਡਾਰਾ ਜ਼ਿਲ੍ਹੇ ਵਿੱਚ ਅੱਜ ਸ਼ੁੱਕਰਵਾਰ ਤੜਕੇ ਭਿਆਨਕ ਸੜਕ ਹਾਦਸਾ ਵਾਪਰਿਆ। ਟਰੱਕ ਅਤੇ ਸਪੋਰਟ ਯੂਟਿਲਿਟੀ ਵ੍ਹੀਕਲ (SUV) ਬੋਲੇਰੋ ਵਿਚਕਾਰ ਜ਼ੋਰਦਾਰ ਟੱਕਰ ਹੋਈ। ਇਸ ਹਾਦਸੇ ਵਿੱਚ ਤਿੰਨ ਬੱਚਿਆਂ ਸਮੇਤ ਅੱਠ ਲੋਕਾਂ ਦੀ ਮੌਤ ਹੋ ਗਈ।

ਪੁਲਿਸ ਨੇ ਦੱਸਿਆ ਕਿ ਇਹ ਹਾਦਸਾ ਅੱਜ ਸ਼ੁੱਕਰਵਾਰ, 11 ਸਤੰਬਰ ਦੀ ਸਵੇਰ 4 ਵਜੇ ਲਖਨੀ ਤਾਲੁਕਾ ਵਿੱਚ ਮਾਨੇਗਾਂਵ ਅਤੇ ਪਿੰਪਲਗਾਂਵ ਦੇ ਵਿਚਕਾਰ ਵਾਪਰਿਆ।

ਭੰਡਾਰਾ ਹਾਦਸੇ ਵਿੱਚ ਅੱਠ ਲੋਕਾਂ ਦੀ ਮੌਤ

ਮੌਕੇ ’ਤੇ ਮੌਜੂਦ ਇੱਕ ਪੁਲਿਸ ਅਧਿਕਾਰੀ ਨੇ ਕਿਹਾ, ‘‘ਇੱਕ ਬੋਲੇਰੋ ਗੱਡੀ ਆਇਸ਼ਰ ਟਰੱਕ ਨਾਲ ਟਕਰਾ ਗਈ। ਹਾਦਸੇ ਵਿੱਚ ਬੋਲੇਰੋ ਵਿੱਚ ਸਵਾਰ ਅੱਠ ਲੋਕਾਂ ਪੰਜ ਬਾਲਗ ਅਤੇ ਤਿੰਨ ਬੱਚਿਆਂ ਦੀ ਮੌਤ ਹੋ ਗਈ।’’

ਪੁਲਿਸ ਨੇ ਦੱਸਿਆ ਕਿ ਬੋਲੇਰੋ ਵਿੱਚ ਸਵਾਰ ਲੋਕ ਛੱਤੀਸਗੜ੍ਹ ਦੀ ਰਾਜਧਾਨੀ ਰਾਏਪੁਰ ਤੋਂ ਨੈਸ਼ਨਲ ਹਾਈਵੇ-53 ਰਾਹੀਂ ਨਾਗਪੁਰ ਆ ਰਹੇ ਸਨ। ਸਵੇਰੇ ਕਰੀਬ 4 ਵਜੇ ਲਖਨੀ ਤਾਲੁਕਾ ਵਿੱਚ ਮਾਨੇਗਾਂਵ ਅਤੇ ਪਿੰਪਲਗਾਂਵ ਦੇ ਵਿਚਕਾਰ ਗੱਡੀ ਦੀ ਟਰੱਕ ਨਾਲ ਟੱਕਰ ਹੋ ਗਈ।

ਪੁਲਿਸ ਨੇ ਬੋਲੇਰੋ ਵਿੱਚ ਸਵਾਰ ਅੱਠ ਲੋਕਾਂ ਦੀ ਮੌਤ ਦੀ ਪੁਸ਼ਟੀ ਕੀਤੀ ਹੈ। ਇਸ ਮਾਮਲੇ ਵਿੱਚ ਅਗਲੇਰੀ ਜਾਂਚ ਜਾਰੀ ਹੈ।

ਸਮਾਚਾਰ ਏਜੰਸੀ ਪੀਟੀਆਈ ਦੇ ਇਨਪੁਟ ਨਾਲ