ਦੁਰਗਾ ਪੂਜਾ ਪੰਡਾਲ 'ਚ ਭਗਦੜ ਨੇ ਖੋਹ ਲਈ ਮਾਂ ਦੀ ਜ਼ਿੰਦਗੀ, ਪੁੱਤਰ ਦੀਆਂ ਅੱਖਾਂ ਸਾਹਮਣੇ ਤੋੜਿਆ ਦਮ; ਬਿਆਨ ਕੀਤਾ ਦਰਦ

ਸਟੇਟ ਬਿਊਰੋ, ਕੋਲਕਾਤਾ : ਦੁਰਗਾ ਪੂਜਾ ਪੰਡਾਲ 'ਚ ਸ਼ਨੀਵਾਰ ਸ਼ਾਮ ਮਚੀ ਭਗਦੜ ਨੇ 25 ਸਾਲਾ ਸੋਨੂੰ ਪਾਲ ਤੋਂ ਉਸ ਦੀ ਮਾਂ ਨੂੰ ਖੋਹ ਲਿਆ। ਸਦਮੇ 'ਚ ਡੁੱਬੇ ਸੋਨੂੰ ਨੇ ਕਿਹਾ, “ਮੈਂ ਆਪਣੀ ਮਾਂ ਨੂੰ ਅੱਖਾਂ ਸਾਹਮਣੇ ਦਮ ਤੋੜਦੇ ਦੇਖਿਆ। ਸ਼ਾਇਦ ਮੈਂ ਵੀ ਜ਼ਿੰਦਾ ਨਾ ਬਚਦਾ।” ਕੁਮ੍ਹਾਰਟੋਲੀ ਦੇ ਰਹਿਣ ਵਾਲੇ ਸੋਨੂੰ ਆਪਣੀ ਮਾਂ ਨਾਲ ਦੁਰਗਾ ਪੂਜਾ ਦੇਖਣ ਗਏ ਸਨ। ਚੋਰਬਾਗਾਨ ਦੇ ਪੰਡਾਲ 'ਚ ਪਹੁੰਚਣ 'ਤੇ ਅਚਾਨਕ ਤੇਜ਼ ਮੀਂਹ ਪੈਣਾ ਸ਼ੁਰੂ ਹੋ ਗਿਆ। ਸੋਨੂੰ ਮੁਤਾਬਕ, ਮੀਂਹ ਤੋਂ ਬਚਣ ਲਈ ਕੋਈ ਵੀ ਬਾਹਰ ਨਹੀਂ ਨਿਕਲਣਾ ਚਾਹੁੰਦਾ ਸੀ। ਪ੍ਰਵੇਸ਼ ਦੁਆਰ 'ਤੇ ਖੜ੍ਹੇ ਲੋਕ ਅੰਦਰ ਜਾਣ ਲਈ ਇੱਕ-ਦੂਜੇ ਨੂੰ ਧੱਕੇ ਮਾਰਨ ਲੱਗੇ। ਦੇਖਦੇ ਹੀ ਦੇਖਦੇ ਭੀੜ ਦਾ ਦਬਾਅ ਵਧ ਗਿਆ। ਅੰਦਰ ਮੌਜੂਦ ਲੋਕ ਇੱਕ-ਦੂਜੇ ਦੇ ਉੱਪਰ ਡਿੱਗਣ ਲੱਗੇ। ਉਹ ਖ਼ੁਦ ਵੀ ਲੋਕਾਂ ਦੇ ਹੇਠਾਂ ਦੱਬ ਗਏ ਸਨ। ਕਿਸੇ ਤਰ੍ਹਾਂ ਉਨ੍ਹਾਂ ਨੇ ਖ਼ੁਦ ਨੂੰ ਸੰਭਾਲਿਆ ਅਤੇ ਆਪਣੀ ਮਾਂ ਕੋਲ ਪਹੁੰਚੇ, ਪਰ ਉਦੋਂ ਤੱਕ ਉਨ੍ਹਾਂ ਦੀ ਮੌਤ ਹੋ ਚੁੱਕੀ ਸੀ।

ਕੋਲਕਾਤਾ ਦੇ ਕਈ ਵੱਡੇ ਪੂਜਾ ਪੰਡਾਲਾਂ 'ਚ ਪ੍ਰਵੇਸ਼ ਅਸਥਾਈ ਤੌਰ 'ਤੇ ਬੰਦ