ਚੀਨੀ ਡਿਫੈਂਸ ਸਿਸਟਮ ‘ਤੇ ਭਰੋਸਾ ਕਰਨਾ ਈਰਾਨ ਨੂੰ ਪਿਆ ਭਾਰਾ, ਤੇਲ ਦੇ ਬਦਲੇ ਹਥਿਆਰ ਸੌਦੇ ਤਹਿਤ ਚੀਨ ਤੋਂ ਖਰੀਦੀ ਸੀ ਐੱਚਕਿਊ-6 ਹਵਾਈ ਰੱਖਿਆ ਪ੍ਰਣਾਲੀ

ਨਵੀਂ ਦਿੱਲੀ, ਜੇਐੱਨਐੱਨ: ਚੀਨੀ ਸਾਮਾਨ ’ਤੇ ਕੋਈ ਭਰੋਸਾ ਨਹੀਂ ਕੀਤਾ ਜਾ ਸਕਦਾ। ਇਹ ਸਿਰਫ ਰੋਜ਼ਾਨਾ ਦੀਆਂ ਵਰਤੋਂ ਵਾਲੀਆਂ ਚੀਜ਼ਾਂ ਲਈ ਹੀ ਨਹੀਂ, ਬਲਕਿ ਮਿਜ਼ਾਈਲ ਅਤੇ ਡਿਫੈਂਸ ਸਿਸਟਮ ਲਈ ਵੀ ਠੀਕ ਬੈਠਦਾ ਹੈ। ਜਿਵੇਂ ਕਿ ਆਪਰੇਸ਼ਨ ਸਿੰਦੂਰ ਦੌਰਾਨ ਚੀਨੀ ਮਿਸਾਈਲ ਸਿਸਟਮ ਅਤੇ ਹਥਿਆਰਾਂ ’ਤੇ ਭਰੋਸਾ ਕਰਨਾ ਪਾਕਿਸਤਾਨ ਲਈ ਮਹਿੰਗਾ ਸਾਬਿਤ ਹੋਇਆ ਸੀ। ਉਸੇ ਤਰ੍ਹਾਂ ਵਰਤਮਾਨ ਸਮੇਂ ’ਚ ਇਰਾਨ ਨੂੰ ਵੀ ਪਛਤਾਉਣਾ ਪੈ ਰਿਹਾ ਹੈ। ਇਹ ਇਜ਼ਰਾਈਲ ਅਤੇ ਅਮਰੀਕਾ ਦੇ ਹਮਲਿਆਂ ਤੋਂ ਆਪਣੀ ਸੁਰੱਖਿਆ ਕਰਨ ’ਚ ਸਫਲ ਨਹੀਂ ਰਹੀ ਹੈ। ਈਰਾਨ ਨੇ ਚੀਨ ਨਾਲ ਤੇਲ ਦੇ ਬਦਲੇ ਹਥਿਆਰਾਂ ਦੇ ਸੌਦੇ ਦੇ ਤਹਿਤ ਐੱਚਕਿਊ-9ਬੀ ਮਿਜ਼ਾਈਲ ਸਿਸਟਮ ਦੀ ਖਰੀਦ ਕੀਤੀ ਸੀ।

ਇੰਟਰਨੈਟ ਮੀਡੀਆ ’ਤੇ ਆਈਆਂ ਖ਼ਬਰਾਂ ਦੇ ਅਨੁਸਾਰ, ਅਮਰੀਕਾ ਅਤੇ ਇਜ਼ਰਾਈਲ ਵੱਲੋਂ ਕੀਤੇ ਹਵਾਈ ਹਮਲਿਆਂ ’ਚ ਈਰਾਨ ਦੇ ਸ਼ਹਿਰਾਂ ’ਚ ਹੋਈ ਭਾਰੀ ਤਬਾਹੀ ਨੇ ਤੇਹਰਾਨ ਦੀ ਹਵਾਈ ਰੱਖਿਆ ਪ੍ਰਣਾਲੀ ਦੀ ਹਮਲਿਆਂ ਨੂੰ ਰੋਕਣ ’ਚ ਨਾਕਾਮੀ ਨੂੰ ਜ਼ਾਹਿਰ ਕੀਤਾ ਹੈ। ਇਰਾਨ ਨੇ ਹਾਲ ਹੀ ’ਚ ਆਪਣੇ ਹਥਿਆਰਾਂ ਨੂੰ ਮਜ਼ਬੂਤ ਕਰਨ ਲਈ ਚੀਨ ਤੋਂ ਐੱਚਕਿਊ-9ਬੀ ਹਵਾਈ ਰੱਖਿਆ ਪ੍ਰਣਾਲੀ ਖ਼ਰੀਦੀ ਸੀ, ਪਰ ਇਹ ਆਪਣੇ ਮਕਸਦ ’ਚ ਅਸਫਲ ਸਾਬਤ ਹੋਈ ਹੈ। ਇਸ ਤੋਂ ਪਹਿਲਾਂ, ਜਦੋਂ ਭਾਰਤ ਨੇ ਆਪਰੇਸ਼ਨ ਸਿੰਦੂਰ ਸ਼ੁਰੂ ਕੀਤਾ ਸੀ, ਤਦ ਵੀ ਇਹ ਪਾਕਿਸਤਾਨ ’ਚ ਕਾਫ਼ੀ ਸੁਰੱਖਿਆ ਪ੍ਰਦਾਨ ਨਹੀਂ ਕਰ ਸਕੀ ਸੀ। ਈਰਾਨ ’ਚ ਇਸ ਨਿਰਾਸ਼ਾਜਨਕ ਪ੍ਰਦਰਸ਼ਨ ਤੋਂ ਬਾਅਦ ਹੁਣ ਜੰਗ ਵਿਸ਼ਲੇਸ਼ਕ ਐੱਚਕਿਊ-9ਬੀ ਦੀਆਂ ਸਮਰੱਥਾਵਾਂ ’ਤੇ ਸਵਾਲ ਉਠਾ ਰਹੇ ਹਨ।

ਐੱਚਕਿਊ-9ਬੀ ਹਵਾਈ ਰੱਖਿਆ ਪ੍ਰਣਾਲੀ

ਚੀਨ ਏਰੋਸਪੇਸ ਸਾਇੰਸ ਐਂਡ ਇੰਡਸਟਰੀ ਕਾਰਪੋਰੇਸ਼ਨ ਦੁਆਰਾ ਵਿਕਸਿਤ ਐੱਚਕਿਊ-9ਬੀ, ਰੂਸੀ ਐੱਸ-300ਪੀਐੱਮਯੂ ਅਤੇ ਅਮਰੀਕੀ ਪੈਟਰੀਅਟ ਪੀਏਸੀ-2 ਪ੍ਰਣਾਲੀਆਂ ਤੋਂ ਪ੍ਰੇਰਿਤ ਹੈ ਪਰ ਇਹ ਪੂਰੀ ਤਰ੍ਹਾਂ ਦੇਸ਼ੀ ਹਵਾਈ ਰੱਖਿਆ ਪ੍ਰਣਾਲੀ ਵਜੋਂ ਵਿਕਸਿਤ ਕੀਤੀ ਗਈ ਹੈ। ਇਸ ਦਾ ਪਹਿਲਾ ਟੈਸਟ 2006 ’ਚ ਕੀਤਾ ਗਿਆ ਸੀ। ਦਾਅਵਾ ਕੀਤਾ ਜਾਂਦਾ ਹੈ ਕਿ ਇਸ ਦੀ ਮਾਰਕ ਸਮਰਥਾ 260 ਕਿਮੀ ਹੈ ਅਤੇ ਇਹ 50 ਕਿਮੀ ਦੀ ਉਚਾਈ ਤੱਕ ਸਥਿਤ ਮਿਜ਼ਾਈਲਾਂ ਨੂੰ ਮਾਰ ਸਕਦੀ ਹੈ। ਰਿਪੋਰਟਾਂ ਦੇ ਮੁਤਾਬਕ, ਐੱਚਕਿਊ-9ਬੀ ਇਕ ਵਾਰੀ 6-8 ਲਕਸ਼ਾਂ ਨੂੰ ਨਿਸ਼ਾਨਾ ਬਣਾ ਸਕਦੀ ਹੈ ਅਤੇ 100 ਤੱਕ ਟੀਚਿਆਂ ਨੂੰ ਟ੍ਰੈਕ ਕਰ ਸਕਦੀ ਹੈ।