ਸ਼ਰਾਬ ਦੇ ਨਸ਼ੇ 'ਚ ਹੈਵਾਨ ਬਣਿਆ ਪਤੀ, ਪਤਨੀ ਦਾ ਵੱਢ 'ਤਾ ਗਲਾ; ਫਿਰ ਜ਼ਮੀਨ 'ਚ ਦੱਬ ਦਿੱਤੀ ਲਾਸ਼

ਬਿਹਾਰ ’ਚ ਲਖੀਸਰਾਏ ਜ਼ਿਲ੍ਹੇ ਦੇ ਅਲੀਨਗਰ ਪਿੰਡ ’ਚ ਪਿਛਲੇ ਬੁੱਧਵਾਰ ਨੂੰ ਸ਼ਰਾਬ ਦੇ ਨਸ਼ੇ ’ਚ ਧੁੱਤ ਪਤੀ ਨਾਗੇਸ਼ਵਰ ਨੇ ਪਤਨੀ ਸਹੋਦਰੀ ਦੇਵੀ ਦੀ ਤੇਜ਼ਧਾਰ ਹਥਿਆਰ ਨਾਲ ਗਲਾ ਵੱਢ ਕੇ ਹੱਤਿਆ ਕਰ ਦਿੱਤੀ। ਸਬੂਤ ਖ਼ਤਮ ਕਰਨ ਲਈ ਲਾਸ਼ ਨੂੰ ਘਰ ਦੇ ਅੰਦਰ ਹੀ ਜ਼ਮੀਨ ਪੁੱਟ ਕੇ ਦਫਨਾ ਦਿੱਤਾ। ਦੇਰ ਸ਼ਾਮ ਪਤੀ ਘਰ ਨੂੰ ਬਾਹਰ ਤੋਂ ਤਾਲਾ ਲਗਾ ਕੇ ਨਿਕਲ ਰਿਹਾ ਸੀ। ਗੁਆਂਢੀਆਂ ਨੇ ਸਹੋਦਰੀ ਨੂੰ ਨਾਲ ਨਹੀਂ ਦੇਖ ਕੇ ਉਸ ਬਾਰੇ ਪੁੱਛਿਆ ਤਾਂ ਪਤੀ ਨੇ ਦੱਸਿਆ ਕਿ ਪਤਨੀ ਪੇਕੇ ਚਲੀ ਗਈ ਹੈ। ਇਸ ’ਤੇ ਪਿੰਡ ਦੇ ਲੋਕਾਂ ਨੂੰ ਸ਼ੱਕ ਹੋਇਆ ਤੇ ਪਤੀ ਨੂੰ ਰੋਕ ਕੇ ਪੁਲਿਸ ਨੂੰ ਸੂਚਨਾ ਦਿੱਤੀ ਗਈ।