ਜੇਲ੍ਹ ’ਚ ਸਹੂਲਤਾਂ ਸਬੰਧੀ ਸਾਬਕਾ ਮੰਤਰੀ ਸੰਜੀਵ ਅਰੋੜਾ ਨੇ ਵਾਪਸ ਲਈਆਂ ਪਟੀਸ਼ਨਾਂ, ਇਹ ਹੈ ਵਜ੍ਹਾ

ਗੁਰੂਗ੍ਰਾਮ : ਮਨੀ ਲਾਂਡ੍ਰਿੰਗ ਮਾਮਲੇ ’ਚ ਬਾਦਸ਼ਾਹਪੁਰ ਦੀ ਭੋਂਡਸੀ ਜੇਲ੍ਹ ’ਚ ਬੰਦ ਆਪ ਆਗੂ ਤੇ ਪੰਜਾਬ ਦੇ ਸਾਬਕਾ ਉਦਯੋਗ ਮੰਤਰੀ ਸੰਜੀਵ ਅਰੋੜਾ ਨੇ ਜੇਲ੍ਹ ’ਚ ਵੱਖ ਕੂਲਰ, ਪਰਿਵਾਰ ਤੋਂ ਘਰ ਦਾ ਬਣਿਆ ਭੋਜਨ ਤੇ ਇਨਸੁਲਿਨ ਦੇ ਭੰਡਾਰਨ ਲਈ ਰੈਫਰੀਜਰੇਸ਼ਨ ਸਹੂਲਤ ਉਪਲਬਧ ਕਰਵਾਉਣ ਸਬੰਧੀ ਤਿੰਨੇ ਪਟੀਸ਼ਨਾਂ ਵਾਪਸ ਲੈ ਲਈਆਂ ਹਨ। ਇਸ ਤੋਂ ਪਹਿਲਾਂ ਜ਼ਿਲ੍ਹਾ ਜੇਲ੍ਹ ਭੋਂਡਸੀ ਦੇ ਸੁਪਰਡੰਟ ਵਿਕਾਸ ਕੌਸ਼ਿਕ ਨੇ ਪੀਐੱਮਐੱਲਏ ਦੇ ਵਿਸ਼ੇਸ਼ ਜੱਜ ਅਤੇ ਜ਼ਿਲ੍ਹਾ ਅਤੇ ਸੈਸ਼ਨ ਜੱਜ ਨਰੇਂਦਰ ਸੁਰਾ ਦੀ ਅਦਾਲਤ ’ਚ ਨਿੱਜੀ ਰੂਪ ਨਾਲ ਪੇਸ਼ ਹੋ ਕੇ ਦੱਸਿਆ ਕਿ ਇਨ੍ਹਾਂ ਤਿੰਨਾਂ ਸਹੂਲਤਾਂ ਦੀ ਵੱਖਰੇ ਤੌਰ ’ਤੇ ਵਿਵਸਥਾ ਕਰਨ ਦੀ ਕੋਈ ਵਿਵਸਥਾ ਨਹੀਂ ਹੈ।