ਫੁੱਲ, ਪ੍ਰਪੋਜ਼ਲ ਤੇ ਡ੍ਰੀਮ ਵੈਡਿੰਗ... ਸਿਆ ਲਈ ਕੇਤਨ ਨੇ ਕੀਤਾ ਸੀ 'ਆਖੋਂ ਮੇਂ ਤੇਰੀ' 'ਤੇ ਰੋਮਾਂਟਿਕ ਡਾਂਸ; ਵੀਡੀਓ ਵਾਇਰਲ

ਡਿਜੀਟਲ ਡੈਸਕ, ਪੁਣੇ : ਪ੍ਰਪੋਜ਼ਲ, ਫੁੱਲਾਂ ਦੇ ਨਾਲ ਰੋਮਾਂਟਿਕ ਅੰਦਾਜ਼, ਗਲ਼ੇ ਮਿਲਣਾ, ਡਾਂਸ, ਆਫ਼ੀਸ਼ੀਅਲੀ ਟੇਕਨ ਦਾ ਟੈਗ ਅਤੇ ਸਭ ਦੀ ਉਡੀਕ ਵਾਲੀ ਡ੍ਰੀਮ ਵੈਡਿੰਗ... ਸਿਆ ਗੋਇਲ ਦੀਆਂ ਇੰਸਟਾਗ੍ਰਾਮ ਪੋਸਟਾਂ ਵਿੱਚ ਮਹੀਨਿਆਂ ਤੱਕ ਉਸ ਦੇ ਮੰਗੇਤਰ ਕੇਤਨ ਅਗਰਵਾਲ ਨਾਲ ਇੱਕ ਪਰਫ਼ੈਕਟ ਲਵ ਸਟੋਰੀ ਦਿਖਾਈ ਦਿੱਤੀ। ਪਰ ਇਹ ਸਭ ਸਿਰਫ਼ ਇੱਕ ਦਿਖਾਵਾ ਸੀ ਅਤੇ ਅਸਲ ਵਿੱਚ ਇਹ ਸਭ ਮੌਤ ਦੇ ਰਾਹ ਵੱਲ ਲੈ ਜਾਣ ਵਾਲਾ ਸਿਲਸਿਲਾ ਸਾਬਤ ਹੋਇਆ।

ਸਿਆ ਅਤੇ ਕੇਤਨ ਨੇ ਫਰਵਰੀ ਵਿੱਚ ਆਪਣੀ ਮੰਗਣੀ ਕੀਤੀ ਸੀ ਅਤੇ ਨਵੰਬਰ ਵਿੱਚ ਪ੍ਰਾਈਵੇਟ ਜੈੱਟ ਅਤੇ ਮਹਿਲਾਂ ਦੇ ਨਾਲ ਇੱਕ ਸ਼ਾਨਦਾਰ ਵਿਆਹ ਕਰਨ ਦੀ ਯੋਜਨਾ ਬਣਾਈ ਸੀ। ਇੱਕ ਮਹੀਨੇ ਬਾਅਦ ਸਿਆ ਨੇ ਇੰਸਟਾਗ੍ਰਾਮ 'ਤੇ ਇੱਕ ਪੋਸਟ ਵਿੱਚ ਕੈਂਡਲ ਲਾਈਟ ਵਾਲੇ ਕੇਕ ਦੀ ਤਸਵੀਰ ਸਾਂਝੀ ਕੀਤੀ ਅਤੇ ਕੈਪਸ਼ਨ ਲਿਖਿਆ, "ਮੇਰੇ ਦਿਲ ਨੂੰ ਆਪਣਾ ਘਰ ਮਿਲੇ ਇੱਕ ਮਹੀਨਾ ਹੋ ਗਿਆ, ਇਸ ਦੇ ਲਈ ਚੀਅਰਸ।" ਇਸ ਵਿੱਚ ਉਸ ਨੇ ਕੇਤਨ ਨੂੰ ਟੈਗ ਵੀ ਕੀਤਾ।

ਇੰਸਟਾਗ੍ਰਾਮ 'ਤੇ ਰੋਮਾਂਟਿਕ ਪੋਸਟਾਂ ਦੀ ਭਰਮਾਰ

ਮਈ ਵਿੱਚ ਇੱਕ ਹੋਰ ਪੋਸਟ ਵਿੱਚ ਕੇਤਨ ਸਿਆ ਨੂੰ ਫੁੱਲ ਦਿੰਦਾ ਹੋਇਆ ਦਿਖਾਈ ਦਿੱਤਾ। ਇਸ ਦੇ ਕੈਪਸ਼ਨ ਵਿੱਚ ਸਿਆ ਨੇ ਲਿਖਿਆ, "ਉਸ ਨੇ 'ਪਸੰਦ ਹੈ ਤੁਹਾਨੂੰ' ਵਾਲੀ ਗੱਲ ਨੂੰ ਬਹੁਤ ਗੰਭੀਰਤਾ ਨਾਲ ਲੈ ਲਿਆ।" ਇਸ ਤੋਂ ਬਾਅਦ ਦੋਵਾਂ ਨੇ ਇੱਕ-ਦੂਜੇ ਨੂੰ ਗਲ਼ੇ ਲਗਾਇਆ। ਸਿਆ ਨੇ ਕੇਤਨ ਦੀ ਉਸ ਇੰਸਟਾਗ੍ਰਾਮ ਸਟੋਰੀ ਨੂੰ ਵੀ ਰੀ-ਪੋਸਟ ਕੀਤਾ ਸੀ ਜਿਸ ਵਿੱਚ ਉਹ ਨਜ਼ਰ ਆ ਰਹੀ ਸੀ। ਇਸ ਦੇ ਨਾਲ ਉਸ ਨੇ "ਦੈਟ ਸਮਾਈਲ" ਕੈਪਸ਼ਨ ਅਤੇ ਇੱਕ ਹਾਰਟ ਇਮੋਜੀ ਵੀ ਲਗਾਇਆ ਸੀ।

19 ਮਈ ਨੂੰ ਸਿਆ ਨੇ ਆਪਣੇ ਸੋਸ਼ਲ ਮੀਡੀਆ 'ਤੇ 'ਬਰਥਡੇ ਕਾਊਂਟਡਾਊਨ' ਸਟੋਰੀ ਪੋਸਟ ਕੀਤੀ, ਜਿਸ ਵਿੱਚ ਇਹ ਕਪਲ ਇੱਕ ਰੋਮਾਂਟਿਕ ਗਾਣੇ 'ਤੇ ਡਾਂਸ ਕਰਦਾ ਅਤੇ ਘੁੰਮਦਾ ਹੋਇਆ ਨਜ਼ਰ ਆਇਆ। ਇਸ ਦੇ ਇੱਕ ਮਹੀਨੇ ਬਾਅਦ ਸਿਆ ਦੇ ਜਨਮਦਿਨ ਤੋਂ ਠੀਕ ਇੱਕ ਦਿਨ ਪਹਿਲਾਂ ਇਸ ਕਹਾਣੀ ਨੇ ਇੱਕ ਵੱਖਰਾ ਹੀ ਮੋੜ ਲੈ ਲਿਆ।

ਕਲਿੰਗ ਸਟੋਰੀ 'ਚ ਇੰਝ ਬਦਲੀ ਰੋਮਾਂਟਿਕ ਸਟੋਰੀ

ਮਹਾਰਾਸ਼ਟਰ ਦੇ ਇੱਕ ਵੱਡੇ ਬਿਜ਼ਨਸਮੈਨ ਦੇ ਨੌਜਵਾਨ ਪੁੱਤਰ ਕੇਤਨ ਦੀ ਮੌਤ ਉਦੋਂ ਹੋ ਗਈ ਜਦੋਂ ਸਿਆ ਅਤੇ ਉਸ ਦੇ ਪ੍ਰੇਮੀ ਨੇ ਉਸ ਨੂੰ ਪੁਣੇ ਦੇ ਨੇੜੇ ਲੋਹਾਗੜ੍ਹ ਕਿਲ੍ਹੇ ਦੀ ਇੱਕ ਖੱਡ ਵਿੱਚ ਧੱਕਾ ਦੇ ਦਿੱਤਾ। ਸ਼ੁਰੂਆਤ ਵਿੱਚ ਇਸ ਨੂੰ ਤੇਜ਼ ਹਵਾਵਾਂ ਦੇ ਵਿਚਕਾਰ ਫੋਟੋ ਖਿੱਚਦੇ ਸਮੇਂ ਹੋਇਆ ਹਾਦਸਾ ਮੰਨਿਆ ਗਿਆ ਸੀ। ਜਦੋਂ ਸਿਆ ਨੇ ਲੋਨਾਵਲਾ ਦਿਹਾਤੀ ਪੁਲਿਸ ਨੂੰ ਦੱਸਿਆ ਕਿ ਕੇਤਨ ਫਿਸਲ ਕੇ ਡਿੱਗ ਗਿਆ ਸੀ, ਤਾਂ ਪੁਲਿਸ ਨੇ ਹਾਦਸਾਗ੍ਰਸਤ ਮੌਤ ਦਾ ਮਾਮਲਾ ਦਰਜ ਕਰ ਲਿਆ।

ਕਿਵੇਂ ਮਿਲੇ ਸਿਆ ਤੇ ਚੇਤਨ

ਹਾਲਾਂਕਿ, ਪੁਲਿਸ ਨੂੰ ਸ਼ੱਕ ਹੋਇਆ ਕਿਉਂਕਿ ਸਿਆ ਦੇ ਵਿਵਹਾਰ ਵਿੱਚ ਕੋਈ ਦੁੱਖ ਨਹੀਂ ਦਿਖਾਈ ਦੇ ਰਿਹਾ ਸੀ। ਜਾਂਚ ਵਿੱਚ ਪਤਾ ਲੱਗਿਆ ਕਿ ਸਿਆ ਦਾ ਚੇਤਨ ਬਾਬੂਲਾਲ ਚੌਧਰੀ (22) ਨਾਲ ਵੀ ਰਿਸ਼ਤਾ ਸੀ, ਜਿਸ ਨੂੰ ਉਹ ਪਿਛਲੇ ਸਾਲ ਇੱਕ ਬਿਜ਼ਨਸ ਮੀਟਿੰਗ ਵਿੱਚ ਮਿਲੀ ਸੀ। ਸਿਆ ਦੀ ਆਪਣੀ ਬੇਕਰੀ ਸੀ, ਜਦੋਂ ਕਿ ਚੇਤਨ ਡਰਾਈ ਫਰੂਟ ਦਾ ਬਿਜ਼ਨਸ ਕਰਦਾ ਸੀ।

ਇਸ ਲਈ ਰਚੀ ਕਤਲ ਦੀ ਸਾਜ਼ਿਸ਼

ਪੁਲਿਸ ਮੁਤਾਬਕ, ਚੇਤਨ ਨੂੰ ਕੇਤਨ ਦੇ ਨਾਲ ਸਿਆ ਦਾ ਰਿਸ਼ਤਾ ਪਸੰਦ ਨਹੀਂ ਸੀ ਅਤੇ ਉਹ ਉਸ ਨੂੰ ਇੱਕ ਰੁਕਾਵਟ ਮੰਨਦਾ ਸੀ, ਇਸ ਲਈ ਦੋਵਾਂ ਨੇ ਮਿਲ ਕੇ ਕਥਿਤ ਤੌਰ 'ਤੇ ਉਸ ਦੇ ਕਤਲ ਦੀ ਸਾਜ਼ਿਸ਼ ਰਚੀ। ਪੁਲਿਸ ਨੇ ਕਿਹਾ, "ਜਾਂਚ ਤੋਂ ਪਤਾ ਲੱਗਿਆ ਹੈ ਕਿ ਸਿਆ ਕੇਤਨ ਨਾਲ ਵਿਆਹ ਨਹੀਂ ਕਰਨਾ ਚਾਹੁੰਦੀ ਸੀ ਅਤੇ ਉਸ ਨੂੰ ਚੇਤਨ ਨਾਲ ਆਪਣੇ ਰਿਸ਼ਤੇ ਵਿੱਚ ਇੱਕ ਰੁਕਾਵਟ ਮੰਨਦੀ ਸੀ।"

ਪੁਲਿਸ ਨੇ ਦੱਸਿਆ ਕਿ ਸਿਆ ਨੇ ਕੇਤਨ ਨੂੰ ਘੁੰਮਣ-ਫਿਰਨ ਦੇ ਬਹਾਨੇ ਲੋਹਾਗੜ੍ਹ ਕਿਲ੍ਹੇ ਵਿੱਚ ਬੁਲਾਇਆ ਸੀ। ਦੱਸਿਆ ਜਾਂਦਾ ਹੈ ਕਿ ਬਾਅਦ ਵਿੱਚ ਚੇਤਨ ਨੂੰ ਵੀ ਉੱਥੇ ਬੁਲਾਇਆ ਗਿਆ ਸੀ ਅਤੇ ਉਹ ਇਹਨਾਂ ਲੋਕਾਂ ਦੇ ਪਿੱਛੇ-ਪਿੱਛੇ ਕਰੀਬ 20 ਤੋਂ 30 ਫੁੱਟ ਦੀ ਦੂਰੀ 'ਤੇ ਚੱਲ ਰਿਹਾ ਸੀ। ਸੀਸੀਟੀਵੀ ਫੁਟੇਜ ਵਿੱਚ ਚੇਤਨ ਹੁੱਡੀ (Hoodie) ਪਾਏ ਹੋਏ ਦਿਖਾਈ ਦਿੱਤਾ, ਤਾਂ ਜੋ ਕਿਲ੍ਹੇ ਦੇ ਰਸਤਿਆਂ 'ਤੇ ਕੇਤਨ ਅਤੇ ਸਿਆ ਦਾ ਪਿੱਛਾ ਕਰਦੇ ਸਮੇਂ ਉਸ ਦੀ ਪਛਾਣ ਛੁਪੀ ਰਹੇ। ਇਸ ਤੋਂ ਬਾਅਦ ਉਨ੍ਹਾਂ ਦੋਵਾਂ ਨੇ ਕੇਤਨ ਨੂੰ ਪਿੱਛੇ ਤੋਂ ਖੱਡ ਵਿੱਚ ਧੱਕਾ ਦੇ ਦਿੱਤਾ, ਜਿਸ ਨਾਲ ਉਸ ਦੀ ਮੌਤ ਹੋ ਗਈ।

ਸੱਤ ਮਹੀਨਿਆਂ 'ਚ 2 ਹਜ਼ਾਰ ਤੋਂ ਵੱਧ ਵਾਰ ਫੋਨ ਕਾਲ

ਜਾਂਚ ਵਿੱਚ ਇਹ ਵੀ ਸਾਹਮਣੇ ਆਇਆ ਕਿ ਸਿਆ ਅਤੇ ਚੇਤਨ ਵਿਚਕਾਰ ਪਿਛਲੇ ਸੱਤ ਮਹੀਨਿਆਂ ਵਿੱਚ ਕੁੱਲ ਮਿਲਾ ਕੇ ਲਗਪਗ 238 ਘੰਟਿਆਂ ਦੀਆਂ 2,004 ਫੋਨ ਕਾਲਾਂ ਹੋਈਆਂ ਸਨ। ਉਨ੍ਹਾਂ ਦੇ ਰਿਸ਼ਤੇ ਦੀ ਸ਼ੁਰੂਆਤ ਨਵੰਬਰ 2025 ਵਿੱਚ ਹੋਈ ਸੀ, ਜਦੋਂ ਸਿਆ ਅਤੇ ਕੇਤਨ ਦੇ ਪਰਿਵਾਰ ਵਿਆਹ ਦੀਆਂ ਤਿਆਰੀਆਂ ਵਿੱਚ ਜੁਟੇ ਹੋਏ ਸਨ। ਸਿਆ ਅਤੇ ਚੇਤਨ ਨੂੰ ਕਤਲ ਅਤੇ ਅਪਰਾਧਿਕ ਸਾਜ਼ਿਸ਼ ਦੇ ਦੋਸ਼ ਵਿੱਚ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ ਅਤੇ ਉਨ੍ਹਾਂ ਨੂੰ ਸੱਤ ਦਿਨਾਂ ਦੀ ਪੁਲਿਸ ਰਿਹਾਸਤ ਵਿੱਚ ਭੇਜ ਦਿੱਤਾ ਗਿਆ ਹੈ।

ਬਾਲੀ ਟ੍ਰਿਪ ਤੇ ਕਤਲ ਦੀ ਨਾਕਾਮ ਕੋਸ਼ਿਸ਼

ਕਤਲ ਤੋਂ ਕੁਝ ਦਿਨ ਪਹਿਲਾਂ ਕੇਤਨ ਅਤੇ ਸਿਆ ਪ੍ਰੀ-ਵੇਡਿੰਗ ਫੋਟੋਸ਼ੂਟ ਲਈ ਬਾਲੀ (Bali) ਜਾਣ ਵਾਲੇ ਸੀ, ਪਰ ਮੁੰਬਈ ਏਅਰਪੋਰਟ ਪਹੁੰਚਣ 'ਤੇ ਜਦੋਂ ਕੇਤਨ ਨੂੰ ਪਤਾ ਲੱਗਿਆ ਕਿ ਉਸ ਦਾ ਪਾਸਪੋਰਟ ਗਾਇਬ ਹੈ, ਤਾਂ ਇਨ੍ਹਾਂ ਲੋਕਾਂ ਨੂੰ ਆਪਣਾ ਪਲਾਨ ਬਦਲਣਾ ਪਿਆ।

ਕੇਤਨ ਦੇ ਪਿਤਾ ਦਾ ਦਾਅਵਾ : "ਉਨ੍ਹਾਂ ਨੇ 6 ਜੂਨ ਨੂੰ ਪ੍ਰੀ-ਵੇਡਿੰਗ ਸ਼ੂਟ ਲਈ ਮੁੰਬਈ ਤੋਂ ਬਾਲੀ ਜਾਣਾ ਸੀ। ਘਰੋਂ ਨਿਕਲਦੇ ਸਮੇਂ ਕਾਰ ਵਿੱਚ ਸਿਰਫ਼ ਚਾਰ ਲੋਕ ਸਨ: ਮੇਰੀ ਧੀ, ਮੇਰਾ ਪੁੱਤਰ, ਸਿਆ ਅਤੇ ਸਿਆ ਦਾ ਭਰਾ ਸਾਹਿਲ। ਕਾਰ ਵਿੱਚ ਬੈਠੇ-ਬੈਠੇ ਸਾਰਿਆਂ ਨੇ ਆਪਣੇ ਪਾਸਪੋਰਟ ਚੈੱਕ ਕੀਤੇ ਅਤੇ ਸਾਰੇ ਪਾਸਪੋਰਟ, ਕਰੰਸੀ, ਕ੍ਰੈਡਿਟ ਕਾਰਡ, ਡਰਾਈਵਿੰਗ ਲਾਇਸੈਂਸ ਵਗੈਰਾ ਇੱਕ ਹੀ ਪਾਊਚ ਵਿੱਚ ਰੱਖੇ ਗਏ ਸਨ। ਉਹ ਪਾਊਚ ਕਾਰ ਵਿੱਚ ਹੀ ਸੀ।"

ਉਨ੍ਹਾਂ ਨੇ ਦੱਸਿਆ ਕਿ ਜਦੋਂ ਉਹ ਇੱਕ ਫੂਡ ਮਾਲ ਵਿੱਚ ਰੁਕੇ ਤਾਂ ਸਿਆ ਨੇ ਕਿਹਾ ਕਿ ਉਹ ਆਪਣਾ ਮੋਬਾਈਲ ਭੁੱਲ ਗਈ ਹੈ ਅਤੇ ਉਸ ਨੂੰ ਲੈਣ ਲਈ ਕਾਰ ਕੋਲ ਵਾਪਸ ਚਲੀ ਗਈ। ਉਨ੍ਹਾਂ ਅੱਗੇ ਕਿਹਾ, "ਏਅਰਪੋਰਟ ਪਹੁੰਚਣ 'ਤੇ ਕੇਤਨ ਨੂੰ ਛੱਡ ਕੇ ਬਾਕੀ ਸਾਰਿਆਂ ਕੋਲ ਆਪਣੇ ਪਾਸਪੋਰਟ ਸਨ। ਸਿਰਫ਼ ਕੇਤਨ ਦਾ ਪਾਸਪੋਰਟ ਚੋਰੀ ਹੋ ਗਿਆ ਸੀ। ਇਸ ਵਜ੍ਹਾ ਕਰਕੇ ਉਹ ਜਾ ਨਹੀਂ ਸਕਿਆ ਅਤੇ ਉਸ ਨੂੰ ਏਅਰਪੋਰਟ ਤੋਂ ਹੀ ਵਾਪਸ ਲੌਟਣਾ ਪਿਆ।"

ਬਾਅਦ ਵਿੱਚ ਪੁਣੇ ਦੇ ਲੋਹਾਗੜ੍ਹ ਕਿਲ੍ਹੇ ਦੀ ਯਾਤਰਾ ਦੌਰਾਨ ਸਿਆ ਨੇ 14 ਜੂਨ ਨੂੰ ਸਭ ਤੋਂ ਪਹਿਲਾਂ ਉਸ ਨੂੰ ਮਾਰਨ ਦੀ ਕੋਸ਼ਿਸ਼ ਕੀਤੀ ਸੀ, ਪਰ ਉਹ ਇਸ ਵਿੱਚ ਨਾਕਾਮ ਰਹੀ। ਪੁਲਿਸ ਮੁਤਾਬਕ, ਉਸ ਨੇ ਉਸ ਨੂੰ ਕਿਲ੍ਹੇ ਤੋਂ ਧੱਕਾ ਦੇ ਦਿੱਤਾ ਸੀ, ਪਰ ਉਹ ਚੱਟਾਨ ਦੇ ਕਿਨਾਰੇ ਉੱਗੀ ਇੱਕ ਝਾੜੀ ਨੂੰ ਫੜਨ ਵਿੱਚ ਕਾਮਯਾਬ ਰਿਹਾ। ਆਪਣੇ ਇਰਾਦਿਆਂ 'ਤੇ ਪਰਦਾ ਪਾਉਣ ਲਈ ਸਿਆ ਨੇ ਸੱਪ ਦਿੱਸਣ ਦਾ ਰੌਲਾ ਪਾ ਕੇ ਧਿਆਨ ਭਟਕਾਇਆ ਅਤੇ ਫਿਰ ਉਸ ਨੂੰ ਗਲ਼ੇ ਲਗਾ ਲਿਆ।

ਇਸ ਤੋਂ ਬਾਅਦ ਸਿਆ ਅਤੇ ਉਸ ਦੇ ਪ੍ਰੇਮੀ ਨੇ 18 ਜੂਨ ਨੂੰ ਕੇਤਨ ਦਾ ਕਤਲ ਕਰ ਦਿੱਤਾ। ਕੇਸ ਦੀਆਂ ਫਾਈਲਾਂ ਤੋਂ ਪਤਾ ਲੱਗਿਆ ਹੈ ਕਿ ਜੇਕਰ ਪਹਿਲਾਂ ਤੋਂ ਤੈਅ ਅਪਰਾਧ ਨਾਕਾਮ ਹੋ ਜਾਂਦਾ, ਤਾਂ ਦੋਵਾਂ ਨੇ "ਪਲਾਨ ਸੀ" ਵੀ ਤਿਆਰ ਕਰ ਰੱਖਿਆ ਸੀ।