ਪਤੀ ਦੀ ਮੌਤ ਤੋਂ ਬਾਅਦ ਨੂੰਹ ਨੂੰ ਬੇਸਹਾਰਾ ਨਹੀਂ ਛੱਡ ਸਕਦਾ ਸਹੁਰਾ, ਅਦਾਲਤ ਨੇ ਕੀਤੀ ਅਹਿਮ ਟਿੱਪਣੀ

ਮਾਮਲੇ ਵਿੱਚ ਔਰਤ ਦੇ ਪਤੀ ਦੀ ਮੋਟਰ ਹਾਦਸੇ ਵਿੱਚ ਮੌਤ ਹੋ ਗਈ ਸੀ। ਇਸ ਤੋਂ ਬਾਅਦ ਉਸ ਦੇ ਸਹੁਰੇ ਨੂੰ ਬੀਮਾ ਰਾਸ਼ੀ ਅਤੇ ਸੇਵਾ ਲਾਭਾਂ ਵਜੋਂ 21 ਲੱਖ ਰੁਪਏ ਤੋਂ ਵੱਧ ਦੀ ਰਕਮ ਮਿਲੀ। ਔਰਤ ਦਾ ਦਾਅਵਾ ਹੈ ਕਿ ਇਸ ਰਕਮ ਵਿੱਚ ਉਸ ਦਾ ਵੀ ਹਿੱਸਾ ਹੈ, ਜੋ ਲਗਭਗ 11 ਲੱਖ ਰੁਪਏ ਬਣਦਾ ਹੈ। ਦੂਜੇ ਪਾਸੇ, ਸਹੁਰੇ ਦਾ ਕਹਿਣਾ ਹੈ ਕਿ ਉਸ ਨੂੰ ਨਾਮਜ਼ਦ ਵਿਅਕਤੀ ਹੋਣ ਕਾਰਨ ਇਹ ਰਕਮ ਮਿਲੀ ਸੀ ਅਤੇ ਇਸ ’ਤੇ ਹੱਕ ਦਾ ਫ਼ੈਸਲਾ ਵੱਖਰੇ ਦੀਵਾਨੀ ਮੁਕੱਦਮੇ ਵਿੱਚ ਹੋਣਾ ਚਾਹੀਦਾ ਹੈ। ਇਹ ਮਾਮਲਾ ਜ਼ਿਲ੍ਹਾ ਜੱਜ ਦੀ ਅਦਾਲਤ ਵਿੱਚ ਲੰਬਿਤ ਹੈ।