ਆਨਲਾਈਨ ਗੇਮਿੰਗ ਦੀ ਲਤ ਨੇ ਉਜੜਿਆ ਪਰਿਵਾਰ, ਪਿਤਾ ਦੇ 4 ਲੱਖ ਹਾਰਨ ਮਗਰੋਂ ਕਰਜ਼ਾ ਚੁਕਾਉਣ ਲਈ ਇੱਕੋ ਪਰਿਵਾਰ ਦੇ 3 ਜੀਆਂ ਦਾ ਬੇਰਹਿਮੀ ਨਾਲ ਕਤਲ
ਉਨ੍ਹਾਂ ਨੇ ਪਰਿਵਾਰਕ ਮੈਂਬਰਾਂ 'ਤੇ ਲੋਹੇ ਦੀ ਰਾਡ ਅਤੇ ਹਥੌੜੇ ਨਾਲ ਹਮਲਾ ਕੀਤਾ। ਸਭ ਤੋਂ ਪਹਿਲਾਂ ਐਲੀਜ਼ਾ ਭੂਈਆਂ ਦਾ ਕਤਲ ਕੀਤਾ ਅਤੇ ਉਸ ਤੋਂ ਬਾਅਦ ਉਨ੍ਹਾਂ ਦੀ ਧੀ ਨਿਹਾਰਿਕਾ ਅਤੇ ਚੰਦਰਕਾਂਤ ਭੂਈਆਂ ਨੂੰ ਵੀ ਮਾਰ ਦਿੱਤਾ। ਚੰਦਰਕਾਂਤ ਭੂਈਆਂ ਆਇਲ ਇੰਡੀਆ ਲਿਮਟਿਡ ਦੇ ਸੇਵਾਮੁਕਤ ਅਧਿਕਾਰੀ ਸਨ।
Publish Date: Wed, 18 Nov 2026 01:35 PM (IST)
Updated Date: Wed, 18 Nov 2026 01:46 PM (IST)
ਡਿਜੀਟਲ ਡੈਸਕ, ਗੁਹਾਟੀ : ਅਸਾਮ ਦੇ ਡਿਬਰੂਗੜ੍ਹ ਵਿੱਚ ਆਨਲਾਈਨ ਗੇਮਿੰਗ ਵਿੱਚ ਪੈਸੇ ਹਾਰਨ ਤੋਂ ਬਾਅਦ ਗੁੱਸੇ ਵਿੱਚ ਆਏ ਇੱਕ ਕੇਅਰਟੇਕਰ ਨੇ ਪਰਿਵਾਰ ਦੇ ਤਿੰਨ ਮੈਂਬਰਾਂ ਦਾ ਕਤਲ ਕਰ ਦਿੱਤਾ ਅਤੇ ਇਸ ਵਾਰਦਾਤ ਨੂੰ ਲੁੱਟ-ਖੋਹ ਦਾ ਰੂਪ ਦੇਣ ਦੀ ਕੋਸ਼ਿਸ਼ ਕੀਤੀ।
ਮੁਲਜ਼ਮ ਰਾਜੂ ਦਾਸ, ਜੋ ਉਸੇ ਘਰ ਵਿੱਚ ਕਿਰਾਏਦਾਰ ਵੀ ਸੀ, ਨੂੰ ਉਸ ਦੇ ਇੱਕ ਸਾਥੀ ਸਮੇਤ ਮੰਗਲਵਾਰ ਨੂੰ ਸ਼ਿਵਸਾਗਰ ਤੋਂ ਲੰਘ ਰਹੀ ਇੱਕ ਰੇਲਗੱਡੀ ਵਿੱਚੋਂ ਗ੍ਰਿਫ਼ਤਾਰ ਕਰ ਲਿਆ ਗਿਆ।
ਇਸ ਤੋਂ ਇੱਕ ਦਿਨ ਪਹਿਲਾਂ ਡੁਲੀਆਜਾਨ ਦੇ ਕਮਲਾਬਾੜੀ ਇਲਾਕੇ ਵਿੱਚ ਚੰਦਰਕਾਂਤ ਅਤੇ ਐਲੀਜ਼ਾ ਭੂਈਆਂ ਪਤੀ-ਪਤਨੀ ਅਤੇ ਉਨ੍ਹਾਂ ਦੀ ਧੀ ਨਿਹਾਰਿਕਾ ਭੂਈਆਂ ਦੀਆਂ ਲਾਸ਼ਾਂ ਉਨ੍ਹਾਂ ਦੇ ਘਰ ਵਿੱਚੋਂ ਮਿਲੀਆਂ ਸਨ।
ਕੇਅਰਟੇਕਰ ਨੇ ਆਨਲਾਈਨ ਗੇਮਿੰਗ 'ਚ ਹਾਰੇ 4 ਲੱਖ ਰੁਪਏ ਪੁਲਿਸ ਨੇ ਦੱਸਿਆ ਕਿ ਕਮਲਾਬਾੜੀ ਦੇ ਰਹਿਣ ਵਾਲੇ 30 ਸਾਲਾ ਰਾਜੂ ਨੇ ਆਪਣੇ ਪਿਤਾ ਤੋਂ ਉਧਾਰ ਲਏ 4 ਲੱਖ ਰੁਪਏ ਆਨਲਾਈਨ ਗੇਮਿੰਗ ਵਿੱਚ ਗੁਆ ਦਿੱਤੇ ਸਨ। ਇਸ ਤੋਂ ਬਾਅਦ ਕਰਜ਼ਾ ਚੁਕਾਉਣ ਲਈ ਉਸ ਨੇ ਲੁੱਟ-ਖੋਹ ਦੀ ਸਾਜ਼ਿਸ਼ ਰਚੀ।
ਪੁੱਛਗਿੱਛ ਦੌਰਾਨ ਰਾਜੂ ਅਤੇ ਉਸ ਦੇ ਸਾਥੀ ਅਮੀਰ ਦਾਸ ਨੇ ਇਨ੍ਹਾਂ ਹੱਤਿਆਵਾਂ ਵਿੱਚ ਸ਼ਾਮਲ ਹੋਣ ਦੀ ਗੱਲ ਕਬੂਲ ਕਰ ਲਈ।
ਉਨ੍ਹਾਂ ਨੇ ਪਰਿਵਾਰਕ ਮੈਂਬਰਾਂ 'ਤੇ ਲੋਹੇ ਦੀ ਰਾਡ ਅਤੇ ਹਥੌੜੇ ਨਾਲ ਹਮਲਾ ਕੀਤਾ। ਸਭ ਤੋਂ ਪਹਿਲਾਂ ਐਲੀਜ਼ਾ ਭੂਈਆਂ ਦਾ ਕਤਲ ਕੀਤਾ ਅਤੇ ਉਸ ਤੋਂ ਬਾਅਦ ਉਨ੍ਹਾਂ ਦੀ ਧੀ ਨਿਹਾਰਿਕਾ ਅਤੇ ਚੰਦਰਕਾਂਤ ਭੂਈਆਂ ਨੂੰ ਵੀ ਮਾਰ ਦਿੱਤਾ। ਚੰਦਰਕਾਂਤ ਭੂਈਆਂ ਆਇਲ ਇੰਡੀਆ ਲਿਮਟਿਡ ਦੇ ਸੇਵਾਮੁਕਤ ਅਧਿਕਾਰੀ ਸਨ।
ਇਸ ਤੋਂ ਬਾਅਦ ਦੋਵੇਂ ਮੁਲਜ਼ਮ ਘਰ ਵਿੱਚੋਂ ਕੀਮਤੀ ਸਾਮਾਨ ਲੈ ਕੇ ਫ਼ਰਾਰ ਹੋ ਗਏ।
ਦੋਵੇਂ ਗੁਹਾਟੀ ਦੇ ਰਸਤੇ ਬੈਂਗਲੁਰੂ ਜਾਣ ਦੀ ਯੋਜਨਾ ਬਣਾ ਰਹੇ ਸਨ। ਹਾਲਾਂਕਿ, ਗੁਹਾਟੀ ਜਾਣ ਵਾਲੀ 'ਅਵਧ ਅਸਾਮ ਐਕਸਪ੍ਰੈੱਸ' ਵਿੱਚ ਸਵਾਰ ਹੋਣ ਦੀ ਕੋਸ਼ਿਸ਼ ਦੌਰਾਨ ਉਨ੍ਹਾਂ ਨੂੰ ਸਿਮਾਲੁਗੁੜੀ ਰੇਲਵੇ ਸਟੇਸ਼ਨ 'ਤੇ ਫੜ ਲਿਆ ਗਿਆ।
ਮੁਲਜ਼ਮ ਰਾਜੂ ਦਾਸ ਤੇ ਸਾਥੀ ਰੇਲਗੱਡੀ 'ਚੋਂ ਗ੍ਰਿਫ਼ਤਾਰ
ਜਾਂਚ ਦੌਰਾਨ ਪੁਲਿਸ ਨੂੰ ਪਤਾ ਲੱਗਾ ਕਿ ਘਟਨਾ ਤੋਂ ਕਰੀਬ ਤਿੰਨ ਦਿਨ ਪਹਿਲਾਂ ਦੋਵੇਂ ਫੋਨ 'ਤੇ ਇੱਕ-ਦੂਜੇ ਦੇ ਸੰਪਰਕ ਵਿੱਚ ਸਨ। ਇਸੇ ਦੌਰਾਨ ਉਨ੍ਹਾਂ ਨੇ ਕਥਿਤ ਤੌਰ 'ਤੇ ਲੁੱਟ ਅਤੇ ਕਤਲ ਦੀ ਯੋਜਨਾ ਬਣਾਈ ਸੀ।
ਮੁੱਢਲੀ ਜਾਂਚ ਮੁਤਾਬਕ, ਮੁਲਜ਼ਮ ਸਵੇਰੇ ਕਰੀਬ 8:30 ਵਜੇ ਘਰ ਵਿੱਚ ਦਾਖ਼ਲ ਹੋਏ ਅਤੇ ਦੁਪਹਿਰ ਕਰੀਬ 12:15 ਵਜੇ ਉੱਥੋਂ ਬਾਹਰ ਨਿਕਲੇ।
ਕਤਲਾਂ ਤੋਂ ਬਾਅਦ ਦੋਵਾਂ ਨੇ ਪਹਿਲਾਂ ਡਿਬਰੂਗੜ੍ਹ ਤੋਂ ਗੁਹਾਟੀ ਅਤੇ ਫਿਰ ਉੱਥੋਂ ਬੈਂਗਲੁਰੂ ਭੱਜਣ ਦੀ ਯੋਜਨਾ ਬਣਾਈ ਸੀ।
ਪੁਲਿਸ ਨੇ ਮੁਲਜ਼ਮਾਂ ਕੋਲੋਂ ਕਰੀਬ 15,000 ਰੁਪਏ ਨਕਦ, ਲਗਪਗ 2.5 ਲੱਖ ਰੁਪਏ ਦੀ ਕੀਮਤ ਦੇ ਸੋਨੇ-ਚਾਂਦੀ ਦੇ ਗਹਿਣੇ ਅਤੇ ਤਿੰਨ ਮੋਬਾਈਲ ਫੋਨ ਵੀ ਬਰਾਮਦ ਕੀਤੇ ਹਨ।