ਦਿੱਲੀ ਮੈਟਰੋ-ਨਮੋ ਭਾਰਤ ’ਚ ਕਿਸ ਕੰਪਨੀ ਦਾ ਨੈੱਟਵਰਕ ਦਿੰਦਾ ਹੈ ਧੋਖਾ? TRAI ਨੇ ਖੋਲ੍ਹ ਕੇ ਰੱਖ ਦਿੱਤੀ ਨਾਮੀ ਕੰਪਨੀਆਂ ਦੀ ਪੋਲ

ਨੀਰਜ ਤਿਵਾਰੀ, ਨਵੀਂ ਦਿੱਲੀ। ਦਿੱਲੀ-ਐੱਨਸੀਆਰ ਦੇ ਮੈਟਰੋ ਅਤੇ ਨਮੋ ਭਾਰਤ ਰੈਪਿਡ ਰੇਲ ਟ੍ਰਾਂਜ਼ਿਟ ਸਿਸਟਮ ’ਚ ਸਫ਼ਰ ਕਰਨ ਵਾਲੇ ਲੱਖਾਂ ਯਾਤਰੀਆਂ ਨੂੰ ਮੋਬਾਈਲ ਕਨੈਕਟੀਵਿਟੀ ਦੀ ਵੱਡੀ ਸਮੱਸਿਆ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।

ਇਹ ਸੱਚ ਭਾਰਤੀ ਦੂਰਸੰਚਾਰ ਰੈਗੂਲੇਟਰੀ ਅਥਾਰਟੀ (TRAI/ਟਰਾਈ) ਵੱਲੋਂ 490 ਕਿਲੋਮੀਟਰ ਦੇ ਕੁੱਲ 15 ਮੈਟਰੋ ਅਤੇ ਆਰ.ਆਰ.ਟੀ.ਐੱਸ. ਰੂਟਾਂ 'ਤੇ ਕੀਤੇ ਗਏ 'ਡਰਾਈਵ ਟੈਸਟ' ਰਾਹੀਂ ਸਾਹਮਣੇ ਆਇਆ ਹੈ। ਟਰਾਈ ਨੇ ਟੈਲੀਕਾਮ ਕੰਪਨੀਆਂ ਤੋਂ ਜਲਦੀ ਤੋਂ ਜਲਦੀ ਨੈੱਟਵਰਕ ਕਵਰੇਜ ਵਧਾਉਣ, ਕਾਲ ਡਰਾਪ ਘਟਾਉਣ ਅਤੇ ਸਪੀਡ ਸੁਧਾਰਨ ਦੀ ਉਮੀਦ ਜਤਾਈ ਹੈ।

ਸਰਵੇ ’ਚ ਕੀ-ਕੀ ਕੀਤਾ ਗਿਆ ਸ਼ਾਮਲ?

ਟਰਾਈ ਦੀ ਸਰਵੇ ਰਿਪੋਰਟ ’ਚ ਸਾਹਮਣੇ ਆਇਆ ਹੈ ਕਿ MTNL ਦਾ ਪ੍ਰਦਰਸ਼ਨ ਸਭ ਤੋਂ ਖ਼ਰਾਬ ਰਿਹਾ, ਜਦਕਿ Jio ਡਾਊਨਲੋਡ ਸਪੀਡ ਵਿੱਚ ਅੱਗੇ ਅਤੇ Airtel ਅਪਲੋਡ ਸਪੀਡ ਵਿੱਚ ਸਭ ਤੋਂ ਉੱਤਮ ਰਿਹਾ। ਟਰਾਈ ਨੇ ਇਹ ਸਰਵੇ ਅਪ੍ਰੈਲ 2026 ਵਿੱਚ ਕੀਤਾ ਸੀ।

ਇਨ੍ਹਾਂ ਵਿੱਚ ਬਲੂ ਲਾਈਨ, ਪਿੰਕ ਲਾਈਨ, ਯੈਲੋ ਲਾਈਨ, ਵਾਇਲਟ ਲਾਈਨ, ਮੈਜੈਂਟਾ ਲਾਈਨ, ਗ੍ਰੀਨ ਲਾਈਨ, ਰੈੱਡ ਲਾਈਨ, ਗ੍ਰੇ ਲਾਈਨ, ਓਰੇਂਜ ਲਾਈਨ, ਐਕੁਆ ਲਾਈਨ, ਰੈਪਿਡ ਮੈਟਰੋ ਅਤੇ ਦਿੱਲੀ-ਮੇਰਠ ਨਮੋ ਭਾਰਤ ਆਰ.ਆਰ.ਟੀ.ਐਸ. ਸ਼ਾਮਲ ਹਨ।

ਨੈੱਟਵਰਕ ਰਿਪੋਰਟ ਕਾਰਡ:

ਕਵਰੇਜ ਗੈਪ (ਸਿਗਨਲ ਕਵਰੇਜ ਵਿੱਚ ਕਮੀ)

MTNL: 48.1% (ਸਭ ਤੋਂ ਖ਼ਰਾਬ)

Airtel: 2.4%

Jio: 2.5%

Vodafone Idea: 2.8%

ਕਾਲ ਡਰਾਪ ਰੇਟ

MTNL: 14.7% (51 ਕਾਲ ਡਰਾਪ)

Airtel: 1.0% (5 ਕਾਲ ਡਰਾਪ)

Jio: 1.6%

Vodafone Idea: 2.0%

ਡਾਟਾ ਡਾਊਨਲੋਡ ਸਪੀਡ (ਔਸਤ)

Jio (5G): 141.28 Mbps

Airtel (5G): 81.72 Mbps

Vodafone Idea (5G): 23.94 Mbps

MTNL (4G): 4.30 Mbps

ਡਾਟਾ ਅਪਲੋਡ ਸਪੀਡ (ਔਸਤ)

Airtel: 25.98 Mbps (ਸਭ ਤੋਂ ਵਧੀਆ)

Jio: 19.99 Mbps

Vodafone Idea: 16.96 Mbps

MTNL: 1.84 Mbps

ਟੈਸਟ ਕੀਤੇ ਗਏ ਮੁੱਖ ਰੂਟ

ਸੈਕਟਰ-51 ਨੋਇਡਾ ਤੋਂ ਡਿਪੂ ਸਟੇਸ਼ਨ (ਐਕੁਆ ਲਾਈਨ)

ਦਵਾਰਕਾ ਸੈਕਟਰ-21 ਤੋਂ ਨੋਇਡਾ ਇਲੈਕਟ੍ਰਾਨਿਕ ਸਿਟੀ (ਬਲੂ ਲਾਈਨ)

ਵੈਸ਼ਾਲੀ ਤੋਂ ਯਮੁਨਾ ਬੈਂਕ (ਬਲੂ ਲਾਈਨ)

ਮਯੂਰ ਵਿਹਾਰ-1 ਤੋਂ ਮੌਜਪੁਰ-ਬਾਬਰਪੁਰ (ਪਿੰਕ ਲਾਈਨ)

ਸਮੇਪੁਰ ਬਦਲੀ ਤੋਂ ਮਿਲੇਨੀਅਮ ਸਿਟੀ (ਯੈਲੋ ਲਾਈਨ)

ਰਾਜਾ ਨਾਹਰ ਸਿੰਘ ਤੋਂ ਕਸ਼ਮੀਰੀ ਗੇਟ (ਵਾਇਲਟ ਲਾਈਨ)

ਦਿੱਲੀ ਤੋਂ ਮੇਰਠ (ਨਮੋ ਭਾਰਤ ਆਰ.ਆਰ.ਟੀ.ਐੱਸ.) ਸਮੇਤ ਕੁੱਲ 15 ਮਹੱਤਵਪੂਰਨ ਰੂਟ।

ਅੰਡਰਗਰਾਊਂਡ ਅਤੇ ਐਲੀਵੇਟਿਡ ਦੋਵਾਂ ਹਿੱਸਿਆਂ ’ਚ ਸਮੱਸਿਆ ਬਰਕਰਾਰ

ਟਰਾਈ ਨੇ ਇਨ੍ਹਾਂ ਨਤੀਜਿਆਂ ਨੂੰ ਸਾਰੀਆਂ ਟੈਲੀਕਾਮ ਕੰਪਨੀਆਂ (ਏਅਰਟੈੱਲ, ਜੀਓ, ਵੋਡਾਫੋਨ ਆਈਡੀਆ ਅਤੇ ਐੱਮ.ਟੀ.ਐੱਨ.ਐੱਲ.) ਨਾਲ ਸਾਂਝਾ ਕਰ ਦਿੱਤਾ ਹੈ ਤਾਂ ਜੋ ਉਹ ਆਪਣੀਆਂ ਸੇਵਾਵਾਂ ਵਿੱਚ ਸੁਧਾਰ ਕਰਨ।

ਟਰਾਈ ਦਾ ਕਹਿਣਾ ਹੈ ਕਿ ਇਹ ਟੈਸਟ ਯਾਤਰੀਆਂ ਨੂੰ ਬਿਹਤਰ ਮੋਬਾਈਲ ਸੇਵਾਵਾਂ ਮੁਹੱਈਆ ਕਰਵਾਉਣ ਅਤੇ ਸੇਵਾ ਪ੍ਰਦਾਤਾਵਾਂ ਨੂੰ ਸੁਧਾਰ ਲਈ ਪ੍ਰੇਰਿਤ ਕਰਨ ਦੇ ਉਦੇਸ਼ ਨਾਲ ਕੀਤੇ ਗਏ ਹਨ।

ਦਿੱਲੀ-ਐੱਨਸੀਆਰ ਦੇ ਲੱਖਾਂ ਰੋਜ਼ਾਨਾ ਮੈਟਰੋ ਯਾਤਰੀਆਂ ਲਈ ਇਹ ਰਿਪੋਰਟ ਮਹੱਤਵਪੂਰਨ ਹੈ, ਕਿਉਂਕਿ ਅੰਡਰਗਰਾਊਂਡ ਅਤੇ ਐਲੀਵੇਟਿਡ ਦੋਵਾਂ ਹਿੱਸਿਆਂ ਵਿੱਚ ਸਿਗਨਲ ਅਤੇ ਇੰਟਰਨੈੱਟ ਦੀ ਸਮੱਸਿਆ ਰੋਜ਼ਾਨਾ ਦੀ ਪਰੇਸ਼ਾਨੀ ਬਣੀ ਹੋਈ ਹੈ।