- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਕੇਂਦਰੀ ਗ੍ਰਹਿ ਮੰਤਰਾਲੇ ਦਾ ਵੱਡਾ ਫੈਸਲਾ: ਸੀਨੀਅਰ IPS ਅਨੰਦ ਜੈਨ ਨਿਯੁਕਤ ਕੀਤੇ ਗਏ ਲੱਦਾਖ ਦੇ ਨਵੇਂ DGP
ਜੰਮੂ-ਕਸ਼ਮੀਰ ਹਥਿਆਰਬੰਦ ਪੁਲਿਸ ਦੇ ਵਧੀਕ ਡਾਇਰੈਕਟਰ ਜਨਰਲ ਅਨੰਦ ਜੈਨ ਨੂੰ ਕੇਂਦਰੀ ਗ੍ਰਹਿ ਮੰਤਰਾਲੇ ਨੇ ਸੋਮਵਾਰ ਨੂੰ ਕੇਂਦਰ ਸ਼ਾਸਿਤ ਪ੍ਰਦੇਸ਼ ਲੱਦਾਖ ਦਾ ਡਾਇਰੈਕਟਰ ਜਨਰਲ ਨਿਯੁਕਤ ਕੀਤਾ ਹੈ।
Posted By Sunita
Publish Date: Tue, 23 Jun 2026 08:27 AM (IST)
Updated Date: Tue, 23 Jun 2026 08:28 AM (IST)
ਰਾਜ ਬਿਊਰੋ, ਸ੍ਰੀਨਗਰ: ਜੰਮੂ-ਕਸ਼ਮੀਰ ਹਥਿਆਰਬੰਦ ਪੁਲਿਸ ਦੇ ਵਧੀਕ ਡਾਇਰੈਕਟਰ ਜਨਰਲ ਅਨੰਦ ਜੈਨ ਨੂੰ ਕੇਂਦਰੀ ਗ੍ਰਹਿ ਮੰਤਰਾਲੇ ਨੇ ਸੋਮਵਾਰ ਨੂੰ ਕੇਂਦਰ ਸ਼ਾਸਿਤ ਪ੍ਰਦੇਸ਼ ਲੱਦਾਖ ਦਾ ਡਾਇਰੈਕਟਰ ਜਨਰਲ ਨਿਯੁਕਤ ਕੀਤਾ ਹੈ।
ਸਾਲ 1999 ਬੈਚ ਦੇ ਭਾਰਤੀ ਪੁਲਿਸ ਸੇਵਾ (IPS) ਅਧਿਕਾਰੀ ਅਨੰਦ ਜੈਨ ਨੇ ਕੇ.ਕੇ. ਸ਼ਰਮਾ ਦੀ ਥਾਂ ਲਈ ਹੈ। ਕੇ.ਕੇ. ਸ਼ਰਮਾ ਨੂੰ ਲੱਦਾਖ ਦੇ ਪੁਲਿਸ ਡਾਇਰੈਕਟਰ ਜਨਰਲ ਦਾ ਵਾਧੂ ਚਾਰਜ 22 ਮਈ 2026 ਨੂੰ ਲੱਦਾਖ ਦੇ ਤਤਕਾਲੀ ਡੀਜੀਪੀ ਮੁਕੇਸ਼ ਸਿੰਘ ਦੀ ਮਨੀਪੁਰ ਬਦਲੀ ਹੋਣ ਤੋਂ ਬਾਅਦ ਸੌਂਪਿਆ ਗਿਆ ਸੀ। ਮੁਕੇਸ਼ ਸਿੰਘ ਨੂੰ ਮਨੀਪੁਰ ਦੇ ਪੁਲਿਸ ਡਾਇਰੈਕਟਰ ਜਨਰਲ ਦੇ ਅਹੁਦੇ 'ਤੇ ਤਬਦੀਲ ਕੀਤਾ ਗਿਆ ਹੈ।
ਮੂਲ ਰੂਪ 'ਚ ਮੱਧ ਪ੍ਰਦੇਸ਼ ਦੇ ਰਹਿਣ ਵਾਲੇ ਅਨੰਦ ਜੈਨ ਐਸਪੀ ਈਸਟ ਸ੍ਰੀਨਗਰ, ਐਸਐਸਪੀ ਜੰਮੂ, ਡੀਆਈਜੀ ਰਾਜੌਰੀ-ਪੁੰਛ ਤੋਂ ਇਲਾਵਾ ਡਾਇਰੈਕਟਰ ਵਿਜੀਲੈਂਸ ਕਮਿਸ਼ਨ, ਡਾਇਰੈਕਟਰ ਐਂਟੀ-ਕਰਪਸ਼ਨ ਬਿਊਰੋ ਜੰਮੂ-ਕਸ਼ਮੀਰ ਅਤੇ ਜੰਮੂ-ਕਸ਼ਮੀਰ ਹਥਿਆਰਬੰਦ ਪੁਲਿਸ ਬਲ ਦੇ ਮਹਾਨਿਰਦੇਸ਼ਕ ਸਮੇਤ ਜੰਮੂ-ਕਸ਼ਮੀਰ 'ਚ ਵੱਖ-ਵੱਖ ਅਹੁਦਿਆਂ 'ਤੇ ਰਹਿੰਦੇ ਹੋਏ ਆਪਣੀ ਯੋਗਤਾ, ਬਹਾਦਰੀ ਅਤੇ ਕਾਰਜਕੁਸ਼ਲਤਾ ਦਾ ਪ੍ਰਗਟਾਵਾ ਕਰ ਚੁੱਕੇ ਹਨ। ਉਨ੍ਹਾਂ ਨੂੰ ਪੁਲਿਸ ਸੇਵਾ 'ਚ ਸ਼ਾਨਦਾਰ ਯੋਗਦਾਨ ਲਈ ਪੁਲਿਸ ਮੈਡਲ, ਪੁਲਿਸ ਮੈਡਲ, ਰਾਸ਼ਟਰਪਤੀ ਪੁਲਿਸ ਮੈਡਲ ਸਮੇਤ ਕਈ ਸਨਮਾਨ ਮਿਲ ਚੁੱਕੇ ਹਨ।