- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਬੋਸਟਲ ਜੇਲ੍ਹ 'ਚ ਰੱਖੀ ਗਈ ਸੀ 'ਭਾਊ ਗੈਂਗ' ਦੀ ਨੀਂਹ, ਹਿਮਾਂਸ਼ੂ ਨੇ ਦਿੱਲੀ-NCR 'ਚ ਖੜ੍ਹਾ ਕੀਤਾ ਫਿਰੌਤੀ ਦਾ ਵੱਡਾ ਨੈੱਟਵਰਕ; ਪੜ੍ਹੋ ਪੂਰੀ Inside Story
ਦਿੱਲੀ-ਐੱਨਸੀਆਰ 'ਚ ਆਪਣਾ ਦਬਦਬਾ ਕਾਇਮ ਕਰਨ 'ਚ ਜੁਟੇ ਭਾਊ ਗੈਂਗ ਦੀ ਨੀਂਹ ਹਿਸਾਰ ਦੀ ਬੋਸਟਲ ਜੇਲ੍ਹ 'ਚ ਰੱਖੀ ਗਈ ਸੀ। ਨਾਬਾਲਗਾਂ ਨੂੰ ਇਕੱਠਾ ਕਰਕੇ ਬਣਾਏ ਗਏ ਇਸ ਗੈਂਗ ਨੇ 12 ਅਕਤੂਬਰ 2020 ਨੂੰ ਬੋਸਟਲ ਜੇਲ੍ਹ 'ਚੋਂ ਫ਼ਰਾਰ ਹੋਣ ਦੀ ਵਾਰਦਾਤ ਨੂੰ ਅੰਜਾਮ ਦਿੱਤਾ ਸੀ। ਇਸ ਦੌਰਾਨ ਹਿਮਾਂਸ਼ੂ ਸਮੇਤ 16 ਕੈਦੀਆਂ ਨੇ ਜੇਲ੍ਹ ਸਟਾਫ਼ 'ਤੇ ਹਮਲਾ ਕੀਤਾ ਅਤੇ ਫ਼ਰਾਰ ਹੋ ਗਏ ਸਨ।
Posted By Seema Anand
Publish Date: Sat, 24 Oct 2026 11:09 AM (IST)
Updated Date: Sat, 24 Oct 2026 12:11 PM (IST)
ਦੀਪਕ ਗਿਜਵਾਲ, ਸੋਨੀਪਤ : ਅਮਰੀਕਾ 'ਚ ਫੜਿਆ ਗਿਆ ਹਿਮਾਂਸ਼ੂ ਭਾਊ ਗੈਂਗ ਨਾਲ ਸਬੰਧਤ ਹੈ। ਉਹ ਪਿਛਲੇ ਕੁਝ ਸਮੇਂ ਤੋਂ ਦਿੱਲੀ-ਐੱਨਸੀਆਰ 'ਚ ਫਿਰੌਤੀ ਦਾ ਨੈੱਟਵਰਕ ਖੜ੍ਹਾ ਕਰਨ 'ਚ ਜੁਟਿਆ ਹੋਇਆ ਸੀ। ਗੈਂਗ ਗੋਲੀਬਾਰੀ ਕਰ ਕੇ ਦਹਿਸ਼ਤ ਫੈਲਾਉਂਦਾ ਹੈ ਤੇ ਕਤਲ ਦੀਆਂ ਵੱਡੀਆਂ ਵਾਰਦਾਤਾਂ ਦੀ ਜ਼ਿੰਮੇਵਾਰੀ ਲੈਣ ਤੋਂ ਵੀ ਪਿੱਛੇ ਨਹੀਂ ਹਟਦਾ। ਇਲਾਕੇ 'ਚ ਆਪਣਾ ਦਬਦਬਾ ਕਾਇਮ ਕਰਨ ਲਈ ਗੈਂਗ ਨੇ ਪਹਿਲਾਂ ਤੋਂ ਸਰਗਰਮ ਗੈਂਗਾਂ ਨਾਲ ਵੀ ਹੱਥ ਮਿਲਾਇਆ। ਇਸ ਦੇ ਬਦਲੇ ਉਨ੍ਹਾਂ ਦੇ ਵਿਰੋਧੀਆਂ ਨੂੰ ਨਿਸ਼ਾਨਾ ਬਣਾ ਕੇ ਭਰੋਸਾ ਜਿੱਤਿਆ।
ਭਾਊ ਗੈਂਗ ਨੇ ਆਪਣੀ ਤਾਕਤ ਵਧਾਉਣ ਲਈ ਦੱਖਣੀ ਹਰਿਆਣਾ 'ਚ ਕੌਸ਼ਲ ਅਤੇ ਨੀਰਜ ਫਰੀਦਪੁਰੀਆ, ਸੋਨੀਪਤ 'ਚ ਕੁੱਲੂ ਬੁਸਾਨੀਆ, ਝੱਜਰ 'ਚ ਰੋਹਿਤ ਛਪਾਰ ਅਤੇ ਹਿਸਾਰ 'ਚ ਸਾਜਿਦ ਖ਼ਾਨ ਨਾਲ ਗੰਢਤੁਪ ਕੀਤੀ ਸੀ। ਉੱਥੇ ਹੀ, ਫਿਰੌਤੀ ਦੇ ਕਾਰੋਬਾਰ 'ਚ ਰੁਕਾਵਟ ਬਣ ਰਹੇ ਲਾਰੈਂਸ ਗੈਂਗ ਨਾਲ ਨਜਿੱਠਣ ਲਈ ਉਸ ਦੇ ਵਿਰੋਧੀ ਪੰਜਾਬ ਦੇ ਬੰਬੀਹਾ ਗੈਂਗ ਨਾਲ ਨੇੜਤਾ ਵਧਾਈ ਗਈ। ਪੁਲਿਸ ਨੇ ਭਾਊ ਗੈਂਗ ਦੇ ਸਰਗਨਾ ਸਾਹਿਲ ਦੀ ਭੂਆ ਦੇ ਪੁੱਤਰ ਰਾਹੁਲ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਦੋਸ਼ ਹੈ ਕਿ ਉਹ ਗੈਂਗ ਦੇ ਪੈਸਿਆਂ ਦਾ ਪ੍ਰਬੰਧ ਕਰਦਾ ਸੀ।
ਜੇਲ੍ਹ ਸਟਾਫ਼ 'ਤੇ ਹਮਲਾ ਕਰਕੇ ਫ਼ਰਾਰ ਹੋ ਗਏ ਸਨ
ਦਿੱਲੀ-ਐੱਨਸੀਆਰ 'ਚ ਆਪਣਾ ਦਬਦਬਾ ਕਾਇਮ ਕਰਨ 'ਚ ਜੁਟੇ ਭਾਊ ਗੈਂਗ ਦੀ ਨੀਂਹ ਹਿਸਾਰ ਦੀ ਬੋਸਟਲ ਜੇਲ੍ਹ 'ਚ ਰੱਖੀ ਗਈ ਸੀ। ਨਾਬਾਲਗਾਂ ਨੂੰ ਇਕੱਠਾ ਕਰਕੇ ਬਣਾਏ ਗਏ ਇਸ ਗੈਂਗ ਨੇ 12 ਅਕਤੂਬਰ 2020 ਨੂੰ ਬੋਸਟਲ ਜੇਲ੍ਹ 'ਚੋਂ ਫ਼ਰਾਰ ਹੋਣ ਦੀ ਵਾਰਦਾਤ ਨੂੰ ਅੰਜਾਮ ਦਿੱਤਾ ਸੀ। ਇਸ ਦੌਰਾਨ ਹਿਮਾਂਸ਼ੂ ਸਮੇਤ 16 ਕੈਦੀਆਂ ਨੇ ਜੇਲ੍ਹ ਸਟਾਫ਼ 'ਤੇ ਹਮਲਾ ਕੀਤਾ ਅਤੇ ਫ਼ਰਾਰ ਹੋ ਗਏ ਸਨ।
ਬੋਸਟਲ ਜੇਲ੍ਹ 'ਚੋਂ ਫ਼ਰਾਰ ਹੋਏ ਇਹ ਬਾਲ ਕੈਦੀ ਹੁਣ ਕਥਿਤ ਤੌਰ 'ਤੇ ਖ਼ਤਰਨਾਕ ਅਪਰਾਧੀ ਬਣ ਚੁੱਕੇ ਹਨ, ਜੋ ਲਗਾਤਾਰ ਐੱਨਸੀਆਰ 'ਚ ਫਿਰੌਤੀ ਲਈ ਵਾਰਦਾਤਾਂ ਕਰ ਰਹੇ ਹਨ। ਜੇਲ੍ਹ 'ਚੋਂ ਫ਼ਰਾਰ ਹੋਏ 17 ਬਾਲ ਬੰਦੀਆਂ ਦਾ ਅਪਰਾਧਿਕ ਰਿਕਾਰਡ ਕਾਫ਼ੀ ਗੰਭੀਰ ਦੱਸਿਆ ਜਾਂਦਾ ਹੈ। ਇਨ੍ਹਾਂ 'ਚੋਂ ਅੱਠ ਬੰਦੀ ਕਤਲ, ਜਬਰ-ਜਨਾਹ ਅਤੇ ਲੁੱਟ ਵਰਗੀਆਂ ਵਾਰਦਾਤਾਂ 'ਚ ਸ਼ਾਮਲ ਰਹਿ ਚੁੱਕੇ ਹਨ।
ਜਾਣਕਾਰੀ ਅਨੁਸਾਰ, 17 'ਚੋਂ ਤਿੰਨ ਨੂੰ ਜੇਲ੍ਹ ਤੋੜਨ ਦੀ ਘਟਨਾ ਤੋਂ ਬਾਅਦ ਫੜ ਲਿਆ ਗਿਆ ਸੀ। ਬਾਕੀ ਫ਼ਰਾਰ ਰਹੇ ਮੁਲਜ਼ਮ ਭਾਊ ਅਤੇ ਹੋਰ ਸਹਿਯੋਗੀ ਗੈਂਗਾਂ ਨਾਲ ਜੁੜ ਕੇ ਫਿਰੌਤੀ ਦਾ ਨੈੱਟਵਰਕ ਖੜ੍ਹਾ ਕਰਨ 'ਚ ਜੁਟ ਗਏ ਸਨ।
ਦੋਸ਼ ਹੈ ਕਿ ਹਿਮਾਂਸ਼ੂ ਭਾਊ ਨਿਸ਼ਾਨੇ ਤੈਅ ਕਰਦਾ ਸੀ। ਇਸ ਤੋਂ ਬਾਅਦ ਸਬੰਧਤ ਲੋਕਾਂ ਨੂੰ ਧਮਕੀਆਂ ਦਿੱਤੀਆਂ ਜਾਂਦੀਆਂ ਸਨ ਅਤੇ ਫਿਰੌਤੀ ਨਾ ਮਿਲਣ 'ਤੇ ਗੋਲੀਬਾਰੀ ਕਰਕੇ ਦਹਿਸ਼ਤ ਫੈਲਾਈ ਜਾਂਦੀ ਸੀ। ਦੱਸਿਆ ਜਾਂਦਾ ਹੈ ਕਿ ਗੈਂਗ ਇਸੇ ਤਰੀਕੇ ਨਾਲ ਲਗਾਤਾਰ ਵਾਰਦਾਤਾਂ ਕਰ ਰਿਹਾ ਸੀ।
ਪਿਤਾ ਅਤੇ ਰਿਸ਼ਤੇਦਾਰ ਸੰਭਾਲ ਰਹੇ ਸਨ ਗੈਂਗ ਦਾ ਕੰਮਕਾਜ
ਗੋਹਾਨਾ 'ਚ ਮਾਤੂਰਾਮ ਹਲਵਾਈ ਦੀ ਦੁਕਾਨ 'ਤੇ ਗੋਲੀਬਾਰੀ ਕਰਕੇ ਦੋ ਕਰੋੜ ਰੁਪਏ ਦੀ ਫਿਰੌਤੀ ਮੰਗੇ ਜਾਣ ਤੋਂ ਬਾਅਦ ਪੁਲਿਸ ਸਰਗਰਮ ਹੋ ਗਈ ਸੀ। ਇਸ ਤੋਂ ਬਾਅਦ ਗੈਂਗ ਨਾਲ ਜੁੜੇ ਲੋਕਾਂ ਦੀਆਂ ਗ੍ਰਿਫ਼ਤਾਰੀਆਂ ਲਈ ਲਗਾਤਾਰ ਕਾਰਵਾਈ ਸ਼ੁਰੂ ਕੀਤੀ ਗਈ।
ਐੱਸਟੀਐੱਫ ਸੋਨੀਪਤ ਦੀ ਟੀਮ ਨੇ ਵਿਦੇਸ਼ 'ਚ ਬੈਠੇ ਸਾਹਿਲ ਉਰਫ਼ ਭਾਊ ਰਿਟੌਲੀ ਦੇ ਪਿਤਾ ਕੈਲਾਸ਼ ਚੰਦਰ ਨੂੰ ਗ੍ਰਿਫ਼ਤਾਰ ਕੀਤਾ। ਜਾਂਚ ਦੌਰਾਨ ਸਾਹਮਣੇ ਆਇਆ ਕਿ ਗੈਂਗ ਦੇ ਸਰਗਨਾ ਵਿਦੇਸ਼ 'ਚ ਬੈਠੇ ਸਨ, ਜਦਕਿ ਉਨ੍ਹਾਂ ਦੇ ਪਿਤਾ ਅਤੇ ਰਿਸ਼ਤੇਦਾਰ ਇੱਥੇ ਉਨ੍ਹਾਂ ਦੀਆਂ ਅਪਰਾਧਿਕ ਗਤੀਵਿਧੀਆਂ ਦਾ ਕੰਮਕਾਜ ਸੰਭਾਲ ਰਹੇ ਸਨ।
ਇਸ ਤੋਂ ਬਾਅਦ ਪੁਲਿਸ ਨੇ ਗੈਂਗ ਸਰਗਨਾ ਹਿਮਾਂਸ਼ੂ ਉਰਫ਼ ਭਾਊ ਦੇ ਸੱਜੇ ਹੱਥ ਮੰਨੇ ਜਾਂਦੇ ਸਾਹਿਲ ਦੇ ਪਿਤਾ ਨੂੰ ਵੀ ਗ੍ਰਿਫ਼ਤਾਰ ਕੀਤਾ ਸੀ। ਹੁਣ ਪੁਲਿਸ ਨੇ ਦੋਵਾਂ ਦੀ ਭੂਆ ਦੇ ਪੁੱਤਰ ਰਾਹੁਲ ਨੂੰ ਗ੍ਰਿਫ਼ਤਾਰ ਕੀਤਾ ਹੈ, ਜੋ ਰੋਹਤਕ ਦੇ ਪਿੰਡ ਗੁਢਾਣ ਦਾ ਰਹਿਣ ਵਾਲਾ ਹੈ ਅਤੇ ਕਾਲਜ ਦਾ ਵਿਦਿਆਰਥੀ ਹੈ।
ਪੁਲਿਸ ਅਨੁਸਾਰ, ਰਾਹੁਲ ਨੇ ਕਬੂਲ ਕੀਤਾ ਹੈ ਕਿ ਉਹ ਆਪਣੇ ਸਾਥੀ ਯਸ਼ ਉਰਫ਼ ਪਾਂਡੂ, ਜੋ ਜ਼ਿਲ੍ਹਾ ਝੱਜਰ ਦੇ ਪਿੰਡ ਚਿਲਿਆਣ ਦਾ ਰਹਿਣ ਵਾਲਾ ਹੈ, ਨਾਲ ਮਿਲ ਕੇ ਗੈਂਗ ਦੇ ਪੈਸਿਆਂ ਦਾ ਪ੍ਰਬੰਧ ਕਰਦਾ ਸੀ। ਦੋਸ਼ ਹੈ ਕਿ ਉਹ ਅਪਰਾਧਿਕ ਗਤੀਵਿਧੀਆਂ ਚਲਾਉਣ ਲਈ ਪੈਸੇ ਵੰਡਦਾ ਸੀ।
ਤਾਕਤ ਵਧਾਉਣ ਲਈ ਕਈ ਗੈਂਗਾਂ ਨਾਲ ਮਿਲਾਇਆ ਹੱਥ
ਐੱਨਸੀਆਰ 'ਚ ਦਬਦਬਾ ਕਾਇਮ ਕਰਨ ਲਈ ਭਾਊ ਗੈਂਗ ਨੇ ਦੱਖਣੀ ਹਰਿਆਣਾ 'ਚ ਕੌਸ਼ਲ ਅਤੇ ਨੀਰਜ ਫਰੀਦਪੁਰੀਆ ਨਾਲ ਹੱਥ ਮਿਲਾਇਆ ਸੀ। ਫਰੀਦਪੁਰੀਆ ਦੇ ਚਚੇਰੇ ਭਰਾ ਸੌਰਵ ਨੂੰ ਵੀ ਇਸ ਮਾਮਲੇ 'ਚ ਗ੍ਰਿਫ਼ਤਾਰ ਕੀਤਾ ਜਾ ਚੁੱਕਾ ਹੈ।
ਝੱਜਰ 'ਚ ਰੋਹਿਤ ਛਪਾਰ ਗੈਂਗ ਦੀ ਕਮਾਨ ਸੰਭਾਲ ਰਿਹਾ ਸੀ। ਹਾਲਾਂਕਿ, ਮਾਤੂਰਾਮ ਹਲਵਾਈ ਦੀ ਦੁਕਾਨ 'ਤੇ ਗੋਲੀਬਾਰੀ ਤੋਂ ਬਾਅਦ ਉਸ ਨੂੰ ਵੀ ਗ੍ਰਿਫ਼ਤਾਰ ਕਰ ਲਿਆ ਗਿਆ ਸੀ।
ਇਸੇ ਤਰ੍ਹਾਂ ਸੋਨੀਪਤ 'ਚ ਗੈਂਗ ਨੇ ਕੱਲੂ ਬੁਸਾਨੀਆ ਨਾਲ ਹੱਥ ਮਿਲਾਇਆ ਸੀ। ਦੋਸ਼ ਹੈ ਕਿ ਇਸ ਗੱਠਜੋੜ ਤਹਿਤ ਗੈਂਗ ਨੇ ਸ਼ਰਾਬ ਕਾਰੋਬਾਰੀ ਸੁੰਦਰ ਦੇ ਕਤਲ ਦੀ ਵਾਰਦਾਤ ਨੂੰ ਵੀ ਅੰਜਾਮ ਦਿੱਤਾ ਸੀ। ਉੱਥੇ ਹੀ, ਹਿਸਾਰ 'ਚ ਸਾਜਿਦ ਖ਼ਾਨ ਨਾਲ ਮਿਲ ਕੇ ਗੈਂਗ ਕੰਮ ਕਰ ਰਿਹਾ ਸੀ।
ਲਾਰੈਂਸ ਗੈਂਗ ਨਾਲ ਨਜਿੱਠਣ ਲਈ ਬੰਬੀਹਾ ਗੈਂਗ ਨਾਲ ਗੱਠਜੋੜ
ਦਿੱਲੀ-ਐੱਨਸੀਆਰ 'ਚ ਫਿਰੌਤੀ ਦਾ ਨੈੱਟਵਰਕ ਖੜ੍ਹਾ ਕਰਨ ਦੇ ਰਾਹ 'ਚ ਰੁਕਾਵਟ ਬਣ ਰਹੇ ਲਾਰੈਂਸ ਗੈਂਗ ਨਾਲ ਨਜਿੱਠਣ ਲਈ ਭਾਊ ਗੈਂਗ ਨੇ ਉਸ ਦੇ ਵਿਰੋਧੀ ਪੰਜਾਬ ਦੇ ਬੰਬੀਹਾ ਗੈਂਗ ਨਾਲ ਗੱਠਜੋੜ ਕੀਤਾ ਸੀ।
ਅਪਰਾਧਿਕ ਹਲਕਿਆਂ 'ਚ ਚਰਚਾ ਹੈ ਕਿ ਭਾਊ ਦਾ ਸਾਥੀ ਨੀਰਜ ਫਰੀਦਪੁਰੀਆ ਇਸ ਸਮੇਂ ਪੰਜਾਬ ਦੇ ਬੰਬੀਹਾ ਗੈਂਗ ਅਤੇ ਹਰਿਆਣਾ-ਦਿੱਲੀ ਦੇ ਕਥਿਤ ਗੈਂਗਸਟਰ ਕੌਸ਼ਲ ਗੈਂਗ ਦੇ ਨੈੱਟਵਰਕ 'ਚ ਅਹਿਮ ਭੂਮਿਕਾ ਨਿਭਾ ਰਿਹਾ ਹੈ।
ਦੱਸਿਆ ਜਾਂਦਾ ਹੈ ਕਿ ਫਰੀਦਪੁਰੀਆ ਫਰੀਦਾਬਾਦ 'ਚ 26 ਜੂਨ 2019 ਨੂੰ ਕਾਂਗਰਸ ਦੇ ਸੂਬਾਈ ਬੁਲਾਰੇ ਵਿਕਾਸ ਚੌਧਰੀ ਦੇ ਕਤਲ ਦੇ ਮਾਮਲੇ 'ਚ ਵੀ ਮੁੱਖ ਮੁਲਜ਼ਮਾਂ 'ਚ ਸ਼ਾਮਲ ਸੀ। ਉਹ ਜ਼ਮਾਨਤ 'ਤੇ ਜੇਲ੍ਹ ਤੋਂ ਬਾਹਰ ਆਉਣ ਤੋਂ ਬਾਅਦ ਫ਼ਰਾਰ ਹੋ ਗਿਆ ਸੀ।
ਗੈਂਗਸਟਰ ਫਰੀਦਪੁਰੀਆ ਦੇ ਚਚੇਰੇ ਭਰਾ ਨੂੰ ਵੀ ਗ੍ਰਿਫ਼ਤਾਰ ਕੀਤਾ ਜਾ ਚੁੱਕਾ ਹੈ। ਨੀਰਜ ਫਰੀਦਪੁਰੀਆ 'ਤੇ ਐੱਨਆਈਏ ਨੇ ਇਕ ਲੱਖ ਰੁਪਏ ਅਤੇ ਹਰਿਆਣਾ ਪੁਲਿਸ ਨੇ 25 ਹਜ਼ਾਰ ਰੁਪਏ ਦਾ ਇਨਾਮ ਐਲਾਨਿਆ ਹੋਇਆ ਹੈ।