ਰਾਮ ਮੰਦਰ ਦੇ ਟਾਇਲਟ 'ਚੋਂ ਰੁਪਏ ਮਿਲਣ ਤੋਂ ਬਾਅਦ ਚੜ੍ਹਾਵਾ ਚੋਰੀ ਦਾ ਹੋਇਆ ਖੁਲਾਸਾ, 17 ਘੰਟਿਆਂ 'ਚ ਬਰਾਮਦ ਹੋਏ ਸਨ 81 ਲੱਖ

ਪ੍ਰਵੀਨ ਤਿਵਾਰੀ, ਅਯੁੱਧਿਆ : ਰਾਮ ਮੰਦਰ 'ਚ ਚੜ੍ਹਾਵਾ ਚੋਰੀ ਕਦੋਂ ਤੋਂ ਸ਼ੁਰੂ ਹੋਈ, ਇਸ ਬਾਰੇ ਕਿਸੇ ਨੂੰ ਵੀ ਸਪੱਸ਼ਟ ਜਾਣਕਾਰੀ ਨਹੀਂ ਹੈ। ਐਸਆਈਟੀ ਦੀ ਜਾਂਚ ਇਸ ਭੇਤ ਦਾ ਖੁਲਾਸਾ ਕਰ ਸਕਦੀ ਹੈ। ਸੀਸੀਟੀਵੀ ਕੈਮਰੇ ਦਾ ਰਿਕਾਰਡ ਵੀ ਸਿਰਫ਼ 45 ਦਿਨਾਂ ਦਾ ਹੈ, ਇਸ ਲਈ ਮੁਲਜ਼ਮ ਹੀ ਦੱਸ ਸਕਦੇ ਹਨ ਕਿ ਉਨ੍ਹਾਂ ਨੇ ਮਿਲ ਕੇ ਕਿੰਨਾ ਪੈਸਾ ਪਾਰ ਕੀਤਾ ਹੈ। ਉਨ੍ਹਾਂ ਦੇ ਬਿਆਨ ਸਮੇਤ ਪੁਲਿਸ ਜਾਂਚ 'ਚ ਇਹ ਸੱਚਾਈ ਸਾਹਮਣੇ ਆਵੇਗੀ।

ਚੋਰੀ ਦੀ ਘਟਨਾ 'ਚ ਬਰਾਮਦ ਹੋਈ ਪਹਿਲੀ ਰਕਮ 40 ਹਜ਼ਾਰ ਰੁਪਏ ਸੀ, ਜੋ ਰਾਮ ਮੰਦਰ ਦੇ ਟਾਇਲਟ 'ਚੋਂ ਮਿਲੀ ਸੀ। ਗੇਟ ਕੀਪਰ ਨੇ ਜਦੋਂ ਬਾਥਰੂਮ 'ਚ ਨੋਟਾਂ ਨੂੰ ਦੇਖਿਆ ਤਾਂ ਉਸ ਨੇ ਤੁਰੰਤ ਟਰੱਸਟ ਦੇ ਤਤਕਾਲੀ ਜਨਰਲ ਸਕੱਤਰ ਚੰਪਤ ਰਾਏ ਨੂੰ ਸੂਚਨਾ ਦਿੱਤੀ। ਉਨ੍ਹਾਂ ਮੰਦਰ ਆ ਕੇ ਸੁਰੱਖਿਆ ਅਧਿਕਾਰੀਆਂ ਦੇ ਨਾਲ-ਨਾਲ ਟਰੱਸਟੀਆਂ ਨੂੰ ਵੀ ਸੂਚਿਤ ਕੀਤਾ।

ਦੋਸ਼ੀਆਂ ਦੀ ਸਾਰਿਆਂ ਦੇ ਸਾਹਮਣੇ ਹੋਈ ਸੀ ਤਲਾਸ਼ੀ

ਦੋਸ਼ੀਆਂ ਦੀ ਸਾਰਿਆਂ ਦੇ ਸਾਹਮਣੇ ਤਲਾਸ਼ੀ ਹੋਈ। ਇਹ ਮਾਮਲਾ 4 ਜੂਨ ਨੂੰ ਧਿਆਨ 'ਚ ਆਇਆ ਸੀ।ਟ ਰੱਸਟ ਦੇ ਜਨਰਲ ਸਕੱਤਰ ਨੇ ਇਸ ਸਬੰਧੀ ਪੁਲੀਸ ਅਧਿਕਾਰੀਆਂ ਨੂੰ ਸੂਚਿਤ ਕੀਤਾ ਸੀ। ਇਸ ਤੋਂ ਬਾਅਦ ਹੀ ਪੈਸੇ ਦੀ ਵਸੂਲੀ ਦੀ ਪ੍ਰਕਿਰਿਆ ਸ਼ੁਰੂ ਹੋਈ।

17 ਘੰਟਿਆਂ 'ਚ 81 ਲੱਖ ਰੁਪਏ ਦੀ ਨਕਦੀ ਬਰਾਮਦ

ਇਸ ਸ਼ੁਰੂਆਤੀ ਕਾਰਵਾਈ ਨਾਲ ਜੁੜੇ ਉੱਚ ਪੱਧਰੀ ਸੂਤਰਾਂ ਦਾ ਕਹਿਣਾ ਹੈ ਕਿ ਟਰੱਸਟ ਦੇ ਤਾਲਮੇਲ ਨਾਲ ਮਹਿਜ਼ 17 ਘੰਟਿਆਂ 'ਚ ਅਯੁੱਧਿਆ, ਬਹਿਰਾਇਚ ਦੇ ਨਾਨਪਾਰਾ, ਪ੍ਰਤਾਪਗੜ੍ਹ ਦੇ ਕੁੰਡਾ ਆਦਿ ਥਾਵਾਂ 'ਤੇ ਦੋਸ਼ੀਆਂ ਦੇ ਘਰਾਂ 'ਚੋਂ ਨਕਦੀ ਬਰਾਮਦ ਕੀਤੀ ਗਈ ਹੈ, ਦੋਸ਼ੀਆਂ 'ਚ ਰਮਾਸ਼ੰਕਰ ਮਿਸ਼ਰਾ ਬਹਿਰਾਇਚ ਦੇ ਨਾਨਪਾਰਾ ਅਤੇ ਅਵਿਨਾਸ਼ ਸ਼ੁਕਲਾ ਪ੍ਰਤਾਪਗੜ੍ਹ ਦੇ ਘਰ ਹੈ।

ਇਸ ਤੋਂ ਇਲਾਵਾ ਅਨੁਕਲਪ ਮਿਸ਼ਰਾ, ਉਸ ਦੇ ਰਿਸ਼ਤੇਦਾਰ ਲਵਕੁਸ਼ ਤੇ ਨਾਕਾ ਨਿਵਾਸੀ ਕਰੁਨੇਸ਼ ਦੀ ਸ਼ਹਿ 'ਤੇ ਵੱਖ-ਵੱਖ ਥਾਵਾਂ ਤੋਂ ਕੁੱਲ 81 ਲੱਖ 19 ਹਜ਼ਾਰ ਰੁਪਏ ਬਰਾਮਦ ਕੀਤੇ ਗਏ। ਟਰੱਸਟ ਦੀ ਪਹਿਲਕਦਮੀ 'ਤੇ ਸ਼ੁਰੂ ਕੀਤੀ ਸ਼ੁਰੂਆਤੀ ਕਾਰਵਾਈ 'ਚ ਚੰਪਤ ਰਾਏ, ਗੋਪਾਲ ਰਾਓ, ਡਾ. ਅਨਿਲ ਮਿਸ਼ਰਾ ਸਮੇਤ ਜ਼ਿਲ੍ਹੇ ਦੇ ਕੁਝ ਪੁਲਿਸ ਅਧਿਕਾਰੀ ਵੀ ਸ਼ਾਮਿਲ ਸਨ |

21 ਲੋਕਾਂ ਦੀ ਟੀਮ ਮਿਲ ਕੇ ਲੱਗੀ ਸੀ

ਇਸ ਵਿਚ ਕੁੱਲ 21 ਲੋਕਾਂ ਦੀ ਟੀਮ ਸ਼ਾਮਲ ਸੀ। ਗਿਣਤੀ ਵਾਲੀ ਥਾਂ ’ਤੇ ਹੋਈ ਚੋਰੀ ਦੀ ਸੂਚਨਾ ਸਭ ਤੋਂ ਪਹਿਲਾਂ ਤਤਕਾਲੀ ਜਨਰਲ ਸਕੱਤਰ ਚੰਪਤ ਰਾਏ ਨੂੰ ਦਿੱਤੀ ਗਈ ਸੀ। ਇਸ 'ਤੇ ਉਹ ਸਰਗਰਮ ਹੋਏ ਤੇ ਤੁਰੰਤ ਆਪਣੇ ਨਜ਼ਦੀਕੀ ਰਿਸ਼ਤੇਦਾਰਾਂ ਤੇ ਟਰੱਸਟੀਆਂ ਨੂੰ ਮੰਦਰ 'ਚ ਬੁਲਾ ਕੇ ਇਸ ਘਟਨਾ 'ਤੇ ਗੁੱਸਾ ਜ਼ਾਹਰ ਕੀਤਾ ਅਤੇ ਟਰੱਸਟ ਦੇ ਪੈਸੇ ਦੀ ਵਸੂਲੀ ਸ਼ੁਰੂ ਕਰ ਦਿੱਤੀ।