- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
‘Slugging’ ਨਾਲ ਮਿਲੇਗੀ ਗਲਾਸ ਸਕਿਨ, ਪਰ ਇਹ 3 ਗਲਤੀਆਂ ਚਿਹਰੇ ’ਤੇ ਕੱਢ ਸਕਦੀਆਂ ਨੇ ਪਿੰਪਲਜ਼ ਦੀ ਬਾਰਾਤ; ਜਾਣੋ ਕਿਹੜੀਆਂ ਗੱਲਾਂ ਦਾ ਰੱਖਣਾ ਹੈ ਧਿਆਨ
ਅੱਜਕੱਲ੍ਹ ਸੋਸ਼ਲ ਮੀਡੀਆ ’ਤੇ ‘ਕੋਰੀਅਨ ਗਲਾਸ ਸਕਿਨ’ ਪਾਉਣ ਦਾ ਕ੍ਰੇਜ਼ ਹਰ ਕਿਸੇ ’ਤੇ ਛਾਇਆ ਹੋਇਆ ਹੈ। ਇਸੇ ਚਾਹਤ ’ਚ ਇੱਕ ਨਵਾਂ ਸਕਿਨਕੇਅਰ ਟ੍ਰੈਂਡ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ, ਜਿਸ ਨੂੰ Slugging ਕਿਹਾ ਜਾਂਦਾ ਹੈ।
Posted By Paramjit Kaur
Publish Date: Tue, 06 Oct 2026 11:01 AM (IST)
Updated Date: Tue, 06 Oct 2026 11:13 AM (IST)
ਸਟਾਈਲਾਈਫ ਡੈਸਕ, ਨਵੀਂ ਦਿੱਲੀ। ਜੇ ਤੁਸੀਂ ਨਹੀਂ ਜਾਣਦੇ ਕਿ ਸਲੱਗਿੰਗ ਕੀ ਹੁੰਦੀ ਹੈ, ਤਾਂ ਇਹ ਆਰਟੀਕਲ ਤੁਹਾਡੇ ਲਈ ਜ਼ਰੂਰ ਪੜ੍ਹਨਾ ਚਾਹੀਦਾ ਹੈ। ਦਰਅਸਲ, ਰਾਤ ਨੂੰ ਸੌਣ ਤੋਂ ਪਹਿਲਾਂ ਆਪਣੇ ਸਕਿਨਕੇਅਰ ਰੂਟੀਨ ਦੇ ਸਭ ਤੋਂ ਆਖਰੀ ਸਟੈਪ ਵਜੋਂ ਚਿਹਰੇ ’ਤੇ ਪੈਟਰੋਲੀਅਮ ਜੈਲੀ ਦੀ ਮੋਟੀ ਪਰਤ ਲਗਾਉਣ ਨੂੰ ਸਲੱਗਿੰਗ ਕਿਹਾ ਜਾਂਦਾ ਹੈ। ਇਹ ਚਿਹਰੇ ਦੀ ਨਮੀ ਨੂੰ ਲਾਕ ਕਰ ਦਿੰਦੀ ਹੈ ਤੇ ਸਵੇਰੇ ਉੱਠਣ ’ਤੇ ਚਮੜੀ ਨਰਮ, ਹਾਈਡ੍ਰੇਟਿਡ ਤੇ ਗਲੋਇੰਗ ਨਜ਼ਰ ਆਉਂਦੀ ਹੈ।
ਪੜ੍ਹਨ ’ਚ ਇਹ ਹੈਕ ਬਹੁਤ ਮੈਜਿਕਲ ਲੱਗਦਾ ਹੈ। ਹਾਲਾਂਕਿ, ਕੀ ਤੁਸੀਂ ਜਾਣਦੇ ਹੋ ਕਿ ਜੇ ਸਲੱਗਿੰਗ ਕਰਦੇ ਸਮੇਂ ਤੁਸੀਂ ਥੋੜ੍ਹੀ ਜਿਹੀ ਵੀ ਗਲਤੀ ਕਰ ਦਿੱਤੀ, ਤਾਂ ਇਸ ਦੇ ਫਾਇਦੇ ਦੀ ਬਜਾਏ ਤੁਹਾਡੇ ਚਿਹਰੇ ’ਤੇ ਪਿੰਪਲਜ਼ ਤੇ ਮੁਹਾਂਸੇ ਹੋ ਸਕਦੇ ਹਨ? ਆਓ ਜਾਣਦੇ ਹਾਂ ਉਹ 3 ਵੱਡੀਆਂ ਗਲਤੀਆਂ ਜੋ ਲੋਕ ਅਕਸਰ ਸਲੱਗਿੰਗ ਦੌਰਾਨ ਕਰਦੇ ਹਨ ਤੇ ਤੁਹਾਨੂੰ ਕਿਹੜੀਆਂ ਗੱਲਾਂ ਦਾ ਧਿਆਨ ਰੱਖਣਾ ਚਾਹੀਦਾ ਹੈ।
ਗਲਤੀ ਨੰਬਰ-1
ਪੈਟਰੋਲੀਅਮ ਜੈਲੀ ਇੱਕ ‘ਆਕਲੂਸਿਵ’ ਵਜੋਂ ਕੰਮ ਕਰਦੀ ਹੈ। ਇਸ ਦਾ ਮਤਲਬ ਹੈ ਕਿ ਇਹ ਚਮੜੀ ਦੇ ਉੱਪਰ ਇੱਕ ਅਜਿਹੀ ਸੀਲ ਬਣਾ ਦਿੰਦੀ ਹੈ, ਜਿਸ ਨਾਲ ਹਵਾ ਜਾਂ ਨਮੀ ਨਾ ਤਾਂ ਅੰਦਰ ਜਾ ਸਕਦੀ ਹੈ ਤੇ ਨਾ ਹੀ ਬਾਹਰ ਨਿਕਲ ਸਕਦੀ ਹੈ।
ਜੇ ਤੁਸੀਂ ਸਲੱਗਿੰਗ ਤੋਂ ਪਹਿਲਾਂ ਆਪਣੇ ਚਿਹਰੇ ਨੂੰ ਚੰਗੀ ਤਰ੍ਹਾਂ ਸਾਫ਼ ਨਹੀਂ ਕੀਤਾ, ਤਾਂ ਦਿਨ ਭਰ ਦੀ ਧੂੜ-ਮਿੱਟੀ, ਮੇਕਅਪ ਤੇ ਬੈਕਟੀਰੀਆ ਚਮੜੀ ਦੇ ਉੱਪਰ ਹੀ ਲਾਕ ਹੋ ਜਾਣਗੇ ਤੇ ਚਿਹਰੇ ’ਤੇ ਕਈ ਪਿੰਪਲਜ਼ ਹੋ ਸਕਦੇ ਹਨ।
ਗਲਤੀ ਨੰਬਰ-2
ਸਕਿਨਕੇਅਰ ’ਚ ਰੈਟੀਨੋਲ, AHA/BHA ਜਾਂ ਵਿਟਾਮਿਨ-C ਵਰਗੇ ਸਟ੍ਰੌਂਗ ਐਕਟਿਵਜ਼ ਆਮ ਹਨ। ਕਈ ਲੋਕ ਇਨ੍ਹਾਂ ਨੂੰ ਲਗਾਉਣ ਤੋਂ ਬਾਅਦ ਉੱਪਰੋਂ ਵੈਸਲੀਨ ਲਗਾ ਲੈਂਦੇ ਹਨ। ਇਹ ਸਲੱਗਿੰਗ ਦੌਰਾਨ ਕੀਤੀ ਜਾਣ ਵਾਲੀ ਸਭ ਤੋਂ ਵੱਡੀ ਗਲਤੀ ਹੈ।
ਜਦੋਂ ਤੁਸੀਂ ਇਨ੍ਹਾਂ ਐਕਟਿਵ ਇੰਗਰੀਡੀਐਂਟਸ ਦੇ ਉੱਪਰ ਸਲੱਗਿੰਗ ਕਰਦੇ ਹੋ, ਤਾਂ ਇਨ੍ਹਾਂ ਦਾ ਪ੍ਰਭਾਵ ਕਾਫ਼ੀ ਵੱਧ ਸਕਦਾ ਹੈ ਤੇ ਇਹ ਚਮੜੀ ’ਚ ਜ਼ਿਆਦਾ ਡੂੰਘਾਈ ਤੱਕ ਲਾਕ ਹੋ ਸਕਦੇ ਹਨ। ਇਸ ਨਾਲ ਸਕਿਨ ’ਚ ਜਲਣ, ਲਾਲੀ ਤੇ ਗੰਭੀਰ ਬ੍ਰੇਕਆਉਟ ਹੋ ਸਕਦੇ ਹਨ।
ਕੀ ਕਰੀਏ: ਸਲੱਗਿੰਗ ਵਾਲੇ ਦਿਨ ਸਿਰਫ਼ ਹਾਈਡ੍ਰੇਟਿੰਗ ਚੀਜ਼ਾਂ ਹੀ ਚਿਹਰੇ ’ਤੇ ਲਗਾਓ, ਜਿਵੇਂ ਹਾਇਲੂਰੋਨਿਕ ਐਸਿਡ ਜਾਂ ਕੋਈ ਸਿੰਪਲ ਮੌਇਸਚਰਾਈਜ਼ਰ।
ਗਲਤੀ ਨੰਬਰ-3
ਇਹ ਸਭ ਤੋਂ ਜ਼ਰੂਰੀ ਗੱਲ ਹੈ ਜੋ ਹਰ ਕਿਸੇ ਨੂੰ ਸਮਝਣੀ ਚਾਹੀਦੀ ਹੈ—ਸਲੱਗਿੰਗ ਹਰ ਸਕਿਨ ਟਾਈਪ ਲਈ ਨਹੀਂ ਹੈ। ਇਹ ਹੈਕ ਖਾਸ ਤੌਰ ’ਤੇ ਉਨ੍ਹਾਂ ਲੋਕਾਂ ਲਈ ਫਾਇਦੇਮੰਦ ਹੋ ਸਕਦਾ ਹੈ ਜਿਨ੍ਹਾਂ ਦੀ ਚਮੜੀ ਬਹੁਤ ਜ਼ਿਆਦਾ ਸੁੱਕੀ, ਬੇਜਾਨ ਜਾਂ ਡੈਮੇਜਡ ਹੈ। ਜੇ ਤੁਹਾਡੀ ਸਕਿਨ ਪਹਿਲਾਂ ਤੋਂ ਹੀ ਆਇਲੀ ਹੈ ਜਾਂ ਤੁਹਾਨੂੰ ਜਲਦੀ ਪਿੰਪਲਜ਼ ਹੋ ਜਾਂਦੇ ਹਨ, ਤਾਂ ਸਲੱਗਿੰਗ ਤੁਹਾਡੇ ਲਈ ਮੁਸ਼ਕਲ ਪੈਦਾ ਕਰ ਸਕਦੀ ਹੈ।
ਪੈਟਰੋਲੀਅਮ ਜੈਲੀ ਚਮੜੀ ’ਤੇ ਇੱਕ ਸੀਲ ਬਣਾਉਂਦੀ ਹੈ, ਜਿਸ ਕਾਰਨ ਵਾਧੂ ਤੇਲ ਤੇ ਹੋਰ ਪਦਾਰਥ ਚਮੜੀ ਦੀ ਸਤ੍ਹਾ ’ਤੇ ਫਸ ਸਕਦੇ ਹਨ ਤੇ ਬ੍ਰੇਕਆਉਟ ਦੀ ਸਮੱਸਿਆ ਵਧ ਸਕਦੀ ਹੈ।
ਕੀ ਕਰੀਏ: ਆਇਲੀ ਸਕਿਨ ਵਾਲੇ ਲੋਕ ਸਲੱਗਿੰਗ ਤੋਂ ਪਰਹੇਜ਼ ਕਰਨ। ਜੇ ਤੁਹਾਡੀ ਸਕਿਨ ਕੌਂਬੀਨੇਸ਼ਨ ਹੈ, ਤਾਂ ਤੁਸੀਂ ਇਸ ਨੂੰ ਸਿਰਫ਼ ਸੁੱਕੇ ਹਿੱਸਿਆਂ ’ਤੇ ਹੀ ਲਗਾ ਸਕਦੇ ਹੋ।
ਇਸ ਗੱਲ ਦਾ ਰੱਖੋ ਧਿਆਨ
ਸਲੱਗਿੰਗ ਲਈ ਤੁਹਾਨੂੰ ਚਿਹਰੇ ’ਤੇ ਬਹੁਤ ਸਾਰਾ ਪ੍ਰੋਡਕਟ ਲਗਾਉਣ ਦੀ ਲੋੜ ਨਹੀਂ ਹੈ। ਮਟਰ ਦੇ ਦਾਣੇ ਜਿੰਨੀ ਪੈਟਰੋਲੀਅਮ ਜੈਲੀ ਲਓ, ਇਸ ਨੂੰ ਉਂਗਲਾਂ ’ਤੇ ਰਗੜ ਕੇ ਹਲਕਾ ਗਰਮ ਕਰੋ ਤੇ ਪੂਰੇ ਚਿਹਰੇ ’ਤੇ ਇੱਕ ਪਤਲੀ ਪਰਤ ਲਗਾਓ। ਸਹੀ ਤਰੀਕੇ ਨਾਲ ਕੀਤੀ ਗਈ ਸਲੱਗਿੰਗ ਤੁਹਾਡੀ ਸਕਿਨ ਨੂੰ ਰਾਤੋ-ਰਾਤ ਨਰਮ, ਹਾਈਡ੍ਰੇਟਿਡ ਤੇ ਗਲੋਇੰਗ ਲੁੱਕ ਦੇ ਸਕਦੀ ਹੈ।