- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
October 2026 Calendar: ਤਿਉਹਾਰਾਂ ਨਾਲ ਭਰਿਆ ਅਕਤੂਬਰ, ਸਕੂਲ-ਬੈਂਕ ਕਦੋਂ ਰਹਿਣਗੇ ਬੰਦ? ਇੱਥੇ ਦੇਖੋ ਛੁੱਟੀਆਂ ਦੀ ਪੂਰੀ ਲਿਸਟ
ਅਕਤੂਬਰ 2026 ’ਚ ਤੀਜ-ਤਿਉਹਾਰਾਂ, ਬੈਂਕਾਂ ਤੇ ਸਕੂਲਾਂ ਦੀਆਂ ਛੁੱਟੀਆਂ ਦੀ ਲੰਮੀ ਲੜੀ ਰਹੇਗੀ, ਜਿਸ ’ਚ ਪਿਤ੍ਰ ਪੱਖ ਤੋਂ ਲੈ ਕੇ ਨਰਾਤਿਆਂ ਤੇ ਕਰਵਾ ਚੌਥ ਤੱਕ ਦੇ ਤਿਉਹਾਰ ਸ਼ਾਮਲ ਹਨ।
Posted By Paramjit Kaur
Publish Date: Wed, 30 Sep 2026 02:59 PM (IST)
Updated Date: Wed, 30 Sep 2026 03:28 PM (IST)
ਲਾਈਫਸਟਾਈਲ ਡੈਸਕ, ਨਵੀਂ ਦਿੱਲੀ : ਅਕਤੂਬਰ ਦਾ ਮਹੀਨਾ ਆਪਣੇ ਨਾਲ ਧਾਰਮਿਕ ਤਿਉਹਾਰਾਂ ਤੇ ਛੁੱਟੀਆਂ ਦੀ ਲੰਮੀ ਕਤਾਰ ਲੈ ਕੇ ਆ ਰਿਹਾ ਹੈ। ਪਿਤ੍ਰ ਪੱਖ ਦੀ ਸਮਾਪਤੀ ਤੋਂ ਲੈ ਕੇ ਨਰਾਤਿਆਂ ਦੀ ਧੂਮ ਤੇ ਕਰਵਾ ਚੌਥ ਦੀ ਰੌਣਕ ਤੱਕ, ਇਹ ਮਹੀਨਾ ਪੂਰੀ ਤਰ੍ਹਾਂ ਤਿਉਹਾਰੀ ਰੰਗ ’ਚ ਰੰਗਿਆ ਰਹੇਗਾ। ਦੱਸ ਦੇਈਏ ਕਿ ਇਸ ਮਹੀਨੇ ਸਕੂਲਾਂ ਤੇ ਬੈਂਕਾਂ ’ਚ ਵੀ ਕਈ ਛੁੱਟੀਆਂ ਰਹਿਣਗੀਆਂ। ਆਓ ਜਾਣਦੇ ਹਾਂ ਅਕਤੂਬਰ 2026 ਦੇ ਵਰਤ-ਤਿਉਹਾਰਾਂ, ਬੈਂਕ ਹਾਲੀਡੇ ਤੇ ਸਕੂਲਾਂ ਦੀਆਂ ਛੁੱਟੀਆਂ ਨਾਲ ਜੁੜੀ ਜ਼ਰੂਰੀ ਜਾਣਕਾਰੀ, ਤਾਂ ਜੋ ਤੁਸੀਂ ਹੁਣ ਤੋਂ ਹੀ ਪੂਰੇ ਮਹੀਨੇ ਦੀ ਪਲਾਨਿੰਗ ਕਰ ਸਕੋ।
ਹਿੰਦੂ ਵਰਤਾਂ ਤੇ ਤਿਉਹਾਰਾਂ ਦੀ ਝੜੀ
ਅਕਤੂਬਰ ਦੀ ਸ਼ੁਰੂਆਤ ਬੇਹੱਦ ਖਾਸ ਰਹੇਗੀ। ਮਹੀਨੇ ਦੇ ਪਹਿਲੇ ਹਿੱਸੇ ’ਚ ਪਿਤ੍ਰ ਪੱਖ ਤੇ ਇੰਦਰਾ ਇਕਾਦਸ਼ੀ ਵਰਗੇ ਮਹੱਤਵਪੂਰਨ ਦਿਨ ਆਉਣਗੇ। 10 ਅਕਤੂਬਰ ਨੂੰ ਸਰਵ ਪਿਤ੍ਰ ਮੱਸਿਆ ਤੋਂ ਬਾਅਦ 11 ਅਕਤੂਬਰ ਤੋਂ ਸਰਦ ਨਰਾਤਿਆਂ ਦੀ ਸ਼ੁਰੂਆਤ ਹੋਵੇਗੀ। ਇਸ ਤੋਂ ਬਾਅਦ ਦੁਰਗਾ ਅਸ਼ਟਮੀ, ਮਹਾਨੌਮੀ ਤੇ ਦੁਸਹਿਰੇ ਦਾ ਜਸ਼ਨ ਮਨਾਇਆ ਜਾਵੇਗਾ। ਮਹੀਨੇ ਦਾ ਦੂਜਾ ਹਿੱਸਾ ਭਗਵਾਨ ਵਿਸ਼ਨੂੰ ਤੇ ਮਾਤਾ ਲਕਸ਼ਮੀ ਦੀ ਪੂਜਾ ਦੇ ਆਲੇ-ਦੁਆਲੇ ਰਹੇਗਾ, ਜਿਸ ’ਚ ਪਾਪਾਂਕੁਸ਼ਾ ਇਕਾਦਸ਼ੀ, ਸ਼ਰਦ ਪੁੰਨਿਆ ਤੇ ਕੋਜਾਗਰਾ ਪੂਜਾ ਸ਼ਾਮਲ ਹਨ। ਮਹੀਨੇ ਦਾ ਸਮਾਪਨ 29 ਅਕਤੂਬਰ ਨੂੰ ਕਰਵਾ ਚੌਥ ਵਰਗੇ ਖਾਸ ਤਿਉਹਾਰ ਨਾਲ ਹੋਵੇਗਾ।
ਅਕਤੂਬਰ 2026 ਦੇ ਹਿੰਦੂ ਤਿਉਹਾਰਾਂ ਦੀ ਸੂਚੀ:
| ਤਾਰੀਖ | ਦਿਨ | ਹਿੰਦੂ ਤਿਉਹਾਰ |
| 6 ਅਕਤੂਬਰ 2026 | ਮੰਗਲਵਾਰ | ਇੰਦਿਰਾ ਇਕਾਦਸ਼ੀ |
| 10 ਅਕਤੂਬਰ 2026 | ਸ਼ਨੀਵਾਰ | ਸਰਵ ਪਿਤ੍ਰ ਮੱਸਿਆ |
| 11 ਅਕਤੂਬਰ 2026 | ਐਤਵਾਰ | ਨਰਾਤੇ ਸ਼ੁਰੂ |
| 16 ਅਕਤੂਬਰ 2026 | ਸ਼ੁੱਕਰਵਾਰ | ਸਰਸਵਤੀ ਆਵਾਹਨ |
| 17 ਅਕਤੂਬਰ 2026 | ਸ਼ਨੀਵਾਰ | ਸਰਸਵਤੀ ਪੂਜਾ, ਤੁਲਾ ਸੰਕ੍ਰਾਂਤੀ |
| 19 ਅਕਤੂਬਰ 2026 | ਸੋਮਵਾਰ | ਦੁਰਗਾ ਅਸ਼ਟਮੀ, ਮਹਾਨਵਮੀ |
| 20 ਅਕਤੂਬਰ 2026 | ਮੰਗਲਵਾਰ | ਵਿਜਯਾਦਸ਼ਮੀ, ਦੁਸਹਿਰਾ |
| 22 ਅਕਤੂਬਰ 2026 | ਵੀਰਵਾਰ | ਪਾਪਾਂਕੁਸ਼ਾ ਇਕਾਦਸ਼ੀ |
| 25 ਅਕਤੂਬਰ 2026 | ਐਤਵਾਰ | ਕੋਜਾਗਰਾ ਪੂਜਾ, ਸ਼ਰਦ ਪੁੰਨਿਆ |
| 26 ਅਕਤੂਬਰ 2026 | ਸੋਮਵਾਰ | ਆਸ਼ਵਿਨ ਪੁੰਨਿਆ |
| 29 ਅਕਤੂਬਰ 2026 | ਵੀਰਵਾਰ | ਕਰਵਾ ਚੌਥ |
ਨੋਟ: ਹਿੰਦੂ ਤਿਉਹਾਰਾਂ ਦੀਆਂ ਤਾਰੀਕਾਂ ਤੇ ਪੂਜਾ ਦਾ ਸਮਾਂ ਸਥਾਨਕ ਪੰਚਾਂਗ, ਸੂਰਜ ਚੜ੍ਹਨ ਤੇ ਚੰਦਰਮਾ ਚੜ੍ਹਨ ਦੇ ਸਮੇਂ ਅਨੁਸਾਰ ਬਦਲ ਸਕਦਾ ਹੈ। ਇਸ ਲਈ ਕਿਸੇ ਵੀ ਪੂਜਾ ਲਈ ਆਪਣਾ ਸਥਾਨਕ ਕੈਲੰਡਰ ਜ਼ਰੂਰ ਚੈੱਕ ਕਰ ਲਓ।
ਬੈਂਕ ਹਾਲੀਡੇ: 11 ਦਿਨ ਬੰਦ ਰਹਿ ਸਕਦੇ ਹਨ ਬੈਂਕ, ਹੜਤਾਲ ਦਾ ਵੀ ਅਲਰਟ
ਰਿਜ਼ਰਵ ਬੈਂਕ ਆਫ ਇੰਡੀਆ ਦੀਆਂ ਛੁੱਟੀਆਂ ਦੀ ਸੂਚੀ ਮੁਤਾਬਕ, ਅਕਤੂਬਰ 2026 ’ਚ ਦੇਸ਼ ਭਰ ਦੇ ਬੈਂਕ ਵੱਖ-ਵੱਖ ਸੂਬਿਆਂ ਦੇ ਤਿਉਹਾਰਾਂ ਦੇ ਹਿਸਾਬ ਨਾਲ 11 ਦਿਨਾਂ ਤੱਕ ਬੰਦ ਰਹਿ ਸਕਦੇ ਹਨ। ਇਸ ਤੋਂ ਇਲਾਵਾ ਹਰ ਐਤਵਾਰ ਤੇ ਮਹੀਨੇ ਦੇ ਦੂਜੇ ਤੇ ਚੌਥੇ ਸ਼ਨੀਵਾਰ ਨੂੰ ਵੀ ਬੈਂਕ ਬੰਦ ਰਹਿੰਦੇ ਹਨ।
ਅਕਤੂਬਰ 2026 ਦੀਆਂ ਬੈਂਕ ਛੁੱਟੀਆਂ ਦੀ ਸੂਚੀ (ਪੰਜਾਬੀ ’ਚ)
| ਤਾਰੀਕ | ਛੁੱਟੀ ਦਾ ਮੌਕਾ / ਤਿਉਹਾਰ | ਰਾਜ / ਸ਼ਹਿਰ ਜਿੱਥੇ ਬੈਂਕ ਬੰਦ ਰਹਿਣਗੇ |
| 2 ਅਕਤੂਬਰ | ਮਹਾਤਮਾ ਗਾਂਧੀ ਜਯੰਤੀ | ਪੂਰੇ ਦੇਸ਼ ’ਚ |
| 10 ਅਕਤੂਬਰ | ਮਹਾਲਯ ਮੱਸਿਆ | ਬੈਂਗਲੁਰੂ ਤੇ ਕੋਲਕਾਤਾ |
| 17 ਅਕਤੂਬਰ | ਮਹਾ ਸਪਤਮੀ | ਅਗਰਤਲਾ |
| 19 ਅਕਤੂਬਰ | ਦੁਸਹਿਰਾ | ਅਗਰਤਲਾ, ਆਈਜ਼ੌਲ, ਭੁਵਨੇਸ਼ਵਰ, ਚੇਨਈ, ਗੁਹਾਟੀ, ਇੰਫਾਲ, ईटानगर (ਈਟਾਨਗਰ), ਕੋਹਿਮਾ, ਕੋਲਕਾਤਾ, ਪਟਨਾ, ਰਾਂਚੀ ਤੇ ਸ਼ਿਲਾਂਗ |
| 20 ਅਕਤੂਬਰ | ਦੁਸਹਿਰਾ/ਮਹਾਨੌਮੀ, ਆਯੁਧ ਪੂਜਾ/ਦੁਰਗਾ ਪੂਜਾ | ਗੰਗਟੋਕ ਤੇ ਇੰਫਾਲ |
| 21 ਅਕਤੂਬਰ | ਵਿਜੇਦਸ਼ਮੀ/ਦੁਰਗਾ ਪੂਜਾ | ਅਗਰਤਲਾ, ਬੈਂਗਲੁਰੂ, ਗੰਗਟੋਕ, ਗੁਹਾਟੀ, ਕੋਚੀ, ਕੋਲਕਾਤਾ, ਤੇ ਤਿਰੁਵਨੰਤਪੁਰਮ |
| 22 ਅਤੇ 23 ਅਕਤੂਬਰ | ਦੁਰਗਾ ਪੂਜਾ | ਗੰਗਟੋਕ |
| 26 ਅਕਤੂਬਰ | ਲਕਸ਼ਮੀ ਪੂਜਾ / ਐਕਸੈਸ਼ਨ ਡੇ / ਮਹਰਿਸ਼ੀ (ਮਰਸ਼ੀ) ਵਾਲਮੀਕਿ ਜਯੰਤੀ | ਅਗਰਤਲਾ, ਚੰਡੀਗੜ੍ਹ, ਜੰਮੂ, ਸ਼ਿਮਲਾ ਤੇ ਸ੍ਰੀਨਗਰ |
| 29 ਅਕਤੂਬਰ | ਕਰਵਾ ਚੌਥ | ਸ਼ਿਮਲਾ |
| 31 ਅਕਤੂਬਰ | ਸਰਦਾਰ ਵੱਲਭਭਾਈ ਪਟੇਲ ਜਯੰਤੀ | ਅਹਿਮਦਾਬਾਦ |
ਬੈਂਕ ਹੜਤਾਲ ਦੀ ਚਿਤਾਵਨੀ
ਛੁੱਟੀਆਂ ਤੋਂ ਇਲਾਵਾ ਬੈਂਕ ਗਾਹਕਾਂ ਨੂੰ ਇੱਕ ਹੋਰ ਗੱਲ ਦਾ ਧਿਆਨ ਰੱਖਣਾ ਹੋਵੇਗਾ। ਬੈਂਕਿੰਗ ਸੈਕਟਰ ’ਚ 5 ਦਿਨਾਂ ਦੇ ਵਰਕਿੰਗ ਵੀਕ ਦੀ ਮੰਗ ਨੂੰ ਲੈ ਕੇ ਯੂਨਾਈਟਿਡ ਫੋਰਮ ਆਫ ਬੈਂਕ ਯੂਨੀਅਨਜ਼ (UFBU) ਨੇ 26 ਅਕਤੂਬਰ 2026 ਤੋਂ ਅਣਮਿੱਥੇ ਸਮੇਂ ਲਈ ਹੜਤਾਲ ਦਾ ਐਲਾਨ ਕੀਤਾ ਹੈ। ਜੇਕਰ ਇਹ ਹੜਤਾਲ ਹੁੰਦੀ ਹੈ ਤਾਂ ਬੈਂਕਿੰਗ ਕੰਮਕਾਜ ਪ੍ਰਭਾਵਿਤ ਹੋ ਸਕਦਾ ਹੈ।
ਹਾਲਾਂਕਿ, ਰਾਹਤ ਦੀ ਗੱਲ ਇਹ ਹੈ ਕਿ ਬੈਂਕ ਬੰਦ ਹੋਣ ਜਾਂ ਹੜਤਾਲ ਦੌਰਾਨ ਵੀ NEFT, RTGS, ਆਨਲਾਈਨ ਬੈਂਕਿੰਗ, ਮੋਬਾਈਲ ਬੈਂਕਿੰਗ, UPI ਤੇ ATM ਵਰਗੀਆਂ ਡਿਜੀਟਲ ਸੇਵਾਵਾਂ ਚਾਲੂ ਰਹਿਣਗੀਆਂ।
ਸਕੂਲ ਹਾਲੀਡੇ: ਬੱਚਿਆਂ ਦੀ ਮੌਜ, ਜਾਣੋ ਕਦੋਂ-ਕਦੋਂ ਬੰਦ ਰਹਿਣਗੇ ਸਕੂਲ
ਅਕਤੂਬਰ ਦਾ ਮਹੀਨਾ ਸਕੂਲੀ ਵਿਦਿਆਰਥੀਆਂ ਲਈ ਕਿਸੇ ਟ੍ਰੀਟ ਤੋਂ ਘੱਟ ਨਹੀਂ ਹੁੰਦਾ। ਗਾਂਧੀ ਜਯੰਤੀ ਤੋਂ ਲੈ ਕੇ ਦੁਸਹਿਰੇ ਤੇ ਖੇਤਰੀ ਤਿਉਹਾਰਾਂ ਤੱਕ, ਵਿਦਿਆਰਥੀਆਂ ਤੇ ਪਰਿਵਾਰਾਂ ਨੂੰ ਛੋਟੀਆਂ ਯਾਤਰਾਵਾਂ ਦੀ ਪਲਾਨਿੰਗ ਕਰਨ ਦੇ ਕਈ ਮੌਕੇ ਮਿਲਣਗੇ।
ਹਾਲਾਂਕਿ ਸਕੂਲਾਂ ਦੀਆਂ ਛੁੱਟੀਆਂ ਸੂਬੇ, ਸਿੱਖਿਆ ਬੋਰਡ ਤੇ ਹਰੇਕ ਸਕੂਲ ਦੇ ਆਪਣੇ ਕੈਲੰਡਰ ਮੁਤਾਬਕ ਵੱਖ-ਵੱਖ ਹੋ ਸਕਦੀਆਂ ਹਨ। ਕੁਝ ਸੂਬਿਆਂ ਤੇ ਉੱਥੇ ਮਨਾਏ ਜਾਣ ਵਾਲੇ ਮੁੱਖ ਮੌਕਿਆਂ ਦੀ ਲਿਸਟ ਹੇਠਾਂ ਦਿੱਤੀ ਗਈ ਹੈ।
ਅਕਤੂਬਰ 2026 - ਸਕੂਲ ਛੁੱਟੀਆਂ ਦੀ ਸੂਚੀ:
| ਤਾਰੀਖ | ਤਿਉਹਾਰ / ਮੌਕਾ | ਮੁੱਖ ਤੌਰ 'ਤੇ ਕਿਹੜੇ ਸੂਬਿਆਂ/ਸ਼ਹਿਰਾਂ ਵਿੱਚ ਛੁੱਟੀ |
| 2 ਅਕਤੂਬਰ (ਸ਼ੁੱਕਰਵਾਰ) | ਗਾਂਧੀ ਜਯੰਤੀ | ਪੂਰੇ ਦੇਸ਼ ’ਚ (ਦਿੱਲੀ, ਯੂਪੀ ਸਮੇਤ) |
| 18 ਅਕਤੂਬਰ | ਦੁਸਹਿਰਾ, ਸਪਤਮੀ, ਸੱਦੂਲਾ ਬਤੁਕੰਮਾ | ਤੇਲੰਗਾਨਾ (ਬਤੁਕੰਮਾ) ਤੇ ਹੋਰ ਸੂਬੇ |
| 19 ਅਕਤੂਬਰ | ਮਹਾ ਅਸ਼ਟਮੀ, ਦੁਸਹਿਰਾ, ਮਹਾ ਨਵਮੀ | ਤੇਲੰਗਾਨਾ (ਮਹਾ ਨਵਮੀ) ਤੇ ਹੋਰ ਸੂਬੇ |
| 20 ਅਕਤੂਬਰ | ਵਿਜਯਾਦਸ਼ਮੀ | ਦਿੱਲੀ, ਉੱਤਰ ਪ੍ਰਦੇਸ਼, ਤੇਲੰਗਾਨਾ ਤੇ ਹੋਰ ਸੂਬੇ |
| 21 ਅਕਤੂਬਰ | ਵਿਜਯਾਦਸ਼ਮੀ ਤੋਂ ਬਾਅਦ | ਤੇਲੰਗਾਨਾ (ਸੰਭਾਵਿਤ ਛੁੱਟੀ) |
| 26 ਅਕਤੂਬਰ | ਮਹਾਰਿਸ਼ੀ ਵਾਲਮੀਕਿ ਜਯੰਤੀ | ਦਿੱਲੀ, ਤੇਲੰਗਾਨਾ ਤੇ ਹੋਰ ਸੂਬੇ |
| 29 ਅਕਤੂਬਰ | ਕਰਵਾ ਚੌਥ (ਕਰਕ ਚਤੁਰਥੀ) | ਦਿੱਲੀ ਤੇ ਹੋਰ ਸੂਬੇ |
ਪੱਛਮੀ ਬੰਗਾਲ ’ਚ ਦੁਰਗਾ ਪੂਜਾ ਦੌਰਾਨ ਸਭ ਤੋਂ ਲੰਬੀ ਛੁੱਟੀ ਹੁੰਦੀ ਹੈ। ਇੱਥੇ ਮਹਾ ਅਸ਼ਟਮੀ, ਦੁਸਹਿਰੇ ਤੇ ਹੋਰ ਪੂਜਾ ਦੇ ਦਿਨਾਂ ਦੇ ਆਲੇ-ਦੁਆਲੇ ਲੰਬੀਆਂ ਛੁੱਟੀਆਂ ਹੁੰਦੀਆਂ ਹਨ। ਹਾਲਾਂਕਿ, ਇਨ੍ਹਾਂ ਛੁੱਟੀਆਂ ਦੀ ਸਹੀ ਮਿਆਦ ਸੂਬੇ ਦੇ ਅਕਾਦਮਿਕ ਕੈਲੰਡਰ ਤੇ ਸਕੂਲਾਂ 'ਤੇ ਨਿਰਭਰ ਕਰਦੀ ਹੈ। ਇਸੇ ਤਰ੍ਹਾਂ ਦਿੱਲੀ ਤੇ ਯੂਪੀ ਵਰਗੇ ਸੂਬਿਆਂ ’ਚ ਵੀ ਸਕੂਲ ਆਪਣੀ ਲੋੜ ਮੁਤਾਬਕ ਦੁਸਹਿਰੇ ਜਾਂ ਆਟਮ ਬ੍ਰੇਕ ਦਾ ਵਾਧੂ ਐਲਾਨ ਕਰ ਸਕਦੇ ਹਨ।
ਕਿਉਂਕਿ ਹਰ ਸੂਬੇ ਤੇ ਬੋਰਡ ਦਾ ਹਾਲੀਡੇ ਕੈਲੰਡਰ ਵੱਖਰਾ ਹੁੰਦਾ ਹੈ, ਇਸ ਲਈ ਮਾਪਿਆਂ ਤੇ ਵਿਦਿਆਰਥੀਆਂ ਨੂੰ ਕਿਸੇ ਵੀ ਟ੍ਰਿਪ ਦੀ ਪਲਾਨਿੰਗ ਕਰਨ ਤੋਂ ਪਹਿਲਾਂ ਆਪਣੇ ਸਕੂਲ ਦਾ ਅਧਿਕਾਰਤ ਸਰਕੂਲਰ ਜ਼ਰੂਰ ਚੈੱਕ ਕਰ ਲੈਣਾ ਚਾਹੀਦਾ ਹੈ।