- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਲਿਫਟ ’ਚ ਸ਼ੀਸ਼ੇ ਸਿਰਫ਼ ਚਿਹਰਾ ਦੇਖਣ ਲਈ ਨਹੀਂ ਹੁੰਦੇ, ਇਸਦੀ ਅਸਲ ਵਜ੍ਹਾ ਜਾਣ ਕੇ ਹੈਰਾਨ ਰਹਿ ਜਾਓਗੇ ਤੁਸੀਂ
ਕਿਸੇ ਵੀ ਮਾਲ, ਦਫ਼ਤਰ ਜਾਂ ਬਿਲਡਿੰਗ ਦੀ ਲਿਫਟ ਵਿੱਚ ਤੁਸੀਂ ਸ਼ੀਸ਼ਾ ਲੱਗਿਆ ਹੋਇਆ ਜ਼ਰੂਰ ਦੇਖਿਆ ਹੋਵੇਗਾ। ਲਿਫਟ ’ਚ ਵੜਦਿਆਂ ਹੀ ਲੋਕ ਸ਼ੀਸ਼ੇ ਵਿੱਚ ਖੁਦ ਨੂੰ ਦੇਖਣ ਲੱਗ ਜਾਂਦੇ ਹਨ, ਵਾਲ ਠੀਕ ਕਰਨ ਲੱਗਦੇ ਹਨ ਜਾਂ ਫਿਰ 'ਮਿਰਰ ਸੈਲਫੀ' ਰਾਹੀਂ ਆਪਣੀ ਅੱਜ ਦੀ ਡਰੈੱਸ ਕੈਪਚਰ ਕਰਨ ਲੱਗ ਜਾਂਦੇ ਹਨ। ਹੋ ਸਕਦਾ ਹੈ ਕਿ ਤੁਸੀਂ ਵੀ ਅਜਿਹਾ ਕਰਦੇ ਹੋਵੋ ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਲਿਫਟ ਵਿੱਚ ਸ਼ੀਸ਼ੇ ਕਿਉਂ ਲਗਾਏ ਜਾਂਦੇ ਹਨ?
Posted By Anuradha Bains
Publish Date: Tue, 14 Jul 2026 12:47 PM (IST)
Updated Date: Tue, 14 Jul 2026 12:49 PM (IST)
ਲਾਈਫਸਟਾਈਲ ਡੈਸਕ, ਨਵੀਂ ਦਿੱਲੀ। ਕਿਸੇ ਵੀ ਮਾਲ, ਦਫ਼ਤਰ ਜਾਂ ਬਿਲਡਿੰਗ ਦੀ ਲਿਫਟ ਵਿੱਚ ਤੁਸੀਂ ਸ਼ੀਸ਼ਾ ਲੱਗਿਆ ਹੋਇਆ ਜ਼ਰੂਰ ਦੇਖਿਆ ਹੋਵੇਗਾ। ਲਿਫਟ ’ਚ ਵੜਦਿਆਂ ਹੀ ਲੋਕ ਸ਼ੀਸ਼ੇ ਵਿੱਚ ਖੁਦ ਨੂੰ ਦੇਖਣ ਲੱਗ ਜਾਂਦੇ ਹਨ, ਵਾਲ ਠੀਕ ਕਰਨ ਲੱਗਦੇ ਹਨ ਜਾਂ ਫਿਰ 'ਮਿਰਰ ਸੈਲਫੀ' ਰਾਹੀਂ ਆਪਣੀ ਅੱਜ ਦੀ ਡਰੈੱਸ ਕੈਪਚਰ ਕਰਨ ਲੱਗ ਜਾਂਦੇ ਹਨ। ਹੋ ਸਕਦਾ ਹੈ ਕਿ ਤੁਸੀਂ ਵੀ ਅਜਿਹਾ ਕਰਦੇ ਹੋਵੋ ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਲਿਫਟ ਵਿੱਚ ਸ਼ੀਸ਼ੇ ਕਿਉਂ ਲਗਾਏ ਜਾਂਦੇ ਹਨ?
ਕੀ ਲਿਫਟ ਵਿੱਚ ਸ਼ੀਸ਼ਾ ਸਿਰਫ਼ ਖੁਦ ਨੂੰ ਦੇਖਣ ਜਾਂ ਵਾਲ ਸੰਵਾਰਨ ਲਈ ਲਗਾਇਆ ਜਾਂਦਾ ਹੈ ਜਾਂ ਇਸਦੇ ਪਿੱਛੇ ਕੋਈ ਹੋਰ ਹੀ ਵਜ੍ਹਾ ਹੈ? ਆਓ ਜਾਣੀਏ ਲਿਫਟ ਵਿੱਚ ਸ਼ੀਸ਼ਾ ਲਗਾਉਣ ਦੇ ਅਸਲ ਕਾਰਨ ਕੀ ਹਨ।
ਕਲੌਸਟ੍ਰੋਫੋਬੀਆ (Claustrophobia) ਤੋਂ ਬਚਾਅ
ਲਿਫਟ ਦਾ ਸਾਈਜ਼ ਛੋਟਾ ਹੁੰਦਾ ਹੈ ਅਤੇ ਇਹ ਚਾਰੇ ਪਾਸਿਓਂ ਬੰਦ ਹੁੰਦੀ ਹੈ। ਅਜਿਹੀ ਸਥਿਤੀ ਵਿੱਚ, ਜਿਨ੍ਹਾਂ ਲੋਕਾਂ ਨੂੰ ਛੋਟੀਆਂ ਜਾਂ ਬੰਦ ਥਾਵਾਂ ਤੋਂ ਡਰ ਲੱਗਦਾ ਹੈ, ਉਨ੍ਹਾਂ ਲਈ ਲਿਫਟ ਦੀ ਵਰਤੋਂ ਕਰਨਾ ਮੁਸ਼ਕਿਲ ਹੋ ਜਾਂਦਾ ਹੈ। ਜ਼ਿਆਦਾ ਭੀੜ ਹੋਣ 'ਤੇ ਵੀ ਲਿਫਟ ਵਿੱਚ ਘੁਟਣ ਦਾ ਅਹਿਸਾਸ ਹੋ ਸਕਦਾ ਹੈ। ਇਸ ਲਈ, ਸ਼ੀਸ਼ੇ ਰਾਹੀਂ ਇੱਕ ਭਰਮ ਪੈਦਾ ਕੀਤਾ ਜਾਂਦਾ ਹੈ ਕਿ ਲਿਫਟ ਵਿੱਚ ਕਾਫੀ ਜਗ੍ਹਾ ਹੈ। ਸ਼ੀਸ਼ੇ ਵਿੱਚ ਲਿਫਟ ਦਾ ਹਿੱਸਾ ਰਿਫਲੈਕਟ ਹੁੰਦਾ ਹੈ, ਜਿਸ ਨਾਲ ਲੋਕਾਂ ਨੂੰ ਲੱਗਦਾ ਹੈ ਕਿ ਜਗ੍ਹਾ ਕਾਫੀ ਖੁੱਲ੍ਹੀ ਹੈ ਅਤੇ ਇਸ ਨਾਲ ਦਿਮਾਗ ਸ਼ਾਂਤ ਰਹਿੰਦਾ ਹੈ।
ਲੋਕਾਂ ਦਾ ਧਿਆਨ ਭਟਕਾਉਣਾ
ਬਹੁਮੰਜ਼ਿਲੀਆਂ ਇਮਾਰਤਾਂ ਵਿੱਚ ਹੇਠਾਂ ਜਾਂ ਉੱਪਰ ਜਾਣ ਵਿੱਚ ਸਮਾਂ ਲੱਗਦਾ ਹੈ। ਇਸ ਲਈ ਲੋਕਾਂ ਦਾ ਧਿਆਨ ਭਟਕਾਉਣ ਲਈ ਲਿਫਟ ਵਿੱਚ ਸ਼ੀਸ਼ੇ ਲਗਾਏ ਗਏ ਤਾਂ ਜੋ ਲੋਕ ਖੁਦ ਨੂੰ ਦੇਖਣ ਵਿੱਚ ਰੁੱਝ ਜਾਣ ਅਤੇ ਉਨ੍ਹਾਂ ਨੂੰ ਲਿਫਟ ਦੇ ਸਫ਼ਰ ਦਾ ਪਤਾ ਹੀ ਨਾ ਲੱਗੇ। ਇਸ ਨਾਲ ਲਿਫਟ ਦਾ ਸਫ਼ਰ ਲੋਕਾਂ ਨੂੰ ਛੋਟਾ ਲੱਗਦਾ ਹੈ ਅਤੇ ਲੋਕ ਸਮੇਂ ਨੂੰ ਲੈ ਕੇ ਸ਼ਿਕਾਇਤ ਨਹੀਂ ਕਰਦੇ।
ਸੁਰੱਖਿਆ ਵੀ ਹੈ ਇੱਕ ਵੱਡੀ ਵਜ੍ਹਾ
ਲਿਫਟ ’ਚ ਸ਼ੀਸ਼ਾ ਲਗਾਉਣ ਦਾ ਇੱਕ ਕਾਰਨ ਸੁਰੱਖਿਆ ਨਾਲ ਵੀ ਜੁੜਿਆ ਹੋਇਆ ਹੈ। ਸ਼ਾਪਿੰਗ ਮਾਲ ਜਾਂ ਦਫ਼ਤਰਾਂ ਦੀ ਲਿਫਟ ਵਿੱਚ ਅਕਸਰ ਅਣਜਾਣ ਲੋਕ ਇੱਕਠੇ ਸਫ਼ਰ ਕਰਦੇ ਹਨ। ਅਜਿਹੇ ਵਿੱਚ ਸ਼ੀਸ਼ਾ ਲੱਗਿਆ ਹੋਣ ਕਰਕੇ ਕਿਸੇ ਵੀ ਤਰ੍ਹਾਂ ਦੀ ਬਦਤਮੀਜ਼ੀ ਜਾਂ ਚੋਰੀ ਦਾ ਖ਼ਤਰਾ ਘੱਟ ਹੋ ਜਾਂਦਾ ਹੈ, ਕਿਉਂਕਿ ਵਿਅਕਤੀ ਸ਼ੀਸ਼ੇ ਰਾਹੀਂ ਆਪਣੇ ਨਾਲ ਜਾਂ ਪਿੱਛੇ ਖੜ੍ਹੇ ਵਿਅਕਤੀ 'ਤੇ ਆਸਾਨੀ ਨਾਲ ਨਜ਼ਰ ਰੱਖ ਸਕਦਾ ਹੈ।
ਵ੍ਹੀਲਚੇਅਰ ਯੂਜ਼ਰਸ ਲਈ ਮਦਦਗਾਰ
ਲਿਫਟ ਦਾ ਸਾਈਜ਼ ਐਨਾ ਵੱਡਾ ਨਹੀਂ ਹੁੰਦਾ ਕਿ ਲੋਕਾਂ ਦੀ ਮੌਜੂਦਗੀ ਵਿੱਚ ਉਸ ਨੂੰ ਆਸਾਨੀ ਨਾਲ ਘੁਮਾਇਆ ਜਾ ਸਕੇ। ਅਜਿਹੀ ਸਥਿਤੀ ਵਿੱਚ, ਸ਼ੀਸ਼ਾ ਲੱਗਿਆ ਹੋਣ ਕਰਕੇ ਲਿਫਟ ਵਿੱਚੋਂ ਬਾਹਰ ਨਿਕਲਦੇ ਸਮੇਂ ਵ੍ਹੀਲਚੇਅਰ ਯੂਜ਼ਰਸ ਨੂੰ ਬਾਰ-ਬਾਰ ਪਿੱਛੇ ਮੁੜ ਕੇ ਨਹੀਂ ਦੇਖਣਾ ਪੈਂਦਾ। ਇਸ ਨਾਲ ਉਨ੍ਹਾਂ ਨੂੰ ਸੱਟ ਲੱਗਣ ਜਾਂ ਦਰਵਾਜ਼ੇ ਦੇ ਵਿਚਕਾਰ ਫਸਣ ਦਾ ਖ਼ਤਰਾ ਕਾਫੀ ਘੱਟ ਹੋ ਜਾਂਦਾ ਹੈ।