ਵਿਆਹ-ਪਾਰਟੀ ਤੋਂ ਪਹਿਲਾਂ ਚਿਹਰੇ ’ਤੇ ਚਾਹੀਦਾ ਹੈ ਇੰਸਟੈਂਟ ਗਲੋ? ਘਰ ’ਚ ਬਣਾਓ ਇਹ ਦੇਸੀ ਉਬਟਨ, ਚਿਹਰੇ ’ਤੇ ਆਵੇਗਾ ਪਾਰਲਰ ਵਰਗਾ ਨਿਖਾਰ

ਬਾਜ਼ਾਰ ’ਚ ਕਈ ਤਰ੍ਹਾਂ ਦੇ ਫੇਸ ਪੈਕ ਤੇ ਫੇਸ ਮਾਸਕ ਮਿਲਦੇ ਹਨ। ਪਰ ਇਨ੍ਹਾਂ ਨੂੰ ਖਰੀਦਦੇ ਸਮੇਂ ਆਪਣੀ ਸਕਿਨ ਟਾਈਪ ਦਾ ਧਿਆਨ ਰੱਖਣਾ ਬਹੁਤ ਜ਼ਰੂਰੀ ਹੁੰਦਾ ਹੈ।

Posted By Paramjit Kaur

Publish Date: Mon, 21 Sep 2026 01:13 PM (IST)

Updated Date: Mon, 21 Sep 2026 01:16 PM (IST)

ਲਾਈਫਸਟਾਈਲ ਡੈਸਕ, ਨਵੀਂ ਦਿੱਲੀ : ਚਿਹਰੇ ’ਤੇ ਇੰਸਟੈਂਟ ਗਲੋ ਪਾਉਣ ਲਈ ਬਾਜ਼ਾਰ ’ਚ ਕਈ ਤਰ੍ਹਾਂ ਦੇ ਫੇਸ ਪੈਕ ਤੇ ਫੇਸ ਮਾਸਕ ਮਿਲਦੇ ਹਨ। ਪਰ ਇਨ੍ਹਾਂ ਨੂੰ ਖਰੀਦਦੇ ਸਮੇਂ ਆਪਣੀ ਸਕਿਨ ਟਾਈਪ ਦਾ ਧਿਆਨ ਰੱਖਣਾ ਬਹੁਤ ਜ਼ਰੂਰੀ ਹੁੰਦਾ ਹੈ। ਜੇਕਰ ਚਿਹਰੇ ’ਤੇ ਰੌਣਕ ਘਰ ’ਚ ਮੌਜੂਦ ਚੀਜ਼ਾਂ ਨਾਲ ਲਿਆਂਦੀ ਜਾਵੇ ਤਾਂ ਇਸ ਨੂੰ ਇੱਕ ਆਸਾਨ ਤੇ ਕੁਦਰਤੀ ਤਰੀਕਾ ਮੰਨਿਆ ਜਾਂਦਾ ਹੈ। ਆਓ ਜਾਣਦੇ ਹਾਂ ਘਰ ’ਚ ਆਸਾਨੀ ਨਾਲ ਤਿਆਰ ਹੋਣ ਵਾਲੇ ਇਸ ਦੇਸੀ ਉਬਟਨ ਨੂੰ ਬਣਾਉਣ ਤੇ ਲਗਾਉਣ ਦਾ ਸਹੀ ਤਰੀਕਾ।

ਦੇਸੀ ਉਬਟਨ

ਘਰ ਦੀਆਂ ਚੀਜ਼ਾਂ ਨਾਲ ਬਣਿਆ ਇਹ ਦੇਸੀ ਉਬਟਨ ਚਿਹਰੇ ’ਤੇ ਕੁਦਰਤੀ ਗਲੋ ਲਿਆਉਣ ’ਚ ਮਦਦ ਕਰ ਸਕਦਾ ਹੈ। ਇਸ ਨੂੰ ਬਣਾਉਣ ਲਈ ਹੇਠ ਲਿਖੀਆਂ ਚੀਜ਼ਾਂ ਦੀ ਲੋੜ ਹੋਵੇਗੀ:

ਸਮੱਗਰੀ

2 ਚਮਚ ਵੇਸਣ
1/2 ਚਮਚ ਹਲਦੀ
1 ਚਮਚ ਚੰਦਨ ਪਾਊਡਰ
1 ਛੋਟਾ ਚਮਚ ਬਾਦਾਮ ਪਾਊਡਰ
1 ਛੋਟਾ ਚਮਚ ਸ਼ਹਿਦ
2-3 ਕੇਸਰ ਦੇ ਧਾਗੇ
1 ਵੱਡਾ ਚਮਚ ਗੁਲਾਬ ਜਲ
ਲੋੜ ਅਨੁਸਾਰ ਕੱਚਾ ਦੁੱਧ

ਬਣਾਉਣ ਦੀ ਵਿਧੀ

ਸਭ ਤੋਂ ਪਹਿਲਾਂ ਇੱਕ ਕਟੋਰੀ ’ਚ 2 ਚਮਚ ਵੇਸਣ ਦੇ ਨਾਲ 1 ਚਮਚ ਚੰਦਨ ਪਾਊਡਰ ਤੇ 1 ਛੋਟਾ ਚਮਚ ਬਾਦਾਮ ਪਾਊਡਰ ਪਾਓ।
ਇਸ ਤੋਂ ਬਾਅਦ ਇਸ ’ਚ 1/2 ਚਮਚ ਹਲਦੀ ਤੇ 1 ਵੱਡਾ ਚਮਚ ਗੁਲਾਬ ਜਲ ਪਾ ਕੇ ਚੰਗੀ ਤਰ੍ਹਾਂ ਮਿਕਸ ਕਰੋ।

ਸਭ ਤੋਂ ਆਖ਼ਿਰ ’ਚ 1 ਛੋਟਾ ਚਮਚ ਸ਼ਹਿਦ, ਲੋੜ ਅਨੁਸਾਰ ਕੱਚਾ ਦੁੱਧ ਤੇ ਕੇਸਰ ਦੇ ਧਾਗੇ ਮਿਲਾਓ। ਸਾਰੀ ਸਮੱਗਰੀ ਨੂੰ ਚੰਗੀ ਤਰ੍ਹਾਂ ਮਿਲਾ ਕੇ ਗਾੜ੍ਹਾ ਪੇਸਟ ਤਿਆਰ ਕਰ ਲਓ।

ਇਸ ਗੱਲ ਦਾ ਧਿਆਨ ਰੱਖੋ ਕਿ ਜੇਕਰ ਤੁਹਾਡੀ ਚਮੜੀ ਜ਼ਿਆਦਾ ਆਇਲੀ ਹੈ ਤਾਂ ਦੁੱਧ ਦੀ ਬਜਾਏ ਪਾਣੀ ਦੀ ਵਰਤੋਂ ਕਰੋ। ਦੁੱਧ ਸਕਿਨ ਨੂੰ ਹੋਰ ਕ੍ਰੀਮੀ ਤੇ ਆਇਲੀ ਬਣਾ ਸਕਦਾ ਹੈ, ਜਿਸ ਨਾਲ ਮੁਹਾਂਸਿਆਂ ਦੀ ਸਮੱਸਿਆ ਹੋ ਸਕਦੀ ਹੈ।

ਇਸ ਤਰ੍ਹਾਂ ਇੰਸਟੈਂਟ ਗਲੋ ਲਈ ਤੁਹਾਡਾ ਘਰ ਦਾ ਬਣਿਆ ਉਬਟਨ ਤਿਆਰ ਹੈ।

ਲਗਾਉਣ ਦਾ ਤਰੀਕਾ

ਉਬਟਨ ਲਗਾਉਣ ਤੋਂ ਪਹਿਲਾਂ ਹਮੇਸ਼ਾ ਆਪਣੇ ਚਿਹਰੇ ਨੂੰ ਜੈਂਟਲ ਫੇਸ ਵਾਸ਼ ਨਾਲ ਸਾਫ਼ ਕਰੋ। ਇਸ ਤੋਂ ਬਾਅਦ ਉਬਟਨ ਨੂੰ ਚਿਹਰੇ ਦੇ ਨਾਲ-ਨਾਲ ਗਰਦਨ ’ਤੇ ਵੀ ਬਰਾਬਰ ਲਗਾਓ।

ਇਸ ਨੂੰ ਚਿਹਰੇ ’ਤੇ ਘੱਟੋ-ਘੱਟ 10-15 ਮਿੰਟ ਤੱਕ ਲੱਗਾ ਰਹਿਣ ਦਿਓ। ਜਦੋਂ ਇਹ ਸੁੱਕਣ ਲੱਗੇ ਤਾਂ ਆਪਣੇ ਹੱਥ ਗਿੱਲੇ ਕਰਕੇ ਚਿਹਰੇ ’ਤੇ ਸਰਕੁਲਰ ਮੋਸ਼ਨ ’ਚ ਹਲਕੇ ਹੱਥ ਨਾਲ ਮਸਾਜ ਕਰੋ।

ਹਫ਼ਤੇ ’ਚ ਕਿੰਨੀ ਵਾਰ ਉਬਟਨ ਲਗਾਉਣਾ ਸਹੀ ਹੈ?

ਚਿਹਰੇ ’ਤੇ ਨਿਖਾਰ ਲਿਆਉਣ ਲਈ ਹਫ਼ਤੇ ’ਚ 2-3 ਵਾਰ ਵੇਸਣ ਤੇ ਚੰਦਨ ਨਾਲ ਬਣਿਆ ਇਹ ਦੇਸੀ ਉਬਟਨ ਲਗਾਇਆ ਜਾ ਸਕਦਾ ਹੈ। ਦੱਸਿਆ ਜਾਂਦਾ ਹੈ ਕਿ ਵੇਸਣ ਤੇ ਚੰਦਨ ਚਿਹਰੇ ਨੂੰ ਠੰਡਕ ਦੇਣ ਦੇ ਨਾਲ-ਨਾਲ ਸਕਿਨ ਦਾ ਟੈਕਸਚਰ ਸੁਧਾਰਨ ’ਚ ਮਦਦ ਕਰ ਸਕਦੇ ਹਨ। ਇਸ ’ਚ ਸ਼ਾਮਲ ਸ਼ਹਿਦ ਤੇ ਗੁਲਾਬ ਜਲ ਸਕਿਨ ਨੂੰ ਹਾਈਡ੍ਰੇਟ ਰੱਖਣ ’ਚ ਮਦਦ ਕਰਦੇ ਹਨ, ਜਦਕਿ ਹਲਦੀ ਨੂੰ ਸਕਿਨ ਦੀ ਦੇਖਭਾਲ ਲਈ ਵਰਤਿਆ ਜਾਂਦਾ ਹੈ।