ਕੁਝ ਲੋਕ ਮੈਸੇਜ Seen ਕਰਕੇ ਕਿਉਂ ਛੱਡ ਦਿੰਦੇ ਹਨ? ਬੇਰੁਖ਼ੀ ਨਹੀਂ, ਇਸ ਪਿੱਛੇ ਹਨ ਸਾਇਕੋਲਾਜੀ ਨਾਲ ਜੁੜੇ ਕਾਰਨ

ਦਰਅਸਲ, ਸੀਨ ਕਰਕੇ ਰਿਪਲਾਈ ਨਾ ਦੇਣ ਪਿੱਛੇ ਸਾਇਕੋਲਾਜੀ (ਮਨੋਵਿਗਿਆਨ) ਨਾਲ ਜੁੜੇ ਕੁਝ ਕਾਰਨ ਛੁਪੇ ਹੁੰਦੇ ਹਨ। ਆਮ ਤੌਰ 'ਤੇ ਰਿਪਲਾਈ ਨਾ ਦੇਣਾ ਜਾਂ ਦੇਰ ਨਾਲ ਰਿਪਲਾਈ ਕਰਨਾ ਰਿਸ਼ਤਿਆਂ ਵਿੱਚ ਬੇਰੁਖ਼ੀ ਨਾਲ ਜੋੜ ਕੇ ਦੇਖਿਆ ਜਾਂਦਾ ਹੈ ਪਰ ਇਸ ਪਿੱਛੇ ਹਮੇਸ਼ਾ ਰਿਜੈਕਸ਼ਨ ਜਾਂ ਇਗਨੋਰ ਕਰਨ ਦੀ ਵਜ੍ਹਾ ਨਹੀਂ ਹੁੰਦੀ।

Posted By Anuradha Bains

Publish Date: Sat, 29 Aug 2026 12:28 PM (IST)

Updated Date: Sat, 29 Aug 2026 12:31 PM (IST)

ਕੁਝ ਲੋਕ ਮੈਸੇਜ Seen ਕਰਕੇ ਕਿਉਂ ਛੱਡ ਦਿੰਦੇ ਹਨ? ਬੇਰੁਖ਼ੀ ਨਹੀਂ, ਇਸ ਪਿੱਛੇ ਹਨ ਸਾਇਕੋਲਾਜੀ ਨਾਲ ਜੁੜੇ ਕਾਰਨ

ਲਾਈਫ਼ਸਟਾਈਲ ਡੈਸਕ, ਨਵੀਂ ਦਿੱਲੀ। ਕੀ ਤੁਹਾਡੇ ਨਾਲ ਕਦੇ ਅਜਿਹਾ ਹੋਇਆ ਹੈ ਕਿ ਕਿਸੇ ਨੇ ਤੁਹਾਡਾ ਮੈਸੇਜ ਸੀਨ ਤਾਂ ਕਰ ਲਿਆ ਪਰ ਕੋਈ ਜਵਾਬ ਨਹੀਂ ਦਿੱਤਾ? ਜਾਂ ਫਿਰ ਕਈ ਦਿਨਾਂ ਬਾਅਦ ਰਿਪਲਾਈ ਆਇਆ? ਕਈ ਲੋਕਾਂ ਦੀ ਇਹ ਆਦਤ ਹੁੰਦੀ ਹੈ ਕਿ ਉਹ ਜਾਂ ਤਾਂ ਕਈ ਦਿਨਾਂ ਬਾਅਦ ਜਵਾਬ ਦਿੰਦੇ ਹਨ ਜਾਂ ਮੈਸੇਜ ਬੱਸ ਸੀਨ ਕਰਕੇ ਛੱਡ ਦਿੰਦੇ ਹਨ। ਇਸ ਕਾਰਨ ਰਿਸ਼ਤਿਆਂ ਵਿੱਚ ਤਕਰਾਰ ਹੋ ਸਕਦੀ ਹੈ।

ਮਾਨਸਿਕ ਥਕਾਵਟ ਅਤੇ ਸੀਮਤ ਮਾਨਸਿਕ ਸਮਰੱਥਾ

ਕਾਗ੍ਰਿਟਿਵ ਲੋਡ ਥਿਊਰੀ ਦੇ ਅਨੁਸਾਰ, ਇਨਸਾਨ ਦਾ ਦਿਮਾਗ ਇੱਕ ਸੀਮਤ ਸਮਰੱਥਾ ਤੱਕ ਹੀ ਕੰਮ ਕਰ ਸਕਦਾ ਹੈ। ਮੈਸੇਜ ਪੜ੍ਹਨਾ ਬਹੁਤ ਆਸਾਨ ਹੈ ਪਰ ਉਸ ਦਾ ਸਹੀ ਜਵਾਬ ਦੇਣ ਵਿੱਚ ਮੈਂਟਲ ਐਨਰਜੀ, ਫੋਕਸ ਅਤੇ ਫੈਸਲੇ ਲੈਣ ਦੀ ਸਮਰੱਥਾ ਲੱਗਦੀ ਹੈ। ਜਦੋਂ ਕੋਈ ਵਿਅਕਤੀ ਗੱਡੀ ਚਲਾ ਰਿਹਾ ਹੋਵੇ, ਕੰਮ ਵਿੱਚ ਰੁੱਝਿਆ ਹੋਵੇ, ਬੱਚੇ ਨੂੰ ਸੰਭਾਲ ਰਿਹਾ ਹੋਵੇ ਜਾਂ ਕਿਸੇ ਮੀਟਿੰਗ ਵਿੱਚ ਹੋਵੇ, ਤਾਂ ਉਹ ਨੋਟੀਫਿਕੇਸ਼ਨ ਦੇਖ ਕੇ ਮੈਸੇਜ ਤਾਂ ਪੜ੍ਹ ਲੈਂਦਾ ਹੈ ਪਰ ਉਸ ਦਾ ਜਵਾਬ ਦੇਣ ਲਈ ਉਸ ਸਮੇਂ ਦਿਮਾਗ ਕੋਲ ਸਮਰੱਥਾ ਨਹੀਂ ਹੁੰਦੀ।

ਬਾਅਦ ਵਿੱਚ ਧਿਆਨ ਦੂਜੇ ਪਾਸੇ ਚਲਾ ਜਾਂਦਾ ਹੈ ਅਤੇ ਰਿਪਲਾਈ ਕਰਨਾ ਭੁੱਲ ਜਾਂਦੇ ਹਨ। ਜ਼ਿਆਦਾ ਰੁੱਝੇ ਰਹਿਣ ਵਾਲੇ ਲੋਕਾਂ ਨੂੰ ਦਿਨ ਦੇ ਅੰਤ ਵਿੱਚ ਅਕਸਰ 'ਮਸ਼ ਬ੍ਰੇਨ' ਦਾ ਸਾਹਮਣਾ ਕਰਨਾ ਪੈਂਦਾ ਹੈ।

ਧਿਆਨ ਦਾ ਭਟਕਣਾ ਅਤੇ ਭੁੱਲਣ ਦੀ ਆਦਤ

ਮੋਬਾਈਲ ਦੇ ਤਮਾਮ ਨੋਟੀਫਿਕੇਸ਼ਨ ਤੁਰੰਤ ਸਾਡਾ ਧਿਆਨ ਭਟਕਾ ਦਿੰਦੇ ਹਨ। ਕਈ ਵਾਰ ਲੋਕ ਚੈਟ ਖੋਲ੍ਹਦੇ ਹਨ ਪਰ ਉਸੇ ਸਮੇਂ ਕੋਈ ਦੂਜਾ ਕੰਮ ਜਾਂ ਕੋਈ ਹੋਰ ਨੋਟੀਫਿਕੇਸ਼ਨ ਉਨ੍ਹਾਂ ਦਾ ਧਿਆਨ ਆਪਣੇ ਵੱਲ ਖਿੱਚ ਲੈਂਦਾ ਹੈ। ADHD ਤੋਂ ਪੀੜਤ ਜਾਂ ਆਸਾਨੀ ਨਾਲ ਭਟਕਣ ਵਾਲੇ ਲੋਕਾਂ ਨਾਲ ਅਜਿਹਾ ਅਕਸਰ ਹੁੰਦਾ ਹੈ। ਉਨ੍ਹਾਂ ਦੇ ਦਿਮਾਗ ਵਿੱਚ ਮੈਸੇਜ ਟੂ-ਡੂ ਲਿਸਟ ਵਿੱਚ ਤਾਂ ਚਲਾ ਜਾਂਦਾ ਹੈ, ਪਰ ਬਾਅਦ ਵਿੱਚ ਉਹ ਇਸ ਨੂੰ ਭੁੱਲ ਜਾਂਦੇ ਹਨ।

ਪਰਫੈਕਟ ਜਵਾਬ ਦੀ ਚਾਹਤ ਅਤੇ ਝਿਝਕ

ਇਮੋਸ਼ਨਲ ਸਵਾਲ, ਪਲਾਨਿੰਗ ਜਾਂ ਸੰਵੇਦਨਸ਼ੀਲ ਮੁੱਦਿਆਂ ਨਾਲ ਜੁੜੇ ਮੈਸੇਜ ਜ਼ਿਆਦਾ ਜ਼ਰੂਰੀ ਮਹਿਸੂਸ ਹੁੰਦੇ ਹਨ। ਅਜਿਹੇ ’ਚ ਲੋਕ ਤੁਰੰਤ ਰਿਪਲਾਈ ਦੇਣ ਦੀ ਬਜਾਏ ਥੋੜ੍ਹਾ ਸਮਾਂ ਲੈਂਦੇ ਹਨ, ਤਾਂ ਜੋ ਉਹ ਸਹੀ ਸ਼ਬਦ ਅਤੇ ਟੋਨ ਚੁਣ ਸਕਣ। ਪਰਫੈਕਸ਼ਨਿਜ਼ਮ ਦੀ ਆਦਤ ਇਸ ਦੇਰੀ ਨੂੰ ਹੋਰ ਵਧਾ ਦਿੰਦੀ ਹੈ। ਸਹੀ ਜਵਾਬ ਦੇਣ ਦੀ ਇਹ ਇੱਛਾ ਹੀ ਕਈ ਵਾਰ ਰਿਪਲਾਈ ਨਾ ਕਰਨ ਦੀ ਵਜ੍ਹਾ ਬਣ ਜਾਂਦੀ ਹੈ। ਗਲਤ ਮਤਲਬ ਕੱਢਣ ਦਾ ਡਰ ਜਾਂ ਲੰਬੀ ਗੱਲਬਾਤ ਸ਼ੁਰੂ ਹੋਣ ਦੀ ਘਬਰਾਹਟ ਵੀ ਕਈ ਵਾਰ ਰਿਪਲਾਈ ਨਾ ਕਰਨ ਦੀ ਵਜ੍ਹਾ ਬਣ ਜਾਂਦੀ ਹੈ।

ਇਮੋਸ਼ਨਲ ਥਕਾਵਟ ਅਤੇ ਖ਼ੁਦ ਦਾ ਬਚਾਅ

ਸਟ੍ਰੇਸ, ਬਰਨਆਊਟ ਅਤੇ ਇਮੋਸ਼ਨਲ ਥਕਾਵਟ ਵਿੱਚ ਇੱਕ ਸਧਾਰਨ ਮੈਸੇਜ ਵੀ ਬਹੁਤ ਭਾਰੀ ਬੋਝ ਵਰਗਾ ਲੱਗਦਾ ਹੈ। ਅਜਿਹੀ ਸਥਿਤੀ ’ਚ ਚੁੱਪ ਰਹਿਣਾ ਵਿਅਕਤੀ ਲਈ ਮੈਂਟਲ ਐਨਰਜੀ ਬਚਾਉਣ ਅਤੇ ਨਰਵਸ ਸਿਸਟਮ ਨੂੰ ਸ਼ਾਂਤ ਰੱਖਣ ਦਾ ਇੱਕ ਤਰੀਕਾ ਹੁੰਦਾ ਹੈ। ਅਵੌਇਡੈਂਟ ਅਟੈਚਮੈਂਟ ਸਟਾਈਲ, ਇੰਟਰੋਵਰਟਸ ਅਤੇ ਸੋਸ਼ਲ ਬੈਟਰੀ ਖ਼ਤਮ ਮਹਿਸੂਸ ਹੋਣ 'ਤੇ ਲੋਕਾਂ ਨੂੰ ਜ਼ਿਆਦਾ ਇਮੋਸ਼ਨਲ ਪ੍ਰੈਸ਼ਰ ਮਹਿਸੂਸ ਹੁੰਦਾ ਹੈ। ਅਜਿਹੇ ਵਿੱਚ ਇਹ ਲੋਕ ਖ਼ੁਦ ਨੂੰ ਪ੍ਰੋਟੈਕਟ ਕਰਨ ਲਈ ਮੈਸੇਜ ਦਾ ਰਿਪਲਾਈ ਨਹੀਂ ਦਿੰਦੇ।

ਟਾਲਮਟੋਲ ਅਤੇ ਗਿਲਟ ਸਾਈਕਲ

ਜਦੋਂ ਕਿਸੇ ਮੈਸੇਜ ਦਾ ਜਵਾਬ ਦੇਣ ਵਿੱਚ ਦੇਰ ਹੋ ਜਾਂਦੀ ਹੈ, ਤਾਂ ਵਿਅਕਤੀ ਦੇ ਮਨ ਵਿੱਚ ਗਿਲਟ ਅਤੇ ਸੈਲਫ ਕ੍ਰਿਟਿਸਿਜ਼ਮ ਪੈਦਾ ਹੋਣ ਲੱਗਦਾ ਹੈ। ਇਸ ਵਜ੍ਹਾ ਨਾਲ ਲੋਕ ਰਿਪਲਾਈ ਕਰਨ ਵਿੱਚ ਝਿਝਕਣ ਲੱਗਦੇ ਹਨ ਅਤੇ ਮੈਸੇਜ ਦਾ ਰਿਪਲਾਈ ਕਦੇ ਆਉਂਦਾ ਹੀ ਨਹੀਂ। ਇਸ ਤੋਂ ਇਲਾਵਾ, ਮਤਭੇਦ ਜਾਂ ਟਕਰਾਅ ਤੋਂ ਬਚਣ ਲਈ ਵੀ ਲੋਕ ਕਈ ਵਾਰ ਜਵਾਬ ਦੇਣ ਤੋਂ ਕਤਰਾਉਂਦੇ ਹਨ।