ਸਵੇਰੇ ਵਰਕਆਊਟ ਕਰਨ ਵਾਲੇ ਹੋ ਜਾਣ ਸਾਵਧਾਨ! ਪ੍ਰਦੂਸ਼ਣ ਵਧਾ ਸਕਦਾ ਹੈ ਦਿਲ ਦੀਆਂ ਬਿਮਾਰੀਆਂ ਦਾ ਖ਼ਤਰਾ, PM 2.5 ਵਧਾ ਰਿਹਾ ਨਸਾਂ ਦੀ ਸੋਜ

ਪ੍ਰੇਟ੍ਰ, ਨਵੀਂ ਦਿੱਲੀ : ਦਿੱਲੀ ਦੀ ਪ੍ਰਦੂਸ਼ਿਤ ਹਵਾ ਨੌਜਵਾਨਾਂ ਦੀ ਦਿਲ ਦੀ ਸਿਹਤ ਲਈ ਖ਼ਤਰਾ ਬਣ ਸਕਦੀ ਹੈ। ਡਾਕਟਰਾਂ ਦਾ ਕਹਿਣਾ ਹੈ ਕਿ PM 2.5 ਦੇ ਲੰਬੇ ਸਮੇਂ ਤੱਕ ਸੰਪਰਕ ’ਚ ਰਹਿਣ ਦੇ ਨਾਲ-ਨਾਲ ਖ਼ਰਾਬ ਨੀਂਦ, ਤਣਾਅ ਤੇ ਸਰੀਰਕ ਤੌਰ 'ਤੇ ਸਰਗਰਮ ਨਾ ਰਹਿਣ ਕਾਰਨ ਦਿਲ ਦੀ ਸਿਹਤ ਨਾਲ ਜੁੜੇ ਮੌਜੂਦਾ ਖ਼ਤਰੇ ਹੋਰ ਵਧ ਸਕਦੇ ਹਨ। ਦਿੱਲੀ ਯੂਨੀਵਰਸਿਟੀ ਦੇ ਹਿੰਦੂ ਕਾਲਜ ਤੇ ਜ਼ਾਕਿਰ ਹੁਸੈਨ ਕਾਲਜ ਦੇ ਖੋਜਕਰਤਾਵਾਂ ਵੱਲੋਂ ਕੀਤੇ ਗਏ ਇੱਕ ਹਾਲੀਆ ਅਧਿਐਨ ’ਚ ਪਾਇਆ ਗਿਆ ਕਿ ਰਾਜਧਾਨੀ ’ਚ ਸਰਦੀਆਂ ਦੌਰਾਨ PM 2.5 ਦਾ ਔਸਤ ਪੱਧਰ 269.35 ਮਾਈਕ੍ਰੋਗ੍ਰਾਮ ਪ੍ਰਤੀ ਘਣ ਮੀਟਰ ਰਿਹਾ। ਇਹ ਰਾਸ਼ਟਰੀ ਮਾਪਦੰਡ ਨਾਲੋਂ ਲਗਭਗ ਸੱਤ ਗੁਣਾ ਤੇ ਅਧਿਐਨ ’ਚ ਦੱਸੇ WHO ਦੇ ਦਿਸ਼ਾ-ਨਿਰਦੇਸ਼ ਨਾਲੋਂ ਲਗਭਗ 18 ਗੁਣਾ ਵੱਧ ਸੀ।