ਸਰੀਰ ਦੀ ‘ਸਫਾਈ ਮਸ਼ੀਨ’ ਦਾ ਖੁੱਲ੍ਹਿਆ ਰਾਜ! ਵਿਗਿਆਨੀਆਂ ਨੇ ਲੱਭਿਆ ਕੋਸ਼ਿਕਾਵਾਂ ਦਾ ਕਚਰਾ ਬਾਹਰੋਂ ਮੈਨੇਜ ਕਰਨ ਦਾ ਤਰੀਕਾ

ਸ਼ਾਇਦ ਤੁਹਾਨੂੰ ਪਤਾ ਨਾ ਹੋਵੇ, ਪਰ ਆਟੋਫੈਗੀ ਨੂੰ ਸ਼ੁਰੂ ਕਰਨ ਵਾਲੀਆਂ ਚੀਜ਼ਾਂ ਵਿੱਚੋਂ ਇੱਕ ਹੈ ਇੰਟਰਮਿਟੈਂਟ ਫਾਸਟਿੰਗ, ਯਾਨੀ ਵਿਚਕਾਰ-ਵਿਚਕਾਰ ਉਪਵਾਸ ਕਰਨਾ। ਇਸ ਦੌਰਾਨ ਲੰਬੇ ਸਮੇਂ ਤੱਕ ਭੁੱਖੇ ਰਹਿਣ ਤੋਂ ਬਾਅਦ ਜਦੋਂ ਗਲੂਕੋਜ਼ ਤੇ ਐਮੀਨੋ ਐਸਿਡ ਦਾ ਪੱਧਰ ਘੱਟ ਹੁੰਦਾ ਹੈ ਤਾਂ ਸਰੀਰ ਨੂੰ ਊਰਜਾ ਬਚਾਉਣ ਦਾ ਸੰਕੇਤ ਮਿਲਦਾ ਹੈ। ਜੇਕਰ ਇਸ ਦੇ ਅਰਥ ਨੂੰ ਸਮਝੀਏ ਤਾਂ ਯੂਨਾਨੀ ਭਾਸ਼ਾ ’ਚ ‘ਫੈਗੀ’ ਦਾ ਮਤਲਬ ਹੁੰਦਾ ਹੈ ‘ਆਪਣੇ ਆਪ ਨੂੰ ਖਾਣਾ’। ਖੋਜਕਰਤਾਵਾਂ ਨੇ ਰਿਸਰਚ ਦੌਰਾਨ ਸਿਮੂਲੇਸ਼ਨ ਰਾਹੀਂ ਆਟੋਫੈਗੀ ’ਚ ਸ਼ਾਮਲ ਪ੍ਰੋਟੀਨ ‘LC3’ ਦੇ ਵਿਹਾਰ ਨੂੰ ਦੇਖਿਆ। ਉਨ੍ਹਾਂ ਨੇ ਇਹ ਵੀ ਪਾਇਆ ਕਿ ਜਦੋਂ ਇਹ ਕੋਸ਼ਿਕਾ ਦੀ ਰੀਸਾਈਕਲਿੰਗ ਬਿਨ ਦੀ ਅੰਦਰੂਨੀ ਸਤ੍ਹਾ ਨੂੰ ਛੂਹਦਾ ਹੈ ਤਾਂ ਇਹ ਆਪਣਾ ਆਕਾਰ ਬਦਲ ਲੈਂਦਾ ਹੈ।