- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਵਾਰ-ਵਾਰ ਬਿਮਾਰ ਪੈਂਦੇ ਹੋ ਤੇ ਹਰ ਵੇਲੇ ਰਹਿੰਦੀ ਹੈ ਕਮਜ਼ੋਰੀ? ਕਿਤੇ ਇਸ ਮਿਨਰਲ ਦੀ ਕਮੀ ਤਾਂ ਨਹੀਂ, ਡਾਈਟ ’ਚ ਸ਼ਾਮਲ ਕਰੋ ਇਹ ਚੀਜ਼ਾਂ
ਲਗਾਤਾਰ ਕਮਜ਼ੋਰੀ ਮਹਿਸੂਸ ਹੋਣਾ ਤੇ ਵਾਰ-ਵਾਰ ਬਿਮਾਰ ਪੈਣਾ ਸਰੀਰ ’ਚ ਜ਼ਿੰਕ (Zinc) ਦੀ ਕਮੀ ਦਾ ਸੰਕੇਤ ਹੋ ਸਕਦਾ ਹੈ।
Posted By Paramjit Kaur
Publish Date: Mon, 05 Oct 2026 10:35 AM (IST)
Updated Date: Mon, 05 Oct 2026 10:38 AM (IST)
ਲਾਈਫਸਟਾਈਲ ਡੈਸਕ, ਨਵੀਂ ਦਿੱਲੀ : ਕੀ ਤੁਹਾਨੂੰ ਵੀ ਲਗਾਤਾਰ ਕਮਜ਼ੋਰੀ ਮਹਿਸੂਸ ਹੁੰਦੀ ਹੈ ਤੇ ਤੁਸੀਂ ਵਾਰ-ਵਾਰ ਬਿਮਾਰ ਪੈ ਜਾਂਦੇ ਹੋ? ਤਾਂ ਇਹ ਸੰਕੇਤ ਹੋ ਸਕਦਾ ਹੈ ਕਿ ਤੁਹਾਡੇ ਸਰੀਰ ’ਚ ਜ਼ਿੰਕ ਦੀ ਕਮੀ ਹੈ। ਜ਼ਿੰਕ ਇੱਕ ਜ਼ਰੂਰੀ ਮਿਨਰਲ ਹੈ, ਜੋ ਇਮਿਊਨਿਟੀ ਮਜ਼ਬੂਤ ਕਰਨ, ਜ਼ਖ਼ਮ ਭਰਨ ਤੇ ਸਰੀਰ ਨੂੰ ਇਨਫੈਕਸ਼ਨ ਤੋਂ ਬਚਾਉਣ ’ਚ ਅਹਿਮ ਭੂਮਿਕਾ ਨਿਭਾਉਂਦਾ ਹੈ।
ਜੇ ਤੁਸੀਂ ਆਪਣੀ ਡਾਈਟ ’ਚ ਜ਼ਿੰਕ ਨਾਲ ਭਰਪੂਰ ਚੀਜ਼ਾਂ ਸ਼ਾਮਲ ਕਰ ਲਓ, ਤਾਂ ਕਮਜ਼ੋਰੀ ਤੇ ਕਮਜ਼ੋਰ ਇਮਿਊਨਿਟੀ ਵਰਗੀਆਂ ਸਮੱਸਿਆਵਾਂ ਤੋਂ ਕਾਫ਼ੀ ਹੱਦ ਤੱਕ ਰਾਹਤ ਮਿਲ ਸਕਦੀ ਹੈ। ਤਾਂ ਆਓ ਜਾਣਦੇ ਹਾਂ ਜ਼ਿੰਕ ਨਾਲ ਭਰਪੂਰ 7 ਖਾਣ-ਪੀਣ ਵਾਲੀਆਂ ਚੀਜ਼ਾਂ ਬਾਰੇ।
1. ਕੱਦੂ ਦੇ ਬੀਜ
ਕੱਦੂ ਦੇ ਬੀਜ ਜ਼ਿੰਕ ਦੇ ਵਧੀਆ ਸਰੋਤ ਹਨ। ਰੋਜ਼ਾਨਾ ਇੱਕ ਛੋਟੀ ਮੁੱਠੀ ਕੱਦੂ ਦੇ ਬੀਜ ਖਾਣ ਨਾਲ ਇਮਿਊਨਿਟੀ ਮਜ਼ਬੂਤ ਕਰਨ ’ਚ ਮਦਦ ਮਿਲ ਸਕਦੀ ਹੈ ਤੇ ਸਰੀਰ ਨੂੰ ਊਰਜਾ ਮਿਲਦੀ ਹੈ।
2. ਛੋਲੇ ਤੇ ਦਾਲਾਂ
ਛੋਲੇ, ਮਸਰ ਦੀ ਦਾਲ, ਮੂੰਗ ਦੀ ਦਾਲ ਆਦਿ ’ਚ ਵੀ ਚੰਗੀ ਮਾਤਰਾ ’ਚ ਜ਼ਿੰਕ ਪਾਇਆ ਜਾਂਦਾ ਹੈ। ਇਹ ਨਾ ਸਿਰਫ਼ ਇਮਿਊਨਿਟੀ ਲਈ ਫਾਇਦੇਮੰਦ ਹਨ, ਸਗੋਂ ਪ੍ਰੋਟੀਨ ਵੀ ਪ੍ਰਦਾਨ ਕਰਦੇ ਹਨ, ਜਿਸ ਨਾਲ ਸਰੀਰ ਨੂੰ ਮਜ਼ਬੂਤੀ ਮਿਲਦੀ ਹੈ।
3. ਦੁੱਧ ਤੇ ਦਹੀਂ
ਡੇਅਰੀ ਉਤਪਾਦਾਂ ਜਿਵੇਂ ਦੁੱਧ ਤੇ ਦਹੀਂ ’ਚ ਜ਼ਿੰਕ ਦੇ ਨਾਲ-ਨਾਲ ਕੈਲਸ਼ੀਅਮ ਵੀ ਹੁੰਦਾ ਹੈ। ਇਹ ਸਰੀਰ ਨੂੰ ਅੰਦਰੋਂ ਮਜ਼ਬੂਤ ਬਣਾਉਣ ਤੇ ਕਮਜ਼ੋਰੀ ਘਟਾਉਣ ’ਚ ਮਦਦ ਕਰ ਸਕਦੇ ਹਨ।
4. ਕਾਜੂ ਤੇ ਬਦਾਮ
ਡ੍ਰਾਈ ਫਰੂਟਸ, ਖ਼ਾਸ ਕਰਕੇ ਕਾਜੂ ਤੇ ਬਦਾਮ, ਜ਼ਿੰਕ ਦੇ ਚੰਗੇ ਸਰੋਤ ਹਨ। ਇਨ੍ਹਾਂ ਨੂੰ ਰੋਜ਼ਾਨਾ ਖਾਣ ਨਾਲ ਸਰੀਰ ਨੂੰ ਪੋਸ਼ਣ ਮਿਲਦਾ ਹੈ ਤੇ ਚਮੜੀ ਤੇ ਵਾਲਾਂ ਦੀ ਸਿਹਤ ਲਈ ਵੀ ਫਾਇਦਾ ਹੋ ਸਕਦਾ ਹੈ।
5. ਤਿਲ
ਤਿਲ ਆਕਾਰ ’ਚ ਛੋਟੇ ਜ਼ਰੂਰ ਹੁੰਦੇ ਹਨ, ਪਰ ਪੋਸ਼ਣ ਦੇ ਮਾਮਲੇ ’ਚ ਬਹੁਤ ਫਾਇਦੇਮੰਦ ਹਨ। ਇਨ੍ਹਾਂ ’ਚ ਜ਼ਿੰਕ ਦੇ ਨਾਲ ਆਇਰਨ ਤੇ ਕੈਲਸ਼ੀਅਮ ਵੀ ਹੁੰਦਾ ਹੈ, ਜੋ ਸਰੀਰ ਲਈ ਕਈ ਤਰ੍ਹਾਂ ਨਾਲ ਲਾਭਦਾਇਕ ਹਨ।
6. ਪਾਲਕ
ਹਰੀ ਪੱਤੇਦਾਰ ਸਬਜ਼ੀਆਂ ’ਚ ਪਾਲਕ ਜ਼ਿੰਕ ਦਾ ਇੱਕ ਸਰੋਤ ਹੈ। ਇਸ ’ਚ ਕਈ ਹੋਰ ਪੋਸ਼ਕ ਤੱਤ ਵੀ ਹੁੰਦੇ ਹਨ, ਜੋ ਸਰੀਰ ਦੀ ਸਮੁੱਚੀ ਸਿਹਤ ਤੇ ਇਮਿਊਨਿਟੀ ਲਈ ਫਾਇਦੇਮੰਦ ਹਨ।
7. ਅੰਡਾ
ਅੰਡੇ ’ਚ ਪ੍ਰੋਟੀਨ ਦੇ ਨਾਲ ਜ਼ਿੰਕ ਵੀ ਹੁੰਦਾ ਹੈ। ਰੋਜ਼ਾਨਾ ਇੱਕ ਅੰਡਾ ਖਾਣ ਨਾਲ ਸਰੀਰ ਨੂੰ ਜ਼ਰੂਰੀ ਪੋਸ਼ਣ ਮਿਲ ਸਕਦਾ ਹੈ ਤੇ ਸੰਤੁਲਿਤ ਖੁਰਾਕ ਦਾ ਹਿੱਸਾ ਬਣ ਕੇ ਇਹ ਸਿਹਤ ਲਈ ਫਾਇਦੇਮੰਦ ਹੋ ਸਕਦਾ ਹੈ।
ਕਿਵੇਂ ਕਰੀਏ ਸੇਵਨ?
ਇਨ੍ਹਾਂ ਖਾਣ-ਪੀਣ ਵਾਲੀਆਂ ਚੀਜ਼ਾਂ ਨੂੰ ਆਪਣੀ ਰੋਜ਼ਾਨਾ ਡਾਈਟ ’ਚ ਸੰਤੁਲਿਤ ਮਾਤਰਾ ’ਚ ਸ਼ਾਮਲ ਕਰੋ। ਜਿਵੇਂ ਸਵੇਰੇ ਡ੍ਰਾਈ ਫਰੂਟਸ, ਦੁਪਹਿਰ ਨੂੰ ਦਾਲ ਤੇ ਸਬਜ਼ੀ, ਤੇ ਰਾਤ ਨੂੰ ਹਲਕਾ ਭੋਜਨ ਲਿਆ ਜਾ ਸਕਦਾ ਹੈ। ਇਸ ਦੇ ਨਾਲ ਹੀ ਜ਼ਿਆਦਾ ਪ੍ਰੋਸੈਸਡ ਫੂਡ ਤੇ ਜੰਕ ਫੂਡ ਤੋਂ ਦੂਰੀ ਬਣਾਈ ਰੱਖੋ।