ਮੂੰਹ ਦੇ ਲੰਬੇ ਸਮੇਂ ਤੱਕ ਰਹਿਣ ਵਾਲੇ ਛਾਲੇ ਤੇ ਗਰਦਨ ਦੀ ਗੱਠ ਨੂੰ ਨਾ ਸਮਝੋ ਸਧਾਰਨ, ਹੋ ਸਕਦਾ ਹੈ ਗੰਭੀਰ ਬਿਮਾਰੀ ਦਾ ਖ਼ਤਰਾ

ਸਿਰ ਅਤੇ ਗਰਦਨ ਦੇ ਕੈਂਸਰ ਦੇ ਸਭ ਤੋਂ ਵੱਧ ਮਾਮਲਿਆਂ ਵਾਲੇ ਦੇਸ਼ਾਂ ’ਚੋਂ ਭਾਰਤ ਦੁਨੀਆ ’ਚੋਂ ਇਕ ਹੈ, ਜੋ 2022 ਵਿਚ ਵਿਸ਼ਵ ਪੱਧਰ 'ਤੇ ਰਿਪੋਰਟ ਕੀਤੇ ਗਏ ਲਗਭਗ 890,000 ਮਾਮਲਿਆਂ ’ਚੋਂ ਲਗਭਗ 26.9 ਫ਼ੀਸਦੀ ਹੈ। ਇੰਨੇ ਵੱਧ ਮਾਮਲਿਆਂ ਦੇ ਬਾਵਜੂਦ ਕਈ ਮਰੀਜ਼ਾਂ ਵਿਚ ਬਿਮਾਰੀ ਦਾ ਪਤਾ ਉਸ ਵੇਲੇ ਲੱਗਦਾ ਹੈ ਜਦੋਂ ਇਹ ਕਾਫ਼ੀ ਅੱਗੇ ਵੱਧ ਚੁੱਕੀ ਹੁੰਦੀ ਹੈ। ਇਸ ਦਾ ਇਕ ਵੱਡਾ ਕਾਰਨ ਇਹ ਹੈ ਕਿ ਸ਼ੁਰੂਆਤੀ ਲੱਛਣ-ਜਿਵੇਂ ਮੂੰਹ ਵਿਚ ਲਗਾਤਾਰ ਛਾਲੇ, ਗਲੇ ਵਿਚ ਦਰਦ, ਆਵਾਜ਼ ਬੈਠ ਜਾਣਾ ਜਾਂ ਗਰਦਨ ਵਿਚ ਸੋਜ, ਇਨ੍ਹਾਂ ਲੱਛਣਾਂ ਨੂੰ ਅਕਸਰ ਆਮ ਇਨਫੈਕਸ਼ਨ ਜਾਂ ਦੰਦਾਂ ਨਾਲ ਜੁੜੀ ਸਮੱਸਿਆ ਸਮਝ ਕੇ ਨਜ਼ਰਅੰਦਾਜ਼ ਕਰ ਦਿੱਤਾ ਜਾਂਦਾ ਹੈ।