- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਤਾਂਬੇ ਦੇ ਬਰਤਨ 'ਚ ਪਾਣੀ ਪੀਣ ਵਾਲੇ ਹੋ ਜਾਣ ਸਾਵਧਾਨ, ਅਣਗਹਿਲੀ ਪੈ ਸਕਦੀ ਹੈ ਸਿਹਤ 'ਤੇ ਭਾਰੀ; ਜਾਣੋ ਕਿਵੇਂ ਹੁੰਦੈ ਲਿਵਰ-ਕਿਡਨੀ ਖ਼ਰਾਬ
ਆਯੁਰਵੇਦ 'ਚ ਤਾਂਬੇ ਦੇ ਬਰਤਨ 'ਚ ਪਾਣੀ ਪੀਣਾ ਸਿਹਤ ਲਈ ਬਹੁਤ ਫਾਇਦੇਮੰਦ ਦੱਸਿਆ ਗਿਆ ਹੈ। ਜੋ ਲੋਕ ਇਸ ਪ੍ਰਾਚੀਨ ਜੀਵਨ ਵਿਗਿਆਨ 'ਤੇ ਭਰੋਸਾ ਕਰਦੇ ਹਨ, ਉਹ ਬਿਨਾਂ ਕੋਈ ਸਵਾਲ ਕੀਤੇ ਇਸ 'ਚ ਲਿਖੀਆਂ ਗੱਲਾਂ ਦਾ ਪਾਲਣ ਵੀ ਕਰਦੇ ਹਨ ਪਰ ਕੀ ਕਦੇ ਸੋਚਿਆ ਹੈ ਕਿ ਤਾਂਬੇ ਦੇ ਬਰਤਨ 'ਚ ਪਾਣੀ ਪੀਣ ਨਾਲ ਸਿਹਤ ਨੂੰ ਕਿੰਨਾ ਫਾਇਦਾ ਮਿਲਦਾ ਹੈ ਅਤੇ ਅਜਿਹਾ ਕਰਨਾ ਕਿੰਨਾ ਸੁਰੱਖਿਅਤ ਹੈ? ਜੇਕਰ ਨਹੀਂ, ਤਾਂ ਅੱਜ ਅਸੀਂ ਇਸ ਦੇ ਫਾਇਦਿਆਂ ਅਤੇ ਨੁਕਸਾਨਾਂ 'ਤੇ ਵਿਸਥਾਰ ਨਾਲ ਗੱਲ ਕਰਨ ਵਾਲੇ ਹਾਂ।
Posted By Sunita
Publish Date: Wed, 22 Jul 2026 04:48 PM (IST)
Updated Date: Wed, 22 Jul 2026 04:51 PM (IST)
ਲਾਇਫ਼ਸਟਾਈਲ ਡੈਸਕ, ਨਵੀਂ ਦਿੱਲੀ: ਆਯੁਰਵੇਦ 'ਚ ਤਾਂਬੇ ਦੇ ਬਰਤਨ 'ਚ ਪਾਣੀ ਪੀਣਾ ਸਿਹਤ ਲਈ ਬਹੁਤ ਫਾਇਦੇਮੰਦ ਦੱਸਿਆ ਗਿਆ ਹੈ। ਜੋ ਲੋਕ ਇਸ ਪ੍ਰਾਚੀਨ ਜੀਵਨ ਵਿਗਿਆਨ 'ਤੇ ਭਰੋਸਾ ਕਰਦੇ ਹਨ, ਉਹ ਬਿਨਾਂ ਕੋਈ ਸਵਾਲ ਕੀਤੇ ਇਸ 'ਚ ਲਿਖੀਆਂ ਗੱਲਾਂ ਦਾ ਪਾਲਣ ਵੀ ਕਰਦੇ ਹਨ ਪਰ ਕੀ ਕਦੇ ਸੋਚਿਆ ਹੈ ਕਿ ਤਾਂਬੇ ਦੇ ਬਰਤਨ 'ਚ ਪਾਣੀ ਪੀਣ ਨਾਲ ਸਿਹਤ ਨੂੰ ਕਿੰਨਾ ਫਾਇਦਾ ਮਿਲਦਾ ਹੈ ਅਤੇ ਅਜਿਹਾ ਕਰਨਾ ਕਿੰਨਾ ਸੁਰੱਖਿਅਤ ਹੈ? ਜੇਕਰ ਨਹੀਂ, ਤਾਂ ਅੱਜ ਅਸੀਂ ਇਸ ਦੇ ਫਾਇਦਿਆਂ ਅਤੇ ਨੁਕਸਾਨਾਂ 'ਤੇ ਵਿਸਥਾਰ ਨਾਲ ਗੱਲ ਕਰਨ ਵਾਲੇ ਹਾਂ।
ਤਾਂਬੇ ਦੇ ਬਰਤਨ 'ਚ ਪਾਣੀ
ਤਾਂਬਾ ਇੱਕ ਟ੍ਰੇਸ ਐਲੀਮੈਂਟ ਹੈ, ਜਿਸ ਦੀ ਸਾਡੇ ਸਰੀਰ ਨੂੰ ਬਹੁਤ ਘੱਟ ਮਾਤਰਾ 'ਚ ਲੋੜ ਹੁੰਦੀ ਹੈ। ਇਹ ਸਰੀਰ ਦੇ ਕਈ ਮਹੱਤਵਪੂਰਨ ਕੰਮਾਂ 'ਚ ਮਦਦ ਕਰਦਾ ਹੈ, ਜਿਵੇਂ—ਊਰਜਾ ਦੇਣ 'ਚ, ਸਰੀਰ ਦੇ ਟੀਸ਼ੂਆਂ ਨੂੰ ਜੋੜਨ 'ਚ ਅਤੇ ਨਿਊਰੋਟ੍ਰਾਂਸਮੀਟਰਾਂ ਨੂੰ ਸੰਤੁਲਿਤ ਰੱਖਣ 'ਚ। ਇਹ ਆਲੂ, ਬੀਜਾਂ, ਸਾਬਤ ਅਨਾਜ, ਆਰਗਨ ਮੀਟ ਅਤੇ ਡਾਰਕ ਚਾਕਲੇਟ 'ਚ ਪਾਇਆ ਜਾਂਦਾ ਹੈ।
ਕੀ ਤਾਂਬੇ ਦੇ ਬਰਤਨ 'ਚ ਪਾਣੀ ਪੀਣ ਨਾਲ ਸੱਚਮੁੱਚ ਫਾਇਦਾ ਹੁੰਦਾ ਹੈ?
ਮੰਨਿਆ ਜਾਂਦਾ ਹੈ ਕਿ ਤਾਂਬੇ ਦੇ ਬਰਤਨ 'ਚ ਪਾਣੀ ਪੀਣ ਨਾਲ ਦਿਲ ਅਤੇ ਦਿਮਾਗ ਦੀ ਸਿਹਤ ਚੰਗੀ ਰਹਿੰਦੀ ਹੈ। ਇਹ ਇਮਿਊਨਿਟੀ (ਰੋਗ ਪ੍ਰਤੀਰੋਧਕ ਸ਼ਕਤੀ) ਨੂੰ ਮਜ਼ਬੂਤ ਰੱਖਣ ਦੇ ਨਾਲ-ਨਾਲ ਵਜ਼ਨ ਘਟਾਉਣ ਅਤੇ ਚਮੜੀ 'ਤੇ ਉਮਰ ਦੇ ਪ੍ਰਭਾਵ ਨੂੰ ਰੋਕਣ 'ਚ ਮਦਦ ਕਰਦਾ ਹੈ। ਵਿਗਿਆਨ ਦੀ ਮੰਨੀਏ ਤਾਂ ਇਹ ਸਾਰੇ ਤਾਂਬੇ ਦੇ ਆਮ ਕਾਰਜ ਹਨ ਜੋ ਉਹ ਹਮੇਸ਼ਾ ਹੀ ਕਰਦਾ ਹੈ। ਇਸ ਤੋਂ ਇਲਾਵਾ, ਤਾਂਬੇ 'ਚ ਐਂਟੀ-ਬੈਕਟੀਰੀਅਲ ਗੁਣ ਹੁੰਦੇ ਹਨ, ਜੋ ਪਾਣੀ 'ਚ ਮੌਜੂਦ ਈ.ਕੋਲਾਈ ਅਤੇ ਸਾਲਮੋਨੇਲਾ ਵਰਗੇ ਬੈਕਟੀਰੀਆ ਨੂੰ ਖ਼ਤਮ ਕਰਨ 'ਚ ਭੂਮਿਕਾ ਨਿਭਾ ਸਕਦੇ ਹਨ।
ਤਾਂਬੇ ਦੇ ਬਰਤਨ 'ਚ ਪਾਣੀ ਸਟੋਰ ਕਰਨ ਦੇ ਨਿਯਮ
ਇਸ ਦੇ ਲਈ ਘੱਟੋ-ਘੱਟ 16-24 ਘੰਟੇ ਅਤੇ ਵੱਧ ਤੋਂ ਵੱਧ 48 ਘੰਟਿਆਂ ਤੱਕ ਤਾਂਬੇ ਦੇ ਜੱਗ ਜਾਂ ਬੋਤਲ 'ਚ ਪਾਣੀ ਸਟੋਰ ਕਰਨਾ ਚਾਹੀਦਾ ਹੈ। ਪਾਣੀ ਜਿੰਨੇ ਜ਼ਿਆਦਾ ਸਮੇਂ ਤੱਕ ਤਾਂਬੇ 'ਚ ਸਟੋਰ ਰਹਿੰਦਾ ਹੈ, ਇਹ ਉੱਨੇ ਹੀ ਜ਼ਿਆਦਾ ਫਾਇਦੇ ਦਿੰਦਾ ਹੈ।
ਕਿਸ ਗੱਲ ਦਾ ਰੱਖੋ ਧਿਆਨ?
ਤਾਂਬੇ ਦੀ ਜ਼ਿਆਦਾ ਮਾਤਰਾ ਸਰੀਰ 'ਚ ਜ਼ਹਿਰ ਦਾ ਰੂਪ ਲੈ ਸਕਦੀ ਹੈ, ਜਿਸ ਨਾਲ ਉਲਟੀ, ਦਸਤ ਅਤੇ ਪੇਟ ਦੇ ਹੇਠਲੇ ਹਿੱਸੇ 'ਚ ਦਰਦ ਵਰਗੀਆਂ ਸਮੱਸਿਆਵਾਂ ਹੋ ਸਕਦੀਆਂ ਹਨ। ਗੰਭੀਰ ਸਥਿਤੀ 'ਚ ਇਹ ਲਿਵਰ ਖ਼ਰਾਬ ਹੋਣ ਅਤੇ ਕਿਡਨੀ ਦੀ ਬੀਮਾਰੀ ਤੱਕ ਦਾ ਕਾਰਨ ਬਣ ਸਕਦੀ ਹੈ।
ਵਿਸ਼ਵ ਸਿਹਤ ਸੰਗਠਨ ਅਨੁਸਾਰ: 0.47 mg ਪ੍ਰਤੀ ਕੱਪ ਤੋਂ ਜ਼ਿਆਦਾ ਤਾਂਬੇ ਦਾ ਸੇਵਨ ਨਹੀਂ ਕੀਤਾ ਜਾਣਾ ਚਾਹੀਦਾ।
ਜੇਕਰ 16 ਘੰਟਿਆਂ ਤੱਕ ਤਾਂਬੇ ਦੇ ਬਰਤਨ 'ਚ ਪਾਣੀ ਸਟੋਰ ਕੀਤਾ ਜਾਵੇ, ਤਾਂ ਇਸ ਨਾਲ ਪਾਣੀ 'ਚ ਤਾਂਬੇ ਦੀ ਜ਼ਹਿਰੀਲੀ ਮਾਤਰਾ ਦਾ ਖ਼ਤਰਾ ਨਹੀਂ ਰਹਿੰਦਾ।