- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਮਾਂ ਦੀ ਕਬਰ 'ਤੇ ਲੇਟ ਕੇ ਭੁੱਬਾ ਮਾਰ ਰੋਇਆ ਗਾਇਕ ਖ਼ਾਨ ਸਾਬ੍ਹ, ਕਿਹਾ- 'ਦੇਖ ਮੈਂ ਬਾਲੀਵੁੱਡ ਜਾ ਕੇ ਆਇਆ...', ਆਖ਼ਰੀ ਇੱਛਾ ਪੂਰੀ ਨਾ ਹੋਣ ਦਾ ਰਿਹਾ ਵੱਡਾ ਮਲਾਲ
'ਧੁਰੰਧਰ' ਸਾਲ 2025 ਦੀਆਂ ਸਭ ਤੋਂ ਵੱਡੀਆਂ ਫ਼ਿਲਮਾਂ 'ਚੋਂ ਇੱਕ ਹੈ। ਆਦਿੱਤਿਆ ਧਰ ਦੇ ਨਿਰਦੇਸ਼ਨ 'ਚ ਬਣੀ ਰਣਵੀਰ ਸਿੰਘ ਸਟਾਰਰ ਫ਼ਿਲਮ ਦੀ ਕਹਾਣੀ ਲੋਕਾਂ ਨੂੰ ਬੇਹੱਦ ਪਸੰਦ ਆਈ ਹੀ ਸੀ, ਪਰ ਇਸ ਦੇ ਗਾਣੇ ਵੀ ਕਾਫ਼ੀ ਪਾਪੂਲਰ ਹੋਏ। ਖ਼ਾਸ ਤੌਰ 'ਤੇ 'ਹਦ ਸੇ ਗੁਜ਼ਰਤੇ' ਗਾਣੇ ਨੇ ਤਾਂ ਟਾਪ ਚਾਰਟਾਂ 'ਚ ਆਪਣੀ ਜਗ੍ਹਾ ਬਣਾਈ ਸੀ। ਇਸ ਲੋਕਪ੍ਰਿਯ ਗਾਣੇ ਨੂੰ ਖ਼ਾਨ ਸਾਬ੍ਹ ਨੇ ਆਵਾਜ਼ ਦਿੱਤੀ ਸੀ। ਧੁਰੰਧਰ ਨਾਲ ਬਾਲੀਵੁੱਡ 'ਚ ਵੱਡੀ ਸਫਲਤਾ ਪਾਉਣ ਵਾਲੇਖ਼ਾਨ ਸਾਬ੍ਹ ਹਾਲ ਹੀ 'ਚ ਆਪਣੀ ਮਾਂ ਨੂੰ ਯਾਦ ਕਰ ਕੇ ਕਾਫ਼ੀ ਭਾਵੁਕ ਹੋ ਗਏ। ਉਹਨਾਂ ਨੇ ਆਪਣੀ ਸਫਲਤਾ 'ਤੇ ਗੱਲ ਕਰਦਿਆਂ ਮਾਂ ਦੀ ਉਸ ਆਖ਼ਰੀ ਖ਼ਾਹਿਸ਼ ਬਾਰੇ ਵੀ ਦੱਸਿਆ, ਜਿਸ ਨੂੰ
Posted By Sunita
Publish Date: Thu, 24 Sep 2026 01:48 PM (IST)
Updated Date: Thu, 24 Sep 2026 01:50 PM (IST)
ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ - 'ਧੁਰੰਧਰ' ਸਾਲ 2025 ਦੀਆਂ ਸਭ ਤੋਂ ਵੱਡੀਆਂ ਫ਼ਿਲਮਾਂ 'ਚੋਂ ਇੱਕ ਹੈ। ਆਦਿੱਤਿਆ ਧਰ ਦੇ ਨਿਰਦੇਸ਼ਨ 'ਚ ਬਣੀ ਰਣਵੀਰ ਸਿੰਘ ਸਟਾਰਰ ਫ਼ਿਲਮ ਦੀ ਕਹਾਣੀ ਲੋਕਾਂ ਨੂੰ ਬੇਹੱਦ ਪਸੰਦ ਆਈ ਹੀ ਸੀ, ਪਰ ਇਸ ਦੇ ਗਾਣੇ ਵੀ ਕਾਫ਼ੀ ਪਾਪੂਲਰ ਹੋਏ। ਖ਼ਾਸ ਤੌਰ 'ਤੇ 'ਹਦ ਸੇ ਗੁਜ਼ਰਤੇ' ਗਾਣੇ ਨੇ ਤਾਂ ਟਾਪ ਚਾਰਟਾਂ 'ਚ ਆਪਣੀ ਜਗ੍ਹਾ ਬਣਾਈ ਸੀ। ਇਸ ਲੋਕਪ੍ਰਿਯ ਗਾਣੇ ਨੂੰ ਖ਼ਾਨ ਸਾਬ੍ਹ ਨੇ ਆਵਾਜ਼ ਦਿੱਤੀ ਸੀ। ਧੁਰੰਧਰ ਨਾਲ ਬਾਲੀਵੁੱਡ 'ਚ ਵੱਡੀ ਸਫਲਤਾ ਪਾਉਣ ਵਾਲੇਖ਼ਾਨ ਸਾਬ੍ਹ ਹਾਲ ਹੀ 'ਚ ਆਪਣੀ ਮਾਂ ਨੂੰ ਯਾਦ ਕਰ ਕੇ ਕਾਫ਼ੀ ਭਾਵੁਕ ਹੋ ਗਏ। ਉਹਨਾਂ ਨੇ ਆਪਣੀ ਸਫਲਤਾ 'ਤੇ ਗੱਲ ਕਰਦਿਆਂ ਮਾਂ ਦੀ ਉਸ ਆਖ਼ਰੀ ਖ਼ਾਹਿਸ਼ ਬਾਰੇ ਵੀ ਦੱਸਿਆ, ਜਿਸ ਨੂੰ ਪੂਰਾ ਨਾ ਕਰ ਸਕਣ ਦਾ ਉਹਨਾਂ ਨੂੰ ਮਲਾਲ ਹੈ।
ਧੁਰੰਧਰ ਦੀ ਸਫਲਤਾ ਤੋਂ ਬਾਅਦ ਮਾਂ ਦੀ ਕਬਰ 'ਤੇ ਗਏ ਸਨ ਸਿੰਗਰ
ਖ਼ਾਨ ਸਾਬ੍ਹ ਨੇ ਸ਼ੁਭਾਂਕਰ ਮਿਸ਼ਰਾ ਦੇ ਪੌਡਕਾਸਟ 'ਚ ਖ਼ਾਸ ਗੱਲਬਾਤ ਕਰਦਿਆਂ ਹਾਲ ਹੀ 'ਚ ਦੱਸਿਆ ਕਿ ਸਫਲਤਾ ਉਹਨਾਂ ਲੋਕਾਂ ਤੋਂ ਬਿਨਾਂ ਅਧੂਰੀ ਲੱਗਦੀ ਹੈ, ਜੋ ਤੁਹਾਨੂੰ ਹਮੇਸ਼ਾ ਸਪੋਰਟ ਕਰਦੇ ਆਏ ਹਨ। ਉਹਨਾਂ ਨੇ ਕਿਹਾ, "ਜਦੋਂ ਧੁਰੰਧਰ ਤੋਂ ਬਾਅਦ ਲੋਕ ਮੈਨੂੰ ਪਛਾਣਨ ਲੱਗੇ ਤਾਂ ਮੈਂ ਆਪਣੀ ਅੰਮੀ ਦੀ ਕਬਰ 'ਤੇ ਇਸ ਤਰ੍ਹਾਂ ਲੇਟ ਗਿਆ ਜਾ ਕੇ ਅਤੇ ਮੈਂ ਕਿਹਾ ਦੇਖ ਮੈਂ ਬਾਲੀਵੁੱਡ ਜਾ ਕੇ ਆਇਆ ਹਾਂ।"
ਖ਼ਾਨ ਸਾਬ੍ਹ ਨੇ ਗੱਲਬਾਤ 'ਚ ਇਹ ਵੀ ਦੱਸਿਆ ਕਿ ਉਹਨਾਂ ਦੀ ਅੰਮੀ ਨੂੰ ਹਮੇਸ਼ਾ ਤੋਂ ਇਹ ਯਕੀਨ ਸੀ ਕਿ ਸਿੰਗਰ ਅੰਦਰ ਹੁਨਰ ਹੈ ਅਤੇ ਉਹਨਾਂ ਨੂੰ ਬਾਲੀਵੁੱਡ 'ਚ ਜਾਣਾ ਚਾਹੀਦਾ ਹੈ। ਸਿੰਗਰ ਨੇ ਕਿਹਾ, "ਉਹ ਮੈਨੂੰ ਹਮੇਸ਼ਾ ਤੋਂ ਇਹੀ ਕਹਿੰਦੀ ਸੀ ਕਿ ਤੂੰ ਜਾਂਦਾ ਕਿਉਂ ਨਹੀਂ ਬਾਲੀਵੁੱਡ 'ਚ। ਉਹਨਾਂ ਨੇ ਹਮੇਸ਼ਾ ਸਿੰਗਿੰਗ ਦੀ ਦੁਨੀਆ 'ਚ ਆਉਣ ਲਈ ਮੈਨੂੰ ਪ੍ਰੇਰਿਤ ਕੀਤਾ।"
ਸੁਪਰਸਟਾਰ ਨਾਲ ਮਿਲਣ ਦੀ ਅੰਮੀ ਦੀ ਸੀ ਇੱਛਾ
ਖ਼ਾਨ ਸਾਬ੍ਹ ਮਾਂ ਬਾਰੇ ਗੱਲ ਕਰਦੇ-ਕਰਦੇ ਕਾਫ਼ੀ ਭਾਵੁਕ ਹੋ ਗਏ ਅਤੇ ਉਹਨਾਂ ਨੇ ਦੱਸਿਆ ਕਿ ਉਹਨਾਂ ਦੀ ਮਾਂ ਇੱਕ ਵਾਰ ਸੁਪਰਸਟਾਰ ਸਲਮਾਨ ਖ਼ਾਨ (Salman Khan) ਨੂੰ ਮਿਲਣਾ ਚਾਹੁੰਦੀ ਸੀ। ਸਿੰਗਰ ਨੇ ਕਿਹਾ, "ਸਲਮਾਨ ਭਾਈ ਦੀ ਫੈਨ ਸੀ ਅੰਮੀ। ਉਹ ਮੈਨੂੰ ਕਹਿੰਦੀ ਸੀ ਕਿ ਮੈਨੂੰ ਸਲਮਾਨ ਖ਼ਾਨ ਨਾਲ ਮਿਲਾ ਦੇ। ਉਸ ਸਮੇਂ ਮੈਂ ਉਹਨਾਂ ਨੂੰ ਕਹਿੰਦਾ ਸੀ ਕਿ ਅੰਮੀ ਪਹਿਲਾਂ ਮੈਂ ਤਾਂ ਮਿਲ ਲਵਾਂ।"
ਉਹਨਾਂ ਨੇ ਇੰਨਾ ਪੈਸਾ ਹੋਣ ਦੇ ਬਾਅਦ ਮਾਤਾ-ਪਿਤਾ ਦੀ ਗ਼ੈਰ-ਮੌਜੂਦਗੀ ਦੇ ਦਰਦ ਨੂੰ ਬਿਆਨ ਕੀਤਾ। ਸਿੰਗਰਖ਼ਾਨ ਸਾਬ੍ਹ ਨੇ ਕਿਹਾ, "ਜਦੋਂ ਪੈਸਾ ਨਹੀਂ ਸੀ ਤਦ ਮਾਂ-ਬਾਪ ਸਨ। ਪੈਸਾ ਹੈ ਅਤੇ ਹੁਣ ਮਾਂ-ਬਾਪ ਨਹੀਂ ਹਨ। ਇਹ ਚੀਜ਼ਾਂ ਮੈਂ ਬਹੁਤ ਜ਼ਿਆਦਾ ਮਿਸ ਕਰਦਾ ਹਾਂ। ਮਾਂ-ਬਾਪ ਤੋਂ ਬਿਨਾਂ ਰਹਿਣਾ ਬਹੁਤ ਹੀ ਮੁਸ਼ਕਲ ਹੁੰਦਾ ਹੈ।" ਖ਼ਾਨ ਸਾਬ੍ਹ ਨੇ ਗੱਲਬਾਤ ਖ਼ਤਮ ਕਰਦਿਆਂ ਇਹ ਦੱਸਿਆ ਕਿ ਉਹਨਾਂ ਦੇ ਸੁਪਨਿਆਂ ਨੂੰ ਖੰਭ ਉਹਨਾਂ ਦੇ ਮਾਤਾ-ਪਿਤਾ ਕਰਕੇ ਹੀ ਮਿਲੇ ਸਨ, ਪਰ ਅੱਜ ਉਹਨਾਂ ਨੂੰ ਹਰ ਪਲ ਉਹਨਾਂ ਦੀ ਕਮੀ ਮਹਿਸੂਸ ਹੁੰਦੀ ਹੈ।