Love Gill ਨਾਲ 5 ਕਰੋੜ ਦੇ ਸੈਟਲਮੈਂਟ ਵਿਵਾਦ 'ਤੇ ਭੜਕੇ Gurpreet Ghuggi, ਪੰਜਾਬੀ ਐਕਟਰ ਦੀ ਚਿਤਾਵਨੀ—ਲੈ ਜਾਣਗੇ ਕੋਰਟ

ਉਨ੍ਹਾਂ ਅੱਗੇ ਕਿਹਾ, "ਉਹ ਕੁੜੀ ਜਿਸ ਨੇ ਆਪਣਾ ਕਰੀਅਰ ਹੁਣੇ ਸ਼ੁਰੂ ਹੀ ਕੀਤਾ ਹੈ। ਜਿਸ ਦਾ ਇੱਕ ਪਰਿਵਾਰ ਹੈ, ਸੋਚੋ ਇਨ੍ਹਾਂ ਰੂਮਰਜ਼ ਨਾਲ ਉਸ ਦੀ ਕੀ ਹਾਲਤ ਹੋਵੇਗੀ?"

'ਮੈਂ ਉਹ ਇਨਸਾਨ ਨਹੀਂ ਹਾਂ ਜੋ ਸੁਸਾਈਡ ਕਰ ਲਵਾਂ'

ਗੁਰਪ੍ਰੀਤ ਘੁੱਗੀ ਤੋਂ ਜਦੋਂ ਲਵ ਗਿੱਲ ਬਾਰੇ ਸਵਾਲ ਪੁੱਛਿਆ ਗਿਆ ਤਾਂ ਉਨ੍ਹਾਂ ਇਹ ਕਲੀਅਰ ਕੀਤਾ ਕਿ ਅਦਾਕਾਰਾ ਇੱਕ ਮੁਸ਼ਕਲ ਅਤੇ ਇਮੋਸ਼ਨਲ ਹਾਲਾਤਾਂ ਵਿੱਚੋਂ ਗੁਜ਼ਰ ਰਹੀ ਸੀ। ਇਸ ਕਾਰਨ ਹੀ ਉਨ੍ਹਾਂ ਨੇ ਉਸ ਦੀ ਸਿਹਤ ਬਾਰੇ ਪੁੱਛਿਆ। ਘੁੱਗੀ ਨੇ ਕਿਹਾ, "ਮੈਂ ਇੱਕ ਮਜ਼ਬੂਤ ਵਿਅਕਤੀ ਹਾਂ। ਉਹ ਇਨਸਾਨ ਨਹੀਂ ਹਾਂ, ਜੋ ਮਰ ਜਾਵੇ ਜਾਂ ਸੁਸਾਈਡ ਕਰ ਲਵੇ। ਮੈਨੂੰ ਨਹੀਂ ਪਤਾ ਸ਼ਾਇਦ ਇਸ ਨਾਲ ਮੇਰਾ ਸਭ ਕੁਝ ਖ਼ਤਮ ਹੋ ਜਾਵੇ, ਪਰ ਮੈਂ ਵੀ ਇੱਕ ਇਨਸਾਨ ਹਾਂ।"

ਆਪਣਾ ਗੁੱਸਾ ਜ਼ਾਹਰ ਕਰਦਿਆਂ ਅਭਿਨੇਤਾ ਨੇ ਅੱਗੇ ਕਿਹਾ, "ਜੇ ਇਹ ਚੀਜ਼ਾਂ ਉਸ ਕੁੜੀ ਨੂੰ ਅਫੇਕਟ ਕਰਦੀਆਂ ਹਨ, ਉਸ ਦੀ ਜ਼ਿੰਦਗੀ ਖ਼ਤਰੇ ਵਿੱਚ ਪੈਂਦੀ ਹੈ, ਤਾਂ ਤੁਸੀਂ ਕੀ ਸੋਚੋਗੇ? ਅਸੀਂ ਇਹ ਕਰਕੇ ਕੀ ਹਾਸਿਲ ਕਰ ਲਿਆ? ਅਸੀਂ ਕਿਸੇ ਦੀ ਜਾਨ ਲੈ ਲਈ? ਵਾਹ ਅਸੀਂ ਲੋਕਾਂ ਨੂੰ ਮਾਰ ਦਿੱਤਾ। ਇਹੀ ਕਾਮਯਾਬੀ ਮਿਲੇਗੀ ਤੁਹਾਨੂੰ।"

A career, a reputation, a family’s peace—all put at risk by allegations. 💔 Gurpreet Ghuggi has spoken about the trauma. No paid PR or hate campaign can make an unproven claim the truth. Leave Love Gill alone. #LoveGill #BiggBoss20 https://t.co/cELRvzB4Gl

— Love ❤️ (@iLoveGilll) October 29, 2026

'ਪੁਲਿਸ ਹੁਣ ਆਪਣਾ ਕੰਮ ਕਰੇਗੀ'

ਗੁਰਪ੍ਰੀਤ ਘੁੱਗੀ ਨੇ ਇਹ ਵੀ ਦੱਸਿਆ ਕਿ ਉਹ ਗਲਤ ਅਫਵਾਹਾਂ ਫੈਲਾਉਣ ਵਾਲੇ ਲੋਕਾਂ ਖ਼ਿਲਾਫ਼ ਲੀਗਲ ਐਕਸ਼ਨ ਲੈਣ ਦੀ ਪਲਾਨਿੰਗ ਵੀ ਕਰ ਰਹੇ ਹਨ। ਅਭਿਨੇਤਾ ਨੇ ਆਪਣੀ ਗੱਲ ਖ਼ਤਮ ਕਰਦਿਆਂ ਕਿਹਾ, "ਮੈਂ ਬਹੁਤ ਜ਼ਿਆਦਾ ਬੋਲਣਾ ਨਹੀਂ ਚਾਹੁੰਦਾ ਹਾਂ। ਮੈਂ ਸਿਰਫ਼ ਉਨ੍ਹਾਂ ਲੋਕਾਂ ਦਾ ਸ਼ੁਕਰੀਆ ਅਦਾ ਕਰਦਾ ਹਾਂ, ਜਿਨ੍ਹਾਂ ਨੇ ਇਸ ਮਾਮਲੇ ਵਿੱਚ ਸਹਿਣਸ਼ੀਲਤਾ ਬਣਾਈ ਰੱਖੀ ਹੈ। ਇਹ ਸਾਰੇ ਬੇਬੁਨਿਆਦ ਰੂਮਰਜ਼ ਹਨ। ਸਿਰਫ਼ ਕੁਝ ਖੁਲਾਸਾ ਕਰਨਾ ਹੈ ਤਾਂ ਬਿਨਾਂ ਸਿਰ-ਪੈਰ ਦਾ ਕਰ ਦਿਓ। ਮੈਨੂੰ ਨਹੀਂ ਪਤਾ ਕੌਣ ਹੈ ਇਸ ਦੇ ਪਿੱਛੇ, ਪਰ ਪੁਲਿਸ ਹੁਣ ਆਪਣਾ ਕੰਮ ਕਰੇਗੀ। ਮੈਂ ਨਿਸ਼ਚਿਤ ਤੌਰ 'ਤੇ ਕੋਰਟ ਜਾਵਾਂਗਾ।"

ਕੀ ਹੈ ਬਿੱਗ ਬੌਸ ਕੰਟੈਸਟੈਂਟ ਲਵ ਗਿੱਲ ਨਾਲ ਜੁੜਿਆ ਮਾਮਲਾ?

ਦਰਅਸਲ, ਕੁਝ ਸਮਾਂ ਪਹਿਲਾਂ ਕੈਨੇਡਾ ਬੇਸਡ ਯੂਟਿਊਬਰ ਨੇ ਦਾਅਵਾ ਕੀਤਾ ਸੀ ਕਿ 'ਫਰਲੋ' ਫ਼ਿਲਮ ਦੀ ਸ਼ੂਟਿੰਗ ਦੌਰਾਨ ਗੁਰਪ੍ਰੀਤ ਘੁੱਗੀ ਅਤੇ ਲਵ ਗਿੱਲ ਵਿਚਕਾਰ ਅਫੇਅਰ ਸੀ, ਜਿਸ ਨਾਲ ਉਹ ਪ੍ਰੈਗਨੈਂਟ ਵੀ ਹੋ ਗਈ ਸੀ ਅਤੇ ਇਸ ਮਾਮਲੇ ਨੂੰ ਦਬਾਉਣ ਲਈ ਲਵ ਗਿੱਲ ਨੂੰ ਐਕਟਰ ਨੇ 5 ਕਰੋੜ ਰੁਪਏ ਦਿੱਤੇ ਸਨ। ਬੀਤੇ ਦਿਨਾਂ ਉਦਿਤੀ ਅਤੇ ਮਾਹੀ ਗਿੱਲ ਵੀ ਇਸ ਮਾਮਲੇ 'ਤੇ ਬਿੱਗ ਬੌਸ ਦੇ ਘਰ ਵਿੱਚ ਇਸ਼ਾਰਿਆਂ-ਇਸ਼ਾਰਿਆਂ ਵਿੱਚ ਗੱਲ ਕਰਦੇ ਦਿਖਾਈ ਦਿੱਤੇ ਸਨ।