ਤੁਸੀਂ ਡਾਲੀ ਬਿੰਦਰਾ ਦੀ ਧੀ...', ਸਲਮਾਨ ਖ਼ਾਨ ਨੇ ਲਾਈ ਰੀਤੀ ਤਿਵਾਰੀ ਦੀ ਕਲਾਸ; ਮਾੜੀ ਭਾਸ਼ਾ ਦੀ ਕੀਤੀ ਸੀ ਵਰਤੋਂ

ਜ਼ਿਕਰਯੋਗ ਹੈ ਕਿ ਬਿੱਗ ਬੌਸ ਵਿੱਚ ਦਾਖਲ ਹੋਣ ਤੋਂ ਬਾਅਦ ਰੀਤੀ ਤਿਵਾਰੀ ਆਪਣੀ ਭਾਸ਼ਾ ਅਤੇ ਵਿਵਹਾਰ ਨੂੰ ਲੈ ਕੇ ਲਗਾਤਾਰ ਚਰਚਾ ਵਿੱਚ ਰਹੀ ਹੈ। ਹੋਰ ਪ੍ਰਤੀਯੋਗੀਆਂ ਨਾਲ ਉਸਦੀ ਬਹਿਸ ਦੀਆਂ ਵੀਡੀਓਜ਼ ਸਾਹਮਣੇ ਆਉਣ ਤੋਂ ਬਾਅਦ ਉਸਨੂੰ ਸੋਸ਼ਲ ਮੀਡੀਆ 'ਤੇ ਕਾਫ਼ੀ ਆਲੋਚਨਾ ਦਾ ਸਾਹਮਣਾ ਕਰਨਾ ਪਿਆ ਹੈ। ਰੀਤੀ ਤਿਵਾਰੀ ਨੇ ਪੂਰਾ ਹਫ਼ਤਾ ਸ਼ੋਅ ਵਿੱਚ ਹੰਗਾਮਾ ਮਚਾਇਆ, ਰਾਸ਼ਟਰੀ ਟੈਲੀਵਿਜ਼ਨ 'ਤੇ ਗਾਲ੍ਹਾਂ ਕੱਢੀਆਂ ਅਤੇ ਭੈੜੀ ਭਾਸ਼ਾ ਦੀ ਵਰਤੋਂ ਕੀਤੀ; ਹੁਣ, 'ਵੀਕੈਂਡ ਕਾ ਵਾਰ' ਐਪੀਸੋਡ ਵਿੱਚ, ਸਲਮਾਨ ਖਾਨ ਨੇ ਬਹੁਤ ਸ਼ਾਂਤ ਅਤੇ ਸੰਜਮਿਤ ਢੰਗ ਨਾਲ ਉਸਨੂੰ ਸਥਿਤੀ ਬਾਰੇ ਸਮਝਾਇਆ ਹੈ।ਬਿੱਗ ਬੌਸ 'ਤੇ ਮਨੋਜ ਤਿਵਾਰੀ ਦੇ ਆਪਣੇ ਤਜ਼ਰਬੇ ਨੂੰ ਯਾਦ ਕਰਦਿਆਂ, ਸਲਮਾਨ ਨੇ ਰੀਤੀ ਨੂੰ ਦੱਸਿਆ ਕਿ ਜਦੋਂ ਡੌਲੀ ਬਿੰਦਰਾ ਨੇ ਉਸਦੇ ਸੀਜ਼ਨ ਦੌਰਾਨ ਉਸ 'ਤੇ ਗੁੱਸਾ ਕੱਢਿਆ ਸੀ ਤਾਂ ਉਸਦੇ ਪਿਤਾ ਨੇ ਕਿਵੇਂ ਪ੍ਰਤੀਕਿਰਿਆ ਦਿੱਤੀ ਸੀ ਫਿਰ ਉਨ੍ਹਾਂ ਨੇ ਰੀਤੀ ਨੂੰ ਕਿਹਾ ਕਿ ਉਹ ਇਸ ਘਰ ਵਿੱਚ 'ਡੌਲੀ' ਬਣ ਗਈ ਹੈ। ਸਲਮਾਨ ਨੇ ਰੀਤੀ ਦੇ ਹਮਲਾਵਰ ਰਵੱਈਏ ਦੀ ਵੀ ਆਲੋਚਨਾ ਕੀਤੀ।