'ਫਿਰ ਕਦੋਂ ਮਿਲਾਂਗੇ?' ਹੇਮਾ ਮਾਲਿਨੀ ਨੂੰ ਹਰ ਪਲ ਆਉਂਦੀ ਹੈ ਧਰਮਿੰਦਰ ਦੀ ਯਾਦ; ਸਾਂਝੀਆਂ ਕੀਤੀਆਂ ਦਿਲ ਨੂੰ ਛੂਹ ਲੈਣ ਵਾਲੀਆਂ ਯਾਦਾਂ
ਹੇਮਾ ਮਾਲਿਨੀ ਨੇ ਕਿਹਾ ਕਿ ਬਾਫਟਾ ਵਿੱਚ ਧਰਮਿੰਦਰ ਜੀ ਨੂੰ ਦਿੱਤੀ ਗਈ ਸ਼ਰਧਾਂਜਲੀ ਨੇ ਉਨ੍ਹਾਂ ਦੇ ਦਿਲ ਨੂੰ ਛੂਹ ਲਿਆ ਹੈ। ਉਨ੍ਹਾਂ ਕਿਹਾ, "ਧਰਮ ਜੀ ਸਿਰਫ਼ ਭਾਰਤ ਦੇ ਨਹੀਂ, ਸਗੋਂ ਪੂਰੀ ਦੁਨੀਆ ਦੇ ਸਟਾਰ ਸਨ। ਉਨ੍ਹਾਂ ਦੀ ਪ੍ਰਸਿੱਧੀ ਸਰਹੱਦਾਂ ਤੋਂ ਪਾਰ ਸੀ। ਵਿਦੇਸ਼ਾਂ ਵਿੱਚ ਲੋਕ ਉਨ੍ਹਾਂ ਨੂੰ ਦੇਖ ਕੇ ਜਿਸ ਤਰ੍ਹਾਂ ਦੀਵਾਨੇ ਹੋ ਜਾਂਦੇ ਸਨ, ਉਹ ਦੇਖਣਾ ਸੱਚਮੁੱਚ ਹੈਰਾਨੀਜਨਕ ਹੁੰਦਾ ਸੀ।"
Posted By alisha
Publish Date: Tue, 24 Feb 2026 01:30 PM (IST)
Updated Date: Tue, 24 Feb 2026 01:36 PM (IST)
ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ : ਹਿੰਦੀ ਸਿਨੇਮਾ ਦੇ ਦਿੱਗਜ ਅਦਾਕਾਰ ਧਰਮਿੰਦਰ, ਜਿਨ੍ਹਾਂ ਨੇ ਨਵੰਬਰ 2025 ਵਿੱਚ ਇਸ ਦੁਨੀਆ ਨੂੰ ਅਲਵਿਦਾ ਕਹਿ ਦਿੱਤਾ ਸੀ, ਨੂੰ ਹਾਲ ਹੀ ਵਿੱਚ 79ਵੇਂ ਬ੍ਰਿਟਿਸ਼ ਅਕੈਡਮੀ ਫਿਲਮ ਐਵਾਰਡ (BAFTA) ਵਿੱਚ ਵਿਸ਼ੇਸ਼ ਸ਼ਰਧਾਂਜਲੀ ਦਿੱਤੀ ਗਈ। ਇਸ ਮੌਕੇ ਉਨ੍ਹਾਂ ਦੀ ਪਤਨੀ ਅਤੇ ਅਦਾਕਾਰਾ ਹੇਮਾ ਮਾਲਿਨੀ ਬੇਹੱਦ ਭਾਵੁਕ ਹੋ ਗਏ ਅਤੇ ਉਨ੍ਹਾਂ ਨੇ ਆਪਣੇ ਦਿਲ ਦੀਆਂ ਗੱਲਾਂ ਸਾਂਝੀਆਂ ਕੀਤੀਆਂ।
ਬਾਫਟਾ (BAFTA) 'ਚ ਮਿਲੀ ਸ਼ਰਧਾਂਜਲੀ 'ਤੇ ਪ੍ਰਤੀਕਿਰਿਆ
ਹੇਮਾ ਮਾਲਿਨੀ ਨੇ ਕਿਹਾ ਕਿ ਬਾਫਟਾ ਵਿੱਚ ਧਰਮਿੰਦਰ ਜੀ ਨੂੰ ਦਿੱਤੀ ਗਈ ਸ਼ਰਧਾਂਜਲੀ ਨੇ ਉਨ੍ਹਾਂ ਦੇ ਦਿਲ ਨੂੰ ਛੂਹ ਲਿਆ ਹੈ। ਉਨ੍ਹਾਂ ਕਿਹਾ, "ਧਰਮ ਜੀ ਸਿਰਫ਼ ਭਾਰਤ ਦੇ ਨਹੀਂ, ਸਗੋਂ ਪੂਰੀ ਦੁਨੀਆ ਦੇ ਸਟਾਰ ਸਨ। ਉਨ੍ਹਾਂ ਦੀ ਪ੍ਰਸਿੱਧੀ ਸਰਹੱਦਾਂ ਤੋਂ ਪਾਰ ਸੀ। ਵਿਦੇਸ਼ਾਂ ਵਿੱਚ ਲੋਕ ਉਨ੍ਹਾਂ ਨੂੰ ਦੇਖ ਕੇ ਜਿਸ ਤਰ੍ਹਾਂ ਦੀਵਾਨੇ ਹੋ ਜਾਂਦੇ ਸਨ, ਉਹ ਦੇਖਣਾ ਸੱਚਮੁੱਚ ਹੈਰਾਨੀਜਨਕ ਹੁੰਦਾ ਸੀ।"
ਸਾਥ ਬਿਤਾਉਣ ਲਈ ਇਕੱਠੇ ਸਾਈਨ ਕਰਦੇ ਸਨ ਫ਼ਿਲਮਾਂ
ਆਪਣੀਆਂ ਪੁਰਾਣੀਆਂ ਯਾਦਾਂ ਨੂੰ ਤਾਜ਼ਾ ਕਰਦਿਆਂ ਹੇਮਾ ਜੀ ਨੇ ਦੱਸਿਆ ਕਿ ਜਦੋਂ ਉਹ ਦੋਵੇਂ ਆਪਣੇ ਕਰੀਅਰ ਦੇ ਸਿਖਰ 'ਤੇ ਸਨ, ਤਾਂ ਉਨ੍ਹਾਂ ਕੋਲ ਇੱਕ-ਦੂਜੇ ਲਈ ਸਮਾਂ ਨਹੀਂ ਹੁੰਦਾ ਸੀ। ਹੇਮਾ ਜੀ ਨੇ ਦੱਸਿਆ ਕਿ ਉਹ ਜਾਣਬੁੱਝ ਕੇ ਇਕੱਠੇ ਫ਼ਿਲਮਾਂ ਸਾਈਨ ਕਰਦੇ ਸਨ ਤਾਂ ਜੋ ਸ਼ੂਟਿੰਗ ਦੇ ਬਹਾਨੇ ਉਹ ਜ਼ਿਆਦਾ ਤੋਂ ਜ਼ਿਆਦਾ ਸਮਾਂ ਇਕੱਠੇ ਬਿਤਾ ਸਕਣ।
ਹੇਮਾ ਮਾਲਿਨੀ ਦਾ ਦਰਦ
ਧਰਮਿੰਦਰ ਜੀ ਦੇ ਜਾਣ ਤੋਂ ਬਾਅਦ ਹੇਮਾ ਮਾਲਿਨੀ ਅਕਸਰ ਖ਼ੁਦ ਨੂੰ ਸਵਾਲ ਕਰਦੀ ਹੈ। "ਕੀ ਉਹ ਸੱਚਮੁੱਚ ਚਲੇ ਗਏ ਹਨ?",
"ਮੈਂ ਉਨ੍ਹਾਂ ਨੂੰ ਹੁਣ ਫਿਰ ਕਦੋਂ ਮਿਲਾਂਗੀ?",ਮਉਨ੍ਹਾਂ ਦੱਸਿਆ ਕਿ ਉਨ੍ਹਾਂ ਨੂੰ ਧਰਮਿੰਦਰ ਦੀ ਫ਼ਿਲਮ 'ਚੁਪਕੇ ਚੁਪਕੇ' ਅਤੇ ਉਨ੍ਹਾਂ ਦੋਵਾਂ ਦੀ ਸਾਂਝੀ ਫ਼ਿਲਮ 'ਸ਼ੋਲੇ' ਬਹੁਤ ਪਸੰਦ ਹੈ।
ਹੇਮਾ ਮਾਲਿਨੀ ਅਤੇ ਧਰਮਿੰਦਰ ਦਾ ਵਿਆਹ 1980 ਵਿੱਚ ਹੋਇਆ ਸੀ। ਉਨ੍ਹਾਂ ਦੀਆਂ ਦੋ ਬੇਟੀਆਂ ਈਸ਼ਾ ਅਤੇ ਅਹਾਨਾ ਹਨ ਧਰਮਿੰਦਰ ਜੀ ਨੇ 24 ਨਵੰਬਰ 2025 ਨੂੰ 89 ਸਾਲ ਦੀ ਉਮਰ ਵਿੱਚ ਆਖਰੀ ਸਾਹ ਲਏ ਸਨ।