Urmila Matondkar ਨੇ ਰਾਮ ਗੋਪਾਲ ਵਰਮਾ ਨਾਲ ਕੀਤਾ ਸੀ ਗੁਪਤ ਵਿਆਹ, ਮੰਦਰ ’ਚ ਲਏ ਸਨ ਸੱਤ ਫੇਰੇ? ਸਾਲਾਂ ਬਾਅਦ ਹੈਰਾਨ ਕਰਨ ਵਾਲਾ ਖੁਲਾਸਾ

ਦਰਅਸਲ, ਬਾਲੀਵੁੱਡ ਦੇ ਸੀਨੀਅਰ ਜਰਨਲਿਸਟ ਜੋਤੀ ਵੇਂਕਟੇਸ਼ ਨੇ ਉਰਮਿਲਾ ਮਾਤੋਂਡਕਰ ਅਤੇ ਰਾਮ ਗੋਪਾਲ ਵਰਮਾ ਦੇ ਵਿਆਹ ਨੂੰ ਲੈ ਕੇ ਇੱਕ ਹੈਰਾਨ ਕਰਨ ਵਾਲਾ ਦਾਅਵਾ ਕੀਤਾ ਹੈ ਜੋ ਹੁਣ ਵਾਇਰਲ ਹੋ ਗਿਆ ਹੈ।

Posted By Anuradha Bains

Publish Date: Sun, 02 Aug 2026 12:36 PM (IST)

Updated Date: Sun, 02 Aug 2026 12:42 PM (IST)

Urmila Matondkar ਨੇ ਰਾਮ ਗੋਪਾਲ ਵਰਮਾ ਨਾਲ ਕੀਤਾ ਸੀ ਗੁਪਤ ਵਿਆਹ, ਮੰਦਰ ’ਚ ਲਏ ਸਨ ਸੱਤ ਫੇਰੇ? ਸਾਲਾਂ ਬਾਅਦ ਹੈਰਾਨ ਕਰਨ ਵਾਲਾ ਖੁਲਾਸਾ

ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ। 90 ਦੇ ਦਹਾਕੇ ਵਿੱਚ ਉਰਮਿਲਾ ਮਾਤੋਂਡਕਰ ਸਿਰਫ਼ ਆਪਣੀਆਂ ਫ਼ਿਲਮਾਂ ਲਈ ਹੀ ਨਹੀਂ, ਸਗੋਂ ਫ਼ਿਲਮ ਨਿਰਮਾਤਾ ਰਾਮ ਗੋਪਾਲ ਵਰਮਾ ਨਾਲ ਆਪਣੇ ਅਫੇਅਰ ਨੂੰ ਲੈ ਕੇ ਵੀ ਕਾਫ਼ੀ ਸੁਰਖੀਆਂ ਵਿੱਚ ਰਹੀ ਸੀ। ਹੁਣ ਸਾਲਾਂ ਬਾਅਦ ਇੱਕ ਵਾਰ ਦੋਵਾਂ ਦਾ ਰਿਸ਼ਤਾ ਚਰਚਾ ਵਿੱਚ ਆ ਗਿਆ ਹੈ।

ਕੀ ਉਰਮਿਲਾ-ਰਾਮ ਨੇ ਕੀਤਾ ਸੀ ਵਿਆਹ?

ਸਿਧਾਰਥ ਕੰਨਨ ਨਾਲ ਗੱਲਬਾਤ ਦੌਰਾਨ ਸੀਨੀਅਰ ਜਰਨਲਿਸਟ ਨੇ ਦਾਅਵਾ ਕੀਤਾ ਹੈ ਕਿ ਰਾਮ ਗੋਪਾਲ ਵਰਮਾ ਅਤੇ ਉਰਮਿਲਾ ਮਾਤੋਂਡਕਰ ਨੇ ਮੰਦਰ ’ਚ ਗੁਪਤ ਵਿਆਹ ਕੀਤਾ ਸੀ। ਉਸ ਸਮੇਂ ਦੋਵੇਂ ਇੱਕ-ਦੂਜੇ ਨੂੰ ਡੇਟ ਕਰ ਰਹੇ ਸਨ। ਜਦੋਂ ਉਨ੍ਹਾਂ ਨੂੰ ਇਹ ਗੱਲ ਚਿਰੰਜੀਵੀ ਤੋਂ ਪਤਾ ਚੱਲੀ ਤਾਂ ਉਹ ਹੈਰਾਨ ਰਹਿ ਗਏ ਸਨ।

ਚਿਰੰਜੀਵੀ ਨੇ ਖੋਲ੍ਹਿਆ ਸੀ ਰਾਜ਼?

ਜੋਤੀ ਵੇਂਕਟੇਸ਼ ਨੇ ਦਾਅਵਾ ਕੀਤਾ ਹੈ ਕਿ ਫ਼ਿਲਮ 'ਜੈਂਟਲਮੈਨ' ਦੇ ਸੈੱਟ 'ਤੇ ਅਦਾਕਾਰ ਚਿਰੰਜੀਵੀ ਨੇ ਉਨ੍ਹਾਂ ਨੂੰ ਰਾਮ ਗੋਪਾਲ ਅਤੇ ਉਰਮਿਲਾ ਦੇ ਸੀਕ੍ਰੇਟ ਵਿਆਹ ਬਾਰੇ ਦੱਸਿਆ ਸੀ। ਉਨ੍ਹਾਂ ਨੇ ਦੱਸਿਆ, "ਚਿਰੰਜੀਵੀ ਨੇ ਮੈਨੂੰ ਕਿਹਾ, 'ਜੋਤੀ, ਬਤੌਰ ਜਰਨਲਿਸਟ ਤੂੰ ਹਰ ਚੀਜ਼ ਬਾਰੇ ਲਿਖਦਾ ਹੈਂ ਪਰ ਅਜੇ ਤੱਕ ਤੂੰ ਰਾਮ ਅਤੇ ਉਰਮਿਲਾ ਦੇ ਵਿਆਹ ਬਾਰੇ ਕਿਉਂ ਕੁਝ ਨਹੀਂ ਲਿਖਿਆ?'"

ਚਿਰੰਜੀਵੀ ਨੇ ਦਿੱਤਾ ਸੀ ਸਬੂਤ

ਜੋਤੀ ਵੇਂਕਟੇਸ਼ ਦਾ ਕਹਿਣਾ ਹੈ ਕਿ ਚਿਰੰਜੀਵੀ ਦੀ ਇਹ ਗੱਲ ਸੁਣ ਕੇ ਉਹ ਸਰਪ੍ਰਾਈਜ਼ ਹੋ ਗਏ ਸਨ। ਫਿਰ ਉਨ੍ਹਾਂ ਨੇ ਸਬੂਤ ਮੰਗਿਆ। ਤਦ ਚਿਰੰਜੀਵੀ ਨੇ ਦੱਸਿਆ ਕਿ ਦੋਵਾਂ ਨੇ ਆਂਧਰਾ ਪ੍ਰਦੇਸ਼ ਦੇ ਇੱਕ ਮੰਦਰ ਵਿੱਚ ਵਿਆਹ ਕੀਤਾ ਸੀ। ਇੱਥੋਂ ਤੱਕ ਕਿ ਅਦਾਕਾਰ ਨੇ ਉਨ੍ਹਾਂ ਨੂੰ ਪੁਜਾਰੀ ਦਾ ਕਾਂਟੈਕਟ ਨੰਬਰ ਵੀ ਦਿੱਤਾ ਸੀ।

ਰੋਣ ਲੱਗੀ ਸੀ ਉਰਮਿਲਾ ਮਾਤੋਂਡਕਰ

ਜਰਨਲਿਸਟ ਨੇ ਦੱਸਿਆ ਕਿ ਉਨ੍ਹਾਂ ਨੇ ਇਸ ਖ਼ਬਰ ਨੂੰ ਛਾਪਣ ਤੋਂ ਪਹਿਲਾਂ ਖ਼ੁਦ ਉਰਮਿਲਾ ਮਾਤੋਂਡਕਰ ਤੋਂ ਸੱਚ ਜਾਣਨਾ ਚਾਹਿਆ। ਜਦੋਂ ਉਨ੍ਹਾਂ ਨੇ ਅਦਾਕਾਰਾ ਨੂੰ ਫ਼ੋਨ ਕੀਤਾ ਤਾਂ ਉਹ ਰੋਣ ਲੱਗੀ ਅਤੇ ਕਿਹਾ, "ਤੁਸੀਂ ਮੇਰੇ ਬਾਰੇ ਅਜਿਹਾ ਕਿਵੇਂ ਲਿਖ ਸਕਦੇ ਹੋ। ਤੁਸੀਂ ਮੈਨੂੰ ਉਦੋਂ ਤੋਂ ਜਾਣਦੇ ਹੋ ਜਦੋਂ ਮੈਂ ਇੰਡਸਟਰੀ ਵਿੱਚ ਕਦਮ ਰੱਖਿਆ ਸੀ।" ਉੱਥੇ ਹੀ ਰਾਮ ਗੋਪਾਲ ਵਰਮਾ ਨੇ ਇਸ 'ਤੇ ਕਮੈਂਟ ਕਰਨ ਤੋਂ ਸਾਫ਼ ਇਨਕਾਰ ਕਰ ਦਿੱਤਾ ਸੀ।

ਕਿਉਂ ਟੁੱਟਿਆ ਸੀ ਉਰਮਿਲਾ-ਰਾਮ ਗੋਪਾਲ ਵਰਮਾ ਦਾ ਰਿਸ਼ਤਾ?

ਜੋਤੀ ਵੇਂਕਟੇਸ਼ ਦਾ ਕਹਿਣਾ ਹੈ ਕਿ ਰਾਮ ਗੋਪਾਲ ਵਰਮਾ ਅਤੇ ਉਰਮਿਲਾ ਮਾਤੋਂਡਕਰ ਵਿਚਕਾਰ ਇਸੇ ਵਜ੍ਹਾ ਕਰਕੇ ਰਿਸ਼ਤਾ ਵੀ ਟੁੱਟਿਆ ਸੀ। ਉਰਮਿਲਾ ਕਾਨੂੰਨੀ ਤੌਰ 'ਤੇ ਵਿਆਹ ਕਰਨਾ ਚਾਹੁੰਦੀ ਸੀ ਪਰ ਰਾਮ ਗੋਪਾਲ ਇਸ ਲਈ ਤਿਆਰ ਨਹੀਂ ਸਨ।