‘ਦ੍ਰੌਪਦੀ’ ਦੇ ਆਈਟਮ ਗੀਤ ਨੂੰ ਅਪਮਾਨਜਨਕ ਤਰੀਕੇ ਨਾਲ ਦਿਖਾਉਣ 'ਤੇ ਹੰਗਾਮਾ, ਸਰਕਾਰ ਨੇ ਰੁਕਵਾਈ ਫ਼ਿਲਮ ਦੀ ਸਕ੍ਰੀਨਿੰਗ

"ਪਾਂਚ ਪਾਂਡਵ" ਗੀਤ ’ਚ ਹਿੰਦੂ ਵਿਸ਼ਵਾਸਾਂ ਦਾ ਨਿਰਾਦਰ

ਨੇਪਾਲੀ ਵੈੱਬਸਾਈਟ 24 ਆਵਰਜ਼ ਦੇ ਅਨੁਸਾਰ, ਫਿਲਮ "ਪਾਂਚ ਪਾਂਡਵ" ਵਿੱਚ ਦ੍ਰੋਪਦੀ ਦਾ ਕਿਰਦਾਰ ਨਿਭਾਉਣ ਵਾਲੀ ਅਦਾਕਾਰਾ ਈਵਾ ਗਿਰੀ ਨੇ "ਤਾਨਿਓ ਤਾਨਿਓ" ਗੀਤ 'ਤੇ ਇੱਕ ਆਈਟਮ ਡਾਂਸ ਕੀਤਾ। ਇਸ ਦੀ ਧਾਰਮਿਕ ਸਮੂਹਾਂ ਅਤੇ ਸੋਸ਼ਲ ਮੀਡੀਆ ਉਪਭੋਗਤਾਵਾਂ ਵੱਲੋਂ ਆਲੋਚਨਾ ਕੀਤੀ ਗਈ ਹੈ, ਜਿਨ੍ਹਾਂ ਦਾ ਮੰਨਣਾ ਹੈ ਕਿ ਇਹ ਹਿੰਦੂ ਵਿਸ਼ਵਾਸਾਂ ਦਾ ਨਿਰਾਦਰ ਕਰਦਾ ਹੈ। ਨੇਪਾਲ ਦੀ ਵਿਸ਼ਵ ਹਿੰਦੂ ਪ੍ਰੀਸ਼ਦ ਨੇ ਵੀ ਇਸ 'ਤੇ ਇਤਰਾਜ਼ ਜਤਾਇਆ ਹੈ ਅਤੇ ਫਿਲਮ ਦੀ ਸਮੱਗਰੀ ਦੀ ਜਾਂਚ ਦੀ ਮੰਗ ਕੀਤੀ ਹੈ।

ਅਜਿਹਾ ਮੰਨਿਆ ਜਾ ਰਿਹਾ ਹੈ ਕਿ ਸਰਕਾਰ ਨੇ ਕਿਸੇ ਵੀ ਧਾਰਮਿਕ ਵਿਵਾਦ ਤੋਂ ਬਚਣ ਲਈ ਪਾਂਚ ਪਾਂਡਵ ਵਿੱਚ ਦ੍ਰੌਪਦੀ ਦੇ ਗਾਣੇ ਨੂੰ ਲੈ ਕੇ ਦਖ਼ਲ ਦਿੱਤਾ ਹੈ। ਹਾਲਾਂਕਿ, ਇਸ 'ਤੇ ਹੁਣ ਤੱਕ ਅਧਿਕਾਰੀਆਂ ਵੱਲੋਂ ਕਿਸੇ ਵੀ ਤਰ੍ਹਾਂ ਦੀ ਪ੍ਰਤੀਕਿਰਿਆ ਸਾਹਮਣੇ ਨਹੀਂ ਆਈ ਹੈ।

ਛੋਟੇ ਜਿਹੇ ਟ੍ਰੇਲਰ ਨੂੰ ਦੇਖ ਕੇ ਬਾਈਕਾਟ ਦੀ ਮੰਗ ਗ਼ਲਤ

ਇਸ ਫ਼ਿਲਮ ਨੂੰ ਲੈ ਕੇ ਫ਼ਿਲਮ ਦੇ ਨਿਰਦੇਸ਼ਕ ਬਸੰਤ ਨਿਰੌਲਾ ਦਾ ਕਹਿਣਾ ਹੈ ਕਿ ਇਹ ਪਾਂਚ ਪਾਂਡਵ ਦੇ ਮੇਕਰਸ ਨਾਲ ਸਰਾਸਰ ਅਨਿਆਂ ਹੈ, ਕਿਉਂਕਿ ਲੋਕਾਂ ਨੇ ਟ੍ਰੇਲਰ ਅਤੇ ਛੋਟੀ ਜਿਹੀ ਵੀਡੀਓ ਦੇ ਆਧਾਰ 'ਤੇ ਫ਼ਿਲਮ ਨੂੰ ਬੈਨ ਕਰਨ ਦੀ ਮੰਗ ਕੀਤੀ ਹੈ, ਜੋ ਇੱਕ ਗ਼ਲਤ ਰੁਝਾਨ ਹੈ। ਨੇਪਾਲੀ ਅਖ਼ਬਾਰ ਕਾਂਤੀਪੁਰ ਨਾਲ ਗੱਲਬਾਤ ਵਿੱਚ ਨਿਰੌਲਾ ਨੇ ਕਿਹਾ, "ਲੋਕਾਂ ਨੇ ਜੇਕਰ ਇਹ ਫ਼ਿਲਮ ਦੇਖ ਲਈ ਅਤੇ ਉਸ ਤੋਂ ਬਾਅਦ ਉਨ੍ਹਾਂ ਨੂੰ ਲੱਗੇ ਕਿ ਮਹਾਭਾਰਤ ਦੀ ਦ੍ਰੌਪਦੀ ਨੂੰ ਸਾਡੀ ਫ਼ਿਲਮ 'ਚ ਗ਼ਲਤ ਤਰੀਕੇ ਨਾਲ ਪੇਸ਼ ਕੀਤਾ ਗਿਆ ਹੈ, ਤਾਂ ਉਨ੍ਹਾਂ ਨੂੰ ਇਹ ਪੂਰਾ ਅਧਿਕਾਰ ਹੈ ਕਿ ਉਹ ਇਸ ਦਾ ਵਿਰੋਧ ਕਰਨ, ਪਰ ਉਸ ਤੋਂ ਪਹਿਲਾਂ ਕਿਸੇ ਚੀਜ਼ 'ਤੇ ਹੰਗਾਮਾ ਕਰਨਾ ਬਿਲਕੁਲ ਗ਼ਲਤ ਹੈ।"

ਕੀ 6 ਨਵੰਬਰ ਨੂੰ ਰਿਲੀਜ਼ ਹੋਵੇਗੀ ਫ਼ਿਲਮ?

ਪਾਂਚ ਪਾਂਡਵ 6 ਨਵੰਬਰ ਨੂੰ ਰਿਲੀਜ਼ ਹੋਵੇਗੀ ਜਾਂ ਨਹੀਂ, ਇਸ ਦਾ ਫ਼ੈਸਲਾ ਪ੍ਰੋਡਕਸ਼ਨ ਟੀਮ ਦੀ ਸਰਕਾਰ ਨਾਲ ਗੱਲਬਾਤ ਤੋਂ ਬਾਅਦ ਹੀ ਹੋਵੇਗਾ। ਮੂਵੀ ਵਿੱਚ ਹਰੀ ਬੰਸ਼ਾ ਆਚਾਰੀਆ, ਜੀਤੂ ਨੇਪਾਲ, ਆਰੀਅਨ ਸਿਗਡੇਲ, ਦੀਪਸ਼੍ਰੀ ਨਿਰੌਲਾ ਅਤੇ ਈਵਾ ਗਿਰੀ ਨਜ਼ਰ ਆ ਰਹੇ ਹਨ।