'ਬੇਸ਼ਰਮੀ ਦੀਆਂ ਸਾਰੀਆਂ ਹੱਦਾਂ ਪਾਰ...': ਤਾਪਸੀ ਪੰਨੂ 'ਤੇ ਭੜਕੀ ਕੰਗਨਾ ਰਣੌਤ, ਅਦਾਕਾਰਾ ਨੂੰ ਕਿਹਾ 'ਸਸਤੀ ਕਾਪੀ'

'ਇੰਡੀਆ ਟੁਡੇ' ਨਾਲ ਗੱਲਬਾਤ ਕਰਦਿਆਂ ਤਾਪਸੀ ਪੰਨੂ ਨੇ ਕੰਗਨਾ ਰਣੌਤ ਨਾਲ ਆਪਣੇ ਮਤਭੇਦ ਬਾਰੇ ਕਿਹਾ, "ਮੈਂ ਉਨ੍ਹਾਂ ਨੂੰ ਨਹੀਂ ਮਿਲੀ ਹਾਂ। ਜਦੋਂ ਇਹ ਸੋ-ਕਾਲਡ ਮੁੱਦੇ ਸ਼ੁਰੂ ਹੋਏ ਸਨ, ਤਦ ਵੀ ਮੈਂ ਉਨ੍ਹਾਂ ਨੂੰ ਨਹੀਂ ਮਿਲੀ ਸੀ ਅਤੇ ਹੁਣ ਵੀ ਨਹੀਂ ਮਿਲੀ ਹਾਂ। ਉਨ੍ਹਾਂ ਬਾਰੇ ਮੇਰੀ ਰਾਏ ਮੇਰੀ ਪਰਵਰਿਸ਼, ਮੇਰੇ ਬੋਲਣ ਦੇ ਤਰੀਕੇ ਅਤੇ ਚੀਜ਼ਾਂ ਨੂੰ ਦੇਖਣ ਦੇ ਮੇਰੇ ਨਜ਼ਰੀਏ ਨੂੰ ਦਰਸਾਉਂਦੀ ਹੈ ਅਤੇ ਉਨ੍ਹਾਂ ਦੀ ਰਾਏ ਉਨ੍ਹਾਂ ਦੇ ਨਜ਼ਰੀਏ ਨੂੰ। ਉਹ ਆਪਣੀ ਗੱਲ 'ਤੇ ਕਾਇਮ ਹਨ। ਇਸ ਲਈ ਮੈਨੂੰ ਲੱਗਦਾ ਹੈ ਕਿ ਇਹ ਦੇਖਣ ਅਤੇ ਤੈਅ ਕਰਨ ਲਈ ਕਾਫ਼ੀ ਹੈ ਕਿ ਕੌਣ ਕਿੱਥੋਂ ਆਉਂਦਾ ਹੈ।"

ਇੱਕ ਹਾਲੀਆ ਇੰਟਰਵਿਊ ਵਿੱਚ ਜਦੋਂ ਤਾਪਸੀ ਪੰਨੂ ਤੋਂ ਪੁੱਛਿਆ ਗਿਆ ਕਿ ਕੀ ਕੰਗਨਾ ਨਾਲ ਉਨ੍ਹਾਂ ਦੇ ਮਤਭੇਦ ਸੁਲਝ ਗਏ ਹਨ ਤਾਂ ਤਾਪਸੀ ਨੇ ਕੁਝ ਅਜਿਹਾ ਕਹਿ ਦਿੱਤਾ ਜੋ ਕੰਗਨਾ ਨੂੰ ਪਸੰਦ ਨਹੀਂ ਆਇਆ।

ਕੰਗਨਾ ਬਾਰੇ ਕੀ ਬੋਲੀ ਤਾਪਸੀ?

'ਇੰਡੀਆ ਟੁਡੇ' ਨਾਲ ਗੱਲਬਾਤ ਕਰਦਿਆਂ ਤਾਪਸੀ ਪੰਨੂ ਨੇ ਕੰਗਨਾ ਰਣੌਤ ਨਾਲ ਆਪਣੇ ਮਤਭੇਦ ਬਾਰੇ ਕਿਹਾ, "ਮੈਂ ਉਨ੍ਹਾਂ ਨੂੰ ਨਹੀਂ ਮਿਲੀ ਹਾਂ। ਜਦੋਂ ਇਹ ਸੋ-ਕਾਲਡ ਮੁੱਦੇ ਸ਼ੁਰੂ ਹੋਏ ਸਨ, ਤਦ ਵੀ ਮੈਂ ਉਨ੍ਹਾਂ ਨੂੰ ਨਹੀਂ ਮਿਲੀ ਸੀ ਅਤੇ ਹੁਣ ਵੀ ਨਹੀਂ ਮਿਲੀ ਹਾਂ। ਉਨ੍ਹਾਂ ਬਾਰੇ ਮੇਰੀ ਰਾਏ ਮੇਰੀ ਪਰਵਰਿਸ਼, ਮੇਰੇ ਬੋਲਣ ਦੇ ਤਰੀਕੇ ਅਤੇ ਚੀਜ਼ਾਂ ਨੂੰ ਦੇਖਣ ਦੇ ਮੇਰੇ ਨਜ਼ਰੀਏ ਨੂੰ ਦਰਸਾਉਂਦੀ ਹੈ ਅਤੇ ਉਨ੍ਹਾਂ ਦੀ ਰਾਏ ਉਨ੍ਹਾਂ ਦੇ ਨਜ਼ਰੀਏ ਨੂੰ। ਉਹ ਆਪਣੀ ਗੱਲ 'ਤੇ ਕਾਇਮ ਹਨ। ਇਸ ਲਈ ਮੈਨੂੰ ਲੱਗਦਾ ਹੈ ਕਿ ਇਹ ਦੇਖਣ ਅਤੇ ਤੈਅ ਕਰਨ ਲਈ ਕਾਫ਼ੀ ਹੈ ਕਿ ਕੌਣ ਕਿੱਥੋਂ ਆਉਂਦਾ ਹੈ।"

ਤਾਪਸੀ 'ਤੇ ਕੰਗਨਾ ਨੇ ਕੱਢਿਆ ਗੁੱਸਾ

ਤਾਪਸੀ ਪੰਨੂ ਦੇ ਇਸ ਬਿਆਨ ਤੋਂ ਬਾਅਦ ਹੁਣ ਕੰਗਨਾ ਰਣੌਤ ਨੇ ਸੋਸ਼ਲ ਮੀਡੀਆ 'ਤੇ ਭੜਾਸ ਕੱਢੀ ਹੈ। ਉਨ੍ਹਾਂ ਨੇ 'ਸਸਤੀ ਕਾਪੀ' ਕਹਿੰਦਿਆਂ ਇੰਸਟਾਗ੍ਰਾਮ ਸਟੋਰੀ 'ਤੇ ਇੱਕ ਲੰਬਾ-ਚੌੜਾ ਨੋਟ ਲਿਖਿਆ ਹੈ। ਉਨ੍ਹਾਂ ਨੇ ਕਿਹਾ, "ਇੱਕ ਸਸਤੀ ਕਾਪੀ ਆਪਣੀ ਆਉਣ ਵਾਲੀ ਬੀ-ਗ੍ਰੇਡ ਫ਼ਿਲਮ ਦੇ ਪ੍ਰਮੋਸ਼ਨ ਵਿੱਚ ਲੱਗੀ ਹੈ ਪਰ ਹਮੇਸ਼ਾ ਦੀ ਤਰ੍ਹਾਂ ਮੀਡੀਆ ਵਿੱਚ ਚਰਚਾ ਦਾ ਮੁੱਖ ਵਿਸ਼ਾ ਕੰਗਨਾ ਰਣੌਤ ਹੀ ਹੈ। ਅੱਜ ਤਾਂ ਉਨ੍ਹਾਂ ਨੇ ਬੇਸ਼ਰਮੀ ਦੀਆਂ ਸਾਰੀਆਂ ਹੱਦਾਂ ਪਾਰ ਕਰਦਿਆਂ ਮੇਰੇ ਮਾਤਾ-ਪਿਤਾ ਅਤੇ ਮੇਰੀ ਪਰਵਰਿਸ਼ ਦਾ ਮਜ਼ਾਕ ਉਡਾਇਆ।"

ਤਾਪਸੀ ਦੀ ਪਰਵਰਿਸ਼ 'ਤੇ ਚੁੱਕਿਆ ਸਵਾਲ

ਕੰਗਨਾ ਰਣੌਤ ਨੇ ਅੱਗੇ ਕਿਹਾ, "ਮੇਰਾ ਮੰਨਣਾ ਹੈ ਕਿ ਹਰ ਮਾਤਾ-ਪਿਤਾ ਆਪਣੀ ਤਰਫੋਂ ਪੂਰੀ ਕੋਸ਼ਿਸ਼ ਕਰਦੇ ਹਨ ਅਤੇ ਮੈਂ ਕਦੇ ਵੀ ਕਿਸੇ ਬਹਿਸ ਵਿੱਚ ਮਾਤਾ-ਪਿਤਾ ਨੂੰ ਨਹੀਂ ਘਸੀਟਦੀ ਪਰ ਅੱਜ ਮੈਂ ਉਸ ਦੇ ਮਾਤਾ-ਪਿਤਾ ਤੋਂ ਵੀ ਪੁੱਛਣਾ ਚਾਹੁੰਦੀ ਹਾਂ ਕਿ ਉਹ ਮੇਰੇ ਮਾਤਾ-ਪਿਤਾ ਵਾਂਗ ਕਿਸੇ ਓਰਿਜਨਲ ਇਨਸਾਨ ਨੂੰ ਜਨਮ ਕਿਉਂ ਨਹੀਂ ਦੇ ਪਾਏ? ਕਿਉਂ ਇੱਕ ਸਸਤੀ ਕਾਪੀ? ਤੁਹਾਡੀਆਂ ਕੋਸ਼ਿਸ਼ਾਂ 'ਤੇ ਤਰਸ ਆਉਂਦਾ ਹੈ।"

ਕੀ ਹੈ ਤਾਪਸੀ ਅਤੇ ਕੰਗਨਾ ਦਾ ਵਿਵਾਦ?

ਸਾਲ 2019 ਵਿੱਚ ਤਾਪਸੀ ਨੇ ਕੰਗਨਾ ਦੀ ਇੱਕ ਫ਼ਿਲਮ ਦੇ ਟ੍ਰੇਲਰ ਦੀ ਤਾਰੀਫ਼ ਕੀਤੀ ਸੀ ਪਰ ਉਸ ਵਿੱਚ ਉਨ੍ਹਾਂ ਦਾ ਨਾਮ ਨਹੀਂ ਲਿਆ ਸੀ। ਇਸ ਤੋਂ ਬਾਅਦ ਕੰਗਨਾ ਦੀ ਭੈਣ ਰੰਗੋਲੀ ਨੇ ਤਾਪਸੀ ਨੂੰ 'ਸਸਤੀ ਕਾਪੀ' ਕਿਹਾ ਸੀ। ਇੰਨਾ ਹੀ ਨਹੀਂ, 2020 ਵਿੱਚ ਨੇਪੋਟਿਜ਼ਮ 'ਤੇ ਗੱਲ ਕਰਦਿਆਂ ਕੰਗਨਾ ਨੇ ਤਾਪਸੀ ਨੂੰ ਬੀ-ਗ੍ਰੇਡ ਅਦਾਕਾਰਾ ਵੀ ਕਿਹਾ ਸੀ। ਇੱਥੋਂ ਹੀ ਦੋਵਾਂ ਵਿਚਕਾਰ ਜ਼ੁਬਾਨੀ ਜੰਗ ਸ਼ੁਰੂ ਹੋ ਗਈ ਸੀ।